ህልመኛው ሰውዬ/The Visionary

29/10/2025

29/10/2025

"ነግሬህ ነበረ"

በድንገት ከኋላዬ መጥተህ አትንካኝ ብዬህ ነበር፡፡

ያጠብኳቸውን ብርጭቆዎች አንድ በአንድ እያደረቅኩ ከጀርባዬ መጥተህ ስትጎነትለኝ ጩኸቴን ለቀቅኩት፡፡

በድንጋጤ የወረወርኩት ብርጭቆ ወለሉ ላይ አርፎ ሲበተን አንዱ ስባሪ እግሬ ላይ ተሰካ፡፡ ደሜ ወደ እግሬ ጣቶች ተንዠቀዠቀ፡፡

በድንጋጤ ደርቄ ቀረሁ፡፡
ሣቅክ፡፡
እኔ ግን አልሣቅኩም፡፡

እሱም እንዲህ ያደርገኝ ነበር ብዬ ነግሬህ ነበር፡፡

እንዲህ ያለው ነገር ሲፈጠር እንኳን በእጄ የያዝኩት ዕቃ፣ ሽንቴ ያመልጠኛል፤ ሰውነቴን ማዘዝ ይሳነኛል ብዬህ ነበር፡፡

ሳትነግረኝ ዕቃዬን አትንካ ብዬ ነግሬህ ነበር፡፡
ቦርሣዬን ስትበረብር አገኘሁህ፡፡

‹‹የእኔ ኤርፎን ስለተበላሸ ያንቺን እየፈለግኩ ነበር›› አልከኝ ቀለል አድርገህ፡፡

ግን ዲያሪዬን አግኝተህ አንዱን ገጽ ጮክ ብለህ እያነበብክ ነበር፡፡
መጀመሪያ ደነዘዝኩ፤ ከዚያ ቱግ አልኩ፡፡

‹‹አንቺ ደግሞ ለትንሽ ለትልቁ ማካበድ ትወጃለሽ›› ብለህ ተሳለቅክብኝ፡፡

የምለውን ነገር ማንም በማያምነኝ በዚያ ጊዜ፣ ብቸኛ ምስጢረኛዬ፣ ታማኝ ባልነጀራዬ ዳየሪዬ ነበር ብዬ ነግሬህ ነበር፡፡

እናቴ ከመሳቢያ አውጥታ አንብባብኝ ተገርፌያለሁ ብዬ ነገሬህ ነበር፡፡

ስለከሲታነቴ እንዳታነሣብኝ ነገሬህ ነበር፡፡

ዳሌና ጡት እንደሌለኝ፣ ወንድ እንደምመስል በቀልድም ቢሆን እንዳትነግረኝ ብዬህ ነበር፡፡

‹‹እኔ እኮ… ትበያለሽ ትበያለሽ… ግን ምንም አትጨምሪም… የት እየከተትሽው ነው?…›› አልከኝ፡፡

‹‹ስለዚህ ጉዳይ ማውራት አልፈልግም›› አልኩህ ደጋግሜ፡፡

ያን ጊዜ ሴት መስዬ ላለመታየት፣ ጎላ ብዬ ዓይን ላለመግባት የዘየድኩት መላ ነው ብዬ አውርቼህ ነበር፡፡

ትምህርት ቤት ቆዳ ቅብ ይሉኝ እንደነበር፣ ልብሴ እላዬ ላይ እየተንዠዋዠወ ስሄድ ደኅንነት ይሰማኝ እንደነበር ነግሬህ ነበር፡፡

እንቅልፍ ሳይወስደኝ መብራቱን አታጥፋ ብዬ ስንት ጊዜ ለምኜህ ነበር፡፡

‹‹ሕፃን ነሽ እንዴ?›› ብለህ ተሳለቅክብኝ፡፡

ያን ጊዜ እንቅልፌ ቢመጣ እንኳን አንድ ዓይኔን ከፍቼ እንደምተኛ፣ የእንጀራ አባቴን ኮቴ ቀድሜ ለመስማት ጆሮዎቼን ቀስሬ ትራሴን ደገፍ እንደምል፣ መብራት የጠፋ እንደሆነ በፍርሃት እንደምርድ ነግሬህ ነበር፡፡

ደንታ አልነበረህም፡፡

እኔ ደግሞ ካልጠፋ እንቅልፍ አይወስደኝም ብለህ ድርግም አደረግከውና በደቂቃዎች ውስጥ ማንኮራፋት ጀመርክ፡፡

መቼም ቢሆን ውሸታም እንዳትለኝ ብዬ ነግሬህ ነበር፡፡ ብንጣላ እንኳን፣ ባናድድህ እንኳን ያሻህን ስም ስጠኝ ውሸታም ግን አትበለኝ ብዬህ ነበር፡፡

አንዱን ቀን ሳናድድህ ውሸታም አልከኝ፡፡

ፊቴ ሲለዋወጥ

‹‹አንቺ በቀልድም ቢሆን ውሸታም አትበሉኝ ነው እንዴ የምትይው… ብዙ ችግር አለብሽ›› አልከኝ፡፡

‹‹አዎ ችግር አለብኝ›› ብዬ መለስኩልህ፡፡

‹‹የእንጀራ አባቴ ከአሥራ አንድ ዓመቴ ጀምሮ ያደረሰብኝን በደል ስነግራት የገዛ እናቴ፣ ውሸታም ስላለችኝ ውሸታም መባልን ፈጽሞ ልቀበለው አልችልም›› አልኩህ፡፡

ዓይኖችህን በመሳለቸት ሰቅለህ ‹‹አቦ ልጅ ሆነሽ የነበረ ነገር… አሁን ትልቅ አይደለሽ እንዴ… እርሺው እንጂ›› አልከኝ፡፡

እርሺው፡፡

በምስጢር የነገርኩህን ታሪኬን፣ የልጅነት ጠባሳዎቼን፣ ያልዳኑ ቁስሎቼን በአደባባይ አትናገር ብዬህ ነበር፡፡

አንዱን ቀን ጓደኞችህን ሰብስበህ ‹‹ሉላ እኮ እስካሁን ድረስ ረጅም የወንድ ጥላ ስታይ ትበረግጋለች… አይገርማችሁም!›› ብለህ ሥቀህ አሣቅክብኝ፡፡

አስገኘኸኝ!

የእንጀራ አባቴ ሌሊት ሌሊት የኮቴውን ዳና አለስልሶ ወደ መኝታ ክፍሌ ሲመጣ መጀመሪያ የማየው ረጅም ጥላውን ነው ብዬ ነግሬህ ነበር፡፡

ጥላው፣ ትንፋሹና እጆቹ የስቃዬ አስታዋሾች ነበሩ፡፡

እንዲህ ብዬህም ባልዳነ ቁስሌ እንጨት ሰደድክብኝ፡፡
ያንን ዕለት ሽንት ቤት ገብቼ ለሰዓታት አነባሁ፡፡

ቤታችን የሚያድር እንግዳ የሚመጣ ከሆነ ቀድመህ ንገረኝ ብዬህ ነበር፡፡

ሳትነግረኝና ሳታማክረኝ አጎትና የአጎትህን ልጅ ከባሕር ዳር መጥተው እኛ ጋር እንዲከርሙ ጋበዝካቸው፡፡

ሊመጡ ነው የለ፡፡ ቢመጡ ምን ይመስልሻል? የለ፡፡

የእንግዳ መኝታ ቤት እንዲያርፉ አደረግክ፡፡

አንዱን ሌሊት አጎትህ በውድቅት ለሽንት ተነሥቶ ወደ መታጠቢያ ክፍል ሲመጣ፣ እኔ ውኃ ልጠጣ ወደ ኪችን ስሄድ ኮሪደር ላይ ተገናኘን፡፡ እሪ ብዬ ጮኽኩ፡፡

ዘመዶችህን ስላስደነገጥኩብህ "ቀውስ ነሽ" ብለህ ተቆጣኸኝ፡፡
ነገሩ ተረጋግቶ ወደ ዐልጋችን ስንመለስ ልታቅፈኝ ዳዳህ፡፡

ሸሸሁህ፡፡
ምነው አልከኝ፡፡
መልስ አልሰጠሁህም፡፡
በረዶ ሆንሽብኝ እኮ አልከኝ፡፡
ዝምታን መርጬ ጭለማው ላይ እንዳፈጠጥኩ ነጋ፡፡

ሲነጋ ሻንጣዬን በልብስ እና ጫማዎቼ ሞልቼ ሳላለቅስ እና ድምጽ ሳላሰማ ጥዬህ ሄድኩ፡፡

በአሥራ አምስት ቀኑ ደወልክልኛና፣ ‹‹ከገዛ ቤትሽ እንደ ሌባ ሹክክ ብሎ ከመውጣት ምናለ ቅር የሚያሰኝሽን ነገር ቀድመሽ ብትነግሪኝ ኖሮ?›› አልከኝ፡፡

‹‹ነገርኩህ እኮ…! ስንት ጊዜ ነግሬህ ነበር›› ብዬ መለስኩልህ፡፡

የምታወራውን ሳትጨርስ ስልኩን ዘጋሁት፡፡
ህልመኛው ሰውዬ/The Visionary

29/10/2025

ሰላም 🤝 🖐 👋

29/10/2025

#አናናስ

29/10/2025

#ኑግ እና አስገራሚ የጤና ጥቅሙ
በሳይንሳዊ ስሙ ጊዞቲያ አቢሲኒካ (Guizotia abyssinica) ተብሎ የሚታወቀው ኑግ፤ በንጥረ ነገሮች እና ለጤና በሚሰጣቸው ጥቅሞች የተሞላ ትንሽ ጥቁር ዘር (ፍሬ) ነው።
በአገራችን ኢትዮጵያ፣ እንዲሁም በሕንድ እና በተለያዩ የአፍሪካ ክፍሎች በብዛት የሚገኘው ይህ ትንሽዬ ዘር ለሰውነታችን ትልቅ አስተዋጽኦ ያደርጋል።
ልታውቋቸው የሚገቡ ስምንት (😎 የኑግ አስደናቂ የጤና ጥቅሞች
1.የልብ ጤናን ያሻሽላል
የኑግ ዘይት በኦሜጋ-3 ፋቲ አሲዶች የበለፀገ ነው። እነዚህም 'መጥፎ' ኮሌስትሮል (LDL) የሚባለውን ለመቀነስ፣ እና 'ጥሩ' ኮሌስትሮል (HDL) የሚባለውን ለመጨመር ይረዳሉ።
ይህም እንደ ስትሮክ፣ የደም ግፊት፣ እና የልብ ደም ቧንቧ በሽታዎች ያሉ የልብ በሽታዎችን የመጋለጥ እድልን ይቀንሳል።
2.ክብደትን ለመቆጣጠር ይረዳል
ኑግ ጤናማ ቅባቶችና ፕሮቲኖች ስላሉት፤ የጥጋብ ስሜት እንዲሰማን ያደርጋል።
በመጠኑ ሲወሰድም ከልክ ያለፈ መክሰስን (መመገብን) በመቀነስ የሰውነት ክብደት የመቀነስ ግባችንን ለማሳካት ይረዳል።
3.የምግብ መፈጨትን ያሻሽላል
በኑግ ውስጥ የሚገኘው የፋይበር መጠን አንጀታችን ያለምንም ችግር በቀላሉ እንዲሠራ ይረዳል፤ ይህም የሆድ ድርቀትን ይከላከላል።
በተጨማሪም ጠቃሚ የሆኑ ባክቴሪያዎችን እንቅስቃሴ በማበረታታት፤ ጤናማ አንጀት እንዲኖረን ያግዛል።
4.የበሽታ መከላከል አቅምን ያጎለብታል
ኑግ እንደ ዚንክ፣ ማግኒዥየም፣ እና አንቲ-ኦክሲደንትስ (ፀረ-ፍሪራዲካልስ) ባሉ አስፈላጊ ንጥረ ነገሮች የተሞላ ነው።
እነዚህም የበሽታ መከላከል ሥርዓታችንን (Immune System) በማጠናከር ሰውነታችን ከበሽታዎች ጋር እንዲዋጋ እና ጤናማ ሆኖ እንዲቆይ ይረዳሉ።
5.ለጤናማ ቆዳ እና ፀጉር ተመራጭ ነው
በኑግ ዘይት ውስጥ ያለው ከፍተኛ የሊኖሌይክ አሲድ እና ቫይታሚን ኢ መጠን ቆዳን ይንከባከባል፣ እንዲሁም ለስላሳና አንጸባራቂ እንዲሆን ያደርጋል።
በተጨማሪም የፀጉር እድገትን ያበረታታል፣ ድርቀትን ይቀንሳል፣ እንዲሁም የፀጉር ሥሮችን ያጠነክራል።
6.ኢንፍላሜሽንን ይዋጋል
የኑግ ዘይት ፀረ-ኢንፍላማቶሪ (Anti-inflammatory) ባህሪ አለው። ይህም እብጠትን እና የመገጣጠሚያ ህመሞችን ለመቀነስ ይረዳል።
ስለሆነም በአርትራይተስ (የመገጣጠሚያ አካባቢ ህመም) ለሚሰቃዩ ወይም የጡንቻ መድከም ላለባቸው ሰዎች እጅግ በጣም ጠቃሚ ነው።
7.ለአጥንት ጤና አስተዋጽኦ ያደርጋል
በካልሲየም እና በሌሎች ማዕድናት የበለፀገ በመሆኑ ኑግ ጠንካራ አጥንትና ጥርስ እንዲኖረን አስተዋጽኦ ያደርጋል።
ይህም የአጥንት መሳሳት ኦስቲዮፖረሲስን (Osteoporosis) እና የአጥንት ስብራት አደጋን ይቀንሳል።
8.ጥሩ እንቅልፍ እንዲኖረን ይረዳል
በኑግ ውስጥ ያለው ማግኒዥየም የእንቅልፍ ሆርሞኖችን ለመቆጣጠር ስለሚረዳ፤ ከከባድ ቀን በኋላ ዘና እንድንል፣ እና የተሻለ የእንቅልፍ ጥራት እንዲኖረን ይረዳል።
ኑግ በዘይት መልክም ሆነ በምግብ ውስጥ ተጨምሮ ሲበላ፤ ለልብ ጤና፣ ለበሽታ መከላከል አቅም፣ እና ለአጠቃላይ ጤንነታችን ተፈጥሯዊ ድጋፍ ይሰጣል።
ህልመኛው ሰውዬ/The Visionary

29/10/2025

🙏❤🙏

29/10/2025

29/10/2025

፡-
1.የምግብ መዋሀድን ያፋጥናል ፋይበር ስለያዘ የሆድ ድርቀትን እና ኪንታሮትን ይከላከላል፡፡
2. አጥንቶችን እንዳይጎዱ ያደርጋለል ኩላሊታችን ስራዎችን በአግባቡ እንዲወጣ ያደርጋል ፡፡
3 .የቆዳ ዉበትን ረዘም ላለ ጊዜ እንዲጠበቅ ያደርጋል ፡፡
4 የደም ማነስን ይከላከላል
5 የኮሊስቲሮልን መጠንን ይቆጣጠራል፡፡
6 የደም ዝዉዉር ይጨምራል ፡፡
7. ለነፍሰጡር ሴቶች በተለያዩ በሽታዎች መጠቃትን ይቀንሳል ፡፡
8. ሀይል ሰጪ ነዉ፡፡100 ግራም በቆሎ ዉስጥ 342 ካሎሪን ይገኛል፡፡
9.ካንሰርን ይከላከላል፡፡
fans

28/10/2025

''ስትወጣ ፀልይ ስትገባ ኣመስግን''።
ስለዚ ተመስገን ፈጣሪዬ🙏🙏🙏

28/10/2025

28/10/2025

Amen 🙏🙏