13/07/2025
سمع ابنتي و اولدي هادي 👇
ديما خاصك تقبل مك كيفما هي عمرك تحاول تحبسها ولا تسكنها ولا تحاسبها على شي فعل دارتو ولا شي حاجة قالتها....
الأم اولدي مكتحاسبش وعمرك تحسسها بالذنب ولا تحاول تربيها ولا تبدل ليها هضرتها وتصرفاتها.
دافع عليها متخلي حتا واحد يضحك عليها ولا ينقص منها مخاصهاش تحس بالإحباط نهائيا.
هاديك الأم نتا مشفتيش اش دوزات ومعارفس اش داز عليها مسكينة باش وصلات لهاد المرحلة.
الأم دوزات بزاف ديال المراحل بزاف ديال المشاكل بزاف ديال الابتلاءات وبزاف ديال الهموم باش نت تولي راجل سيد رجال وباش نتي تولي مراة لالة العيالاات.
متكبرش فيها فلوسك ولا الاهتمام ديالك ولا وقت من الأوقات ديالك هي كلشي وهي عمارة الدار وهي الأولى بوقتك وفلوسك عطيها لي بغات وخا يكون عندها فلوس.
والا كانت عيانة شي نهار جري بيها ومتخلي بيها حتا طبيب داويها خسر عليها الفلوس وكون اكيد غيرجعو لك نت معاقلش نهار كنتي تمرض نعاس مكانش تشوفو ليل كامل 💔
الأم سبق من الزوجة وسبق من لولاد واخا تكون مزوج عشرين عام وعندك ربعة لولاد الأم حسن منهم وسبق منهم. لولاد والمرأة كيتعوضو الأم لا الا مشات عمرها ترجع 💔
أوصيكم تهلاو فيها تهلاو فيها تهلاو فيها حيت الا مدرتيش لي عليك دبا غتندم فاش غدرق عليك واحد نهار.....
تعيش لي عاشت غتمشي عليك غتمشي لهادا استغل الوقت معاها وكون مرضي كوني مرضية ❤️
الأم تستاهل مليون قلب ❤️
