Yusuf Awad يوسف عوض

Yusuf Awad يوسف عوض no bio yet..

يكتب...قال تعالى:{لا يكلف الله نفسا الا وسعها}الانسان عندو قدرة تحمل عالية وفي نفس الوقت بسيطة, حتقول لي شنو التناقض دا ...
17/09/2025

يكتب...

قال تعالى:{لا يكلف الله نفسا الا وسعها}

الانسان عندو قدرة تحمل عالية وفي نفس الوقت بسيطة, حتقول لي شنو التناقض دا صاح؟؟؟ تعال اوريك كيف...

يا صديقي انت مرات بتمر بفترات صعبة صعبة صعبة شديد وتكاد انك ما قادر تتحمل البحصل معاك دا

لكن لكن لكن بتصبر وتتوكل وفجاة تلقا الدنيا فتحت من حيث لا تحتسب, صدفة؟ اكيد لا; امتحان؟ مية في المية ايوا; بس مرة فكرت في المشاكل بمنظور تاني

يعني مرة فكرت انت كيف قدرت تتحمل وتتجاوز المشكلات والمصاعب دي...

المشكلة الانت فيها, الابتلاء الماري بيه, المصاعب البتواجها, حالات الضعف والحزن, كلها حاجات ربنا عالم بيها, وربنا ما بحملك فوق طاقتك الا وهو عارف انك حتتقدر للابتلاء.

قال تعالى: {و ان ليس للانسان الا ما سعى○وان سعيه سوف يرى○ثم يجزاه الجزاء الاوفى} الكورس دا خبر قديم لكن الحمدلله اني اخد...
21/08/2025

قال تعالى: {و ان ليس للانسان الا ما سعى○وان سعيه سوف يرى○ثم يجزاه الجزاء الاوفى}
الكورس دا خبر قديم لكن الحمدلله اني اخدته🤍

مؤمن بفكرة (اي حركة فيها بركة) كل ما تتحرك وتسعى ربنا ببارك ليك سعيك وبكتب ليك التوفيق.

ف جيت ونزلت كورس الطاقة الشمسية من شركة Eco Egypt-Engineering Consulting Org وكان محتواه دسم و عميق.

اتعرفت على: الألواح الشمسية و انواعها، وعامل الفقد زي الظل و الاتربة وغيرها، اتعرفت على أنواع الانفيرترات وطريقة توصيلها.

اتعرفت على أنواع أنظمة الطاقة الشمسية من (on grid - off grid - Pumping )

اشتغلنا على الlow voltage و الmeduim voltage, وصممنا أنظمة باستخدام (SketchUp - PVsyst - AutoCAD )

وعرفت كيف احسب الطاقة الكلية الشهرية والسنوية للمحططات وكيف اوصل لنقطة الMPPT.

وحاجات وتفاصيل كتيرة ربنا اكرمنا ودرسناها عسى ولعل تكون علم نفع بيه نفسنا وننفع غيرنا.

سلام Peace 🤍

01/08/2025

🕰️ "كنت فاكر إنو الجمعة مجرد عطلة... لحد ما فهمت حقيقتها."

قبل فترة، كان يوم الجمعة بالنسبة لي مجرد استراحة من الشغل أو الدراسة. يا اما أنام زيادة، أضيع الوقت، وأستنى السبت عشان أرجع أركض تاني.

لكن مع الضغط المستمر، بدأت أحس إن حتى العطلة ما بقت بتكفيني. تعبان، مشغول ذهنيًا، وكل أسبوع بيبدأ بنفس التوهان.

لحد ما قررت أغيّر نظرتي ليوم الجمعة.
بدل ما يكون يوم هروب من الحياة، خلّيتو يوم رجوع لنفسي.
صلاة الجمعة بقت مساحة للسكينة والتأمل. الوقت اللي بعد الصلاة خصصتو لمراجعة الأسبوع، كتابة أفكاري، والتخطيط برواقة. بقيت أسمع حاجة مفيدة، أزور ناس، أو حتى أقعد مع نفسي بدون تشتت.

النتيجة؟
أسبوعي بقى يبدأ بنشاط أكترو توتر أقل، وتركيز أعلى.
ما لأن الجمعة اتغيّرت… لأني أنا الاتغيّرت.

💬 لو كنت بتشعر إنك مضغوط طول الوقت، جرّب تبدأ من يوم الجمعة.
مش لازم تعمل حاجات كبيرة… بس راجع نفسك. اسأل: “أنا ماشي كيف؟ وعلى وين؟”
شارك تجربتك مع يوم الجمعة… يمكن تلهم شخص تاني يغيّر نظرته.

#

26/07/2025

🔻 ما كل شي يعجبك لازم تعمله! 🔻
الإعجاب ما مبرر، والرغبة ما دليل، والشعور اللحظي ما معيار.

في زمنا دا كل شي مفتوح، وكل صوت بيقول "اتبع قلبك"،
نحن بنقول:
"اتبع أمر ربك"

في حاجات ظاهرها بريق… لكن حقيقتها ظلام.
ربنا ما منعك منها عشان يحرمك،
منعك عشان يكرمك ويحميك.

🎯 مثلا

بتلقى علاقة بدأت بـ "سؤال بسيط" في الخاص… وبعدها الموضوع يمشي في الحرام.

محتوى "مثير" بيطلع ليك في السوشيال… تتردد، لكن تشوفو، وبعدها قلبك يثقل وصلاتك تتأخر.

وظيفة مغرية، لكن فيها شبهة ربا أو بيع وهمي أو تسويق كاذب… وتقول: "كل الناس بتعمل كدا".

تجمع شبابي أو مناسبة، فيها مخالفات شرعية، وعايز تمشي بس عشان "الناس كلها هناك".

كل دي لحظات فيها مفترق طرق.
فيها صراع بين "أنا عايز" و"ربنا قال لا".

والمؤمن الحق هو الزول البيختار رضا ربنا حتى لو على حساب هواه.

قالوا للجيل الأول:
"إذا سمعنا قول الله، نقول: سمعنا وأطعنا، غفرانك ربنا وإليك المصير."
ما قالوا "خليني أفكر"، ما قالوا "لكن حسّيت"، قالوا: "أطعنا".

📌 تذكّر:
رضا الناس متقلب، رضا نفسك مؤقت، لكن رضا ربك أبدي.
الطريق البيبدأ بـ "سمعنا وأطعنا" بينتهي بجنة عرضها السماوات والأرض.

22/07/2025

صاحبي بيقول لي:
"أنا دايمًا بتعامل مع الناس على إنهم طيبين، نضاف، فيهم خير.. وبحسن الظن في أي زول، مهما كان."

سكت شوية، و قال: "لكن في نفس الوقت، عمّري ما اعتمدت على زول. كنت دايمًا شايل نفسي بنفسي، عامل حساب كل حاجة، كأنه مافي زول في الدنيا دي ممكن يسندني."

الكلام دا علّمني حاجة عجيبة..
إنه مافي تعارض بين إنك تحسن الظن في الناس، وتشوف فيهم كل الخير، وتدّيهم مساحة يعبّروا فيها عن طيبتهم،
وفي نفس الوقت، تبني نفسك كأنك وحيد في المعركة. كأنك ما منتظر دعم، ولا سند، ولا إنصاف.

وقتها بس، بتكون واقعي وقوي.. بتوزن الأمور بميزان عدل:
خير الناس فضل، لكن قوتك فرض.
ثقة الناس رزق، لكن اعتمادك على ربك ونفسك أمان.

إنت ما مطالب تكره، ولا تتوجّس، ولا تسيء الظن،
لكن مطلوب منك تكون واعي، تقرأ المواقف بعين صاحية، وقلب نضيف..

وتجهّز نفسك لكل احتمال، عشان ما تنكسر لو خذلوك،
وما تتكبّر لو وقفوا معاك.

فا
أحسن الظن في الناس وكأن كل الخير فيهم،
واعتمد على نفسك كأنه لا خير في الناس.

قبل فترة، كنت بتعامل مع Excel وكأنو برنامج "حسابات" بتاع ناس محاسبة وكدا، ما كنت شايفو غير جدول وخانات ومعادلات معقدة.لك...
05/07/2025

قبل فترة، كنت بتعامل مع Excel وكأنو برنامج "حسابات" بتاع ناس محاسبة وكدا، ما كنت شايفو غير جدول وخانات ومعادلات معقدة.

لكن كل دا اتغير لما قررت أخد خطوة بسيطة: أسجل في كورس عملي على Coursera بعنوان "كيف تبدأ بتعلم Microsoft Excel".

أول يوم في المشروع؟ حسيت إني دخلت عالم تاني.
اتعلمت كيف تنظم البيانات بطريقة مرتبة، وكيف الجدول البسيط ممكن يساعدك تفهم أرقامك بوضوح.

بدأت أستخدم الجداول، الترتيب، الفلاتر، وتنسيق المعلومات بطريقة تخليها مفهومة وسهلة الاستخدام…

أجمل حاجة في الكورس؟
ما كان نظري. كان تطبيقي 100%. كل خطوة بتعملها بنفسك، ودا خلى المعلومة تثبت وتتحول لأداة عملية بستخدمها يوميًا.

النتيجة؟
أنجزت المشروع، وخدت الشهادة، والأهم: بقيت بشوف Excel كأداة ذكية بتخدمني، مش كبرنامج معقد.

📌 لو إنت في بدايتك مع Excel، أو حتى بتعرفو لكن ما استخدمتو عملي… أنصحك تجرب الكورس دا.

كنت دايمًا شايف إنو أي زول يلقى شغل عن طريق معارفه، معناها "واسطة".وإنو دا ظلم للناس المتفوقة، والتعبت في قرايتها، والسه...
02/07/2025

كنت دايمًا شايف إنو أي زول يلقى شغل عن طريق معارفه، معناها "واسطة".

وإنو دا ظلم للناس المتفوقة، والتعبت في قرايتها، والسهرت الليالي عشان تلقى فرصة شغل.

لكن شُفت منشور قبل فترة...
كلام بسيط، لكن غيّر طريقة تفكيري تمامًا.

قال:
"في فرق كبير بين الواسطة... والعلاقات. الواسطة مرات ممكن توصلك، لكن العلاقة المبنية على ثقة وكفاءة، بتوصلك وتخليك تستمر."

[الكلام دا فعليًا دخل راسي، وخلاني أراجع نظرتي للموضوع من جديد]

طيب الفرق شنو الحقيقي بين الواسطة والعلاقات؟

🔹 الواسطة:
مرات ممكن توصلك بسرعة،
لكن لو ما كنت جاهز فعلاً،
أي ضغط بسيط بفضحك، وسرعة الوصول بتتحول لعبء.
وما في ضمان إنك تستمر، لأنك دخلت من غير أساس قوي.

🔹 العلاقات:
بتتبني على مدى بعيد.
بالثقة، بالشغل الجاد، وبالمواقف الحقيقية.
الناس بتشوفك، تعرفك، وتثق فيك.
فلما يرشحوك، بيرشحوك عن قناعة، مش مجاملة.

ليه دا مهم؟
لأن الفرص بقت قليلة، والمنافسة شديدة.
والموضوع ما بقى كفاءة وبس... بقى كفاءة + ظهور.

▪ الناس بتشتغل مع الناس البتعرف إنها مؤهلة.
▪ كلمة كويسة من زول واثق فيك ممكن تفتح ليك باب.
▪ ولو ما بتتكلم عن نفسك، ولا ظاهر... ببساطة، ما حتكون في الصورة.

📌 الكفاءة بدون ظهور = تهميش.
والظهور بدون كفاءة = سقوط سريع.

▪︎ العلاقات بتوصلك، والكفاءة بتخليك تستمر.
خلّي الناس تعرفك، اتكلم عن شغلك، شارك أفكارك،
وادعم غيرك زي ما بتحب تلقى دعم.

السوق دا ما للناس الساكتين...
السوق دا للناس البتتحرك، البتجرّب، والبتبني بصمت أو بصوت.

رأيك شنو إنت؟
هل فعلاً العلاقات ممكن تفتح فرص حقيقية؟

#علاقات #واسطة #كفاءة #شغل

"كل الناس بتحتفل ببداية السنة… بس القليلين بس البغيروا فعلاً."أول ما السنة الهجرية تبدأ، الناس بتنزل بوستات محفوظة:"كل س...
26/06/2025

"كل الناس بتحتفل ببداية السنة… بس القليلين بس البغيروا فعلاً."

أول ما السنة الهجرية تبدأ، الناس بتنزل بوستات محفوظة:
"كل سنة وانتو طيبين"، "اللهم اجعلها سنة خير"…
لكن خلينا نسأل نفسنا سؤال واحد:

إنت ناوي تبدأها كيف؟
بنفس القلب؟ بنفس الذنوب؟ بنفس المسافة بينك وبين ربك؟

الهجرة ما كانت بس مشي من مكة للمدينة،
كانت انتقال من ضيق الدنيا لوسع الإيمان،
من خوف إلى طمأنينة، من التعلق بالناس…
للتوكل على رب الناس.

↩️ ترجع لنفسك… ترجع لصلاتك… ترجع لربك.

السنة الجديدة ما بداية رزق بس،
هي بداية توبة،
بداية توازن،
بداية نية خالصة بينك وبين ربك.

💡 خت ليك نية مع أول يوم:
– نية إنك تصلي على وقتك
– نية إنك تبعد من الحرام
– نية إنك تخفف الغفلة
– نية إنك تحب الله أكتر من أي حاجة تانية

السنة دي ممكن تكون النقطة الفيها ربنا يفتح ليك،
يرزقك راحة ما حسيت بيها قبل،
ويهديك لخطوة تغيّر مستقبلك كله.

📿 فابدأها بـ"الهجرة إلى الله"
مش بالكلام… بالأفعال الصغيرة، بالنية الصافية، وبالقلب اللي عايز يتغيّر بحق.

و كل عام وانتم بخير.

Address

Cairo
Giza

Website

Alerts

Be the first to know and let us send you an email when Yusuf Awad يوسف عوض posts news and promotions. Your email address will not be used for any other purpose, and you can unsubscribe at any time.

Shortcuts

Share

Category