30/12/2025
Se es artista, seguro que algunha vez te preguntaches: “Doume de alta por libre ou fago o bolo con Nume?” Pois aquí vai unha comparativa rápida e sen rodeos.
Se traballas con Nume, esqueces os papeis: facémoste a alta na Seguridade Social como músico/a, enviamos a factura, cubrímoste cos seguros obrigatorios (RC e prevención de riscos), e ademais enviámosche os informes de retencións cando os precises. Ti só te centras en facer o teu traballo artístico.
Se es autónomo/a, tes que facelo todo pola túa conta: alta, facturas, pagos de seguros, presentacións a Facenda… É unha opción válida, claro que si, pero require tempo, organización e unha cota mensual (meses con bolo... e sen el tamén).
Sabemos que todo ten os seus pros e os seus contras, pero vivir un pouco máis despreocupado da parte burocrática tamén está MOI ben, non si?
