http://Www.watershemanagment.org/

Ahmedover Ali, Project Street, Addis Ababa (2026)

27/11/2020

SHEEKADII DHEXMARTAY NINKII KALUMAYTAHA AHAA IYO CIRFIITKII SANDUUQ MAXBUUS KU AHAA
Cifriitkii ayaa yiray anigoo halkaan maxbuus ku ah kaagama sheekeyn karo ee iga fur oo iga bixi halkaan anigana waan kaaga sheekeyne waxaana igu ballan ah inaan waxba ku yeelin balse taas badalkeeda faa,iido kuu noqdo”
Laakiin odaygii uu ka diiday wuxuuna yiri hadaad markii h**e idhaafi laheyd dhibkaan dhan ma imaadeen marka anigana aamin kuguma qabo.
Cifriitkii ayaa markaas ubalan qaaday inuusan waxba yeeli doonin asigoo ugu dhaartay inuu faraha ka qaadi doono.
Markii ballantaas qaaday ayuu odaygii go,aansaday inuu ka furo meeshuu ku xirnaa asigoo ballantaas isku haleynaya wuuna ka furay, laakiin markuu jinkii meeshii kasoo baxay ayuu inta sanduuqii qabtay bada moolkeeda ku tuuray.
Odaygii kalluumeysatada ahaa ayaa isku naxay wuxuuna isdhahay tan calaamad kheyr leh ma ahan in la dilaayana wuu yaqiinsaday markaas ayuu cifriitkii ku yiri ” cifriityahow allaah wuxuu yiri ballanta hala oofiyo anigana waxaad iga ballan qaaday inaadan waxba iyeeli doonin ee iska key sii daa”
Markaaas ayuu cifriitkii qoslay wuxuuna ku yiri kalluumeysatadii isoo raac wuuna waday siduu uwaday ayuu wuxuu geeyay meel magaaladii ka baxsan oo ay ku taalo barkad biyo ku jiraan wuxuuna jinigii odaygii ku dhahay shabaqaaga barkadaan ku tuur wuuna ku tuuray mise waxaaba kasoo baxday afar kalluun oo kala midab ah kalluunkastana midab gooni ah ayuu wataa noocooda oo kalana horay uma uusan arkin, odaygii kalluumeysatada ahaa aad ayuu ula yaabay arintaas markaas ayuu cifriitkii yiri ” maalinkasta halmar shabaqaaga ku tuur wixii kuusoo baxana qaado kadibna boqorka magaalada kalluunkaas ugey wuxuu kaa siisan doona qiimo aad ufiicane qofna ha usheegin wixii na dhexmareay iyo meeshaan aad kaluunka ka dabataba”
Kadibna cifriitkii lugtiisa ayuu dhulka ku garaacay weyna kala dilaacday asigoona dhex galay.
Ninkii odayga ahaa sidii ayuu yeelay oo kaluunkii ayuu qaaday wuxuuna ugeeyay boqorkii magaalada kadibna boqorkii aad ayuu ula yaabay kalluunkaan cajiibka ah ee aan noociisa horay loo arkin wuxuuna amray in odaygii lacag fiican la siiyo sidii ayaana lagu siiyay, kadib boqorkii wuxuu kalluunkii udhiibay waziirkii dhanka cuntada qasriga uqaabilsan asigana wuxuu usii dhiibay jaariyad boqortooyada ku cusbeyd oo markaas uu boqorka roomaanka usoo hadiyeeyay.
Markaas ayay jaariyadii kalluunkii qaaday oo jigadii geysay markii ay dabkii saartay ayaa waxaa daaqada jikada soo istaagtay gabar jini ah oo aad ulabisan waxayna dhahday ” kalluunyahow wali ma ballantii ayaad kujirtaa??” markaas ayuu kalluunkii inta madaxa soo qaaday yiri HAA.
gabadhii jaariyada markey aragtay arintaas ayay suuxday.
Markaas ayay gabadhii markey soo naaxday aragtay kaluunkii oo gubtay iyadoo naxsan ayaa waxaa uyimid waziirkii wuxuuna ku yiri aaway kaluunkii?? markaas ayay jaariyadii uga warantay waxay aragtay oo dhan.
Wasirkii ayaa yaabay wuxuuna uwacay ninkii kalluumeysatada ahaa wuxuuna ka dalbaday in afartii kalluun kuwa lamid ah markale keeno, markaas ayuu ninkii kalluumeysata ahaa baxay oo barkadii tagay wuxuuna soo dabay kalluunkii asigoona ukeenay wasiirkii.
markaas ayuu waziirkii kalluunkii udhiibay jaariyadii asigoona ku yiri bal toogtaan anigoo ku arkaayo kari.
Markaas ayay jaariyadii kalluunkii qabatay oo dabkii saartay balse markey dabkii saartay ayaa waxaa sidii h**e oo kale daaqada jikda soo istaagtay gabadhii jinka aheyd iyadoo kalluunkii ku tiri “kalluunyahow wali ma ballantii horaad kujirtaa?”
markaas ayuu kalluunkii inta madaxa kor usoo qaaday yiri HAA HAA.

LASOCO SHEEKADA QAYBTA XIGTA

24/11/2020

SHEEKADII AMIIRKII UGAARSIGA JECLAA oo looga sheekeeyay boqor yoonaan.
waxaa jiray boqortooyo waa h**e jiri jirtay,
boqorka ka taliyana wuxuu dhalay wiil kaasoo aad ujeclaa ugaarsiga.
Maalintii dambe ayuu ugarsi ubaxay kadib ayuu wadadii ka dhumay asigoo jidka kaligiisa socda ayuu wuxuu arkay gabar jaariyad ah oo jidka kaligeeda fadhiso markas ayuu wareystay waxayna usheegtay iney la socotay safar qoyskeeda ahaa oo ayna ka dhuntay una baahantahay inuu caawiyo .
Markuu hadalkeeda maqlay ayuu naxariis dareemay wuxuuna go,aansaday inuu caawiyo wuuna sii waday ilaa ay kasoo gaareen meel xeeb ah oo bada udhow, markaas ayay ku tiri inta wax yar igu sug xaajo ayaan soo gudanaa.
kadib ayay ka tagtay lkn iyadoon ogeyn ayuu soo daba kacay balse yaabka waxay aheyd markuu arkay iyadoo caruur la joogto kuna dhaheyso ” waan idiin imid waxaana idiin keenay wiil aad ucayilan”
markii amiirkii hadalkii maqlay ayuu aad unaxay naftiisana ubaqay, asigoo isla markiiba faraskiisii kusoo dhacay meeshiina kasoo cararay oo uu sidaas ku bad-baaday.
marka boqorow waxaan ka baqaa in sidii wiilkaas amiirka ahaa ee gabadha jaariyada dad cunka aheyd uu caawi isdhahay u haligi gaartay inuu adna xakiim rooyaan maanta saasoo kale kuu haligo, waxaadna ogaataa in ninkaan maanta shey aad qabatay haduu kugu daaweeyo uu barina shey aad urisay kugu dili karo waxaana laga yaabaa inuu yahay jaajuus ay cadowgaaga kuusoo direen si uu kuu d**o ee aniga waan kuu naseexeyne ka takhalus.
Markaas ayuu boqor yoonaan yiri wallee waa runtaa oo hadii maanta shey aan taabtay igu daaweeyay waa macquul in barina shey aan uriyay uu igu dilo, waxaana laga yaabaa sidaad sheegtay inuu jaajuus yahay.
Markaas ayuu boqor yoonaan yiri wlhi waa runtaa waana arin macquul ah, waxaana laga yaabaa inuuba jaasuus yahay sidaad sheegtay.
Markaas ayuu boqor yoonaan ku yiri waziirkiisa oo hada maxaa talo ah oon ka yeelnaa ninkaan?
Markaas ayuu wasiirkii ugu jawaabay: isla waqtigaan la joogo qof udir una sheeg inuu kuu yimaado, oo haduu yimaado kurka ka gooy shartiisana iska xir ileen biyo inteysan kusoo gaarin baa la iska moosaaye, markaas ayuu boqor yoonaan sidii sameeyay, wuxuuna udiray qaar askartiisa kamid ah weyna keeneen, asigoo faraxsan oo khabaar moog iska ah.
Markii lakeenay, ayuu Boqor Yoonaan yiri ma ogtahay sababta halkaaan aan hada kuu keenay??
markaas ayuu xakiim Rooyaan yiri cilmul-qeybka Alle unbaa og, markaas ayuu boqorkii yiri waxaan kuu keenay inaan ku dilo, kuna daldalo.
Markaas ayuu xakiim Rooyaan yaabay aad ayuuna uyaabay markuu hadalkaas maqlay, wuxuuna yiri ” maxaan galabsaday oo igu dileysaa??
Markaas ayuu boqor yoonaan yiri “waxaa isoo gaartay inaad jaasuus tahay, halkaana aad utimid inaad idisho, waana igu qasab inaan ku dilo intaadan idilin”, markaas ayuu boqorkii amar ku siiiyay askartiisii iney qoorta ka gooyaan.
Markaas ayuu odaygii xakiimka ahaa ku yiri boqorkii “boqorow iska key daa alle ayaa ku deyn doonee wuuna baryay sidaan aniga kuu baryay cifriityahow (odaygii kalluumeysatada ahaa sheekada waday ayaa wuxuu lahadlayaa cifriitkii sanduuqa ku xirnaa)
Markaas ayuu boqor yoonaan yiri “aniga kuguma aamin qabo waayo waxaad shalay igu daaweysay wax aan qabtay waxaana macquul ah inaad barina igu disho waxaan carfiyay marka waa inaan kaa takhalusaa”
Markaas ayuu xakiim rooyaan yiri ” ma sidaan ayaad igu abaal marineysaa wanaagiina xumaan iigu badaleysaa?
Hase yeeshee boqorkii go,aankiisii ayuu ku adkeystay markaas ayuu xakiim rooyaan markuu yaqiinsaday in la dilaayo yiri waxaan kaa codsanayaa intaadan idilin ka hor inad ii ogolaato inaan gurigeyga ku laabto oo ehelkeyga soo macsalaameeyo una soo dardaarmo, sidoo kalana aan soo hibeeyo kutubteyda cilmiga ka buuxaan waxaana ku jiro kutaab aad ufiican khaasna ii ah kaasoo aan adiga si khaas kuugu sii hadiyeyn doono maadaama uu kitaab muhiim ah yahay.
Markaas ayuu boqorkii yiri waa maxay kitaabkaan muhiimka ah?
Markaas ayuu xakiimkii yiri waxaa ku jiraan ood ka heleysaa waxyaabo aan halkaan kusoo koobi karin iyo siro aad ubadan,
Markii aad aniga madaxa iga goysana oo aad akhriso sadax baal oo kamid ah baalasha kitaabkaas midkasta sadax sadar oo kamid ah, madaxeyga wuu kula hadli doonaa asigoona kaaga jawaabi doono su,aal kasta oo aad weydiiso”
Markaas ayuu boqor yoonaan aad uyaabay wuuna rumeysan waayay hadalka xakiim rooyaan asigoona ku yiri oo hadaan madaxa kaa gooyo miyuu awood usii yeelanaa inuu ila sii hadlo?
Markaas ayuu xakiimkii yiri haa waana arin cajiib ah soo ma ahan. kadib aya Xakiimkii loo waday si uu reerkiisa usoo sagootiyo, maalintii ku xigtay oo aheyd maalintii la dili lahaa xakiimka ayaa asigoo la wado lakeenay waxaana yimid boqor yoonaan oo ay la socdaan dhamaan madaxdii dowladiisa oo inta badan ka xumaayeen in ninkaas boqorka abaalka ugalay la dilo.
Kadib ayuu xakiimkii boqorkii soo hordhigay kitaabkii wuxuuna dalbaday baaquli ama saxan weyn waana loo keenay markaas ayuu boqorkii udhiibay kitaabkii wuxuuna ku yiri markii aad madaxa iga goyso kurid weelkaan su,aashaa doontana wuu kaaga jawaabayaa.
Markaas ayuu boqor yoonaan soo qabtay kitaabkii wuuna kala furay lkn warqadihiisii aad ayay isugu dhaganaayeen sidaas darteed ayuu gacantiiisa candhuuftiisa mariyay asigoo ku kala bixinaaya warqadihii isku dhaganaa, markuu sii maraayay ilaa lix baal oo uu waxna buugii ka arki waayay ayuu boqorkii dareemay inuu tabar dhigay istaagana ka dhacay sababta ma taqaanaa cifriityahow? sababtu waxay tahay kitaabka uu xakiim rooyaan meesha keenay wuxuu ahaa kitaab sumeysan boqorkana markuu gacantiisa afka galinaayay oo uu candhuufta marinaayay ayay sunta jirkiisii gashay isla goobtii ayuuna ku dhintay.
Marka cifriityahow boqorkaas haduu xakiimka faraha ka qaadi lahaa wuu bad-baadi lahaa lkn wuu diiday inuu faraha ka qaado asiga ayaana dhintay wuxuuna Xakiim Rooyaan meeshaas ka tiriyay tixi gabay oo micnaheedu yahay.
way xukmiyeen wuuna la dheeraaday, iyagoon ogeyn ineyba yartahay waqtiga xukunkooda, hadey cadaalad fali lahaayeen waa loo cadaalad fali lahaa, lkn wey xad-gudbeen iyagana waa lagu xad-gudbay, waqtigana wuxuu udiyaariyay aafooyin badan iyo mixnad, waxayna noqdeen iyagoo carabkoodana ku heesa tan anagaa isku keeney shalaayse wax ma tarto.

LASOCO SHEEKADII umaama ku sameeyay caatikah..

22/11/2020

Waxaa jira Qorshayaal Dunida lagu badalayo dhaqaale yarida ka jirta si loo helo dhaqaale ku filan dunida.
Waxaa la qaatay qorshe dhow iyo mid fog waxaa marka h**e laga dooday dunida yaa hogaamiya oo loo dhiibaa hogaa min teeda waxaa Qilaaf ka yid Cida hogaaminaysa.
Arinkaa doodiisa waxaa kasoo baxay dowlad walba oo dunida kajirta ee isku waday in ay iyada u saraysaa waxay bilaabeen in ay hadasho waxaa lagu eegay quraafaadka cida hogaaminaysa waxaa lagu arkay in ay hogaamin doonaan hogaamiya yaal islaam ah.
Waxaa reer galbeedka bilaabeen in ay islaamka ayaga la iskuugu dhiibo si loo helo hogaamiyaal awood sareeya ee aan islam ahayn.
Arinkaa waxaad moodaa in waji kale yeelatay.
waxaa kale oo garab socda in dhaqaale xumada dunida in ay qayb ka tahay dadka kusii badanaya dunida in la yareeyo lana soo saaro cudur indhaha, taabashada, neefsiga lasoo saaro tallaalna la soo saaro ay hogaamiyaasha ku bad baadaan iyo cida loo arko in dunida wax ka badelayso dhanka hogaaminta.
Waxaad mooda arinkaa iyadana in uu waji kale yeeshay oo hogaamiya yaasha qaar ay waali ama cudurkiiba haleelay.
Sanadka 2020 Go'aanadaa oo dhan hogaamintii dunida way badeleen oo waxay qaateen qorsho ah 10 sano ee soo socda in dadka lagu yareeyo Talal lagu cirib tirayo cudurkii covid 19 in la keeno kadibna dad waynaha dunida lagu yareeyo talaalka iyada oo loo isticmaalayo isbitaalada iyo meelkasta oo dadka lagu daaweeyo dowladaha qaarna sida wadamada saboolka lacag la'aan lagu siiyo howsan yareenta dadka caalam ka waxay socondoontaa illaa 2030 kadib ayaa dib u eegis lagu samayn doonaa waxii qabsoomay.
Waxaa loogu magac daray ladagaalanka saboolnimada dunida soo food saartay.

20/11/2020

QISADII BOQOR YOONAAN IYO XAKIIM ROOYAAN QAYBTII 2AAD.
Markaas ayuu wasiirkii dhahay oo sidee kudhacday midaas??
Markuu wasiirkii weydiiyay sheekadii boqor sindiyaad iyo shimbirtiisii ayuu boqorkii hadalka ku bilaabay:
Waxaa jiray boqor kamid ah Boqoradii reer Faaris, kaasoo aad ujeclaa safarka iyo ugaarsiga wuxuu kaloo jeclaa tamashlaynta iyo dalxiiska, Boqorkaas wuxuu lahaa shimbir uu aad ujeclaaa meelkastana uraaci jirtay.
Maalintii dambe ayaa waxaa dhacday in boqorkii ugaarsi ubaxay kadibna waxay arkeen Deero, markaas ayuu boqorkii Askartiisii ku yiri afarta dhinac halaga soo maro qofkii ay dhinaciisa ka fakatana ha ogaado inaan kurka ka goyn doono.
Markaas ayaa deeradii la hareereyay kadibna waxaa dhacday in deeradii dhinaca boqorka aaday oo ayna ka baxsatay, markaas ayay askartii is fiifiiriyeen oo hoosta war ka sheegeen, kadib ayuu boqorkii wasiirkiisii uwacay kuna yiri maxay leeyihiin?
markaas ayuu wasiirkii yiri waxay leeyihiin inaad adiga dhahday qofkii ay dhinaciisa Deerada ka baxsato in kurka laga goynaayo.
Markaas ayuu boqorkii yiri waxaa igu ballan ah inaan keeno kadibna asiga iyo faraskiisii iyo Shimbirtii ayaa baxeen wuxuu socdoba wuxuu arkay Deeradii wuxuuna sii daayay Shimbirtii taasoo iyadana indhaha kaga dhagtay deeradii si uu boqorka uqabto.
kadib ayuu boqorkii deeradii qabtay markaas ayuu qalay oo maqaar siibay wuxuuna soo qaatay maqaarkeedii iyo madaxeedii.
Waqtigana wuxuu ahaa mid aad ukulul cabaar markey socdeen ayay oon dareemeen markaas ayuu boqorka hareeraha fiiriyay wuxuuna arkay geed ay biyo kasoo burqanayaan.
Markaaas ayuu boqorkii ubadiisii lasoo baxay oo biyihii ku shubay wuxuuna damcay inuu cabo hasa yeeshee waxaa kusoo booday shimbirkii oo ka daadiyay, markas ayuu boqorkii isdhahay asigaa aad u oomanee bal sii, biyihii ayuu markale soo shubay oo uu shimbirkii hoos dhigay balse shimbirkii biyihii ayuu daadiyay, kadibna ayuu boqorkii oo yaaban mar sadaxaad soo shubay oo faraskii siiyay, balse waxaa markale daadiyay shimbirkii.
Markaas ayuu boqorkii aad uxanaaqay asigoo shimbirka ku qeyliyay wuxuuna dhahay wlhi hadaad markaale daadiso seeftaan ayaan kula dhacayaa, wuxuuna soo shubtay biyihii asigoo cab isleh ayaa hadana waxaa daadiyay shimbirkii.
Markaas ayuu Boqorkii xanaaqay oo shimbirkii seeftii ku dhufty dhulkana kudhacay, balse wuxuu arkay boqorkii shimbirkii oo madaxa wax ugu ishaarayo asigoo nafta kasii baxayso sida inuu leeyahay geedka korkiisa fiiri, markaas ayuu boqorkii geedka korkiisa fiiriyay mise waxaaba saaran abeeso aad uqaro weyn waxaan shubmayana waa sunteedii.
Markaas ayuu boqorkii aad uga shalaayay iskana ooyay shimbirkiina halkii ku dhintay.
Marka Wasiirow ma waxaad rabtaa inaan noqdo sidii Boqorkaas oo aan dilo ninkii Daaweeyay kadibna hadhow ka shalaayo??
markaas ayuu wasiirkii yiri Boqorkeygoow aniga hadal kasta oo aan kudhaho inuu sax yahay gadaal ayaad ka ogaan doontaa hadii aad hadalkeyga iga yeesho waxaa laga yaabaa inaad bad-baado, balse hadaad taladeeyda iga diido oo aadan ka takhalusin xakiim rooyaan waxaad u halaagsami doontaa sidii uu uhalaagsami rabay amiirkii ugaarsiga jeclaa.
markaas ayuu boqor yoonaan yiri oo maxay aheyd sheekadii amiirkaas .
LASOCO SHEEKADA XIGTA AMIIRKII UGAARSIGA JECLAA.

18/11/2020

QISADII BOQOR YOONAAN IYO XAKIIM ROOYAAN.
Odaygii kalluumeysatada ahaa wuxuu hadal ku bilaabay
waxaad ogaataa Cifriityahow in waa h**e oo mudo aad ufog laga joogo inuu jiray boqor utalin jiray magaalooyinka kamid ah dhulka Furus (Beershiya) iyo dhulka roomaanka waxaana la dhihi jiray boqor yoonaan, wuxuuna ahaa boqor hanti badan iyo ciidan aad u xoog badan, waxaana jirkiisa ku yaalay oo uu lahaa baras,
Baraskaasoo ay daaweyn waayeen dhamaan dhakhaatiirtii isku dayay iney daaweeyaan, waxaana wax utari waayay daawooyinkii iyo dhamaan wax walbo oo la siiyay. boqorkana wuxuu dhibsaday oo qaati ka taagnaa cudurkaan baraska ah ee ku dhacay.
iyadoo xaalka sidaas yahay ayaa waxaa Magaaladii soo galay nin Xakiim ahaa aadna u da,weynaa waxaan la dhihi jiray xakiim rooyaan, wuxuuna aqoon ulahaan jiray kutubtii greega , Faarisiga, Roomaanka, Carabiga, iyo Saryaaniyada (waa luuqadii uu ku hadli jiray Nabi Ibraahim Caleyhi Salaam)
sidoo kale xakiim Rooyaan wuxuu yaqaanay Cilmiga Caafimaadka, kan Xiddigaha, iyo sida looga faa,ideysto.
Wuxuu kaloo yaqaanay sida dadka loogu daaweeyo daaweynta dabiiciga ee dhirta, asigoo sidoo kalana ahaa feylasuuf, sidaas darteed ayaa loo dhihi jiray xakiim rooyaan.
markuu mudo magaalada uu joogay ayuu wuxuu maqlay arinta boqorka iyo inuu baras qabo wax daawana loo waayay. wax daawo ahna loo waayay.
Markaas ayuu xakiim Rooyaan utagay boqorkii wuxuuna ku yiri Boqoroow waxaan awoodaa inaan ku Daaweeyo anigoon wax daawo ah ku siinin wax dufan ahna kuu marinin,
Boqorkii arintaas aad ayuu ula yaabay wuxuuna yiri haddii aad sidaad sheegeyso sameyso waxaan ku siin doonaa intii noloshaada ka dhiman wixii aad ku noolaan laheyd waana ku sharfi doonaa waxaadna markasta ii ahaan doontaaa mid aad iigu dhaw, markaas ayuu xakiim rooyaan yiri waxaan rabaa in teendho la ii dhiso adigana bari adoo diyaarsan waxaad imaaneysaa barxada beertaada.
Xakiimkii wuxuu sameeyay markii Teendhadii la sameeyay ayuu wuxuu meesha keenay kubad aad uyar iyo ul asigoo daawooyin kala nooc ah mariyay, subaxii markii lagaaray ayaa waxaa yimid boqorkii oo ay la socdaan madaxdii Dowladiisa sida waziiradii saraakiisha ciidanka abaan-duulayaashii iwm, markaas ayuu xakiim Rooyaan usheegay boqorka in usha qabsado oo kubadana uu ku garaaco intii awoodiisa ah,
Maanta dhana uu sidaas sameeeyo wuxuuna ku dhahay markaad dareento in dhidid kaa yimid dhiigaagana kacay waad ordeysaa waxaadna tageysaa Musqusha si dag-dag ah ayaadna u qubeysaneysaa kadibna waad seexaneysaa.
Boqorkii sidii ayuu sameeyay siduu kubadii marba intii awoodiisa ah utuurayay ayuu dhididi badan ka imaaday wuxuuna xakiimkii boqorka u ishaaray inuu musqusha aado, sidii ayuuna ku aaday wuuna soo qubeystay asigoona seexday ilaa waabarigii.
Subaxii markuu soo kacay ayuu boqorkii muraayada isku fiiriyay balse tan cajiibka leh waxay aheyd inuu noqday qof Saliim ah oo aan haba yaraatee wax Baras ah laheen.

Boqorkii arintaas aad ayuu ugu farxay wuxuuna uwacay Xakiimkii asigoo soo dhaweystay wuxuuna siiyay hadiyado aad ubadan lacag iyo wax yaabo kale, wixii Maalintaas ka dambeeyay markasta oo xakiimka boqorka utago wuxuu siin jiray waxyaabo muhiim ah oo uu xitaa siini jirin kuwa dowlada ugu sareeyo, Nimco kasta oo banii aadam lasiiyo waxay leedahay xaasid waxaana midaas aad uga xumaaday midkamid ah wasiiradii boqorka kaasoo dareemay in boqorka dhanka xakiimka ujanjeero asigoo aad uga maseeray, sidaas darteed wuxuu go,aansaday inuu xakiimka ka takhaluso.
Wuxuu utagay Boqorkii wuxuuna ku yiri “boqkeygiiyoow adiga waxaad tahay qof dadka wanaajiya inaan kuu naseexeeyana waa igu waajib, sidaas darteed arin ayaan rabaa inaan kaala hadlo. hadii aad fasax iisiiso waan kuu sheegayaa,
Markaas ayuu boqorkii hadalkaas inta dhibsaday yiri ” waa maxay naseexadaada?”
Wasiirkii wuxuu yiri ” Boqorow Dadkii h**e waxay dhaheen qofkaan waxa soo socdo ogeyn waxa joogo magaran karo, waxaana dareemay in boqorka uu cadowgiisa wanaajinayo halkii uu ka takhalusi lahaa anigana waan kuu cabsanayaa”
Markaas ayuu boqorkii yiri asigoo aad uxanaaqay waa kuma qofka cadowga igu ah ee aan wanaajiyay??
wuxuu wasiirkii yiri “Boqorkeygiiyoow hurdada ka kac aniga xakiim rooyaan ayaan kahadalayaa”
Markaas ayuu boqorkii yiri ” miyaad waalatay xakiimkaan waa ninkii idaaweeyay wuxuuna ii sameeyay waxa ay dadka dhan ka caajiseen, waana kuu jeedaa oo waad ka maseersantahay ee iimaankaaga sugo oo odaygaas miskiinka ah faraha ka qaad, mise waxaad rabtaa inaan dilo xakiimka kadibna aan ka shalaayo siduu ushalaayay boqor sindiyad markuu iska dilay shimbirtiisii??”
Markaas ayuu wasiirkii dhahay oo sidee kudhacday midaas??
LASOCO DHAMAYSTIRKA SHEEKADA QAYBTA XIGTA

16/11/2020

SHEEKADII NINKII KALUUMEYSATADA AHAA PART TWO.
markaas ayuu odaygii yiri ” waxaan kuweydiinaa muxuu yahay dambigeyga oo maxaan kaa galabsaday oo sidaan iigu abaal marineysaa?”
Markaas ayuu Cifriitkii yiri hadaba anigaa kuu sheegayee dhageyso, odaygii oo cabsanaya ayaa markaas yiri ” soo gaabi hadalka nafteydii lugaheey soo mareysaaye”
Cifriitkii ayaa markaas hadalkii ku bilaabay ” waxaad ogaataa oday-yahow inaan aniga ka mid ahaa jinigii maariqiinta ahaa, waxaana ku caasiyay hadalkii Nabigii Allaah ee Suleymaan Binu Daa’uud, Maalintii dambe ayuu wuxuu iisoo diray wasiirkiisa Aasif bin Barkhiyaa si qasab ah ayuuna igu waday wuxuuna ii geeyay nabi suleymaan, waxaana la ihor istaajiyay Nabi Suleymaan hortiisa, markuu i arkay Nabi Suleymaan wuu iga cuudu bileystay wuxuuna iisoo bandhigay iimaanka Alle iyo inaan hadalkiisa adeeco, waana diiday.
Markaas ayuu dalbaday sanduuqaan, wuuna igu xiray asigoona igu khatimay faraantigiisii, magaca Alle ee weyn ee hadaad Alle ku bariso ku ajiibayo ayuuna ku qoray wuxuuna amar ku siiyay jinigii adeecsanaa iney igu tuuraan moolka bada, wayna igu tuureen, markaan Badda ku dhex xirnaa mudo boqol sano ayaan waxan ku qeyliyay qofkasta oo iga soo bixiyo meeshaan inaan hodan ka dhigi doono inta noloshiisa ka hartay, boqolkii sano ayaa kasoo wareegatay meeshana qofna igama uusan soo bixinin.
Markaas ayaan hadana ku qeyliyay qofkasta oo iga furo inaan ana ufuri doono keydka dhulka oo dhan, boqolaal sano ayaa kasoo wareegatay hadana qof iga furtay ma arkin kadib markey kasoo wareegatay afar boqol oo sano waxaan ku qeyliyay qofkastoo iga furi waxaan usameyn doonaa waxkasta oo uu iga codsado, markale hadana qof iga furto waan waayay.
Markaas ayan xanaaqay xanaaq aad udaran waxaana dhahay qofkasta oo iga furo isla saacaduu iga furo ayaan dilaa anigoo dooransiinayo sidaan udili lahaa, markaasna adigaa iga furay ee niyeyso sidaan kuu dili lahaa.
Markuu odaygii kalluumeysatada ahaa maqlay hadalkii Cifriitkii ayuu yiri “waa cajiib wlhi hada qofkad sugeysay inaad disho ee meesha kaa furi doono ma aniguu noqday??
markaas ayuu odaygiii hadana yiri iska key cafi Allaha haku cafiyee, markaas ayuu Jinigii yiri waa qasab inaan ku dilo si aan ballanteyda u oofiyo, ee waxaad rabtid intaadan dhiman kahor iisheeg si aan kuugu xaqiijiyo waana ballan inaanan ku dilin anoon kuu xaqiijinin.
Markaas ayuu odaygii xoogaa fikiray kadibna ayuu yiri magaca Allaah ee weyn ayaan kugu dhaariyee adigoo intaan la eg sidee ku gashay sanduuqan aadka uyar?
Cifriitkii markuu maqlay Magaca Alle ee weyn ayuu gariiray markaas ayuu yiri ma waxaad rumeysan la’dahay inaan sanduuqaan gali karo?
Markaas ayuu odaygii yiri macquul maba ahan waxaaba shaki iiga jiraa inaad sidaad sheegeyso sanduuqaan kasoo baxday.
markaas ayuu jinigii yiri hadaba anigaa ku tusaayee arag.
Markaas ayuu Jinigii inta qIic iska dhigay Sanduuqii ku aruuray markuu Wada galay ayuu odaygiina kor uga xiray, asigoona shaabadii ku qabtay, markaas ayuu odaygii jinigii ku yiri toogtiisii niyeyso dhimasho noocee ayaad dooneysaa si aan badaan markale kuugu tuuro?
Cifriitkii markuu hadalkaas maqlay ogaadayna in sanduuqii markale lagu xiray ayuu yiri walalow waan ku baryaa bada ha iicelinin, markaas ayuu odaygii yiri immisa ayaan anba ku tuugayay ood iga diiday waliba anoo meeshaan aad kujirto kumanaan sano kaasoo saaray ayaad abaalkeyga ka dhigtay inaad idisho,
markaas ayuu cifriitkii yiri iga fur wllow waan ku wanaajin doonaa waxaad rabtana waan kuu sameyne, markaas ayuu odaygii yiri been ayaad iisheegeysaa waxaadna tahay Jinni Naclad ku dhacday mana laga yaabo inaan halkaan kaa furo, waxaadna ogaataa inaan aniga iyo adiga lamid nahay sidii boqorkii la dhihi jiray YOONAAN iyo ninkii xakiimka ahaa ee la oran jiray ROOYAAN.
Markaas ayuu Cifriitkii yiri oo maxay ahaayeen boqor Yoonaan iyo xakiim Rooyaan? maxayna aheyd qisadooda? LASOCO Yoonaan iyo xakiim Rooyaan SHEEKADOODA

12/11/2020

SHEEKADII NINKII KALUUMEYSATADA AHAA.
waxaa jiray nin kalluumeysato ahaa aadna u da’ Weynaa , wuxuuna lahaa Xaas iyo Sadax Caruur ah, qof ka faqiirsanaa Magaalka kuma nooleyn.
Ninkaan Kalluumeysata ah waxaa caado u aheyd inuu Shabaqa Maalin kasta afar mar Badda ku tuuro, kabadan waligiis kuma tuurin.
Maalintii dambe ayuu soo baxay wuxuuna imaaday Baddii iyadoo xilli duhur tahay, markaas ayuu Shabaqii Badda ku tuuray illaa Shabaqii Moolka Badda ka gaaro markaas ayuu isdhahay fiiri wax makuu soo qabtay markuu soo jiiday ayuu dareemay inuu culeys yahay markaas ayuu soo qabo isdhahay laakiin aad ayuu ucuslaa wuuna awoodi waayay inuu soo qabto maadaama oday waayeel iska ahaa sidaas darteed ayuu Huurigii uu saarnaa xeebta geeyay asigoona shabaqii jiiday.
Siduu usoo jiidayay markuu soo bixiyay ayuu wuxuu arkay in waxa culus ee Shabaqiisa qabtay Maanta dhanna ku rafaadayay jiididiisa inuu yahay dameer bakhtiyay,
Markuu odaygii arkay aad ayuu umurugooday asigoo yiri “{laa xowla walaa quwata illaa billaah, helista Rizqiga waa mid cajiib ah”
Kadibna markale ayuu badii ku noqday oo uu shabaqii tuuray markii labaad asigoo yiri Bismillaah.
Cabaar markuu joogay ayuu hadana dareemay in shabaqii wax kusoo dhaceen wuuna soo qabtay laakiin waxay noqdeen Jawaan ay ka buuxaan dhoobo iyo Dhagxaan, Markii uu odaygii arkay ayuu markale aad u murugooday wuxuuna meeshii ka tiriyay Gabay uu micnihiisu yahay.
Hurkii waayahoow bas,
hadaadan bas iga dhihina iga cafi,
nasiib uma lahee sii,
mana sameyn karee bas,
waxaan usoo baxay Rizqigeyga,
waxaanse helay asoo meyd ah,
Alla muxuu jaahil badan muuqdaa,
Caalim badana qarsoonyahay.
Markaas ayuu mar sadaxaad badii ku laabtay oo uu shabaqii badda ku tuuray, marku daremay inuu culus yahay ayuu soo qabtay balse nasiib xumo wuxuu soo qabtay qashin iyo dhalooyin, Odaygii miskiinka ahaa aad ayuu usii murugooday mar afaraad ayuuna bada ku laabtay laakiin markaan gacmaha ayuu kor utaagay asigoo Alle baryay wuxuuna yiri ” Ilaahayoow waad ogtahay inaana afar ,mar ka badan shabaqaan bada ku tuurin, sadax mar waan tuuray waxaana ii hartay halmar oo kaliya ee Ilaahow wax kheyr qaba iigu soo rid”
Wuxuuna yiri bismillaah asigoo shabaqii bada ku tuuray kadib markii uu cabaar sugay ayaa waxaa dhacday in Shabaqii cuslaaday waliba culeys aad udaran ilaa uu kusigay huurigii yaraah ee Odayga saarnaa inuu la gadoomo, kadibna odaygii wixii tabar Ilaahay siiyay iyo juhdi markuu bixiyay ayuu soo bixiyay wixii culeyska badnaa.
Balse wuxuu noqday Sanduuq Maar ka sameysan afkana ka xiran iyadoo uuna ku asteysan yahay Faraantigii Nabi Suleymaan
Wuxuu is dhahay Maanta calafkaaga ayaan saan noqday ee sanduuqaan qaad oo Suuqa Maarta iyo macdanta lagu iibiyo gee waa intaasoo quudkii maanta kusoo heshaaye, balse markuu qaad is dhahay ayuu qaadi waayay culeys dartiis markaas ayuu go’aansaday inuu furo si uu u ogaado waxaan culeyska badan ee sanduuqa kujiro,
kadib mindi uu watay inta soo baxsaday ayuu sanduuqii furay balse wuxuu noqday sanduuq Eber ah, Ninkii asigoo yaaban ayaa waxaa Sanduuqii kasoo baxay Xoogaa Qiiq ah kaasoo marba marka kasii dambeysa sii xoogeysanayay ilaa uu qiiqii daruuraha sabeeyay,odaygii miskiinka ahaa aad ayuu ula yaabay kadIbna qiiqii ayaa is qabsaday wuxuuna isku badalay cifriit aad uweyn, madaxiisa Daruuraha maraayo halka Cagihiisana Dhulka yaalaan weyninkiisa darteed,
Wuxuu lahaa madax sidii qubada uwareegsan, iyo Gacmo aad uqaro weyn, Lugo aad moodid iney yihiin darbiyada dhufeyska ah, Af aad udheer aadna udhuuban sida kan cantalyaaga, Ilko aad dhagaxaan waaweyn moodid, waxaa ka muuqdo Boor iyo Basaas waliba asigoo Badda kasoo baxay ayay hadana waxaas oo boor ah ka muuqdaan.
Markuu odaygii Kalluumeysatada ahaa arkay Cifriitkaan weyn ayuu jareeyay iyadoo ilkiiha xitaa is garaaceen Candhuuftana laqi waayay meel laga jirana garan waayay cabsi darteed.
Cifriitkii markuu arkay odaygii Kalluumeysatadii ayuu yiri laa ilaaha illaa-llaahu Sulueymaana waa nabigii Alle
Kadibna wuxuu sii raaciyay “Nabi alloow ha idilin markale hadalkaaga ma khilaafi doono, mana kugu caasin doono”
Markaas ayuu odaygii yiri ” ma Suleymaan baad haddea Nabigii allow leedahay iyadoo Nabi Suleymaan geeriyooday kun iyo sideed boqol oo sano kahor?? anagoo joogno aakhiro Zamaan, maxay tahay qisadaada maxaana halkaan ku galiyay”
Cifriitkii markii uu maqlay hadalkii odaygii ayuu ku yiri “hadey saas tahay bishaareyso oday-yahow”
odaygii “maxaan ku bishaareystaa ood iigu bishaareyneysaa?”
Cifriitkii ayaa markaas yiri ” dhimashadaada ku bishaareyso isla saacadaan inaan ku dili doono dilistii ugu xumeyd”
Markaas ayuu odaygii yiri ” oo maxaan ku muteystay in sidaas dhan la ii dilo Wallaahi adigaa muteysatay in sidaas laguu dilo, war maxaad igu dileysaa anigoo halkaan oo aad ku dhibaateysneyd kaasoo bixiyay abaalkeyga miyaad sidaan ka dhigeysaa?”
Markaas ayuu Cifriitkii yiri “warkaas ka bax ee dhimasho noocee doooneysaa?”
markaas ayuu odaygii yiri ” waxaan kuweydiinaa muxuu yahay dambigeyga oo maxaan kaa galabsaday oo sidaan iigu abaal marineysaa?” LASOCO QAYBTA LABAAD

11/11/2020

sheekadii adaygii baqasha watay oo usheekeeyay cirfiit
Oday Baqasha watay yiri: Jiniyoow boqorkii Jiniyadoow Baqashaan aad ujeedo waa naagteyda, aniga waxaan ahaa nin ganacsade ah oo safar badan, waxaana lahaa Hanti badan, Maalintii dambe ayaan baxay oo safar aaday waxaana maqnaa mudo sanad ah, kadibna waan soo laabtay markaan gurigeygii imaaday waxaan u imaaday naagteydii oo sariirta la saaran nin Adoon ii ahaa, Markay i aragtay ayay inta hadal aanan fahmin ku hadashay biyo meesha yaalayna way igu soo firdhisay waxayna igu tiri ” ka bax muuqaan oo Eey noqo, islamarkiiba waxaan isku badalay oo yeeshay, muuqaal Eey.
Ka dib gurigii ayay iga soo ceyrisay( burisay) Gurigeygii waan iska soo baxay aniga oo isku maleeyo in aan qarwaayo .
Sidii aan u soo socday waxaan u imid nin kawaanle ah markii uu i arkay ninkii kawaan ahaa wuxuu i siiyay xoogaa Hilib ah iyo lafo waxa uuna ii waday Gurigiisa.
markii aan Guriga galay ayaa waxaa i aragtay Gabar uu kawanlaha dhalay waxay ahayd gabar sixirka wax ka taqaano.
Waxayna dareentay in aan sixranahay iyada oo ku tiri aabaheeda” aabow waxaan i hor taagan ma ahan Eey waa nin maskiin ah oo ay naagtiisa sixirtay waxaana awoodaa in aan sidiisii caadiga ahayd ku soo celiyo oo aan sixirka ka furo”.
Markaas ayuu Kawanlihi ku yiri gabadhiisa ” Gabadhaydii waan kuu ducayn ninkaan ka fur sixirka”.
markaas ayay weel yar biyo ku shubtay oo wax ku aqrisay ka dibna igu firdhisay.
Waxaan ku soo noqday suuradii uu Alle igu abuuray aniga oo isla markiiba gabadhii ka codsaday in ay iga caawiso sida aan uga aarsan lahaa naagtaydii i sixirtay.
Waxa ayna isiisay weel biyo ay ku jiraan oo ay wax kuso aqriday iyada oo igu tiri” marka ugu horaysa oo aad naagtada aragto biyahaan ku firdhi waxaadna ku orataa inta aad niyaysato adiga oo wax magac dhawaya waxaas iyo waxaa isku badal.
Anigana waan soo baxay oo sidii ayaan sameeyay waxaana ku iri ” Baqal isku badal” sidaas ayayna Baqal ku noqotay waana midan ku soo fiirinaysa.
Markaas ayuu Cirfiitkii Baqashii fiiriyay waxa uuna ku yiri “ma sax baa waxa uu ninkaada sheegayo”.
markaas ayay madaxa ugu ishaartay HAA.

Ahmedover Ali

27/11/2020

24/11/2020

22/11/2020

20/11/2020

18/11/2020

16/11/2020

12/11/2020

11/11/2020

Address

Telephone

Website

Alerts

Contact The Business

Shortcuts

Share

Category