04/10/2026
Doolat Xisne-Ummattah Culan Yallay Xagana Kee Qokol Elle Yaqusbusenimi
Addis Ababa,Qunxa Garabluk 24,2019 (FMC) Itiyoppiya Taturte Milaagi Liggiditteh Addat Diplomasih Angaarwa Diggoysak Baaxoh Addak Qidaddo Milaagitte Assakat Le Gurraal Abtol Asisanam kee Aydaadule Agat Caddol Fayi Walalitte Gexsisak Mango Caagida Aracat Hayte.
Ta macal leedale agat xisoonuh rakiibo daffeeseeh baaxo qunxa garabluk 25 qusba doolat Xissimele.
Dimokraasih siirat xisak geytimta baaxo, Isi sarrimaanele xisoosa maqarrowtuh kaxxa macal abak geytimta.
Ceelalloh Agat Dooroh Bordi currik tan Demokrasi kee qadlinaanle dooro meqennal gexsiisoonuh xissimte xisoosa kee maqarle madqâ rakiibo xayyoosoonuh qagitaak xissiime.
Baaxo xaylok abinah gabat agle luk qadlinaan kee numma le dooro waktil takkuh rakisso ginaanam duudumteh. Taham ummattah dooro sandug addal abtah tan dooro siyaasâ madqah rakiibo kinnim qaddosse.
Gersi aydaadi kee demokraasih qaadah abnissoy assakat lem tamixxigem xiqtah tan Agat caddol fayi gudgud gexsiiseenimi. Fayi Gudgud salaam le walal xer waktih esseroorah gacsa kee baxaa baxsa le ayyuntih fanal ittalluk abit ginaanamak lafale gita kinnim diggooseh yan.
Qusba doolatih addal, siyaasâ partitte, doolat masquuliyyat edde anuk, sinni baaxoh ayfaf taceeh tan caalat ginnimtam, inkih tan siyaasâ dariifa ginak, qusba siyaasâ qaada dadlisaanamih asta kinni.
Xiinissô siiratal aamanti xisoonuh kaxxam faxximtah tan xiqsissoosa kinnih tan qaddos kee essertimiyya baarisaanamaay, tonnah kaadu xisoosa xisne maqarroosaanam qidaddo taamoomi kee ummattah ayfaafayitte taqabi sinnim gexsitak geytimtam xiqsisse.
Dimokraasi doolatih xissimte kaxxa kaxxa cugaysoosa kee daddos cugaysoosay qimbbimteeh, fooca fanah qimbiltu wayta taama aggiriq sinnim gaba kaltam xiqsissa.
Ityopiyal qusba doolat xissimta waqdi hinnay kaadu xiinissô tabaatabsa kee missos yakke waqdi ummattah aamanti kee qokol yadaareenim kee tonnah kaadu baaxol salaamaay, madqaa kee missoyna maqarrowtuh kee dadlissuh kaxxa cato le.
Qadli kee Amni Institutionitte Qadli sinnaay, Qaduuk kee Essertimiyyi Maqarroosak Meqe Xiinissoh Gita Fikkele.
Tah Saami Ginele Qusba Maduur Boliisitte Bicisuh Qadaaga Hangi, Iro Baaxoh Investementitte Hirigtam kee Baaxoh Addah Murtite Aydukumusaanam kee Tanih Tan Maqarosanam.
Sabhalal kee dadal le siyaasah dariifa baad caddol maaliyyah exxaaxi kee daddos waklentit geyteh tan qokol maqarrossuh kaxxa doori digirta.
Diplomaasih Angaaraw Qagitak Itiyyobiya Ayro Mawqah Afrika Kee Baad Caddol Leh Tan Istraateejik Kee Ardi Siyaasah Raat Osotinah Maqarroosele; toh kalah iroh tellemmoo kee wacaysir cayxi uguugusele.
Amolladih Qusba Doolat Xisne Doolat kee Ayyuntih Fayxi Yaqusbuseenimiiy, Waraye Sanootah Tunkuttube Daddos Aracittel Xisak Qimbimte Kaxxa Cugaysoosa Sebaleeh Ayfaf Fanah Culuselem kee Itiyyobiyak Baad Caddol Leh Yan Raat kee Ceelo Diggosele.
