29/04/2025
Madaxwayne h**e: " Hadalada ONLF ka soo yeedhaya waa in la cambaareyo."
Madaxwaynihii h**e Deeganka, Cabdi Mahamud Omer warqad uu qorey oo baraha bulshada lagu faafiyay ayuu kaga hadlay arrimo badan. Ugu h**eyn wuxuu sheegay inuu qaadan waayay tallooyin uga imanayay Raysal Wasaaraha Itoobiya, xiligii isbadalku cusbaana uu ku haftay dabayshii socotay. Wuxuu sheegay in arrintaas darteed uu raacay Bas u baxayay Xabsiga Qaliti, yacnihi loo xidhay.
Qaybaha dhexe wuxuu aad ugu dheeraday waxqabadka Abiye Ahmed iyo Xisibga Barwaaqo hirgaliyay todobo sanno. Wuxuu sheegay in waxqabadkaas kaliya daddaal lagu keenin ee Abiye Ahmed xagga Eebe laga wato, isagoo xusay in cidkastoo Abiye Ahmed, ka hortimaado Alle xumaan ku salido.
Madaxwayne h**e, Cmc wuxuu sheegay inay muhiim tahay in la cambaareyo hadalada iyo tallaaboyinka ay dhawaan qaadayeen ururka ONLF. Wuxuuna u sababeeyay in dadka Deeganku yihiin kuwo dagaal ka daallay. Wuxuu kaloo xusay in dhibaatada koobad ee Deeganka ay tahay qabyaallada, isagoo sheegay inuu ka soo horjeedo arragtida ONLF ee odhanaysa hal qabiil unbaa xilka Deeganka qaban kara.
Wuxuu kaloo ku faanay Itoobiyinimada iyo midnimadeeda oo xusay markuu xilka hayay ilaa maanta inuu ka shaqeeyo. Ugu dembeyn wuxuu beeniyay warar warbaahinta Itoobiya maalmahan baahiyeen oo sheegaya inuu qalalaase ka abbuurayo Deeganka Soomalida, isagoo dhabarka ka taabanaya Aabihii dhallay wiilka dhintay.
W-Q: Macalinka Soomaaliyed (Ms)
Voss Tv
