Dr. Afiya's Tube

15/06/2025

❝𝐌𝐀𝐋𝐀𝐑𝐈𝐀 𝐕𝐬 𝐃𝐄𝐍𝐆𝐔𝐄 𝐅𝐄𝐕𝐄𝐑: (𝐁𝐮𝐬𝐚𝐚 𝐟𝐢 Ho'a Dengue)❞

Addunyaa dhukkuboota daddarboo keessatti dhukkuboonni akka dhukkuba Busaa fi Ho'a qaamaa Dengue Fever jedhaman nama sodaachisan muraasa. Lamaan isaanituu hoomaa sanyii bookeetin kan daddarban yemmuu ta’u, akka addunyaatti namoota miliyoonaan lakkaa’aman irratti dhiibbaa kan geessisanii fi mallattoolee wal fakkaataa kan yeroo baay’ee dhukkubsattootaa fi ogeeyyii fayyaa burjaajessu hedduu qabu. Garuu walfakkeenya qabaatanis dhukkuboonni kun lamaan ka'umsa isaanii, paatofiiziyoloojii, rakkoolee fi gosoota bookee isaan daddabarsanii irratti hundaa'uun garaagarummaa baay'ee qabu.

Busaan kan dhufu paraasitii Pilaasmoodiyamiitiin yoo ta’u, infekshinii pirootozoowaa kan ciniinuu hoomaa bookee dubaraa Anopheles jedhamu kan irra caalaa halkan nama ciniinun kan daddarbudha. Faallaa kanaatiin immoo, Dhukkuba Dengue Fever dhukkuba vaayirasii Dengue virus (DENV) jedhamu irraa dhufu yoo ta’u, hoomaa bookee (Aedes) jedhamuun-keessattuu (Aedes aegypti) jedhamu kan guyyaa guyyaa nama ciniinuun daddarba.

Malli paatofiiziyoloojii dhukkuboota kanneen lamaan duuba jiru nama hawwata. Dhukkuba busaa keessatti, ilbiisonni jalqaba Tiruu miidhanii dhoohun gara dhiigatti eega makamanii booda, seelii dhiiga diimaa weeraranii balleessu. Kunis marsaa ho’a qaamaa, qorra, hir’ina dhiigaa fi haala cimaa ta’een ammoo busaa sammuu (Cerebral malaria) fida. Gama biraatiin ammoo vaayirasiin dengue seelii dhiiga adii faaluun deebii ittisa qaamaa cimaa ta'e kakaasa ( triggers powerful immune response). Kunis ujummoon dhiigaa akka sirritti banamu, lakkoofsi pilaateleetii sirritti akka gadi bu’u fi akkasumas shock ykn du’aaf nu saaxiluu danda'a, keessumaa yeroo lammaffaaf infekshinii seerotayippii garagaraan yoo qabamne.

Mallattoon isaan wal fakkeessan keessaa muraasni: ho’a qaamaa cimaa, mataa dhukkubbii, dhukkubbii qaamaa fi dadhabbii qaamaati. Haa ta’u malee, Dengue fever yeroo baay’ee dhukkubbii maashaalee fi lafee dugdaa cimaa kan of keessatti hammate yoo ta’u, kanarraa ka’uun maqaan isaa “ho’a lafee cabsuu” jedhamee moggaafame, akkasumas rash ykn dhiiguu ilkaaniin qabaachuu danda’a. Dhukkubni busaa garuu, keessumaa P. falciparum qaama dafqisiisuu (Sweating), ol-deebisiisuu (Vomiting) fi dadhabbiin qaamaa cimaa(Severe sweating) waliin sa’aatii 48–72 keessatti akkaataa hoo'a qaamaan cyclical fever qaba. Dhukkuboota kana adda baasuuf immoo Malaria blood smear ykn rapid diagnostic test fayyadamuun akkasumas Dengue feveriif immoo NS1 antigen or IgM/IgG test hojjachuu adda baasuu dandeenya.

Wal’aansa isaanitti yeroo deebinu immoo Dhukkubni busaa qoricha farra busaatiin kan yaalamuu yemmuu ta’u, bu’a qabeessa kan ta’e immoo Artemisinin-based Combination Therapies (ACTs) dha. Haala cimaa ta’e keessatti immoo (Severe malaria) artesunate karaa hidda dhiigaa (IV artesunate) keessaa kennamuun lubbuu baraarra. Filannoon qorichaa gosa Pilaasmoodiyeemii, laafinnaa fi cimina dhukkubaa irratti hundaa’a. Dengue, dhukkuba vaayirasii ta'uu isaatiin, qoricha farra vaayirasii addaa hin qabu. Kanaafuu wanti nurraa eeggamu supportive management kanneen akka dhangala'aa sirritti obaasuu, paracetamol qofa fayyadamuun dhukkubbii hir’isuu (aspirin/NSAIDs fayyadamuu hin qabnu), fi sadarkaa pilaateleetii fi mallattoolee dhiiguu dhiyeenyaan hordofuu qabna. Kana hunda osoo goonuufii yoo ka itti cimu ta'e immoo IV fluid fi transfuse gochuun gara hospitaalatti refer gochuu qabna.

Rakkooleen isaanii adda adda ta’us lamaanuu du’aaf nama saaxiluu danda’u. Rakkoon busaa inni hamaan busaa sammuu(Cerebral malaria) yoo ta’u, dabalataanis balaawwan biroon kanneen akka blackwater fever, dadhabuu kalee cimaa fi dhiita’uu sombaaf nu saaxiluu danda'a. Gara biraan rakkoowwan sodaatamoon Dengue fever immoo Dengue Hemorrhagic Fever (DHF) fi Dengue Shock Syndrome (DSS) kan jedhaman yoo ta’u, lamaan isaanii iyyuu dhiigni keessoo lubbuu namaa balaa hamaa irra buusuu, kufaatii marsaa dhiigaa (Circulatory collapse) fi qaamolee hedduu dadhabuu (Multi organ failure) fiduu danda’a.

Balaa dhukkuboota kanaan dhufan hamisuuf Bookee busaa karaa Ittisa busaa siree irratti hidhachuun(bed net's), qoricha farra ilbiisotaa mana keessaa biifachuu(indoor insecticide spraying), fi Imaltoonni ittisa farra busaa fayyadamuu qabu. Guddinni dhiheenya kana argameen talaallii akka RTS,S/AS01 (Mosquirix) fi R21 du’a daa’immanii hir’isuu keessatti gahee guddaa qabu. Ittisni dengue fever immoo sababa veektariin isaa guyyaa nama ciniintuuf too'achuun baay'ee cima, ta'us immoo bishaan kuufamee taa'u dhabamsiisuu, qoricha farra ittisaa fayyadamuu, fi Hawaasa kakaasun vector too'achuu qabna. Gama biraan dengue talaallii akka Dengvaxia fi Qdenga (TAK-003) qaba, haa ta’u malee itti fayyadamni isaanii balaa dhufuu danda’u irraa kan ka’e of eeggannoodhaan uummata murtaa’e qofa irratti daangeffama.

Amaloota dhukkuboota kanneenirrraa wanti nama ajaa'ibu balaa dhokataa fi ittisa isaaniti. Dhukkuba busaatiif, P. vivax fi P. ovale ji’ootaaf ykn waggootaaf illee Tiruu keessatti dhokatanii turuun haala hin eeggamneen deebi’anii dhufuu danda’u. Dengue'n immoo, infekshiniin lammataa serotype adda ta'een dhufuun sababa taatee antibody-dependent enhancement (ADE) jedhamu irraa kan ka'e deebii cimaa fiduu danda'a. Gantummaa ittisa qaamaa adda ta'een dengue balaa hamaa akka fidu taasisu.

Walumaagalatti, Dhukkuba Busaa fi Dhukkuba Dengue lamaan isaanii iyyuu dhukkuboota hamaa addunyaa irratti dhiibbaa geessisan yoo ta’an, sababa, guddina, rakkoolee fi yaala isaaniitiin garuu garaagarummaa guddaa qabu. Busaan dhukkuba paraasitii seelii dhiiga diimaa weeraru yoo ta'u, dengue ammoo dhukkuba vaayirasii sirna ittisa qaamaa fi qulqullina ujummoolee dhiigaa jeequdha. Dhukkubni busaa qoricha sirrii ta’een fayyuu kan danda’u yoo ta’u, dengue ammoo kunuunsa deggersaa dammaqinaan barbaada. Haala lamaan keessattuu dursanii ittisuun baay'ee barbaachisaa ta'ee osoo jiruu sababni jijjiirama qilleensa adduunyaa hoomaa baattotaa ol dabaluu danda'uuf hubannoo hawaasas sirritti dabaluu baay'ee barbaachisaadha.

❝𝐆𝐚𝐥𝐚𝐭𝐨𝐨𝐦𝐚𝐚🙏❞

15/06/2025

❝𝐓𝐚𝐚𝐲𝐢𝐟𝐨𝐨𝐲𝐢𝐝𝐢𝐢 𝐟𝐢 𝐓𝐚𝐚𝐲𝐢𝐟𝐚𝐬𝐢𝐢 ( 𝐓𝐲𝐩𝐡𝐨𝐢𝐝 𝐟𝐞𝐯𝐞𝐫 𝐕𝐬 𝐓𝐲𝐩𝐡𝐮𝐬)❞

Namoonni baay'een jechoota Taayfooyidii fi Taayifasii yeroo dhaga’an yeroo baay’ee akka waan isaan dhukkuba tokko ta'aniitti yeroo dubbatan nan dhagaha, haa ta'u malee isaan guutumatti wal adda — lamaan isaanii iyyuu ho’a qaamaa olaanaa, dadhabbiin fi dhukkubbii mataa cimaa qabaachuu danda'u. Garuu walfakkeenyi isaanii kana caala waan deemuu miti. Ho’i qaamaa Taayifooyidii fi Taayifasii baakteeriyaa guutummaatti adda adda ta’een kan dhufuu fi karaa adda addaatiin kan babal’atu akkasumas qaama irratti haala baay’ee adda ta’een miidhaa kan fidaniidha.

Ho’i qaamaa Taayifooyidii dhukkuba garaachaa Salmonella Typhin dhufu yoo ta’u, yeroo baay’ee nyaata ykn bishaan faalameen kan nama qabamudha — keessumaa naannoo qulqullina gaarii hin qabne keessatti. Baakteeriyaan kun erga qaama keessa seenee booda garaacha weerara, achiis gara dhiigaa, kalee, tiruu fi ujummoo rajiijjii(gallbladder) illeetti ni babal’ata. Wal’aansa kan hin arganne yoo ta'e mar'imaan keenna kukkutuun garaacha hunda wal gahuun seepsis ykn du’aaf nama saaxiluu danda’a.

Faallaa kanaatiin immoo Taayfasiin gosa Rickettsia irraa kan dhufu yoo ta’u, nyaata ykn dhangala'aa faalameen osoo taane ilbiisonni akka injiraanii, tisisaa fi kkf faan nama ciniinuudhan kan nama qabanii ykn namarraa namatti daddarbaniidha. Mallattoolee akka ho'a qaamaa olaanaa, dafqisiisuu fi mataa dhukkubbii waliin qooddatanis, dhukkuboonni lamaan walitti dhufeenya sababa-qabeessa hin qaban, inni tokko isa biraa fiduu hin danda'u (inni ijoollumaa keenyarraa dhagahaa guddanne ka Taayfooditu Taayfasii sitti ta'e jedhamu sun kijiba.)

Burjaajiin seenaa kun maqaa isaanii irraa kan madde yoo ta’u, lamaan isaanii iyyuu jecha Giriikii typhos jedhu irraa kan dhufan yoo ta’u, hiikni isaas “duumessa” jechuudha — dhukkubbii mataa fi ho’a qaamaa (feverish delirium) lamaan isaanii fidan irraa kan fudhatameedha. Haa ta'u malee naannoo garmalee namaan guutame kanneen akka kaampii baqattootaa ykn hawaasa rakkoon miidhame keessatti lamaan isaanii hawaasa tokko keessa jiraachuun ni danda’ama. Saniif carraan lamaaniinuu yeroo tokkotti qabamuu ni jira.

Dhumarratti, garaagarummaa dhukkuboota kana lamaan gidduu jiru beekuun barnoota qofa osoo taane lubbuu du'a oolcha. Taayifooyidiin talaalliidhaan kan ittifamuu danda’u, qoricha farra baakteeriyaa akka azithromycin ykn ceftriaxone jedhamu fayyadamuun kan yaalamuu fi yeroo baay’ee qorannoo dhiigaatiin ykn Widal tiin adda baasuun ni danda'ama. Taayifaasiin talaallii isaa bal’inaan argamuu baatus yoodafee adda baafame dooksiisaayikiliiniif deebii gaarii kenna. Walumaa galatti furtuun hubannoo keessa jira: eessaa akka dhufan, akkamitti akka socho’an, fi balaa akkamii akka qaban sirritti hubachuun balaa dhufu kamiyyuu hambisuuf sirritti nu gargaara.

❝𝐆𝐚𝐥𝐚𝐭𝐨𝐨𝐦𝐚𝐚🙏❞

06/06/2025

15/05/2025

Oduu: Lagannaa hojiin walqabatee ogeeyyiin fayyaa hedduun to’annoo jala ooluu waahillan isaanii himan

Lagannaa hojii gartokkee ogeeyyiin fayyaa gaggeessaa jiraniin walqabatee ogeessonni fi barattoonni fayyaa hedduun kutaalee adda addaatti hidhamuu himame. Ogeessonni fayyaa Koolleejjii Fayyaa Hospitaala Phaawuloos sadi Wiixata galgalaa fi Kibxata hidhamuu ogeessi hospitaalicha keessa hojjetu tokko himeera.

Rezidantiin (barataa ispeeshaalistummaa) Hospitaala Ispeeshaalaayizdii Xiquur Ambassaa keessa hojjetu Dr. Nabiyuus hidhamuu fi yeroo ammaa maalirra akka jiru akka hin beekamne ogeessi hospitaalichaa kan biraan himeera. Naannoo godinaalee Gondar, Walloo Kaabaa fi Agaw keessattis ogeeyyiin fayyaa hidhamuu himameera.

Dhimma kana ilaalchisee Poolisii Federaalaa, Biiroo Fayyaa Magaalaa Finfinnee, Komishinii Poolisii Magaalaa finfinnee, fi Ministeera Fayyaa qunnamuuf yaaliin Addis Standard irra deddeebiin taasise hin milkoofne.

https://addisstandard.com/Afaanoromoo/?p=6229