Orthodox Media

22/09/2026

🚨 ሰበር ዜና 🚨
​መንበረ ባልታዛር ህፁፅ ኣኼባ ፀዊዑ!
​እቲ ንሰለስተ ወርሒ ሙሉእ ብዋትስኣብ (WhatsApp) እናተልኣአኸ ካብ ህዝቢ ተኸዊሉ ናይ ኣባ ኣረጋዊ ውግሮ ክሪኢ ዝነበረ መንበረ ባልታዛር፡ ሕዚ ብሓይሊ ኣምላኽ ንህዝቢ ምግላፁ ስዒቡ፡ መንበረ ባልታዛር ህፁፅ ኣኼባ ክግበር ፀዊዑ።

17/09/2026

አቡነ ኤልያስ ከኢትዮጵያ ኦርቶዶክስ ተዋሕዶ ቤተክርስትያን ቅዱስ ሲኖዶስ ዕውቅና ውጪ እየተንቀሳቀሱ ነው።
++++++++++++
ለእዚህም ፬ አንኳር ማስረጃዎች እንጥቀስ:- አቡነ ኤልያስን ስንቃወም በምክንያትና ከቤተክርስቲያናችን ስርዓት ውጪ ሆነው ከወንጀለኞች፣ቤተክርስቲያን ውስጥ ፊሽካ ከነፉና ደም ካፈሰሰና ኢትዮጵያን-ጠል ከሆነ ግለስብ ጋር በኢትዮጵያ ቤተክርስትያን ላይ ስለዶለቱ ብቻ አይደለም። ከቅዱስ ሲኖዶስ ውጪ ሲንቀሳቀሱ ማስረጅ ስላለን ነው።

ከሰላሳ ዓመታት በላይ በአቴንስ ግሪክ በፍቅር ሲከበር የነበረውን የመስቀል ደመራ በዓል ለመክፈል የሞከሩበት ሰነድ እጃችን ገብቷል። አቡኑ ምእመኑን ለመክፈያነት የተጠቀሙት ቅዱስ ሲኖዶስም ሆነ ቅዱስ ፓትርያሪኩ በቀጥታ በተጻፈ ደብዳቤ በየትኛውም የቤተክርስቲያን አስተዳደራዊ ሥራ ቀሲስ አየለ እንዳይገቡም እንዳያስገቡም ቢታዘዙም አቡነ ኤልያስ ቀሲስ አየለን በማን አለብኝነት ለመስቀል ደመራ ላልተሳካላቸው ምእመኑን ለመክፈያነት ደብዳቤ ጽፈዋል፣አጽፈዋቸዋል።ይህ ግዙፍ የቅዱስ ሲኖዶስን ሕግ እና መመርያ መጣስ ነው።

ቅዱስ ሲኖዶስ ለግሪክ የኢ/ኦ/ተ/ቤተክርስትያን አስተዳዳሪነት ሊቀስልጣናት አባ ኪሮስ ፀጋዬን ከመደበ በኋላ አቡነ ኤልያስ የቅዱስ ሲኖዶስን መመርያና ውሳኔ በመጣስ ለግሪክ ጉዳይ ተወካይ ከእዚህ በፊት በግሪክ የነበሩትና በግሪክ ፍርድቤት በሃሰተኛ ክስና ምስክርነት ተፈርዶባቸው ወደ ኢትዮጵያ የሸሹትን አባ ገብረየሱስን ወክያለሁ ብለው ደብዳቤ ለቤተክሕነት አስገብተው ነበር።ደብዳቤያቸው ተቀባይ ባያገኝም የውክልናው መልዕክት ቅዱስ ሲኖዶስ የመደባቸውን አባት አላውቅም ለማለት የተሞከረበት ነው። ዛሬም ድረስ አቡነ ኤልያስ በግሪክ ጉዳይ ወኪላቸው አባገብረየሱስ እንደሆኑ ይናገራሉ። አባ ገብረየሱስ አይደለም ወደግሪክ በአውሮፓ በኩል ትራንዚት ቢሔዱ እንደሚያዙና የተፈረደባቸው እንደሚፈፀም ይታወቃል።

በራሳቸው ሀገር ስዊድን ስቶኮልም በተነሳ የቤተክርስቲያን የአስተዳደር ችግር ቅዱስ ሲኖዶስ አጣሪ ኮሚቴ ለመላክ ሲጀምር ለስዊድን ኤምባሲ ሕገወጥ ደብዳቤ በመጻፍ የበላያቸው የቅዱስ ሲኖዶስ የላካቸውን ልዑክ እንዳይመጡ እንቅፋት ሆነዋል።

በመጋቢት 2017ዓም ቅዱስ ሲኖዶስ ልዑክ ወደ አቴንስ ሲልክ አቡነ ኤልያስ የልዑኩን መምጣት ከታደገ ጋር በመሆን ለማስቆም ያልፈነቀሉት ድንጋይ አልነበረም።የሀገረ ስብከቱ እንዳይተባበር ከማድረግ አንስቶ ልዑኩን "ሕገወጥ" ናችሁ ለማለት ቃትቷቸው ነበር።በኋላ ልዑኩ ከሰበካ መንፈሳዊ ጉባዔ ጋር ዝቅ ብሎ በመስራቱ ሙከራቸው አልተሳካም።በመቀጠል ልዑኩ መምጣቱን ሲያውቁ ከራሳቸው ሀገረስብከት ሳይቀር ተደብቀው ወደ አቴንስ መጡ።
አቡነ ኤልያስ ሰለቤተክርስቲያን ሕግ ሲያወሩ ለተመለከተ ሕግ አክባሪ ይመስላሉ።እራሳቸው ግን ከቅዱስ ሲኖዶስ ውጭ ይንቀሳቀሳሉ።

17/09/2026

:-
👉 ባለፉት ቀናት ከአሜሪካ የተመለሱ 17 ጥንታውያን ብራናዎች ዜና ለብዙዎች የደስታ ምንጭ ቢመስልም፣ ለነገረ መለኮቷና ለታሪኳ ለሚቆረቆሩ ኦርቶዶክሳውያን ግን ትልቅ የሀዘን ድባብ ይዞ መጥቷል። እነዚህ “ቅርሶች” ተብለው የተፈረጁት ንብረቶች፣ ታሪካዊ ሰነድ ብቻ ሳይሆኑ በደምና በጸሎት የተጻፉ፣ ለቅዳሴና ለዝማሬ የተሰናዱ የቤተክርስቲያን ቅዱሳት ንዋያት ናቸው።
👉 የሚገርመውና የሚያሳዝነው ነገር፣ እነዚህ ንብረቶች የተዘረፉት ከቤተክርስቲያን ሆነው ሳለ፣ ሲመለሱ ግን እንደ ስጦታ ለተለያዩ ዓለማውያን ተቋማትና ለሌሎች የእምነት ድርጅቶች “ተከፋፍለው” መሰጠታቸው ነው። ይህ ድርጊት የቤተክርስቲያንን የባለቤትነት መብት በግልጽ መጣስ ብቻ ሳይሆን፣ የተቀደሱትን መጻሕፍት ከመንበራቸው አውርዶ እንደ ተራ ሙዚየም ዕቃ የመቁጠር የድፍረት ተግባር ነው።
👉 ከሁሉ በላይ ልብን የሚሰብረው ግን፣ ይህ ሁሉ ግፍ ሲፈጸም የቤተክርስቲያን ጠባቂና አባት የተባሉ መሪዎች ድምፅ አለመሰማቱ ነው። “የእናት ጡት ነካሽ” እንደሚባለው፣ ቤተክርስቲያን በውጭ ጠላቶች ብቻ ሳይሆን፣ በውስጥ ባሉና መብቷን ማስከበር በሚገባቸው አካላት ዝምታና አልፎ ተርፎም በመተባበር እየተደፈረች ትገኛለች። መንፈሳዊው ሀብቷ በዓለማውያን እጅ ሲበተን እያዩ ዝም ማለት፣ የታሪክ ተወቃሽነትን ብቻ ሳይሆን ከእግዚአብሔርም የሚያስጠይቅ ከባድ መርገም ነው።
👉 ዛሬ በታሪክ ስም የቤተክርስቲያን ማንነት እየተሸረሸረ ነው። ዛሬ መጻሕፍቶቿ ሲከፋፈሉ ዝም ካልን፣ ነገ መቅደሶቿንም እንደ ሙዚየም ልንጎበኛቸው እንገደዳለን። የቤተክርስቲያን ንብረት ለባለቤቷ ለኢተቤ (EOTC) ካልተመለሰ፣ “ተመለሱ” የተባሉት ቅርሶች ዳግም ተዘረፉ ማለት ነው።
👉 “ለባለቤቱ ያልሆነ ቤት...” እንዲሉ፣ የቤተክርስቲያን ቅዱሳት መጻሕፍት ቦታቸው ቅጽረ ቤተክርስቲያን እንጂ የፖለቲካና የዲፕሎማሲ ማድመቂያ ሊሆኑ አይገባም!

17/09/2026

ኩላሊቴን ሽጬ ገዳም አሰራለሁ ያለው መነኩሴ ምኝ እንደገዛ ተመልከቱ😂
​ኩላሊቴን ሽጬ ገዳም አሰራለሁ ብለው የነበሩትን መነኩሴ ማህበረሰቡ በወቅቱ በብዙ ስሜት ሲከታተላቸው እንደነበር ይታወሳል። በጊዜው ከቤተክርስቲያን ሥርዓትና አስተምህሮ አንጻር ይህ አነጋገርና መንገድ ልክ እንዳልሆነ ጠቁመን አስተያየት ስንሰጥ፣ የብዙዎች ምላሽ ስድብና ነቀፋ ነበር። ​ጊዜ እውነቱን ይዞ ብቅ ብሏል።
​ይህ አጋጣሚ ለሁላችንም ትልቅ ትምህርት ሊሆነን ይገባል። ሃይማኖታዊ ስርዓትንና መመሪያን ያልተከተለ፣ ስሜት ተኮር የሆነ እንቅስቃሴ መጨረሻው ውድቀትና አሳፋሪ ውጤት መሆኑን በተግባር ተመልክተናል።

17/09/2026

ክብር ለአምላካችን ይሁን! እነሆ ፈጣሪ ፈቅዶ በአማርኛ ቋንቋ ኢሬቻን አስመልክቶ ያዘጋጀሁት መጽሐፍ ታትሞ ወጥቶአል። መጽሐፉ አምና በዚህ ወቅት በታታመው በአፋን ኦሮሞው 'Irreecha Bir-qabaan' መጽሐፍ ላይ ስለ ኢሬቻ የተባሉትን በሙሉ ያጠቀልላል። እንዲሁም ብዙ ተጨማሪ ሀሳቦችን አካቶ፣ በ547 ገጽ፣ 6 ምዕራፎችን ይዞ መጥቷል። ስለ በዓላት በጠቅላላው በመተንተን ይጀምራል። የኦሮሞን ባህላዊ ዕለታዊ፣ ሳምንታዊ፣ ወርሃዊ እና ዓመታዊ በዓላት ከክርስትና እና የአፍሪካ ሀገር በቀል ባህላዊ በዓላት ጋር ያነጻጽራል። በሦስቱም ዘንድ በበዓላት አከባበር ላይ የሚሰዋውን መሥዋዕት ምንነት በስፋት ያነጻጽራል። በዓላትን የማክበር መብት በሰብዓዊ መብት ድንጋጌ፣ በኢፌዴሪ ሕገመንግሥት እና በበዓላት አዋጅ ውስጥ እንዴት እንደሚታይ ያብራራል። እንዲሁም በሀገሪቱ የበዓላት ሕግ፣ ለኢሬቻ እውቅና ለመስጠት የሚያስገድዱ መግፍዔ ምክንያቶችን አስመልክቶ ሰፊ ትንታኔ ሰጥቶአል። በዚህ ምዕራፍ መጨረሻ፣ ለበዓላት የሚዲያ ሽፋን ከመስጠት አንጻር፣ በሚዲያ አዋጁ መሠረት ከመንግሥትም ሆነ የግል ሚዲያዎች የሚጠበቀው ሚና ተብራርቶአል።
ምዕራፍ ሁለት፣ ስለ ኢሬቻ አመጣጥ ያሉትን መላምቶች ያሳያል። ለኢሬቻም በአራት መንገድ ትርጉም ይሰጣል። አንዱ የቃሉን ትርጉም እና የጽንሰ ሀሳቡን ምንነት በማሳየት ላይ ያተኩራል። ሁለተኛው እንደ ምስጋና ሰላም እርቅ ተስፋ እና የመሳሰሉትን የኢሬቻ እሴቶች መነሻ በማድረግ የተሰጠ ትርጉም ነው። ሦስተኛው በኢሬቻ ላይ የምንይዛቸውን እንደ አደይ አበባ፣ ሰርዶ/ጨቆርሳ፣ የወይራ ዝንጣፊ እና የመሳሰሉትን መነሻ በማድረግ የተሰጠ ትርጉም ነው። አራተኛው፣ ኢሬቻ በፈጥሮ ፈጣሪን ማድነቅ እንደሆነ በባህሉ ባለቤቶች የሚነገረውን እና 'ኢሬቻ ባህል ነው ሃይማኖት?' በማለት ከሚቀርቡ ሙግቶች አንጻር ትርጉም ተሰጥቶበታል። አስፈላጊ በሆነባቸው ቦታዎች ሁሉ፣ ከክርስትና እና ከአፍሪካ ነጽሮተ ዓለም አንጻር ሰፊ ንጽጽር ተደርጎአል።
ምዕራፍ ሦስት፣ ኢሬቻ መልካን የመንጻት ምዕራፍ (Purification Stage)፣ የስርየት ምዕራፍ (Expiation Stage) እና የመታደስ ምዕራፍ (Renewal Stage) በተባሉ ሦስት ምዕራፎች ከወርሃ ነሀሴ አጋማሽ ጀምሮ በብራው ሙሉ በተለያዩ ክብረ በዓላት እየተከበረ እስከ ዘመነ ጽጌ እንደሚከበር በስፋት ይተነትናል። በዚህም ምዕራፍ ከአፍሪካ ፍልስፍና ከክርስትና ነገረ መለኮት አንጻር ሰፊ ንጽጽር ተደርጎአል።
ምዕራፍ አራት ስለ ውኃና ኦሮሞ በስፋት ያትታል። የወላቡን ውኃ፣ የሆራ፣ የወንዝ እና የዝናብ ውኃን እንዲሁም እርጥበትን አስመልክቶ በአሮሞ ባህል ውስጥ ያለውን ምልከታ ከክርስትና እና የአፍረካ ሀገር በቀል ፍልስፍና አንጻር በርካታ ሀሳቦችን ያጋራናል።
ምዕራፍ አምስት ሰለ ኢሬቻ ቱሉ በስፋት ያትታል። በመጽሐፍ ቅዱስ ውስጥ እና በክርስትና እምነት ውስጥ እንዲሁም በአፍሪካ ፍልስፍና ውስጥ ተራራን አስመልክቶ ያለውን አረዳድ እርስ በርስ ያነጻጽራል።
ምዕራፍ ስድስት ኢሬቻን ከአውሮፓ የሳተርናሊያ በዓል፣ ከአፍሪካ የእሸት በዓል፣ በኢትዮጵያ ከሚገኙ ብሔር ብሔረሰቦች የእሽት በዓል ጋር ያነጻጽራል። እንዲሁም ከኢኦተቤ የአበባ በዓል (ተቀጸል ፅጌ) ከዘመነ ጽጌ እና ማኅሌተ ጽጌ አንጻር የሚለው ብዙ አለው። ኢሬቻን ከጥምቀት፣ ሰቅለት፣ ትንሣኤ፣ ጰራቅሊጦስ እና የእመቤታችን የልደት በዓልና ሌሎች በዓላት ጋርም ያነጻጽራል።
በስተመጨረሻ ማጠቃለያ አለው። "ምንተ ንግበር?" ብሎ ይጠይቅና መደረግ ያለባቸውን 14 ተግባሮች ይዘረዝራል።
መጽሐፉን:
1. ከጃፋር መጻሕፍት መደብር፣
2. አአዩ አራት ኪሎ ካምፓስ ፊለፊት በሚገኘው የገበያ ማዕከል ውስጥ ባለ የኦሮሞ ምርምር ማኀበር ሱቅ እና
3.በቅድስት ሥላሴ መንፈሳዊ ዩኒቨርሲቲ ፊለፊት በሚገኘው የመጻሕፍት መደብር እና
4. ከቢርቢርሰ ጎሮ ጊዮርጊስ ወደ ደጃች ውቤ በሚወስደው ዋና መንገድ ላይ በሚገኘው ኢሉ መጻሕፍት መደብር ታገኙታላችሁ።
መልካም ንባብ!

17/09/2026

👉ፍልስጥኤማዊ አስተሳሰብ ላላቸውና በሴራ ለሚንቀሳቀሱ ቡድኖች የተሰጠ ግልጽ ምላሽ፦
✍️..አንዳንድ ፍልስጥኤማዊ አስተሳሰብ ያላቸውና በቤተ ክርስቲያን ሰላም የማይመቻቸው አካላት የመንበረ ፓትርያርክ ጠቅላይ ቤተ ክህነት ዋና ሥራ አስኪያጅ የሆኑትን ብፁዕ አቡነ ሳዊሮስን በሚዲያችን እንድንከስላቸውና ስማቸውን እንድናጠፋ አብዝተው ተማጽነውናል። ለእነዚህ አካላት የእኛ ምላሽ ግልጽ ነው በዝምታ ማለፍ።
✍️..ብፁዕነታቸው ይህንን ታላቅ የኃላፊነት ቦታ በቅዱስ ሲኖዶስ ተመርጠው ሲይዙ፣ እነዚህ በሰፈራቸው ሰላም የሌላቸው "ፍልስጥኤሞች" የጠበቁት ሌላ ነበር። "ነገሮችን ይጎለጉላሉ፣ ያተራምሳሉ፣ ከተቃራኒ አካላት ጋር ይፋለማሉ" በሚል ሁከትና ብጥብጥን ናፍቀው ነበር። ነገር ግን የእኛ ሚዲያ ልማዱና መርኁ ግልጽ ነው ብፁዓን አባቶች ለቤተ ክርስቲያን ሲሠሩ ከጎናቸው መቆም፣ መደገፍ፣ ማብረታትና ለመልካም ሥራቸው እውቅና መስጠት! በዚህ እቅዳቸው የከሸፈባቸውና የተበሳጩት ፍልስጥኤሞች ዛሬ በሁለት ጎራ ተከፍለው ዘመቻ ከፍተዋል።
✍️..አንደኛው ክፍል በኮሜንት መስጫው ሥር "የአባ ሳዊሮስ ደጋፊ" የሚል የማሸማቀቂያ ስም ለመስጠት ይሞክራል። ሁለተኛው ክፍል፡ ደግሞ በተቃራኒው "የአባ ሳዊሮስን ስም እያጠፋችሁ ነው" በሚል የሀሰት ክስ ይሰነዝራል።ለእነዚህ አካላት የምንላቸው አንድ ነገር ብቻ ነው። አትልፉ እሳቸውና እኛ በሚገባ እንተዋወቃለን። ብፁዕ አቡነ ሳዊሮስ በአሁኑ ሰዓት የቤተ ክርስቲያንን ሕግና ሥርዓት ለማስከበር እየወሰዱት ያለውን ቆራጥ እርምጃ በሙሉ ልብ እንደግፋለን፣ እውቅናም እንሰጣለን። በተለይም በአዲስ አበባ ሀገረ ስብከት የሥራ ኃላፊዎች ላይ የወሰዱት የማስተካከያ እርምጃ እጅግ የሚያስመሰግንና ቆራጥ እርምጃ ነው።
✍️..ይሁን እንጂ አሁንም ትኩረት የሚሹ ቀሪ ሥራዎች አሉ በአዲስ አበባ ሀገረ ስብከት ውስጥ በዋና ኃላፊነት፣ በምክትልነት፣ በጸሐፊነት፣ በተላላኪነት፣ በመዝገብ ቤት አልፎ ተርፎም በጥበቃ ኃላፊነት ደረጃ ያሉና ረጅም ዓመታት ያስቆጠሩ አንዳንድ አካላት አሁንም አድፍጠው ተቀምጠዋል። እነዚህ አካላት አዲሱ ለውጥ በመምጣቱ ክፉኛ የተናደዱ፣ የሙስና በሩ በመዘጋቱና "ለምን ለሊቃውንቱ በሩ ክፍት ሆነ?" በሚል በቅሬታና በብስጭት ውስጥ ያሉ፣ ጊዜ ጠብቀን እንነሳለን" በሚል ሴራ የሚሸርቡ ናቸው።
✍️..ስለሆነም ብፁዕነታቸው የጀመሩትን የሪፎርምና ሕግ የማስከበር ሥራ ዳር ለማድረስ፣ እነዚህን ሙስና የለመዱና የለውጡ ጋሬጣ የሆኑ አድፋጭ አካላትን (የጥበቃ ኃላፊውን ጨምሮ) በፍጥነት ከየቦታቸው እንዲያነሷቸውና የቤተ ክርስቲያንን አስተዳደር ሙሉ በሙሉ ከዝገት እንዲያነጹ በጽኑ እየጠየቅንና የማጽዳት ሥራውን እንዲያጠናቅቁ ጥሪያችንን እናቀርባለን።
👉ሁላችሁም በሰማያዊ ከለር ከሥር የለጠፍኩትን አዲሱንና ሁለተኛውን አካውታችንን ጠቅ በማድርግ በማድረግ አስተዋውቁ ወደፊት የምንጠቀመው አዲሱን አካውንታችንን ነውና እንዳንጠፋባችሁ ካሁኑ ቤተሰብ ሁኑ አመሳስሎ
በስማችን ከፍቶ ከሚነግደው ዲ/ን እስጢፋኖስና ከሌሎችም አጭበርባሪዎች ተጠበቁ እንዳትሸወዱ ተጠንቀቁ!?

16/09/2026

16/09/2026

ቃላት እኮ አጣው የምለው 🇲🇼🇲🇼🇲🇼
ወደ ኦርቶዶክሳዊት በረት ተጨምረዋል።
ቤተ ክርስቲያኑ የሚገኘው በማላዊ ዋና ከተማ በሆነችው ሊሎንግዌ (Lilongwe) ውስጥ ነው።
​የቤተ ክርስቲያኑ ስም የቅዱስ ሚካኤል እና ሩፋኤል፣ የሐዋርያው ቅዱስ ማርቆስ እና የሰማዕቷ ቅድስት ማሪና የግብፅ (ኮፕቲክ) ኦርቶዶክስ ቤተ ክርስቲያን (Coptic Orthodox Church) ነው ። ተዋህዶ ከምድሪቱ ከምትጠፉ ሰማይና ምድር ቢያልፉ ይቀላል ዛሬ በደስታ ምንም አልናገርም 😍😍😍🙏🙏🙏🙏

15/09/2026

"ማንነትን ተሸክሞ መጓዝ ፈተናዎች የሚበዙበት የጽናት ጎዳና ነው። ኦሮሞ መሆን ትልቅ ታሪክ፣ ባህል እና ሕዝባዊ ኃላፊነትን መጋራት ነው፤ ሆኖም በዚህ ጉዞ ላይ የሚገጥሙ ተግዳሮቶችም ቀላል አይደሉም። ይሁን እንጂ ማናቸውንም መሰናክሎች በብቃት ማለፍ የሚቻለው በጠንካራ የሰመረ ዓላማ እና በጽናት ነው። ቻልበት እንግዲህ!"

14/09/2026

በጥምቀት ወደ ኦርቶዶክሳዊት የኢየሱስ በረት ተጨምረዋል በጎፋ ባስኬቶ ዞኖች ሀገረ ስብኬት በባስኬቶ ዞን ወረዳ ቤተክህነት አደላ ባታ ማሪያም ህንጻ ቤተክርስቲያን ምረቃ ሥነ _ስረዓት ላይ ።በቀን 03/01/2019 ዓ.ም
ስለሁሉ ነገር ጌታችን እግዚአብሔር አምላክ የተመሰገነ ይሁን 😍😍😍😍