14/09/2025
ናይ ሎሚ ዓመት ፈተና 12 ክፍሊ 8.4 ሚእታዊት ተማሃሮ ሓሊፎም‼️
ኣዲስ ኣበባ: 04 መስከረም 2018 ዓ.ም (ኣሚኮ) ኣብ ሎሚ ዓመት ፈተና 12 ክፍሊ ካብ ዝወሰዱ ተምሃሮ እቶም 8.4 ሚኢታዊ ከምዝሓለፉ ሚኒስትር ትምህርቲ ፕሮፌሰር ብርሃኑ ነጋ ገሊፆም።
ሎሚ ንውጽኢት ሃገራዊ ፈተና 12 ክፍሊ 2017 ዓ.ም ብዝምልከት መብርሂ ተዋሂቡ እዩ።
ሚኒስትር ትምህርቲ ፕሮፌሰር ብርሃኑ ነጋ ኣብ ዝሃብዎ መብርሂ ኣብ ናይ ሎሚ ዓመት 12 ክፍሊ ሃገራዊ ፈተና ካብ ዝወሰዱ ተምሃሮ 8.4 ሚእታዊ ልዕሊ 50 ሚእታዊ ብምምፃእ ሓሊፎም እዮም።
በዚ እዉን ኣብዚ ዓመት ብድምር 48,929 ተምሃሮ ከምዝሓለፉ ኣመልኪቶሞ።
ኣብ ዝሓለፈ ዓመት ማእከላይ ውጽኢት 29.7 ነጥቢ ከምዝነበረን ዘዘኻኸሩ እቶም ሚኒስትር ኣብ ናይ ሎሚ ዓመት ግን 31.67 ሚእታዊ ከምዝተመዝገበ ኣዘኻኺሮም።
ኣብ ተፈጥሮኣዊ ሳይንስ 11.4 ሚኢታዊ ኣብ ማሕበራዊ ሳይንስ ድማ 5.2 ሚኢታዊ ተምሃሮ እንትሓልፉ ብደረጃ ሃገር 8.4 ሚኢታዊ ልዕሊ 50 ሚኢታዊ ተምሃሮ ከምዝሓለፉ ገሊፆም።
ምምሕዳር ከተማ ኣዲስ ኣበባ፣ ሃረሪን ክልል ኣምሓራን ዝለዓለ ነጥቢ ከም ዘመዝገባ ኣመልኪቶም።
በዚ እዉን ዝለዓለ ዉፅኢት ካብ ተፈጥሮኣዊ ሳይንስ ካብ 600፤ 591 ከምኡ’ውን ካብ ማሕበራዊ ሳይንስ ካብ 600፤ 562 ኮይኑ ከም ዝተመዝገበ እዉን ኣፍሊጦም።
ከምኡ እዉን 2,384 ተማሃሮ ልዕሊ 500 ከም ዘመዝገቡ ተገሊፆም።
ምስቲ ፈተና ተተሓሒዙ ምትላልን ኩረጃን ከምኡ’ውን ተማሃሮ ነቲ ፈተና ብግቡእ ብዘይምውሳዶም መን ብሓቂ ንዩኒቨርሲቲ ብቑዕ ምዃኑ ንምፍላጥ ኣጸጋሚ ምንባሩ ዘዘኻኸሩ እቶም ሚንስትር ኣብዚ ዓመት ግን 120 ተምሃሮ ጥራሕ ብኸምዚ ዓይነት ግብሪ ከምዝተተሓዙ ተናጊሮም።
@ዮሐንስ ተስፋዬ
