18/09/2026
Hidhattootni miseensa garee seeraan alaa ABUT 300 ta’an Ajaja Iizii Kaaba Lixaatti harka kennatan
AMN PLUS - Fulbaana 08/2019
Sochii garee ABUT nageenyaaf dursa kennuu dhiisee, qophii waraanaa taasisaa jiru mormuun garee sana waliin taanee lola irratti hin hirmaannuu kan jedhan miseensotni garichaa 300 ta’an karaa Laga Takazzee irraan gara Raayyaa Ittisa Biyyaatti makamuun Ajajaa Iizii Kaabaa-Lixaatti, harka kennachuun isaanii ibsameera.
Loltoonni kun dirree waraanaa Lixaa, naannoo Takazzee, iddoo adda naannawaa riqicha Takazzee bitaa fi mirgaan Raayyaa Ittisaa Biyyaatti harka kennataniiru.
Miseensotni duraanii ABUT amma harka kennatan kunniin akka jedhanitti, ABUT diina uummata Tigraay kan tahe Shaabiyaa waliin qindoomina "Tsimdoo" jedhamu uumun uummata Tigraayif kan hinfayyadnee fi miidhu ta'uu hubachuun, hariiroo dursaanii Raayyaa ittisaa naannawichatti argamu waliin uumaniin waliin dubbatanii haala miijessuun harka kennachuu akka danda'an dubbataniiru.
Hidhattootni miseensa garee seeraan alaa ABUT harka kennan kunneen, gaaffiin ummata Tigraayii qawwee fi waraanaan osoo hin taane, marii fi waliigaltee karaa nagaan furamuu qaba jedhan akka amanan ibsaniiru.
Hidhattootni kunniin meeshaalee waraanaa dhuunfaa fi gareen itti tajaajilamaa turan 280 0l, meeshaalee dhukaasaa gosa adda addaa, Fuullee dirree waraanaa fi ragaalee adda addaa qabatanii galuu isaaniis Ajajichi beeksiseera.
Loltoonni ABUT harka kennan kunneen, hoggantoonni ABUT itti gaafatamummaa irraa of baraaruuf dargaggoota uummata Tigraay nagaa fedhu dirqamsiisuun walitti qabuun gara waraanaatti erguuf yaalan mormuun harka kennuu isaanii ibsaniiru. Isaan ammas rakkoon jiru fedhii hoggantoota ABUT muraasaatiin osoo hin taane, marii qofaatiin furamuu danda’a jechuun amantaa guutuu akka qaban dubbatan.
Ajajichi akka beeksisetti, warra harka kennan keessaa ajajaa kutaa waraanaa irraa eegalee hanga sadarkaa adda addaatti hoggantootni kan keessatti argaman tahu kan ibse Ajajichi, humni loltootaa kun fedhii isaatiin osoo hin taane, dirqama sirna mootummaa ABUT jalatti lola irratti hirmaachaa jiraachuu isaa kan agarsiisuudha.
Loltoonni harka kennan akka jedhanitti, ABUT marsaa waraanaa keessaa bahuuf fedhii hin qabu; qaama "Tsimdoo" jedhamee waamamuun tumsa uumameen ummata rakkoo caalmaa keessa galchuuf yaalaa jira. Sochiin inni taasisaa jiru nagaa kan hin deeggarre, filannoo nagaa isaaf dhiyaate kan hin fudhanne garuu ammoo uummata Tigraay biratti fudhatama dhabaa jira jedhaniiru.
Amma illee dargaggoonni Tigraay hedduun sirna bulchiinsa ABUT jibbuun fi nagaa filachuun harka kennuuf carraa eegaa jirus jedhan loltoonni kun. Akka isaan ibsanitti, ABUT ummata Tigraay ummata Itoophiyaa irraa addaan kutuu fi nagaa dhabsiisuuf dargaggoota dirqamaan gara waraanaaf qopheessaa jira.
Dargaggoonni Tigraay dirqamaan waraana keessa galan illee, kana hubatanii yeroo fi haalli mijatnaan harka kennuuf qophii akka ta’an loltoonni kunneen ibsu Odeeffannoon Miidiyaa Onlaayinii Raayyaa Ittisa Biyyaatiin AMN’f ergame ibseera.
