SOG Studio

SOG Studio SOG Studio is a ways of uplifting each other to heavan. "DO YOUR BEST
GOD IS YOUR REST".

GALATOOMAA/SUBSCRIBERS 300 namaf xiqqatus nuuf garuu... hundaafu deemsi itti fufaa.https://youtube.com/?si=QttZ5tZFaf184...
14/06/2025

GALATOOMAA/SUBSCRIBERS
300 namaf xiqqatus nuuf garuu... hundaafu deemsi itti fufaa.
https://youtube.com/?si=QttZ5tZFaf184dLE
Dhaamsi keenna, like, share subscriber godhaa isiinin hin jennu yoo isiiniti toleef tolee qofaa waanuma isiiniti toleef fakkatee rawwaadha!!!

t.me/sogproduction

Ennutu Gargaarsaaf SI caalee?ICCIITII KOO/ Singer WARISO SINBIRU
14/06/2025

Ennutu Gargaarsaaf SI caalee?
ICCIITII KOO/ Singer WARISO SINBIRU

"Gagabsaa gaafa facaafne sanyii hadhaawa hammaachuun kennaa waan hin hafnee".Defa Geda.
10/06/2025

"Gagabsaa gaafa facaafne sanyii hadhaawa hammaachuun kennaa waan hin hafnee".Defa Geda.

Faarfatoota Hojjatoota Sa'aatii 11ffaa/Maaltuu eggamaara?
11/03/2025

Faarfatoota Hojjatoota Sa'aatii 11ffaa/Maaltuu eggamaara?

27/09/2024

BARNOOTA 13FFAA
GOOFTAAN DU'AA KA'E

JIMAATA Fulbaana 27
Yaada Dabalata:
Kitaaba Ellen G. Waayit, The Desire of Ages jedhamu irraa mataa duree "Gooftaan Ka'eera".fi "Dhaqaa Saba Hundumaa Barsiisaa" jedhu fuula 779-.787 fi 818-828. Dubbisi.

"Nama amanaadhaaf Kiristoos du'aa ka'uu fi jireenya. Jireenyi karaa cubbuu bade fayyisaa keenya keessaan iddootti deebi'e, sababni isaa inni nama barbaade jiraachisuuf jireenya of keessaa qaba. Inni mirga jireenya hin duune kennuu wajjin dabarsee kenne. Namummaa isaatiin jireenya isa du'atti kennee deebisee fudhatee sanyii namaaf kenna.. "ani jireenya haa qabaataniif, irraa hafaas haa qabaataniif dhufeera" jedhe." "Bishaan isa ani kennuufiif jiru irraa inni dhugu garuu, bara baraan hin dheebotu; bishaan inni ani kennuufiif jiru, isa keessatti burqaa bishaanii isa jireenya bara baraatiif burqu in ta'a" jedhe." "Eenyu illee foon koo kan nyaatu, dhiiga koos, kan dhugu jireenya bara baraa qaba; anis guyyaa isa dhumaatti du'aa isa nan kaasa." Yohaannis 10:10; 4:14; 6:54.

"Nama amanaaf duuti waan xinnoo dha. Kiristoos waa'ee isaa akka waan inni yeroo xiqqoof ta'eetti dubbate. "Namni dubbii koo eegu bara baraan hin du'u" .inni yoomiyyuu du'a hin dhamdhamu.' Kiristaanaaf duuti hirriba, yeroo callisaa fi dukkanaa muraasaati. Jireenyichi Kristosii wajjin Waaqayyo keessa dhokateera. Kristos inni jireenya nuuf ta'e yommuu mul'atu isinis immoo isaa wajjin ulfinaan mul'achuuf jirtu" Yohaannis 8:51, 52; Qol. 3:4."- Ellen G. White, The Desire of Ages, pp. 786, 786.787.

Barreessitoonni seenaa warri Waaqayyoon hin amanne illee, warri dhugaa du'aa ka'uu fudhachuu hin dandeenye, Yesus ajjeefamuu isaa qofa utuu hin taane, garuu erga du'ee booda namoonni baay'een Kiristoos isa du'aa ka'e arganerra akka jedhan ni amanu, kanarraa kan ka'es isaan wiirtuu waldaa kiristaanaa taate jalqaban.Namoonni tokko tokko maaliif akkas akka jedhan ibsuuf yeroo yaalan akkas jedhu, Yesus obboleessa lakkuu qaba ture, ykn bartoonni warri jalqabaa immoo Yesusiin arguu yaaduudhaan abjootan jedhu. Kaan ammoo Yesus dhuguma hin duune, garuu of wallaalee booda, deebi'ee jiraate. Jedhu. Namni biraa ormatu dhufee dhagna isaa fudhate jedhu. Attamitti akka isaan hin hojjennee fi Falmii kana hunda sababan ilaaluuf, see Clifford Goldstein, Risen: Finding Hope in the Empty Tomb (Pacific Press, 2021).

Gaaffiiwwan Marii
1. Bartoonni waa'ee du'aa ka'uu Yesus sobuu maaliif danda'u turan? Waan beeknu hundarraa amantii isaaniif jibbamuu, qofaatti dhiifamuu, fi ari'atamuu malee wanti biraan isaan hin mudatu. Seenaa kana uumanii qopheessuudhaan silaa maal argatu turan?

2. Du'aa ka'uu Yesus ilaalchisee ragaan baay'ee nama amansiisu siif maali? Sababa kee kutaa keessaniif qoodi.

3. Abdii guddaa du'aa ka'uun Yesus nuuf kennu irratti caalaatti xiyyeeffadhu. 1 Qorontos 15 dubbisi. Phaawulos du'aa ka'uu Yesusiin uffachuun isaa hangam barbaachisummaan qaba?

t.me/sogproduction

26/09/2024

BARNOOTA 13FFAA
GOOFTAAN DU'AA KA'E

KAMISA Fulbaana 26
Gara Biyya Lafaa Hundumaa Dhaqaa
Maarqos 16:14-20 dubbisi. Yesuus yeroo isaanitti mul'ate bartoota isaatiin maal jedhe, jechoonni kun har'a nuuf hiika maalii qabu?

Dubbiin Yesus bartoota isaatti dubbate inni jalqabaa haasaa al-kallattiin Maarqos 16:14 keessatti qofa galmeeffameedha. Inni amanuu dhabuu fi garaa jabaachuu Isaaniiif isaan ifate. Gaaffiin amantii dhabuu kun kufrii kun rakkoo ammayyaa kan inni ta'e salphaatti miti. Akkuma kanaan dura ilaalle, bartoonni Yesus warri jalqabaa amanti dhabinaa wajjin wal'aansoo keessa turan (Mat. 28:17, Yohaannis 20:24-29), isaanis foon keessa ta'uudhaan Yesusii wajjin turan, akkasumas irra dedeebi'anii dinqiiwwan argaa turan. Garuu ragaa adda addaatiin dhugaa du'aa ka'uu isaa jiru isaanitti agarsiise.

Yesus Sana booda gara biyya lafaatti wangeela akka geessaniif bartoota isaa erge. Abboommiin isaa bal'aadha. Isaan uumama hundumaaf wangeela lallabuuf gara guutuummaa biyya lafaa dhaquu qabu. Sana booda Yesus bu'aan hojii isaanii nagummaa fi boo'icha akka ta'u ibse amantoonnanii in fayyu, warri hin amannetti immoo itti faradama.

Yesus mallattoolee hojii bartootaa duukaa bu'an kan akka hafuura hamaa baasuu, afaan haaraa dubbachuu, miidhaa irraa eegamuu fi warra dhukkubsatan fayyisuu ibse. Namoonni tokko tokko bofa summii qabu harkaan qabuudhaan akka Kiristiyaanonni amantii isaanii argisiisan mirkaneefachuuf Maarqos 16:18 dogoggoraan hiiku. Asitti tarkaanfiin of tuulummaa akkasii hin hayyamamu. Wanti Yesus ibsaa jiru eegumsa isa yeroo namni tokko ergama keessatti hirmaataa jiru kan akka isa Hojii Ergamootaa 28:3-6 keessatti Phaawuloos utuu warra kaan tajaajilaa jiruu isaaf godhameeti.

Kiristiyaanonni yeroo hunda miidhama irraa akka eegaman Macaafni Qulqulluun hin barsiisu. Hojii wangeelaa fuulduratti tarkaanfachiisuuf barbaachisaa ta'ee yeroo argu Waaqayyo dinqii hojjeta. Garuu yeroo tokko tokko Kiristaanonni sababa dhugaa ba'umsa isaaniitiin in rakkatu. Haala sana keessatti obsaan danda'uun isaanii warra hin amanneef mallattoo humnaa amantiiti.

waan asitti hojjete hundumaa erga hojjetee booda, "gara waaqa keessaatti ol fudhatamee mirga Waaqayyoo taa'e."
(Mar. 16:19). Yesuus gara mirga Waaqayyoo, iddoo aangoo olaanaa sana taa'uuf ol ba'e, sababiin isaas Yesus humnoota hammeenyaa hundumaa injifateera.

Heertuu isa dhumaa hubadhu. Isaan wangeela lallabaa "Bakka hundatti" adeeman, qofaa isaanii immoo hin adeemne. "Gooftaan immoo isaanii wajjin hojjete, dubbichas milikkitoota argamaniin in cimse." (Maarqos 16:20). Yeroo sanatti isaanii wajjin ture, akkasumas hojii isaan eegalan amma yeroo itti fufnu nu wajjin akka ta'u abdii nuuf kenneera.

"Kunoo, ani immoo hamma dhuma baraatti guyyaa hundumaa isinii wajjin nan jira" (Mat. 28:20). Nutis "bakka hundumaatti" wangeela labsuuf yeroo barbaannu abdii kana irraa jajjabina maalii fudhachuu dandeenya?

t.me/sogproduction

25/09/2024

BARNOOTA 13FFAA
GOOFTAAN DU'AA KA'E

ROOBII Fulbaana 25
Maariyaamiifi Namoota Birootti Mul'achuu
Maarqos 16:9-20 dubbisi. Heertuun kun seenaa du'aa ka'uutti maal dabala?

Maarqos 16:9-20 heertuu Kakuu Haaraa biroo wajjin wal fakkaata jechuun ni danda'ama Maariyaam Magdalaan awwaala biratti Yesusiin argitee (Mat. 28:1, 9, 10; Yohaannis 20:11-18; Luqaas 8:2 wajjin wal bira qabi); namoonni lama baadiyyaatti isa argan (Luqaas 24:13–35); warri kudha tokkoo in ergaman (Mat. 28:16-20, Luqaas 24:36-49, Yohaannis 20:19-23).

Namni jalqaba Yesusiin Jireenyatti arge Maariyaam Magdalaa turte (Yohaannis 20:11-18). akkasumas dubartoonni kaanis Isa arganiiru (Mat. 28:8-10). Namoonni jalqaba Gooftaa du'aa ka'e argan dubartoota ta'uun isaa waan guddaadha. Sababni isaas addunyaa durii keessatti dubartoonni akka dhuga baatotaatti gita olaanaa hin qaban turan, yoo seenaan kun kan qopheefame ta'e akka dhuga baatota jalqabaatti dhiirotatu maqaa dha'ama ture. Garuu dhiirota miti, dubartoota malee warra kudha lamaanii miti. Isheen oduu gammachiisaa bartootatti himuuf adeemte, garuu isaan dhuga ba'umsa

ishee amanuu diduun kan nama ajaa'ibu miti, sababni isaa Maariyaam dubartii waan turteef.

Warri Seenaa du'aa ka'uu Yesus ibsan dhugaa isa dubartoonni warra jalqaba Yesusiin argan ta'uu isaanii seenicha dhugoomsuuf akka ragaa humna qabeessaatti dhimma itti ba'aniiru.

Yoo kun seenaa uumamee qophaa'edha ta'e wanta Maarqos 16:14 irratti ta'e wanta hiika hin qabne kan godhu maal?

Dhugaadha, utuu isaan seenaa sana totolchanii qopheessanii maaliif haal gadhee keessa akka jiran fakkaatanii mul'atu? Yesus isaan ceepha'uu qaba ture "garaa jabaa" isaanii. Seenaa Wangeelaa, yeroo qabamuu isaa irraa jalqabee hamma d'aa ka'uu booda inni mul'atuutti, hordoftoota Yesusiin haala baay'ee alta'aa (nagetiiva) ta'een argisiisa: baqachuu, ganuu, amanuu dhabuu fi kkf. Yoo seenaan kun tolfamee qophaa'e ta'e kun hiika hin qabu.

Faallaa kanaatiin, Kiristoos isa du'aa ka'ee fi abdii inni nama hundumaaf kennu ilaalchisanii labsiin ija jabinaafi kan hin raafamne boodarra isaan dabarsan dhugummaa wanta isaan dubbachaa jiraniif ragaa humna qabeessa dhi'eessa.

Kiyyoo hafuura shakkii fi amanuu dhabuu keessatti akka hin kufneef akkamitti of eeguu dandeenya? Mataa keenya guyyaa guyyaan Kiristoos isa du'aa ka'etti hidhuu kan nuyi qabnuuf maaliif?

t.me/sogproduction

Address

Addis Ababa

Website

Alerts

Be the first to know and let us send you an email when SOG Studio posts news and promotions. Your email address will not be used for any other purpose, and you can unsubscribe at any time.

Shortcuts

Share

Category