09/09/2025
Pireezidaantiin Mootummaa Naannoo Oromiyaa fi Ministirri Raayyaa Ittisa Biyyaa duraanii Lammaa Magarsaa (Ph.D) Hidhi Haaromsaa Guddichi xumuramuu isaatti gammaduu ibsan.
Lammaa Magarsaa (Ph.D) ibsa OMNf erganiin, “Hirmaannaa fi carraaqqii lammiilee Itiyoophiyaa hundaan Hidhi Haaromsa Guddicha Itiyoophiyaa xumuramuu isaatiin baga gammaddan, baga gammadne” jedhan.
“Kun hidha seena qabeessa Itoophiyaanonni hundi, xiqqaa hanga guddaa: hiyyeessa irraa kaasee hanga dureeyyiitti, hidha kana ijaaruuf hamma danda’e hunduu gumaachuun ashaaraa isaa itti kaa'eedha” kan jedhan Lammaa Magarsaa, “Mallattoo tokkummaa keenyaati. Faayidaa kallattiin hidha kana irraa argannu bira darbee, wanti seena qabeessa ta’e, lammiileen Itoophiyaa hundi tokko ta’anii, waliin ta’uun waan hin danda’amu jedhamee yaadamu hojjechuuf kan danda'an ta'uu isaaniiti” jedhaniiru.
Kunis Itoophiyaanoonni yeroo waliin hojjetan seenaa hojjechuu akka danda’an kan agarsiisu akka ta'e himaniiru.
Kanaaf Itoophiyaanonni hundi yeroo hunda tokkummaan isaanii bu’uura injifannoo isaanii akka ta’e hubachuun, Itiyoophiyaa fooyyoftuu egereef tokkummaa isaanii eeggachuu fi cimsuu qabu jedhan.
Hoggantootaa fi ogeeyyii milkaq'ina hidhichaaf gumaacha taasisanis galateeffataniiru.
“Eebba Hidha Haaromsaa kanaa cinatti, lubbuu lammiilee keenya guyyaa guyyaan badaa jiru, dhiiga dhangala’aa jiruu fi haadha boohaa jirtu, walumaagalatti nagaa fi tasgabbii biyyattiif dhaabbannee yaadnee furmaata barbaaduuf waliin hojjechuu qabna” jedhan Lammaa Magarsaa. Imaltuu jireenya
