Amna

Amna ”A woman discovering daily rest and personal growth"
بتكلم عن أي حاجة تفيدك 🌸
صانعة محتوى UGC .
(1)

قربنا نخلص إمتحانات وأنا جاهزة للمحتوى المختلف تماماً في التطوير سواء علي المستوي الشخصي أو الأكاديمي لكن السؤالهل إنتو ...
11/06/2026

قربنا نخلص إمتحانات وأنا جاهزة للمحتوى المختلف تماماً في التطوير سواء علي المستوي الشخصي أو الأكاديمي
لكن السؤال
هل إنتو جاهزين ؟

09/06/2026

الواحد بيندم علي إنو عمل ولا م عمل ؟

30/05/2026

لما تكون مصاحب ناس سلبية ف إنت حتتعدي منهم وتكوني
سلبي زيهم

وجودك في وسط مجتمع بيكسر مقاديفك ما حيخليك تمشي خطوة لقدام

أول خطوة في نجاحك هو إنك تغير البيئة الإنت فيها

أقعد مع ناس من نفس المستوى العايزة تصلي ليهو

صاحب أشخاص طموحهم زيك

خليك حريص علي متابعة الناس الايجابية البتدعمك وترفعك وتطورك

أعتقد أصعب حاجة في القراية ما القراية نفسها ولكن في القعاد ليها ..والحاجة دي ما بس في المذاكرة لا ..كل شئ إنت عايز تعملو...
29/05/2026

أعتقد أصعب حاجة في القراية ما القراية نفسها ولكن في القعاد ليها ..

والحاجة دي ما بس في المذاكرة لا ..
كل شئ إنت عايز تعملو أصعب خطوة فيهو هي أول خطوة ..
المشكلة بتبقى ما في الحاجة زاتا بل حتواجهك مشكلة كيف تبدأ ..

عايز تقرا ؟
ما صعب بس البقعدك للقراية زاتا شنو ..
عايز تحقق هدف معين ؟
أسهل شئ في الحياة بس إنت كيف تاخد الخطوة الأولى وتبدأ ..

ف عشان كدا نصيحتي الأولى والدائمة هي أبدا ..
أخد الريسك وأرمي نفسك ..
عايز تعمل دايت
أبدا من اسي ..
عايز تخوض تجربة جديدة
ارمي نفسك جوة خضم التجربة ..
عايز تأسس بزنس
ما تنتظر ولا دقيقة زيادة ابدا طوالي ..

لما تاخد الخطوة الأولى براك حتعرف وتحس قدر شنو إنت كنت مصعبا علي روحك ..
وقدر شنو المواضيع كانت سهلة والخطوات سلسة بس إنت كنت معمي بي خوفك ..
ولما أتزال الغشاء دا من عيونك بديت تشوف الصورة اوضح وأسهل ...

29/05/2026

من أكتر الحاجات اللي بتستهلك وقتك وبتخليك ما قادر تنجز

° إدمان السوشيال ميديا
° عدم التركيز بسبب السهر
° ماف خطط واضحة
° الكسل والمماطلة

في الكومنتات شاركوني بأكتر حاجة مضيعة وقتكم ✨

ولو حابين تشوفو بوستات عن التطوير الذاتي ، كتابة المحتوى والفريلانسر أعملو فولو للأكاونت 😌

26/05/2026

لو عملت تحدي وخلال التحدي دا حأساعدك تنضبطي وتثقي بي نفسك وتنظمي وقتك وتبدي البزنس بتاعك وتسوقي ليهو وتبطلي تسويف وتستمري ..

هل حتخشي معاي التحدي دا ولا لا ؟

جاوبي يمكن تكون دي فرصتك 🔥

26/05/2026

شنو الحاجة اللي كل الناس شايفاها عادية لكن إنت م قادر تتقبلا ؟

لما قررت أعتمد لايف ستايل صحي هدفي الأول والأخير كان صحتي ، وإني أستثمر فيها وأحافظ عليها وأعمل كل شئ بيدعما ويخليني أح...
25/05/2026

لما قررت أعتمد لايف ستايل صحي هدفي الأول والأخير كان صحتي ، وإني أستثمر فيها وأحافظ عليها وأعمل كل شئ بيدعما ويخليني أحسن وافضل وأصح .

نويت وقررت بس كان التنفيذ صعب ..
زي تفكير كل الناس ..
الحياة الصحية غالية
لما يجي الوقت المناسب ..
لما اصل لي كذا وأكون كذا حتى ابدا ..

وحقيقي التأخير دا كان خصماً علي أنا صحياً ونفسياً ومن هنا أخدت القرار النهائي حيث لا رجعة ..

ما عايزة أتغير بين يوم وليلة ولا أبدا بي مثالية شديدة لا ..
كل الحأعملو هو خطوات بسيطة ، صغيرة لحدي ما الموضوع يبقى أسلوب حياة ..

والليلة كان اول يوم تنفيذ ..
بديت بي اقل حاجة
وشوية شوية حأدخل حاجات صغيرة وبسيطة واستمر عليها ..

أنا أوريدي مقللة سكر ..
ف بديت خطوة جادة في القطع ..
باكل عيش ودهون غير صحية وبجوط وبسوط ..
بس حأستمر لكن حأقلل مع الوقت ..
وك بداية الليلة فطوري كان بي عيش أقل ..
أكلت نص الكمية اللي كنت باكلا مسبقا وحبة حبة لحدي اقطع العيش ..

الغدا كان سلطة عادية " طماطم ، خيار ، جذر ، جرجير ، زبادي ورشة فلفل وملح وعصرة ليمون "

لأني بحب السلطة عشان كدا دخلتها في أكلي وحأعتمدا فطور تاني مع إضافات ووصفات مختلفة عشان تكون مشبعة ومتوازنة ..

أنا طبعاً جويعة ف ما عارفة لسة حأعمل شنو " الليلة م حسيت بي جوع لاني كنت اغلب اليوم برة " ، ممكن يكون في سناك خلال اليوم ..

الموية حألتزم بي 4 لتر يومياً بإذن الله + عصير البنجر أو الكركدي بالقرنفل

الرياضة ح أعمل تمارين مقاومة 3 مرات في الاسبوع + مشى كل يوم .

م صورت حاجة بس حأشارك معاكم الصور في الايام المقبلة ..

الليلة هدفي كان 5000 خطوة بس أسي إنصدمت لما لقيت نفسي ماشة فوق ال 8000 وهذا إنجاز لو تعلمون عظيم 💚

عارف شنو أغبى حاجة إنت بتعملا وبتسرق منك عمرك وبتضيع عليك فرص كتيرة ؟الحاجة هي الإنتظار..تنتظر المكتب الجديد عشان تبدأ ت...
22/05/2026

عارف شنو أغبى حاجة إنت بتعملا وبتسرق منك عمرك وبتضيع عليك فرص كتيرة ؟

الحاجة هي الإنتظار..

تنتظر المكتب الجديد عشان تبدأ تطوير نفسك وكورساتك ..

تنتظر القروش تتوفر ليك عشان تبدأ دايت او تدريب أو حتي بزنس ..

تنتظر تجهز أدوات كاملة عشان تبدأ محتوى ..

تنتظر الوقت المناسب عشان تتعلم لغة جديدة ، تكتسب مهارة .. الخ .

الإنتظار دا ما بس حيضيع عليك فرص بل كمان حيخليك ثابت في نفس محلك بالضبط وعن تجربة..

أنا كنت زيك ما بعمل حاجة غير إني انتظر وبسبب العادة دي ضيعت حاجة كتيرة من يدي ..

بس مؤخراً أخدت عهد مع روحي وقررت إنو كفاية ..

كفاية تضييع وكفاية وقت رايح علي الفاضي وكفاية إنتظار ..

وبالفعل
بديت البراند بتاعي الجديد
عملت البيدج اللي حأشارك معاكم فيها محتوى تطويري ..
بديت لاين بزنس جديد
وحاربت حاجة إسمها إنتظار تاني ..

وأنتو لسة منتظرين ولا بديتو ولا قررتو شنو ؟

التطبيق دا حقيقي أرهب إختراع ممكن تعتمدوه في مذاكرتكم ..إسمو notebook lm ممكن تنزلوه ك تطبيق في التلفون او تدخلو الموقع ...
21/05/2026

التطبيق دا حقيقي أرهب إختراع ممكن تعتمدوه في مذاكرتكم ..

إسمو notebook lm ممكن تنزلوه ك تطبيق في التلفون او تدخلو الموقع دغري

بترفع ليهو الملفات ، او المحاضرات سواء كان صوت او فيديو وهو بيترجما ليك ترجمة إحترافية وما بس كدا لا بيعمل ليك mindmaps ليها وأسئلة وبودكاست أو شرح ريكوردات ، ومخططات بيانية وبطاقات وكويزات تختبر فهمك ..

والحلو إنو بيعتمد الملف الإنت رفعتو ليهو ك مصدر بدون زيادة أو نقصان
يعني م بيجيب ليك أي تفاصيل أو دروس برة من ملفك دا خالص
وبيعمل ليك كويزات منها وأنفوجرافيك وشرح وغيرو ..

حاسين إنو التطبيق دا حيكون مفيد ليكم ؟

Address

Cairo

Opening Hours

Monday 9am - 5pm
Tuesday 9am - 5pm
Wednesday 9am - 5pm
Thursday 9am - 5pm
Saturday 9am - 5pm
Sunday 9am - 5pm

Website

Alerts

Be the first to know and let us send you an email when Amna posts news and promotions. Your email address will not be used for any other purpose, and you can unsubscribe at any time.

Shortcuts

Share

Category