04/12/2024
DHUGUMAAN WAA'EEN BIYYA ITOOPHIYAA YOO KAN SITTI DHAGA'AMU TA'EEF KADHATA AMANTII KANA NU WALIIN KADHADHU. (WAAQAYYO IYYA SABA ISAA HIN DHAGA'A) Nu waliin kadhachuukee Beekuuf Dhuma irratti " AMEEN" Jedhi " SHARE" godhi.
Jiraataa Bara hundumaa kan taate, Barri Mootummaakeetii dhuma kan hin qabne, Alfaadhaaf Omeegaa, Waaqa Hundumaa dandeessu, Waaqa Abboota Keenyaa, Qulqulluu gooftaa maccaa, Dhugaadhaaf Qajeelummaadhaan Sabakeef kan dhaabbattu, Kunoo nuyi Ilmaankee warri akka yaadakeetti uumamne garaa tokkoon kadhata garaa keenyaa afaan tokkoon si kadhanna gooftaa keenyaa, ati nama waan jaallattuuf tokkicha ilmakee isa jaallatamaa cubbuu namootaatiif dabarsitee kan kennite, mararteef jaalala guddaas kan nuuf qabdu, iyya sabakeetiis kan dhageessuu fi kan birmattuuf, gaafa Xoofoon rakkinaa saba Israa'el guutetti ati ofiikee teessoo irraa saba sanaaf kan dubbatte, garbummaa, gidiraa fi dhiittaa mootii Fara'oon jalaa isaan baastee diina isaanii immoo galaanaan haxooftee balleessite, bakka Naaboteen Dhaala abbaa isaa Mootiidhaaf dabarsee kennuuf boquu jabeeffatee diduun dhigni isaa dhangalaafametti dhiiga Elzaabet saroonni akka arraban kan goosifte, Mootummaa Dhaabuudhaa fi Kaasuun Aangoo kee kan tahe, kunoo Biyya Keenya, Lammii dhiigni isaa akka malee dhangala'aa jiru, Uummata ati walaba gootee uumte haxxummaa, Hacuuccaa fi waggaa dheeradhaaf Goyyoomsuun kan dhugaa isaa jalaa Ukkaamsan, Isa nuyii beeknu caalaa ijikee cunqursaa fi gidiraa jiru kan argu, garaankees isa nuyi gaddinu caalaa dhibaafamuu dhiiga qulqullootaaf kan gaddu, Maaloo Biyya keenyaaf DHUGAA FI QAJEELUMMAADHAAN NUUF FARADUUDHAAF IYYA KEENYA NUUF DHAGA"I.