Ethio Press

15/08/2026

13/08/2026

30/07/2026

"ሰራዊቱ በሰራው ህግ የማስከበር ሥራ የታሪካዊ ጠላቶቻችንን ዕቅድ ማክሸፍ ተችሏል" - ሌተናል ጀኔራል መሐመድ ተሰማ

የምሥራቅ ዕዝ ዋና አዛዥ ሌተናል ጀኔራል መሐመድ ተሰማ ከምዕራብ ጎጃም ዞን አስተዳደር የስራ ኀላፊዎች ጋር ዞኑ ባከናወናቸው የህግ ማስከበር ሥራዎች ላይ ውይይት አካሂደዋል።

በውይይቱ ወቅት በቀጣይ በጋራ በሚከናወኑ ሥራዎች ላይ የሚያግዙ አቅጣጫዎችም ተቀምጠዋል።

በመድረኩ የ302ኛ ኮር ዋና አዛዥ ብርጋዴር ጀኔራል መላኩ ገላነህን ጨምሮ ሌሎች ከፍተኛ የጦር መኮንኖችና የፖለቲካ አመራሮችም ተገኝተዋል።

የምሥራቅ ዕዝ ዋና አዛዥ ሌተናል ጀነራል መሐመድ ተሰማ ክልሉ በ2015 ዓ.ም ገጥሞት ከነበረው የሰላም እጦት ችግር ተላቆ ሰላምን በአስተማማኝ ደረጃ ላይ እያጸና መሆኑን ገልጸዋል።

የፌዴራል ተቋማትና የክልሉ የጸጥታ ኃይሎች በቅንጅት በሰሩት የህግ ማስከበር ሥራ የታሪካዊ ጠላቶቻችን፣ የባዕዳንና የባንዳ ዕቅድ መክሸፉን ገልጸዋል።

እንደ ዋና አዛዡ ገለጻ፣ የጸጥታ መዋቅሩ የጽንፈኛውን ኃይል አከርካሪ በመስበርና እግር በእግር ተከትሎ በመምታት የክልሉን ህዝብ ሰላም ለማረጋገጥ እየሰራ ነው። ጥምር የጸጥታ ኃይሉ በከፈለው ዋጋም ክልሉ በሁለት እግሩ ቆሞ ከክልል እስከ ወረዳ ድረስ መዋቅር መዘርጋቱን ገልጸዋል።

የኢትዮጵያ መከላከያ ሠራዊት ከክልሉ ህዝብና ከጸጥታ ኃይሎች ጋር በመቀናጀት የጀመረው የህግ ማስከበር ተልዕኮ አስተማማኝ ሰላም እስኪረጋገጥ ድረስ ተጠናክሮ እንደሚቀጥልም ገልጸዋል።

የምዕራብ ጎጃም ዞን ዋና አስተዳዳሪ አቶ ዕድሜዓለም አንተነህ በበኩላቸው፣ ጥምር የጸጥታ ኃይሉ የዞኑን ሰላም በአስተማማኝ ደረጃ ለማጽናት ሰፊ ሥራ መሥራቱን ገልጸዋል።

የዞኑ ህዝብ ለሰላምና ለልማት ያለው ፍላጎት ከፍተኛ መሆኑን የገለጹት አቶ ዕድሜዓለም፣ አስተዳደሩ አስተማማኝ ሰላም በማጽናት፤ ልማትንና መልካም አስተዳደርን በማስፈን የህዝቡን ሁለንተናዊ ብልጽግና ለማረጋገጥ በትኩረት እንደሚሰራ ገልጸዋል።

21/07/2026

20/07/2026

ምን ይላል? ተርጉምልኝማ!

13/07/2026