JMN Amharic, Addis Ababa (2025)

23/10/2025

"የኢትዮጵያ ታምርት ንቅናቄ በዘርፉ ያሉ ማነቆዎችን መፍታት ችሏል" አቶ ታገሰ ጫፎ

JMN Amharic ጥቅምት 13/2018 ዓ.ም።

የኢትዮጵያ ታምርት ንቅናቄ በዘርፉ ያሉ በርካታ ማነቆዎች መፍታት ችሏል ሲሉ የህዝብ ተወካዮች ምክር ቤት አፈጉባዔ አቶ ታገሰ ጫፎ ገለጹ።

የኢፌዴሪ ህዝብ ተወካዮች ምክር ቤት አፈጉባዔ አቶ ታገሰ ጫፎን ጨምሮ የምክር ቤት አባላት የለሚ ልዩ የኢኮኖሚ ዞንና ኤ.ኤም.ጂ ሆልዲንግን የስራ እንቅስቃሴ ተመልክተዋል።

የህዝብ ተወካዮች ምክር ቤት አፈጉባዔ አቶ ታገሰ ጫፎ በዕለቱ እንደገለጹት፤ የኢትዮጵያ ታምርት ንቅናቄ በአምራች ዘርፍ ያሉ በርካታ ማነቆዎች መቅረፍ ተችሏል።

በፋይናንስ፣ በመሠረተ ልማት እንዲሁም በሰው ኃብት ልማት የነበሩ ችግሮች መቀረፋቸውን ተናግረዋል።

በግሉ ሴክተር ላይ ተስፋ ያለው ሥራ እየተሰራ መሆኑ ተመልክቻለሁ ያሉት አቶ ታገሰ፤ ምክር ቤቱ ተገቢውን ክትትልና ድጋፍ እንደሚያደርግ ጠቁመዋል።

አምራች ዘርፉ በርካታ የስራ እድል የሚፈጥር መሆኑን ጠቅሰዋል።

እንደ አቶ ተገሰ ጫፎ ገለጻ፤ አምራች ዘርፎቹ ተኪ ምርትን በማሳደግና የውጭ ምንዛ ወጪ በመቀነስ ረገድ ውጤታማ እየሆኑ ነው።

የአምራች ዘርፉን ውጤታማ የሚያደርጉ አስቻይ የህግ ማዕቀፎች እየተዘጋጁ መሆኑን አብራርተዋል።

22/10/2025

ሩሲያ በዩክሬን ላይ በፈፀመችው የድሮንና የሚሳኤል ጥቃት በትንሹ የሰባት ሰዎች ህይወት ማለፉ ተገለፀ።

JMN Amharic ጥቅምት 12/2018 ዓ.ም።

የዩክሬኑ ፕሬዝዳንት ቮለድሚር ዘለንስኪ በዩክሬን መዲና ኬቭና ካርኪቭ የሚሳኤልና የድሮን ጥቃት መፈጸሟ ተሰምቷል።

ካርኪቭ በተፈጸመው ጥቃት በህጻናት ትምህርት ቤት በደረሰው ጉዳት ቢያንስ 27 ህጻናት መቁሰላቸው ተነግረዋል።

ዘለንስኪ አክለውም ጥቃቱ የሚያሳየው ሩሲያ ላይ በቂ ጫና እየተደረገ አለመሆኑን ነው በዚህም ጦርነቱን እንድትገፋበት አድርጓታል ብለዋል።

በዩክሬን ላይ የተፈፀመው ጥቃት የአሜሪካው ፕሬዝዳንት ዶናልድ ትራምፕ ከፑቲን ጋር ሊያደርጉ የነበረውን ስብሰባ መሰረዛቸውን ካሳወቁ ከሰአታት በኋላ ነው።

ዶናልድ ትራምፕ ከፑቲን ጋር በቡዳፔስት እንደሚገናኙ ካሳወቁ ከቀናት በኋላ ዳግም ጥቅም ለሌለው ስብሰባ ጊዜዬን አላጠፋም ማለታቸው ተሰምቷል።

ክሪሚሊን በዋሺንግተንና አውሮፓውያን መሪዎች ቀረበውን የሰላም ስምምነት አልቀበልም ማለቷም ተሰምቷል።

22/10/2025

የፌደራል ከፍተኛ ፍ/ቤት በእነ ብርቱካን ተመስገን ተከሳሾች ላይ ምስክር መሰማት ጀመረ።

JMN Amharic ጥቅምት 12/2018 ዓ.ም።

የፌደራል ከፍተኛ ፍ/ቤት ልደታ ምድብ 1ኛ የሕገ መንግስት እና የፀረ ሽብር ጉዳዮች ወንጀል ችሎት ብርቱካን ተመስገን እና የኢቢኤስ ቴሌቪዥን ጋዜጠኞችን ጨምሮ 16 ተከሳሾች ላይ ምስክር መስማት ጀምሯል።

ተከሳሾቹ ብርቱካን ተመስገን ፣ መዓዛ መሐመድ፣ ተስፋዬ ወልደሥላሴ፣ ኢቢኤስ ቴሌቪዥን ኃ/የተ/የግ/ማኅበር እና በአዲስ አበባ ከተማ በሚገኙ የተለያዩ ተቋማት ውስጥ የሚሠሩ አመራሮችን ጨምሮ 16 ግለሰቦች ናቸው።

በአንደኛው ክስ ከ1ኛ እስከ 6ኛ ተራ ቁጥር የተጠቀሱ ተጠርጣሪዎች በ1996 ዓ.ም በወጣው የወንጀል ሕግ አንቀጽ 32 (1) (ሀ) (ለ) እና የሽብር ወንጀልን ለመከላከል እና ለመቆጣጠር የወጣ አዋጅ ቁጥር 1176/2012 አንቀጽ 3/1/ለ/ ሥር የተደነገገውን በመተላለፍ ክስ ተመስርቶባቸዋል።

ተከሳሾቹ ሌሎች ለጊዜው ካልተያዙ ግብረ አበሮቻቸው ጋር በመሆን የፖለቲካ ዓላማን በኃይል ለማስፈፀም በማሰብ በሕገ መንግሥት የተቋቋመውን የፌደራል እና የአማራ ክልል መንግሥትን በኃይል በማስወገድ ስልጣን መያዝ፤ ይህ ካልሆነም መንግሥትን በኃይል በማስገደድ ለድርድር እንዲቀመጥ ማድረግ የሚል ዓላማ ይዘው መንቀሳቀሳቸው በክሱ ተመላክቷል፡፡

በዋናነትም 6ኛ ተከሳሽ የደምቢ ዶሎ ዩኒቨርሲቲ ተማሪ ሆና በዩኒቨርሲቲው ተመድባ ባለችበት ተጠልፋ እንደተደፈረች በማስመሰል፣ ሐሰተኛ መታወቂያን ጨምሮ የገንዘብ ድጋፍና ዕቅድ አውጥቶ በመስጠትና በመተግበር በመሳተፋቸው ተከሳሾቹ በፈፀሙት የሽብር ወንጀል ክስ ቀርቦባቸዋል።

20/10/2025

የኢትዮጵያ ካቶሊክ ጳጳሳት ጉባዔ በተቀዳሚ ሙፍቲ ሐጂ ዑመር ኢድሪስ ሕልፈት የተሰማውን ሐዘን ገለጸ

የኢትዮጵያ ካቶሊክ ጳጳሳት ጉባዔ በተቀዳሚ ሙፍቲ ሐጂ ዑመር ኢድሪስ ሕልፈት የተሰማውን ሐዘን ገልጿል፡፡

ጉባዔው ባስተላለፈው የሐዘን መግለጫ መልዕክት ÷ የኢትዮጵያ ካቶሊክ ቤተክርስቲያን በታላቁ አባት ተቀዳሚ ሙፍቲ ሐጂ ዑመር ኢድሪስ ሕልፈተ ሕይወት የተሰማትን ጥልቅ ሐዘን ትገልጻለች ብሏል፡፡

ተቀዳሚ ሙፍቲ የብዙዎች አባት፣ የሰላም እና የአንድነት ተምሳሌት ነበሩ፤ ሀገራችን ታላቅ አባትን አጥታለች ሲል ገልጿል፡፡

ከኢትዮጵያ ካቶሊክ ቤተክርስቲያን ጋር በተለይም በሀገራችን ሰላም እና እርቅን ለማውረድ በርካታ ሥራዎችን በጋራ እንደሰሩም አውስቷል፡፡

ጉባዔው ለቤተቦቻቸው፣ ለወዳጅ ዘመዶቻቸው፣ ለእስልምና እምነት ተከታዮች እና ለመላው የኢትዮጵያ ሕዝብ መጽናናትን ተመኝቷል፡፡

13/10/2025

ስኬቶቻችን የሰንደቃችን ከፍታ የሚጨምሩ ናቸው

ኢትዮጵያ ባለፉት ጥቂት የለውጥ ዓመታት እመርታዊ ስኬቶችን እያስመዘገበች የሚመጥናትን ከፍታ እየያዘች ትገኛለች። ለዘመናት የቁጭት እና እንጉርጉሮ ትርክት ምንጭ የነበረዉን ዓባይን ገርታ የኃይል እና ብርሃን ምንጭ አድርጋለች፡፡

በንጋት ኃይቅ በምግብ ሉዓላዊነቷ ላይ ጉልህ ሚና የሚጫወት የዓሣ ምርት ማግኘት ችላለች፤ ዐዲስ የቱሪዝም መዳረሻ ደሴቶችንና ከተሞችን ፈጥራለች፡፡ የዓባይን የቁጭት ትርክት ወደ ድል እና አሸናፊነት ብስራት ቀይራለች፡፡

ተጨማሪ የኃይል ምንጮችን ከውኃ እስከ እንፋሎት፣ ከፀሐይ ብርሃን እስከ ኑውክሊየር ኃይል እና ነፋስ በመገንባት ላይ ናት፡፡ እነዚህ ሁሉ የሰንደቋን ከፍታ እና ተምሳሌትነት የሚያጎሉ ናቸው፡፡

ኢትዮጵያ ከገጸ ምድር ባሸገር በከርሰ ምድር ያሉ ሀብቶቿን ወደመጠቀም ተሸጋግራለች፡፡ በተፈጥሮ ጋዝ ማውጣት የታየዉን ስኬት ለማላቅ፣ በነዳጅ ዘይትም ለመድገም ግዙፍ ፕሮጀክቶችን ጀምራለች፡፡ የግብርና ዘርፉን ውጤታማነት ለማሳደግ የዐፈር ማዳበሪያ በራሷ ለማምረት ወሳኝ ምዕራፍ ላይ ደርሳለች፡፡ ይህም የምግብ ሉዓላዊነታችንን ለማረጋገጥ የተጀመረውን ሥራ ይበልጥ የሚጠናክር ሆኗል።

የሕዝቧን የአኗኗር ዘይቤ ለመቀየር ከቢሮ እስከ ግቢ በሚል ጀምራ፣ ከከተማ እስከ ገጠር ወደሚል ተሸጋግራለች፡፡ በአዲስ አበባ የተጀመረዉ የከተሞችን ገጽታ የመቀየር ንቅናቄ ዘመናዊነትን፣ የስማርት ሲቲ ጽንሰ ሐሳብን እና ሰውን ከተፈጥሮ የማስማማት ልምምድን ያስተዋወቀ ነው፡፡ ይህም የዲፕሎማሲ ማእከል የሆነችውን መዲናችንን በዓለማቀፍ ደረጃ ያላትን ገጽታ የሚያጎላ፣ የሰንደቃችንን ከፍታ የሚጨምር ነው፡፡

ከተማችንን የማዘመኑን ጅማሮ ወንዞቻችን በማከም የተፋሰሶችን ደኅንነት የሚያረጋግጥ ሆኗል፡፡ ከእንጦጦ ጀምሮ እየተሠራ ያለዉ የወንዞች ዳርቻ ልማት የአዋሽ ተፋሰስን ሥነ ምኅዳር ጭምር የሚያክም ለአካባቢ ጥበቃ አብነት ነው፡፡ የገጠር አኗኗር ዘይቤያችንን በማዘመን ኢትዮጵያን በበጎ የምትመሰል ሀገር የማድረግ ጥረታችንም ፍሬው እየታየ ነው፡፡ እነዚህ ሁሉ የሰንደቃችንን በኩራት መውለብለብ የሚያጎሉ የትጋታችን ውጤቶች ናቸው፡፡

ዛሬ የምናከብረው የሰንደቅ ዓላማ ቀን በነፃነት ቀን የተገኘ አይደለም፤ ነፃ ሆኖ ለሌሎች ነፃነት ከፍ ብሎ ሲውለበለብ የታየ የነፃነት ምልክት እንጅ፡፡ ነፃነቱን ለማስከበር ግን ቀደምቶቻችን ደም፣ ሥጋ እና ዐጥንት ገብረዋል፡፡ ኢትዮጵያን የዓለም የነፃነት ቀንዲል አድርገዉ አስረክበውናል፡፡

ዛሬም እንደትናንቱ የኢትዮጵያን ሉዓላዊነት በደም እና በዐጥንት ለማስበር የቆረጡ ጀግኖች አሉን፡፡ በምድር፣ በአየር፣ በባሕር እና በሳይበር የኢትዮጵያን ሉዓላዊነት በማስከበር ሰንደቋ የነፃነት ተምሳትነቱ እንዲቀጥል የሚተጉ ጀግኖቻችን አሉ፡፡

የሰንደቅ ዓላማ ቀንን የምናከብረዉ በሁሉም ግንባር፣ በሁሉም ዓውድ ስለኢትዮጵያ ዋጋ የሚከፍሉ ጀግኖቻችን በማመስገን፣ ሰንደቃችንም በክብር ከፍ አድርገን በማውለብለብ፣ ለላቀ ከፍታዉ እንደምንተጋ ቃል በመግባት ነው፡፡ የተጀመሩ ትልልቅ የሰንደቅ ዓላማ ፕሮጀክቶች ለማሳካት ደግሞ ያለስስት በጋራ መጣር፣ የኢትዮጵያን ብልጽግና እውን ለማድረግ ማናቸዉንም ዋጋ መክፈል ከዜጎች ይጠበቃል፡፡

12/10/2025

የኢሬቻ በዓል አከባበር በቤኒሻንጉል ጉሙዝ ክልል አሶሳ ከተማ በምስል

10/10/2025

በኢትዮጵያ እና በፓኪስታን መካከል እየተጠናከረ የመጣውን የባህል ትስስር ተከትሎ በጠቅላይ ሚኒስትር ዶ/ር ዐቢይ አህመድ የተጻፈው 'የመደመር ትውልድ' መጽሐፍ የትርጉም ሥራ ተጠናቆ በፓኪስታን ብሔራዊ ቋንቋ (ኡርዱ) ለአንባቢያን ቀርቧል።

ይህ የትርጉም ሥራ በፓኪስታን የኢ.ፌ.ዲ.ሪ ልዩ መልዕክተኛና ባለሙሉ ስልጣን አምባሳደር ክቡር ዶ/ር ጀማል በከር እና በፓኪስታን የባህልና ቅርስ ሚኒስትር ክቡር አውራንግዜብ ካን ኺቺ መካከል የተደረሰውን ስምምነት ተከትሎ የተከናወነ ሲሆን የፓኪስታን ብሔራዊ ቋንቋ ማስተዋወቂያ መምሪያ በተሳካ ሁኔታ አስፈጽሞታል።

ክቡር አምባሳደር ዶ/ር ጀማል በከር የተተረገመውን መፅሐፍ ባስመረቁበት ወቅት እንደተናገሩት የመጽሐፉ በኡርዱ ቋንቋ መዘጋጀት በፓኪስታን በሚገኙ የፖለቲካ ልሂቃን ምሁራንና ወጣቶች ዘንድ ከፍተኛ አድናቆትን ያተረፈውን የመደመር ፍልስፍና በቀጥታ ከምንጩ እንዲረዱት ትልቅ እድል ሲፈጥር በሚሊዮን የሚቆጠሩ የኡርዱኛ ተናጋሪዎች የመጽሐፉን ዋና መልዕክት በቀላሉ እንዲረዱ ብሎም ኢትዮጵያ የምትከተለውን የጋራ ብልጽግና አስተሳሰብ ለማስተዋወቅ ወሳኝ ሚና ይጫወታል ብለዋል።

የፓኪስታን ብሔራዊ ቋንቋ ማስተዋወቂያ መምሪያ የተተረጎመው መጽሐፍ በመላ ሀገሪቱ በሚገኙ ዩኒቨርሲቲዎች ቤተ-መጻሕፍት እና የምርምር ተቋማት እንደሚያሰራጭ የገለጸ ሲሆን፣ ይህም በሁለቱ ሀገራት መካከል ያለውን የእውቀትና የልምድ ልውውጥ ወደ ላቀ ደረጃ ያደርሰዋል ተብሎ ይጠበቃል።

'የመደመር ትውልድ' መጽሐፍ ወደ ኡርዱ ቋንቋ መተርጐሙ በኢትዮጵያና በፓኪስታን መካከል የተመሰረተው ጠንካራ ዲፕሎማሲያዊ ግንኙነት ፍሬ ሲሆን ለቀጣይ የሕዝብ ለሕዝብ ትስስርም መሰረት የሚጥል ታሪካዊ ክስተት ሆኖ ተመዝግቧል።

10/10/2025

ረቡዕ በሀላባ እና ከምባታ ዞኖች የነበረንን የሞዴል የገጠር መንደሮች ርክክብ ሥነሥርዓት በመቀጠል ዛሬ ደግሞ በሀዲያ እና ስልጤ ዞኖች የተገነቡትን አስረክበናል ሲሉ ጠቅላይ ሚኒስትር ዐቢይ አሕመድ (ዶ/ር) በማኅበራዊ የትስስር ገፃቸው አስፍረዋል።

እነኚህ ባለሶስት መኝታ ቤት መኖሪያዎች፤ ለማብሰል የሚያገለግል የባዮጋዝ መሣሪያ፣ የፀሐይ ኃይል ማመንጫ፣ የዶሮ ማርቢያ፣ የተለየ የእንስሳት በረት የተሟላላቸው ሲሆን፤ በተመጣጣኝ አነስተኛ ወጪ ከአካባቢ በሚገኙ ግብዓቶች የተሻለ መኖሪያ ከማስገኘት አንፃር ለገጠሩ ማኅበረሰብ ብልጽግና ያለንን ሕልም የሚያሳይ ነው ብለዋል።

እንደ ማኅበረሰብ አዲስ ሀሳቦች ሲፈልቁ “አይቻልም” በሚለው የቆየ አስተሳሰብ የመፈተን ተግዳሮት ይደቀንብን ይሆናል ሲሉ ገልፀዋል።

ይሁንና በተጨባጭ በሚታየውና በተገኘ ውጤት ላይ ወደ አለማመን እና አለመቀበል በሚመራን የሀሳብ ወጥመድ ውስጥ መውደቅ የለብንም ብለዋል።

ዜጎች ለውጥ እንደሚቻል ሀብቶቻችንን ወደ ትክክለኛ የቅድሚያ ትኩረቶቻችን ካዋልንም ማኅበረሰብን በርግጥም ማሻገር እንደምንችል ማመን ይገባቸዋል ሲሉ ጠቁመዋል።

በአራቱ ዞኖች የተሠራው ሥራ በመላው ክልሉ መደገም ይኖርበታል ብለዋል። የክልሉ አመራር ይኽን ታላቅ ስራ እንደሚፈጽመውም እምነት ጥያለሁ ብለዋል።

10/10/2025

አዲሱ የተሽከርካሪ ሰሌዳ ምን ምን አካቷል?

የተሽከርካሪውን ቻንሲ፣ የሴሪያል ቁጥር፣ የሦስተኛ ወገን ኢንሹራንስ መረጃ፣ የተሽከርካሪ ቴክኒክ ምርመራ ውጤት እና የትራፊክ አደጋ ሁኔታን የሚገልጹ የሕግ አካላት እና መዝጋቢዎች መመልከት የሚችሉት ስለተሽከርካሪው መረጃ የያዘ ቺብስ

ኢት እና ETH የሚለውን በቪዬና ስምምነት ለኢትዮጵያ የተሰጠ የሀገሪቱን አለም አቀፍ መለያ ኮድ

"አድዋ "የሚል ጽሁፍ፣ ጦር እና ጋሻ

በስተቀኝ በኩል ከ 0 እስከ 9 ያሉ ቁጥሮቸ

የተሽከርካሪ መረጃ ስካን የሚደረግበት ባር ኮድ

ከሩቅ ማየት የሚያስችል አንጸባራቂ መቀነት

09/10/2025

የሳይበር ጥቃትን ለመከላከል ሁሉም ለሳይበር ደህንነት ትኩረት ሊሰጥ እንደሚገባ የኢንፎርሜሽን መረብ ደህንነት አስተዳደር ገለፀ።

6ኛው ሀገር አቀፍ የሳይበር ደህንነት ወር አስመልክቶ ጋዜጣዊ መግለጫ የሰጡት የኢንፎርሜሽን መረብ አስተዳደር ዋና ዳይሬክተር ትዕግስት ሀሚድ፤ በዓለም ላይ የሳይበር ጥቃት እየጨመረ መምጣቱን ገልፀዋል።

በኢትዮጵያ ችግሩን ለመከላከልም የተለያዩ ተግባራት እየተከናወነ መሆኑን ያብራሩት ዳይሬክተሯ ፤ በቀጣይም ቅንጅታዊ አሰራርን በማጎልበት የተጠናከረ ሥራ ይሰራል ሲሉም ተናግረዋል።

የዲጂታላይዜሽን መስፋፋት እና የግንዛቤ ማነስ ችግሮች ዋነኛ መንስዔ መሆኑን የጠቆሙት ዳይሬክተሯ፤ ይህንን ለመከላከል ለዘርፉ ልዩ ትኩረት ሊሰጠው ይገባል ብለዋል።

6ኛው ሀገር አቀፍ የሳይበር ደህንነት ወር “የሳይበር ደህንነት የዲጂታል ኢትዮጵያ መሰረት” በሚል መሪ ሀሳብ ከጥቅምት 1 እስከ 30 ቀን 2018 ዓ.ም እንደሚከበር የኢንፎርሜሽን መረብ ደህንነት አስተዳደር አስታውቋል።

በዚህም ሁለት ዋና ዋና ጉዳዮች ላይ ትኩረት የሚደረግ ሲሆን የመጀመሪያው የሀሰተኛ መረጃ ዝግጅት፣ ቁጥጥር እና ስርጭትን ለመቆጣጠር እና ለመከላከል ያለመ ንቅናቄ ይደረጋል።

ሁለተኛው በዲጂታላይዜሽን ደህንነት ጉዞ የተቋማትን የሳይበር ጥቃት ተጋላጭነት ለመቀነስ የሚያስችል ንቅናቄ መሆኑን ጠቀሰዋል።

09/10/2025

ለታክስ ህግ ተገዢ ሕብረተሰብ ለመፍጠር ቅንጅታዊ አሰራርን ማጠናከር ይገባል

የኢትዮጵያን ብልፅግና ለማረጋገጥ ለታክስ ህግ ተገዢ ሕብረተሰብ ለመፍጠር ቅንጅታዊ አሰራረን ማጠናከር ይገባል አሉ የገቢዎች ሚኒስትር አይናለም ንጉሴ።

ሚኒስቴሩ ሀገራዊ የገቢ ዘርፍና ቁልፍ የፌዴራል፣ የክልልና የከተማ አስተዳደር ባለድርሻ አካላት ጋር ሀገራዊ ውይይት እያካሄደ ይገኛል።

ወ/ሮ አይናለም ንጉሴ በዚህ ወቅት እንዳሉት÷ ኢትዮጵያ እያደገ የመጣ ኢኮኖሚ እየገነባች ብትሆንም ኢኮኖሚው የሚያመነጨውን ገቢ ከመሰብሰብ አንፃር ቀሪ ስራዎች አሉ።

ባለፉት የለውጥ ዓመታት የገቢ አሰባሰብ ስርዓቱን ለማዘመንና ለግብር ከፋዩ ቀልጣፋ አገልግሎት ለመስጠት እየተሰራ መሆኑን ተናግረዋል።

ለታክስ ህግ ተገዢ ሕብረተሰብ ለመፍጠርና የገቢ ሪፎርም ስራን ለማጠናከር የበለጠ መስራት እንደሚያስፈልግና የገቢ ተቋማት በህገወጥ ንግድ ላይ ክትትል በማድረግና ከሚመለከታቸው አካላት ጋር በመቀናጀት ግብር ከፋዮች ወደ ህጋዊ አሰራር እንዲገቡ ማድረግ እንዳለባቸው አስገንዝበዋል።

ፍትሃዊ የታክስ አስተዳደር ስርዓት ለመዘርጋት፣ የታክስ አወሳሰንና ሌሎች ስራዎችን ለማሻሻል የግንኙነት ስራዎችን አጠናክሮ መቀጠል ይገባል ብለዋል።

የግብር ከፋዮች የታክስ አከፋፈል እየተሻሻለ ቢሆንም አሁንም የታክስ ስወራና ሌሎች ህገወጥ ስራዎች ስላሉ ብልሹ አሰራርን በመታገል የገቢ ዘርፍን በውጤታማነት መምራት እንደሚገባ አመላክተዋል።

የታክስ አስተዳደርን ዲጂታላይዝ በማድረግ እስከታችኛው መዋቅር ማድረስ፣ የሰው ኃይልና ተቋም ግንባታን በወጥነት ማጠናከር እንደሚገባ መናገራቸውን ኢዜአ ዘግቧል።

09/10/2025

አየር ኃይል ያሠለጠናቸውን መሠረታዊ ወታደሮች እያስመረቀ ነው

የኢፌዴሪ አየር ኃይል ለአካዳሚው ያሰለጠናቸውን መሠረታዊ ወታደሮች እያስመረቀ ነው፡፡

በምረቃ ሥነ ሥርዓቱ የአየር ሃይል ዋና አዛዥ ሌ/ጄ ይልማ መርዳሳን ጨምሮ ሌሎች ከፍተኛ አመራሮችና ጥሪ የተደረገላቸው እንግዶች ተገኝተዋል።

JMN Amharic

23/10/2025

22/10/2025

22/10/2025

20/10/2025

13/10/2025

12/10/2025

10/10/2025

10/10/2025

10/10/2025

09/10/2025

09/10/2025

09/10/2025

Address

Telephone

Website

Alerts

Contact The Business

Shortcuts

Share

Category