እኔ የምለው /Ene Yemelewe/

23/07/2025

የ2017 በጀት ዓመት በቦሌ ክፍለ ከተማ በርካታ ስኬቶች የተመዘገቡበት ዓመት ነበር፡፡ በበጀት ዓመቱ በመደበኛ ሥራዎች፣ በፕሮጀክቶች አፈጻጸም፣ በሰላምና ጸጥታ፣ በሰው ተኮር ተግባራት፣በሕዝብ ተጠቃሚነት፣ በአገልግሎት አሰጣጥ እና ሌሎችም መስኮች ተጨባጭ ውጤቶች ከመመዝገባቸው ባሻገር የሕዝባችንን የተጠቃሚነት ጥያቄዎች በአግባቡ በመመለስ የኅብረተሰብ እርካታን በከፍተኛ ደረጃ ማሳደግ ችለናል፡፡

እነዚህን ተግባራት ስናከናውን የአመራሩ፣ የፈጻሚዎቻችን፣ የአደረጃጀቶች፣የመላው የክፍለ ከተማችን ነዋሪዎች እና የአጋር አካላት የጋራ ርብርብና ቅንጅታዊ ሥራ ወሳኝ ሚና ነበረው፡፡ ይህንን ስኬት በ2018 በጀት ዓመትም አጠናክረን በመቀጠል በተለይም መልካም አስተዳደርን በተሟላ መንገድ ለማስፈን፣ የአገልግሎት አሰጣጣችንን ቀልጣፋና ዘመኑን የዋጀ ለማድረግ፣ ብልሹ አሠራሮችን በማስወገድ ፍትሃዊነትን ለማረጋገጥ እና የቦሌ መለያ የሆነውን አቅዶ የመፈጸም ብቃትና አርአያነት ያላቸው አዳዲስ አሠራሮችን የመተግበር ሥራችንን አጠናክረን ለማስቀጠል በበለጠ ትጋትና ቁርጠኝነት ልንረባረብ ይገባል፡፡ የክፍለ ከተማችንን ውጤታማ ጉዞ ቀጣይ ለማድረግ የጀመርነውን ጥረት አሁንም በላቀ ደረጃ ለማሳካት የሁላችንም የጋራ ርብርብ ወሳኝ በመሆኑ ለዚህ ግብ በጋራ እንድንተጋ አደራ ለማለት እወዳለሁ፡፡

ዶ/ር እሸቱ ለማ
የቦሌ ክፍለ ከተማ አስተዳደር ዋና ሥራ አስፈጻሚ

22/07/2025

ለመላው የቦሌ ክፍለ ከተማ ነዋሪዎች፣

እንኳን ደስ አለን! እንኳን ደስ አላችሁ!

ክፍለ ከተማችን በ2017 በጀት ዓመት ባከናወነው አጠቃላይ የተግባራት አፈጻጸም በአዲስ አበባ ከተማ ከሚገኙት አሥራ አንድ ክፍለ ከተሞች በቀዳሚነት በማጠናቀቅ ለሦስተኛ ተከታታይ ዓመት የዘመናዊ ተሽከርካሪ ተሸላሚ ለመሆን በቅቷል፡፡

እንዳለፉት ዓመታት ሁሉ መላው የክፍለ ከተማ እና የአሥራ አንዱም ወረዳዎቻችን አመራሮች፣ ፈጻሚዎች፣ ነዋሪዎች፣ ባለሀብቶችና ድርጅቶች፣ የሃይማኖት ተቋማት፣ የሀገር ሽማግሌዎች፣ አባገዳዎች፣ ሀደ ሲንቄዎች፣ አርሶ አደሮች፣ ወጣቶች፣ ሴቶች፣ የጸጥታ አካላት፣የሰላም ሰራዊት፣ማህበራዊ አንቂዎች የሚዲያ አካላት፣በጎ ፈቃደኞች፣ እና ሌሎችም አካላት በትጋት በመሥራት አንጸባራቂ ድል እንድናስመዘግብ ድርሻቸውን ተወጥተዋል፡፡ ለዚህ የጋራ ርብርብ ድርሻችሁን ለተወጣችሁ አካላት በሙሉ በቦሌ ክፍለ ከተማ አስተዳደርና በራሴ ስም ልባዊ ምስጋናዬን ለማቅረብ እወዳለሁ፡፡

ስኬታችን ለበለጠ ሥራ የሚያተጋን እንጂ የሚያዘናጋን ሊሆን አይገባም፡፡ በይቻላል መንፈስ እንደ አንድ ሆነን ስንሠራ ግባችንን ለማሳካት ምንም ዓይነት እንቅፋት ሊያቆመን እንደማይችል በመረዳት ወደፊትም የሕዝባችንን ተጠቃሚነት በበለጠ ለማረጋገጥ የ2017 ጥንካሬዎቻችንን ማስቀጠልና ቀሪ ሥራዎቻችንን በጊዜ የለንም መንፈስ ለማከናወን መትጋት ከሁላችንም እንደሚጠበቅ ለማስገንዘብ እወዳለሁ፡፡

በድጋሚ “እንኳን ደስ አለን፣ እንኳን ደስ አላችሁ!!”

ዶ/ር እሸቱ ለማ
የቦሌ ክፍለ ከተማ አስተዳደር ዋና ሥራ አስፈጻሚ

22/07/2025

22/07/2025

“በላቀ ትጋት ቀጣይነት ያለው ስኬት ለማስመዝገብ እንሠራለን!”

የአዲስ አበባ ከተማ አስተዳደር በ2017 በጀት ዓመት በአጠቃላይ የሥራ አፈጻጸም የላቀ ውጤት ላስመዘገቡ አካላት የዕውቅና ሽልማት ሰጥቷል፡፡ የቦሌ ክፍለ ከተማ አስተዳደር ከአሥራ አንዱም ክፍለ ከተሞች 1ኛ ደረጃን ለሦስተኛ ተከታታይ ዓመት በማግኘት የዘመናዊ ተሽከርካሪ ተሸላሚ ሲሆን፣ በክፍለ ከተማው በሚገኙ ወረዳዎች በተደረገው ምዘና ደግሞ ወረዳ 12፣ ወረዳ 3 እና ወረዳ 14 በቅደም ተከተል ከአንደኛ እስከ ሦስተኛ ደረጃ በማግኘት እያንዳንዳቸው የዘመናዊ ተሽከርካሪ ተሸላሚ ለመሆን በቅተዋል፡፡

በበጀት ዓመቱ ለተገኘው አንጸባራቂ ስኬት በቦሌ ክፍለ ከተማ የሚገኙት አሥራ አንዱም ወረዳዎች ከፍተኛ ርብርብ በማድረግ ፍሬያማ አስተዋጽኦ አበርክተዋል፡፡ የቦሌ ክፍለ ከተማ አስተዳደር ሁሉም ወረዳዎች በበጀት ዓመቱ ላከናወኑት ስኬታማ ተግባር ልባዊ ምስጋናውን እያቀረበ፣ የተጀመረው የጋራ ርብርብ ተጠናክሮ እንዲቀጥል በዚህ አጋጣሚ ጥሪውን ያቀርባል፡፡

ሐምሌ 15/2017

21/07/2025

“በላቀ ትጋት ቀጣይነት ያለው ስኬት ለማስመዝገብ እንሠራለን!”

የቦሌ ክፍለ ከተማ አስተዳደር የነዋሪውን ኅብረተሰብ ተጠቃሚነት ለማረጋገጥ እና የተጀመረው የብልጽግና ጉዞ በስኬት ከዳር እንዲደርስ ባለፉት ዓመታት ዘርፈ ብዙ ተግባራትን በማከናወን እና ዙሪያ መለስ ርብርብ በማድረግ አንጸባራቂ ስኬቶችን አስመዝግቧል፡፡ በሁሉም መስኮች ሕዝብንና አጋር አካላትን በማስተባበር የተከናወኑ ሥራዎች ተጨባጭና የሚቆጠሩ ድሎችን ያስገኙ ከመሆኑ ባሻገር በመተባበር መሥራት ምንጊዜም አሸናፊ እንደሚያደርግ ያረጋገጡ የክፍለ ከተማችን አሻራዎች ናቸው፡፡

በ2015 እና 2016 በጀት ዓመታት የቦሌ ክፍለ ከተማ አስተዳደር በአጠቃላይ አፈጻጸም በአዲስ አበባ ከተማ ከሚገኙት አሥራ አንድ ክፍለ ከተሞች የቀዳሚነት ደረጃን ያገኘ ሲሆን፣ በ2017 በጀት ዓመትም ይህንን ስኬታማ ጉዞ አጠናክሮ በማስቀጠል በበጀት ዓመቱ አጠቃላይ የተግባራት አፈጻጸም በከተማ አስተዳደሩ በተካሄደው ምዘና 95.8 ከመቶ አጠቃላይ ከፍተኛ ውጤት በማግኘትና አንደኛ በመውጣት ለሦስተኛ ተከታታይ ዓመት የዘመናዊ መኪና ተሸላሚ ለመሆን በቅቷል፡፡ ይህ ተከታታይ ድል በመላው የክፍለ ከተማና የወረዳ አመራሮች እንድሁም የመንግስት ሰራተኞች፣ በባለድርሻ አካላት እና በመላው የክፍለ ከተማችን ነዋሪዎች የጋራ ርብርብ የተገኘ ስኬትና ውጤታችን ነው፡፡ ያገኘነውን ተጨማሪ ድል እያጣጣምን፣ በአሸናፊነታችን ሳንዘናጋ ለላቀ ድልና ስኬት በጀመርነው የትጋትና የስኬት መንገድ እጅ ለእጅ ተያይዘን መጓዛችንን እንቀጥላለን፡፡

የቦሌ ክፍለ ከተማ አስተዳደር የኮሙኒኬሽን ጽ/ቤት

ሐምሌ 14/2017

21/07/2025

እንኳን ደስ አለን፣ደስ አላችሁ!!

የቦሌ ክፍለ ከተማ አስተዳደር በ2017 በጀት ዓመት አጠቃላይ የሥራ አፈጻጸም ከአሥራ አንዱም ክፍለ ከተሞች ለሦስተኛ ተከታታይ ዓመት አንደኛ ደረጃን በመያዝ የዘመናዊ ተሸከርካሪ ተሸላሚ ሆኗል፡፡

የቦሌ ክፍለ ከተማ አስተዳደር ለዚህ ታላቅ ስኬት በጋራ ርብርብ ላደረጉ የክፍለ ከተማ አስተዳደሩ እና የአሥራ አንዱም ወረዳዎች አመራሮች፣ የመንግስ ሰራተኞች፣ የሀገር ሽማግሌዎች፣ የሃይማኖት ተቋማት፣ አባገዳዎች፣ ሀደ ሲንቄዎች፣ ወጣቶች፣ ሴቶች፣ የሰላም ሠራዊት አባላትና የጸጥታ አካላት፣ የሚዲያ አካላት፣ ባለሀብቶች እና ድርጅቶች ልባዊ ምስጋና እና መላው የክፍለ ከተማው ነዋሪ ኅብረተሰብ ልባዊ ምስጋናውን እያቀረበ፣ በድጋሚ "እንኳን ደስ አላችሁ፣ እንኳን ደስ አለን"::

ዶ/ር እሸቱ ለማ
የቦሌ ክ/ከተማ ዋና ስራ አስፈፃሚ

ሐምሌ 14/2017

21/07/2025

18/07/2025