What are the opening hours?

Monday 02:30 - 11:30 Friday 02:30 - 01:45

Balageru TV, Bole around SKY LIGHT Hotel , Light house 4th floor, Addis Ababa (2026)

Q: What is the address?

Bole Around SKY LIGHT Hotel , Light House 4th Floor

09/09/2026

ሰባት ሜዳዎች የሊግ ጨዋታ እንዲያስተናግዱ ተመረጡ !

የኢትዮጵያ ፕሪሚየር ሊግ እጣ ማውጣት መርሀ ግብር መስከረም 7 እንደሚከናወን አክሲዮን ማህበሩ ይፋ አድርጓል።

መስከረም 30 የሚጀምረው የ2019 የኢትዮጵያ ፕሪሚየር ሊግ ውድድር በተመረጡ 7 ሜዳዎች፣ በተዘጋጁ 6 ቋቶች በሚወጣው እጣ መሰረት የውድድር አመቱ መርሃ ግብር ይዘጋጃል ተብሏል።

ለሊጉ የተመረጡ ሜዳዎችም👇

⚽️ አዲስ አበባ ስታዲየም
⚽️ አዳማ ሳይንስ እና ቴክኖሎጂ ዩኒቨርስቲ ስታዲየም
⚽️ ሀዋሳ ዩኒቨርስቲ ስታዲየም
⚽️ ባህርዳር አለም አቀፍ ስታዲየም
⚽️ ሀላባ ስታዲየም
⚽️ ሆሳዕና አብዩ ኤርሳሞ ስታዲየም እና
⚽️ አርባምንጭ ዩንቨርሲቲ አባያ ካምፓስ ስታዲየም ናቸው።

Balageru TV

08/09/2026

የአርቲስት እልፍነሽ ቀኖ ሥርዓተ ቀብር ተፈፀመ

የአንጋፋዋ አርቲስት እልፍነሽ ቀኖ ሥርዓተ ቀብር በዛሬው ዕለት በአምቦ ከተማ ተፈፅሟል።

በቀብር ሥነ-ሥርዓቱ ላይ ከፍተኛ የመንግሥት የሥራ ኃላፊዎች፣ ቤተሰቦቿ፣ ወዳጅ ዘመዶቿ፣ አርቲስቶች፣ አድናቂዎቿ እና የተለያዩ የኅብረተሰብ ክፍሎች ተገኝተዋል።

በአፋን ኦሮሞ የሙዚቃ ኢንዱስትሪ ውስጥ ፈር ቀዳጅ እና የበርካታ ድንቅ ሥራዎች ባለቤት የሆነችው አንጋፋዋ አርቲስት እና ታጋይ እልፍነሽ ቀኖ ጳጉሜን 1 ቀን 2018 ዓ.ም ከዚህ ዓለም በሞት መለየቷ ይታወሳል።

በወጣትነት ዕድሜዋ የኦሮሞን ባህል እና ኪነጥበብ ለማሳደግ ወደ ጥበቡ ዓለም የተቀላቀለችው ይህች የጽናት ምልክት፣ እስከ መጨረሻው የሕይወት ቆይታዋ ድረስ ከመድረክ ድምጿን ሳታርቅ ለበርካታ አድናቂዎቿ የማይረሱ የሙዚቃ ሥራዎችን አበርክታለች።

በምሥራቅ ወለጋ ዞን ነቀምቴ ከተማ አቅራቢያ በሚገኘው እና ሲቡ ጉቶ በተባለች ታሪካዊ ስፍራ ተወልዳ ያደገችው አርቲስት እልፍነሽ ቀኖ፣ በሙዚቃዎቿ የምታንጸባርቀው ቁርጠኝነት እና የዓላማ ጽናት በብዙዎች ዘንድ የኦሮሞ ሴት የጀግንነት ምሳሌ ተደርጋ እንድትወሰድ አድርጓታል።

በተለይም በ1969 ዓ.ም ወደ ትግል በመቀላቀል ጥበብን የመብት እና የነፃነት ድምፅ አድርጋ በመጠቀም ረገድ የተጫወተችው ሚና በኦሮሞ የሥነ-ጽሑፍና የኪነጥበብ ታሪክ ውስጥ ትልቅ ቦታ የሚሰጠው ነው።

አርቲስት እልፍነሽ ቀኖ የሁለት ሴት ልጆች እና የአንድ ወንድ ልጅ እናት ነበረች።

07/09/2026

በሀገራዊ ምክክሩ የቀረቡ ምክረ ሃሳቦች ለህዝብ ተወካዮች ምክር ቤት እና ለህዝቡ ይፋ እንደሚደረጉ ተገለፀ::

የኢትዮጵያ ሀገራዊ ምክክር ኮሚሽን ባወጣው መግለጫ በሀገራዊ ምክከሩ የቀረቡ ምክረ ሃሳቦች በየፈርጃቸው እየተደራጁ መሆኑን አስታውቋል፡፡

በተጨማሪም በምክክር ሂደቱ ኮሚሽኑ በርካታ ሀገራዊ ፋይዳ ያላቸውን ምክረ-ሃሳቦች ማሰባሰብ የቻለ ሲሆን ይህም ኢትዮጵያዊያን በሀገራቸው ጉዳይ ላይ ለመመካከር ያሳዩት ቁርጠኝነት ውጤት መሆኑን ኮሚሽኑ አመላክቷል፡፡

ኮሚሽኑ በአዋጅ ቁጥር 1265/2014 አንቀፅ 9 በተሰጠው ሥልጣንና ኃላፊነት መሠረት ፤ የሀገራዊ ምክክር ጉባዔ አጀንዳዎችን፣ የምክክሮቹን ሂደት ፣ በምክክሮቹ የተገኙ ምክረ-ሃሳቦችን እንዲሁም ምክረ- ሃሳቦቹ በተግባር ላይ ሊውሉ የሚችሉበትን ሥልት የሚገልጽ ሰነድ በማዘጋጀት ለሕዝብ ተወካዮች ምክር ቤት ፣ ለአስፈጻሚ አካሉ እና ለሌሎች የሚመለከታቸዉ የመንግስት አካላት አቅርቦ ፤ ለሕዝብም ይፋ እንደሚያደርግ ተደንግጓል በዚህም መሰረት አሁን ላይ ምክረ ሃሳቦችን የማደራጀትና ለህዝብ ተወካዮች ምክር ቤት ለማቅረብ ስራዎች እየተሰሩ ይገኛሉ ብሏል፡፡

በተጨማሪም ምክረ ሃሳቦቹ አግባብነት ባለው መንገድ ለህዝቡ ይፋ እንደሚደረጉና መንግሥትም ከሀገራዊ ውይይቶች የሚገኙ ምክረ-ሃሳቦችን በተግባር ላይ ለማዋል እንዲቻል ግልፅ እና ተጨባጭ የሆነ ዕቅድ እንዲዘጋጅ አስፈላጊውን እገዛ እንደሚያደርግ ተጠቁሟል፡፡

እንዲሁም የምክረ-ሃሳቦቹን አፈፃፀም መከታተል የሚያስችል ሥርዓት እንደሚዘረጋ በአዋጁ መደንገጉን በማስታወስ ኮሚሽኑ ምክረ-ሃሳቦቹን ለአስፈፃሚ በማቅረብ ተፈፃሚነታቸውን እንደሚከታተል ባወጣው መግለጫ አረጋግጧል፡፡

07/09/2026

አፍሪካ አለም አቀፍ የሰብዓዊ ድጋፍ ልማት ለሚያከናውናቸው ሰብዓዊ ድርጊቶች ድጋፍ አገኘ።

አፍሪካ ኢንተርናሽናል ሂዩማኒቴሪያን ዴቨሎፕመንት በኢትዮጵያ በርካታ ጧሪ ቀባሪ የሌላቸውን አረጋውያን እና በተለይ የትምህርት እድል ማግኘት ያልቻሉ ዜጎችን ድጋፍ የሚያደርግ ሀገር በቀል የሰብዓዊ ድርጅት ነው።

የእነዚህ ዜጎችን ችግር ለመቅረፍ አፍሪካ ኢንተርናሽናል ሂዩማኒቴሪያን ዴቨሎፕመንት /AHID የልማትና ግብረሰናይ ድርጅት በርካታ ስራዎችን እየሰራ ይገኛል።

በ2012 ዓ.ም ተመስርቶ የወገን ደራሽ ወገን ነው በሚል መርህ ለተለያዩ ችግሮች ተጋላጭ ለሆኑ ዜጎች የደግነት ድልድይ ለመሆን ሲተጋ ቆይቷል።

በደግ አሳቢዎች ልግስና በመታገዝ በርካታ አሻራዎችን ያኖረው ተቋሙ ረዳት የሌላቸውን ለ20 አቅመ ደካማና አረጋውያን አባቶችና እናቶች ቋሚ ወርሃዊ የገንዘብና የኑሮ ድጋፍ እያደረግን እንደሚገኝ ተገልፇል።

በድህነት ምክንያት መማር ያልቻሉ ለበርካታ ሕፃናትና ታዳጊዎች ሙሉ ነፃ የትምህርት ዕድል በማመቻቸት፣ የትምህርት ቁሳቁስና ክፍያዎችን በመሸፈን ፣ ከባድ የጤና እክል ገጥሟቸው ነገር ግን አቅም ላጡ ዜጎቻችን ሙሉ የሕክምና ወጪዎችን በመሸፈን የሕይወት መዳን ምክንያት ለመሆን የበቃ ድርጅት መሆኑን የራእዩ መስራችና ባለቤት ዶ/ር ሞገስ ግርማ ገልፀዋል።

ይህንን ችግር ለመቅረፍ የሚያስችል ድጋፍ ለማግኘት በማለም ጌጅ ዩኒቨርሲቲ ኮሌጅ ከተመራቂ ተማሪዎች እና መምህራን ጋር በመተባበር ድጋፍ ድጋፍ አድርጓል።

07/09/2026

ሶማሊላንድ በ ኢትዮጵያ አዲስ አምባሳደር ሾመች

የሶማሊላንድ የውጭ ጉዳይ ሚኒስቴር አምባሳደር ሸርማርኬ አሕመድ ሙሁመድ ገሌ በኢትዮጵያ አምባሳደር ሆነው መሾማቸውን አስታወቀ። አምባሳደሩ በሁለቱ ወገኖች መካከል ያለውን ፖለቲካዊ፣ ኢኮኖሚያዊ እና ታሪካዊ ግንኙነት የማጠናከር ኃላፊነት ተጥሎባቸዋል።

እንደ ሚኒስቴሩ ገለጻ፤ አምባሳደር ገሌ በሶማሊላንድ መንግሥት እና በዓለም አቀፍ ግንኙነቶች ውስጥ የ15 ዓመታት ልምድ ያላቸው ዲፕሎማት እና የሕዝብ አገልጋይ ናቸው። አዲሱ የሥራ ኃላፊነታቸውም ሶማሊላንድ በመላው አፍሪካ የምታደርገውን ሰፊ ዲፕሎማሲያዊ ተሳትፎ በማሳደግ ላይ የሚያተኩር ይሆናል ተብሏል።

አምባሳደር ገሌ እ.ኤ.አ. ከ2015 እስከ 2016 በፕሬዚዳንት ጽሕፈት ቤት የካቢኔ ሴክሬታሪዎች ኃላፊ ሆነው ያገለገሉ ሲሆን፣ በካቢኔ ደረጃ የሚሰጡ ውሳኔዎችን በማገዝ እና በመንግሥት ተቋማት መካከል የፖሊሲ ትግበራዎችን በማቀናጀት ረገድ ሚና ተጫውተዋል።

በመቀጠልም የሕዝብ አገልግሎት እና የመንግሥት አሠራርን ውጤታማነት፣ ተጠያቂነትን እና አገልግሎት አሰጣጥን ለማሻሻል ያለሙ ተቋማዊ ማሻሻያዎችን በመምራት የሶማሊላንድ ሲቪል አገልግሎት ኮሚሽንን በሊቀመንበርነት መርተዋል።

በተጨማሪም በኬንያ የሶማሊላንድ ምክትል አምባሳደር ሆነው ማገልገላቸውን እና በዲፕሎማሲያዊ ተሳትፎዎች እንዲሁም በቀጣናዊ ግንኙነቶች ላይ አስተዋጽኦ ማበርከታቸውን ሚኒስቴሩ ገልጿል።

07/09/2026

የደቡብ ኢትዮጵያ ክልል ለ840 የሕግ ታራሚዎች ይቅርታ አደረገ፡፡

የደቡብ ኢትዮጵያ ክልል መንግሥት መጪውን አዲስ ዓመት አስመልክቶ የይቅርታ መስፈርቱን ላሟሉ 840 የሕግ ታራሚዎች ይቅርታ ማድረጉን አስታውቋል።

የክልሉ ርዕሰ መስተዳድር ጥላሁን ከበደ እንዳስታወቁት ይቅርታ የተደረገላቸው ታራሚዎች በማረሚያ ቤት ቆይታቸው መልካም ሥነ-ምግባር ያሳዩ ሲሆን በሕግ የተደነገጉ የይቅርታ መስፈርቶችን ማሟላታቸው በክልሉ የይቅርታ ቦርድ ተጣርቶ ቀርቧል።

ታራሚዎቹ በመደበኛ የይቅርታ ሕግ እና ተጨማሪ መስፈርቶች መሠረት ይቅርታ የሚያስገኙ ሁኔታዎችን ያሟሉ መሆናቸውም ተገልጿል።

ይቅርታ ከተደረገላቸው ታራሚዎች መካከል 56ቱ ሴቶች ሲሆኑ 784 ቱ ደግሞ ወንዶች ናቸው።ታራሚዎቹ በማረሚያ ቤት የቆዩ ፣የጤና ችግር የነበረባቸው ፣በዕድሜ የገፉ፣ እንዲሁም ከተፈረደባቸው የእስራት ጊዜ አንድ ሦስተኛ ወይም ከግማሽ በላይ የሆነውን የቅጣት ጊዜ ያጠናቀቁ መሆናቸው ታውቋል።

የይቅርታው ተጠቃሚ የሆኑ የሕግ ታራሚዎች የይቅርታን እሴት ተላብሰው ሰላም ወዳድ፣ ለሕግ ተገዥና አምራች ዜጋ በመሆን የበደሉትን ህብረተሰብ በማገልግል ሊክሱ ይገባል ተብሏል።

ማኅበረሰቡም ይቅርታ የተደረገላቸው ታራሚዎች በጥፋታቸው ተፀፅተውና ታርመው የወጡ መሆኑን በመረዳት ወደ መልካም እና አምራች ኑሮ እንዲመለሱ አስፈላጊውን ትብብር እንዲያደርግ ጥሪ ቀርቧል።

04/09/2026

ዝነኛው የኬንያ አትሌት ፖል ቴርጋት በ2026 ግራንድ አፍሪካን ረን ላይ የክብር እንግዳ ሆኖ እንደሚሳተፍ ታወቀ

ዋሽንግተን ዲሲ:- ዝነኛው የኬንያ የረጅም ርቀት ሯጭ ፖል ቴርጋት ኦክቶበር 10 ቀን 2026 በአሌክሳንድሪያ፣ ቨርጂኒያ በሚካሄደው ግራንድ አፍሪካን ረን የክብር እንግዳ ሆኖ እንደሚሳተፍ አዘጋጆቹ አስታወቁ።

ፖል ቴርጋት በዕለቱ ከዝነኞቹ የኢትዮጵያ አትሌቶች ደራርቱ ቱሉ፣ ጥሩነሽ ዲባባ እና ስለሺ ስህን ጋር በክብር እንግድነት ይገኛል ተብሏል።

ፖል ቴርጋት በዓለም የረጅም ርቀት ሩጫ ታሪክ ውስጥ ከፍተኛ ስፍራ ካላቸው አትሌቶች አንዱ ነው። አምስት ጊዜ የዓለም ክሮስ ካንትሪ ሻምፒዮን ሲሆን በኦሎምፒክ 10,000 ሜትር ሁለት ጊዜ የብር ሜዳሊያ አሸንፏል።
በ10,000 ሜትር፣ በግማሽ ማራቶን እና በማራቶንም የዓለም ክብረወሰን ባለቤት ነበር። በ2003 በበርሊን ማራቶን 2 ሰዓት ከ4 ደቂቃ ከ55 ሰከንድ በመግባት፣ የማራቶንን ርቀት ከ2 ሰዓት ከ5 ደቂቃ በታች ያጠናቀቀ የመጀመሪያው አትሌት ሆኗል።

ለኢትዮጵያውያን የአትሌቲክስ አድናቂዎች ደግሞ ፖል ቴርጋት ከአትሌት ኃይሌ ገብረሥላሴ ጋር ባደረጋቸው እጅግ አጓጊ ፉክክሮች የማይረሳ ስም ነው። በተለይ በ2000 የሲድኒ ኦሎምፒክ የ10,000 ሜትር ፍጻሜ ኃይሌ ገብረሥላሴ ቴርጋትን በ0.09 ሰከንድ ብቻ ቀድሞ ያሸነፈበት ውድድር እስከዛሬ ድረስ በኦሎምፒክ የረጅም ርቀት ሩጫ ታሪክ ውስጥ ከማይረሱ ፉክክሮች አንዱ ነው።

ከውድድር ስኬቱ ባሻገር ፖል ቴርጋት ለስፖርት እድገት፣ ለወጣቶች እና ለማህበረሰብ በሚያደርገው አስተዋጽኦም ይታወቃል።የግራንድ አፍሪካን ረን ዳይሬክተር ዶ/ር ጋሻው አብዛ የፖል ቴርጋትን ተሳትፎ አስመልክተው “ፖል ቴርጋት ከደራርቱ ቱሉ፣ ከጥሩነሽ ዲባባ እና ከስለሺ ስህን ጋር በአንድ ጠዋት ማግኘት ለማህበረሰባችንና በዕለቱ ለሚሳተፉ ሁሉ ትልቅ ክብር ነው” ብለዋል።

ግራንድ አፍሪካን ረን በ2026 ለስምንተኛ ዓመት ይካሄዳል። ዝግጅቱ የአፍሪካ አትሌቶች በአትሌቲክስ፣ በረጅም ርቀት ሩጫ እና በክሮስ ካንትሪ ያስመዘገቡትን አኩሪ ስኬት ለማክበር የተጀመረ ሲሆን ከማንኛውም ማህበረሰብ ለሚመጡ ሁሉ ክፍት ነው።

ባለፉት ሰባት ዓመታት አትሌቶች ቀነኒሳ በቀለ፣ ገንዘቤ ዲባባ፣ መሰረት ደፋር፣ ትዕግሥት አሰፋ እና ጉዳፍ ፀጋይን ጨምሮ በርካታ ዝነኛ አትሌቶች በግራንድ አፍሪካን ረን ተገኝተዋል። የዘንድሮው ግራንድ አፍሪካን ረን ቅዳሜ ኦክቶበር 10 ቀን 2026 በአሌክሳንድሪያ፣ ቨርጂኒያ ይካሄዳል።

ለተጨማሪ መረጃ በዚህ ድረ-ገፅ www.africanrun.com

Balageru TV

02/09/2026

ጊፍት ሪል እስቴት 1,500 ቤቶችን በ18 በመቶ ቅናሽ ለሽያጭ አቀረበ::

ጊፍት ሪል እስቴት ለ2019 ዓ.ም አዲስ ዓመት በማስመልከት የመኖሪያ አፓርትመንቶችና የንግድ ሱቆች የሽያጭ ኤክስፖ በይፋ ከፍቷል።

“መኖር በጊፍት መንደር” በሚል መሪ ቃል የተዘጋጀው ኤክስፖ ከነሐሴ 27 ቀን 2018 ዓ.ም ጀምሮ ለ15 ተከታታይ ቀናት ይቆያል።

በዚህ የበዓል ሽያጭ ኤክስፖ ጊፍት ሪል እስቴት 1,500 ቤቶችን ለገበያ ያቀረበ ሲሆን፣ በ2 በመቶ ቅድመ ክፍያ እስከ 18 በመቶ ቅናሽ እንደሚያደርግ አስታውቋል።

የበዓሉ ልዩ ቅናሽ በለገሃር፣ ተክለሃይማኖት፣ 22 ማዞሪያ፣ አትላስ፣ ሲኤምሲ እና ፈረስ ቤት አካባቢዎች በሚገነቡ ዘመናዊ የመኖሪያና የንግድ መንደሮች ላይ ተፈጻሚ ይሆናል።

እነዚህ መንደሮች ትምህርት ቤቶች፣ የጤና ተቋማት፣ የገበያ ማዕከላት፣ የመዝናኛ ስፍራዎችና በቂ የመኪና ማቆሚያዎችን ያካተቱ መሆናቸው ተገልጿል።

ድርጅቱ በመንግሥትና በግል አጋርነት ማዕቀፍ 12 ሺህ ቤቶችን ለመገንባት በገባው ውል መሠረት በተለያዩ ጊዜያት የሽያጭ ኤክስፖዎችን ማካሄዱ ይታወሳል።

በአሁኑ ወቅትም የ900 ቤቶችን ግንባታ አጠናቆ ለደንበኞች ለማስረከብ በዝግጅት ላይ ሲሆን፣ በመጪው ዓመት ደግሞ ወደ 2,000 የሚጠጉ ቤቶችን ለማስረከብ እየሰራ መሆኑን አስታውቋል።

ጊፍት ሪል እስቴት ከ2005 ዓ.ም ጀምሮ ዘመናዊ ዲዛይንና ተጨማሪ እሴቶችን ያካተቱ የመኖሪያ መንደሮችን እየገነባ ለደንበኞች እያቀረበ ይገኛል።

01/09/2026

በኢትዮጵያ የመጀመሪያው የጥርስ ሕክምና ተቋማት ሽልማት መድረክ ሊካሔድ ነው

በኢትዮጵያ ለመጀመሪያ ጊዜ በጥርስ ሕክምና ዘርፍ የላቀ አገልግሎት የሚሰጡ ተቋማትና ባለሙያዎችን እውቅና የሚሰጥ ብሔራዊ የሽልማት መድረክ በይፋ ስራውን ጀምሯል።

የሮቫ መልቲሚዲያ እና ኢቬንትስ ኦርጋናይዘር ከአዲስ አበባ ምግብና መድኃኒት ባለሥልጣን (AAFDA) ጋር በመተባበር ያዘጋጀው መርሃ ግብር፣ በታካሚ እንክብካቤ፣ በክሊኒካዊ ብቃት፣ በንጽህና እና በማህበረሰብ ጤና ላይ የላቀ አፈጻጸም ያሳዩ የጥርስ ሕክምና ተቋማትን እና ባለሙያዎችን ለማበረታታት ያለመ ነው።
እንደ አዘጋጆቹ ገለጻ፣ የእውቅና መርሃ ግብሩ ከ2019 ዓ.ም ጥቅምት 1 ጀምሮ በየዓመቱ የሚካሄድ ሲሆን፣ የጥርስ ክሊኒኮችን አቅም ማሳደግ፣ የልምድ ልውውጥ ማበረታታት እና የሙያ ጥራትን ማሻሻል ዋና ግቦቹ ናቸው።
በሽልማቱ ውስጥ በዘመናዊ ቴክኖሎጂ፣ በኢንፌክሽን ቁጥጥር፣ ለሕጻናት ምቹ አገልግሎት፣ በኮስሜቲክ የጥርስ ሕክምና፣ ለአካል ጉዳተኞች ተደራሽነት እና በታካሚ አገልግሎት የላቀ አፈጻጸም ያሳዩ ተቋማት በተለያዩ ዘርፎች እውቅና ያገኛሉ።
አዘጋጆቹ መርሃ ግብሩ አዲስ አበባን በአፍሪካ የጥርስ ሕክምና ማዕከል ለማድረግ ያለመ ሲሆን፣ የዓለም አቀፍ ባለሙያዎችን ከአገር ውስጥ ተቋማት ጋር በማገናኘት የዕውቀት ሽግግርን እንደሚያበረታታም ገልጸዋል።

27/08/2026

ቴምር ፕሮፐርቲስ ለአካባቢ ጥበቃ አርአያ ለሆኑ አካላት ዕውቅና ሰጠ

ቴምር ፕሮፐርቲስ በመገናኛ ለሚያስገነባው ህንፃ ከሁለት የቻይና ኩባንያዎች ጋር ስምምነት ተፈራርሟል::

ቴምር ፕሮፐርቲስ በሪል እስቴት ልማት ዘርፍ ያስመዘገበውን የ10 ዓመታት ስኬታማ ጉዞ በማስመልከት፣ ለአካባቢ ጥበቃ አርአያ ለሆኑ ወገኖች ዕውቅናና ስጦታ ሰጥቷል::

የዕውቅናና ስጦታ ሥነ-ሥርዓቱ የተካሄደው በመገናኛ ወደ ጫካ በሚወስደው አዲሱ የቴምር ፕሮፐርቲስ ሳይት ሲሆን፣ በዚሁ መርሃ-ግብር ኩባንያው ከሁለት የቻይና ኩባንያዎች ጋርም የመግባቢያ ስምምነት ፈጽሟል።

የደን ሀብትን፣ ብዝሃ ሕይወትንና የሥነ-ምህዳር ሚዛንን ለመጠበቅ በየዕለቱ ከፍተኛ ኃላፊነት ለሚወጡት የጉለሌ እፅዋት ማዕከል 75 የደን ጠባቂ ሬንጀሮች ዕውቅናና ለሥራቸው የሚያግዝ ስጦታ ተበርክቶላቸዋል።

በተጨማሪም፣ “ፕሎጊንግ ኢትዮጵያ የተሰኘውን ተቋም በመመስረት ላለፉት 6 ዓመታት በበጎ ፈቃደኝነት የወዳደቁ ፕላስቲኮችንና ቆሻሻዎችን በመሰብሰብ ለአካባቢ ጥበቃ ከፍተኛ አስተዋጽኦ ላበረከቱት አቶ ፍሬው ከፍያለው ልዩ ዕውቅናና ስጦታ ተሰጥቷል።

የቴምር ፕሮፐርቲስ የኢቨንትና ፕሮሞሽን ዳይሬክተር አቶ ኡስማን መሀመድ፣ የተሰጠው ዕውቅና ድርጅቱ የንግድ ሥራ ስኬትን ከአካባቢ ጥበቃና ከማኅበራዊ ኃላፊነት ጋር አስተሳስሮ ለመሄድ ያለውን ጽኑ አቋም የሚያሳይ መሆኑን ገልጸዋል።

በሌላ በኩል፣ ቴምር ፕሮፐርቲስ በመገናኛ ጫካ አካባቢ እያስገነባው ላለው ህንፃ ግንባታ ከሁለት የቻይና ኩባንያዎች ጋር ስምምነት ተፈራርሟል።

ህንፃው ከመሬት በታች 8 ወለሎች እና ከመሬት በላይ 18 ወለሎች የሚኖሩት ሲሆን፣ በግንባታው የጥራትና የደህንነት ደረጃዎችን ለማስጠበቅ ከቻይናዎቹ ኩባንያዎች ጋር በጋራ ይሠራል ተብሏል።

በስምምነቱ መሠረት Hui Chen የመሬት ቁፋሮ (Excavation) ሥራዎችን የሚያከናውን ሲሆን፣ Sansheng ደግሞ የኮንክሪት አቅርቦትን በመምራት በፕሮጀክቱ ይሳተፋል።

ቴምር ፕሮፐርቲስ የደንበኞችን ፍላጎትና ምርጫ መሠረት ያደረገ የሪል እስቴት አገልግሎት ለመስጠት እንደሚሠራ ገልጾ፣ በቀጣይም የግንባታ ሥራውን ከአካባቢ ጥበቃ ጋር በማስተሳሰር ለዘላቂ ልማት እንደሚሠራ አስታውቋል።

Balageru TV

09/09/2026

08/09/2026

07/09/2026

07/09/2026

07/09/2026

07/09/2026

04/09/2026

02/09/2026

01/09/2026

27/08/2026

Address

Opening Hours

Website

Alerts

Contact The Business

Shortcuts

Share

Category

Listing takedown request