Beektu oro

21/07/2025

RAKKOO KEENYA
# # # # # # # # # # # # # #

Rakkoon keenya baayyee
Yoom himamee dhumaa
Inni ammaa faati
Caalee jira kuma!

Waaqaa summiin roobee
Lafaa qoreen margee
Lolaan lafa yaa'u
Dhiigni muldhii darbe

Akka talbaa wacee
Sagaleen rasaasaa
Cinqaa gaafas tureen
Ballaan ija baasa!

Azaaba lafarraa
Bosonni gubatee
Namni keessa jiruuf
Bineensi dhumatee

Akka qeexii mukaa
Lafeen lafa ciisee
Kuun dhumee kuunimmoo
Lafasaa gad dhiisee

Dhukaasa boombiitiin
Daa'imni cinqamee
Kophaasaa biyyarraa
Baqachuuf dirqame

Badhaatuu kan turtle
Dacheen magariisni
Bubullooftee dhumtee
Irra guute dhiigni

Abbaan joollee baayyee
Sibiilaan tumamee
Namni lubbuun jiru
Ibiddaan gubame

Funyaa sibiilaa tiin
Mukaf-fannifamee
Akka reeffa saree
Lafarra harkifamee

Ijoolleen daa'imni
Durbi gudeedamtee
Osoo lubbuun jirtuu
Fayyaan awwaalamte

Jiraachuun ulfaate
Biyya ofii keessa
Galaa tokko malee
Biyya ormaa dheessan

Kaan galaanni nyaatee
Kaan karaatti du'ee
Kaan bineensi nyaatee
Kaanis qilee bu'e

04/06/2025

JIRTUU? 🎹 🎶🎸

Galmeen eegaleera.

Vocal Training:
👉🏿 Tooftaa Kiiloleessummaa
(Voice Mechanism)

Yaadannoo waggaa 5ffaa fi Badhaasa Muuziqaa Hacaaluu marsaa 4ffaa sababeeffachuun, namoota fedhii kiiloolessummaa sagalee qabaniif leenjii gabaabaa Ogummaa kiiloleessuummaa (vocal) kennuuf galmee eegalee jira.

Namoonni leenjii kana fudhachuu barbaaddan geessituu armaan gadii cuqaasuun galmaa’uu ni dandeessu.

https://hachaluhundessaaward.org/galmee-leenjii kiiloleessummaa/

Turtiin galmee guyyaa shaniif (5)
Leenjichi Saala lamaanuu ni hirmaachisa.

Seenaa Rirmi hin nyaatu!

Galatoomaa!

GUCA GALMEE Leenjii Kiiloleessummaa(Voice Mechanism training) Maqaa | Name(Required) First | Maqaa Middle | Maqaa Abbaa Last | Maqaa Akaakayyuu Saala |

24/10/2024

10/10/2024

Follow mee