16/09/2026
لو إنت داخل الجامعة البوست دا ليك .
يمكن من برة الموضوع يبان شكلو بسيط :
نجحت الحمدلله في الشهادة → حتقدم وتتقبل في الجامعة → تبدأ الدراسة .
لكن الواقع إنو في رحلة كاملة بين الخطوات دي ماف زول حيديك ليها دليل استخدام 😅
فجأة حتلاقى نفسك مسؤول عن وقتك ، دراستك ، علاقاتك ، قراراتك ، والمهارات العايز تتعلما .
وممكن السنة الأولى كلها تمر عليك وإنت بتحاول تفهم " أنا مفروض أعمل شنو هنا ؟ "
وكمان ممكن تشوف ناس كتيرة حواليك بدو كورسات ، اتعلمو مهارات ، دخلو أنشطة واكتفيتي وكونو علاقات .
وهنا حيجيك إحساس إنك متأخر .
وإنت أصلاً ما محتاج تكون عارف كل حاجة من البداية .
كل المحتاجو هو إنك تبدأ صح .
وعشان كدا عملنا :
🎓 أول خطوة
ورشة للطلاب المقبلين على الجامعة حنتكلم فيها عن البداية الحقيقية للمرحلة دي :
° شنو المختلف بين مرحلة المدرسة والجامعة ؟
° كيف تبدأ تنظم وقتك ؟
° كيف تذاكر بي ذكاء وتجيب معدلات عالية ؟
° كيف تستفيد من الجامعة في كل نواحي حياتك ما بس في الدراسة ؟
° شنو المهارات الممكن تبدأ فيها من بدري ؟
° وكيف تخلي سنوات الجامعة تكون أكتر من مجرد شهادة ؟
والأهم .
حنخليك تفكر وتعرف إنت عايز تعمل شنو في الأربعة أو خمسة سنين الجاية وشنو أول خطوة ممكن تبدأ بيها .
ما مطلوب منك تكون عارف مستقبلك كلو .
بس كمان ما تخلي أول سنة تمر وإنت لسة في إنتظار إنك تعرف حتعمل شنو .
ابدأ من أسي 🤍
لو مهتم تحضر ورشة أول خطوة رسل لي " أول خطوة 🎓"
وحنرسل ليك التفاصيل 💛
