Bunna Media and Communication

13/09/2026

በሉ እንሂድ ቦንጋ ለማሽቃሮ! 🌿✨

(አረንጓዴ አፍላጊ ምድር - ከተጓዡ ጋዜጠኛ አማኑኤል ሀይሌ ከዚህ ቀደም ከተሰራው የጉዞ ማስታወሻ የተወሰደ)

​ #ቦንጋ #ማሽቃሮ #ኢትዮጵያ #ጉዞ

12/09/2026

ሳልዘጋጅ ድንገት ጥያቄ ቀረብልኝ
mashqaro

Enjoy the videos and music you love, upload original content, and share it all with friends, family, and the world on YouTube.

12/09/2026

የካፋ ማሽቃሮን ለትውልድና ለዓለም የማስተዋወቅ ታሪካዊ ኃላፊነት አለብን!

​የካፋ ዞን ዋና አስተዳዳሪ አቶ እንዳሻው ከበደ እንደገለጹት፤ የካፋን ማንነት፣ ነባር እሴቶች እና የዘመን መለወጫ በዓላችንን ማሽቃሮን ጠብቆ ለማቆየትና ለቀጣዩ ትውልድ ለማስተላለፍ ሁሉም ወገን ትልቅ አደራ አለበት።

​ህብረተሰባችንን በአንድነት፣ በፍቅርና በጋራ እሴቶች የሚያስተሳስረው ማሽቃሮ፤ የዘመን መሸጋገሪያ ታላቅ በዓል መሆኑ ይታወቃል።

ይህንን ታሪካዊና የባህል ሀብታችንን በሀገር ውስጥም ሆነ በዓለም አቀፍ ደረጃ ትውውቁን ማስፋት እንደሚገባ አቶ እንዳሻው አሳስበዋል።

​ለዚህም ሀገራዊና ክልላዊ ድምቀት ላለው የባህል መድረክ ስኬት እያንዳንዱ አካል በያለበት የድርሻውን እንዲወጣ ጥሪ ቀርቧል።

​ #ማሽቃሮ #ካፋ #ኢትዮጵያ *

12/09/2026

ማሽቃሮን ለማክበርና እንግዶችን ለመቀበል በመጠባበቅ ላይ የሚገኙ እንስቶቻችን በቦንጌ ሻንባት እንገናኝ ጥሪ አቅርቧል።

ዘንድሮ ማሽቅሮ አይቀርም!!!
#ካፋ #ኢትዮጵያ

11/09/2026

የወንድሙ ወ/ሚካኤል ጠቅላላ ኢንቨስትመንት ባለቤት አቶ ወንድሙ ወ/ሚካኤል ለ2019 አዲስ ዓመት ያስተላለፉት የእንኳን አደረሳችሁ መልእክት

​በቅድሚያ አሮጌውን የ2018 ዓ.ም ሸኝተን አዲሱን የ2019 ዓ.ም የዘመን መለወጫ በሰላም፣ በፍቅር እና በጤና ስለደረስን እንኳን አደረሳችሁ! እያልኩኝ አዲሱ ዓመት የሰላም፣ የጤና፣ የስኬት እና የደስታ ዘመን እንዲሆንላችሁ በራሴ እና በድርጅቱ ሰራተኞች ስም እንኳን አደረሳችሁ ለማለት እወዳለሁ።

​አቶ ወንድሙ በመልእክታቸው ለመላው የሀገራችን ሕዝብ፣ ለድርጅታችን ሠራተኞችና ለተከበራችሁ ደንበኞቻችን በሙሉ እንኳን ለአዲሱ የ2019 ዓ.ም በሰላም፣ በጤና እና በደስታ አደረሳችሁ እያለ ልባዊ ምኞቱን ይገልጻል።

​ድርጅታችን በተጠናቀቀው ዓመት በልማት፣ በንግድና በተለያዩ የኢንቨስትመንት ዘርፎች ውጤታማ ሥራዎችን ሲያከናውን ቆይቷል። ለዚህ ስኬታችን ትልቁን ድርሻ የምትወስዱት እናንተ ዘወትር ከጎናችን የሆናችሁ ውድ ደንበኞቻችን እና ሌት ተቀን በታማኝነትና በትጋት ያገለገላችሁ የድርጅታችን ሠራተኞች ናችሁ። ስላለፈው አብሮነታችሁና ለሰጣችሁን እምነት ድርጅታችን ላቅ ያለ ምስጋናውን ያቀርባል።

​በአሉን ስናከብር የመከባበር፣ የመደጋገፍና የአብሮነት ዕሴቶችን በማጎልበት፤ የተቸገሩትን በመርዳት፣ አረጋውያንና አቅመ-ደካሞችን በመጠየቅና በፍቅር ሊሆን ይገባል ሲሉ አሳስበዋል።

​በመጨረሻም ለመላው ኢትዮጵያውያን እንኳን ለ2019 አዲስ ዓመት በሰላም አደረሳችሁ፤ አዲሱ ዓመትም የሰላም፣ የፍቅር እና የብልጽግና እንዲሆን እመኛለሁ ሲሉ መልዕክታቸውን አስተላልፈዋል።

​በድጋሚ እንኳን ለ2019 አዲስ ዓመት በሰላም አደረሳችሁ!

​ #የወንድሙወሚካኤልጠቅላላኢንቨስትመንት #አቶወንድሙወሚካኤል #አዲስአመት2019 #የዘመንለወጫ #የደሃአባት #የባለራዮችአጋር #ኢትዮጵያ #መልካምአዲስአመት

11/09/2026

ማሽቃሮን አዲስ አበባ ስናከብር፡ ለባህል አምባሳደሮቻችን ያለን ክብር

​የባህላችንን ማዕበል ጠብቆ ለማቆየትና ትውልድ ተሻጋሪ እንዲሆን ቀን ከሌት የሚተጉ ወጣቶችን ማመስገን የዘወትር ግዴታችን ነው።

ዘንድሮ በዕቅዳችን መሰረት አዲስ አበባ ላይ ማሽቃሮን ስናሰናዳ፣ የአምናውን አድካሚና ውጣ ውረድ የተሞላበት ጉዞ በጋራ አሳልፈን የባህል ድልን ያስመዘገቡልን ወጣቶች ትዝታቸው አዲስ ነው።

​ጌሮ አየሌ (የካፊኛ ቋንቋ አቀንቃኝና ባህል ጠባቂ)

ከአዲስ አበባ እስከ ቦንጋ በመጓዝ፣ የካፋን ባህላዊ ምግቦችና የቦርዴ መጠጥ በራሱ ትከሻ ተሸክሞ ቀንና ማታ የተጓዘው ጌሮ አየሌ ነው።

“ማንነትን መውደድና ማክበር ራስን ማክበር ነው” የሚል ጽኑ እምነት ያለው ይህ ወጣት፣ በዲጂታል መድረኮችና በማህበራዊ ሚዲያ የካፊኛ ቋንቋ እንዲበለጽግና እንዲያድግ የሚያደርገው ጥረት ላቅ ያለ ነው።

አምና ማሽቃሮን ከእኛ ጋር ሆኖ ላሳካው ውድ ወንድማችን ጌሮ አየሌ ምስጋናችን የላቀ ነው።

ለላኛው ደግሞ ​ኬሮ አደዮ (ጋኪ ዩዶ - የቲክቶክ ባለሙያ)

በቲክቶክ መድረክ በ “ጋኪ ዩዶ” ስሙ የሚታወቀው ሌላኛው ቅን ወጣት ኬሮ አደዮ ነው በግል ስራ ላይ እያለ ወድቅ የአካል ጉዳት ደርሶት በዚህ ምክንያት መኖር ከብዶት ወደ ቦንጋ ተመልሷል።

ከማስተባበሪያ ኮሚቴው ጋር በመቀናጀት ከፍ ያለ መስዋዕትነት በመክፈል ለባህላችን እድገት ከፍተኛ ድርሻ አበርክቷል።

​ዘንድሮ በአካል አዲስ አበባ በሚከበረው ማሽቃሮ ባትገኙም፣ በሐሳብና በልብ ከእኛ ጋር እንዳላችሁ እንረዳለን።

ዛሬ ላይ ኑሮና የተለያዩ ማህበራዊ ምክንያቶች በየቦታው ቢበትኗችሁም፣ እናንተንና መሰል ታታሪ ወጣቶችን ይበልጥ በማስተሳሰርና ጅምር የሥራ ዕድል በመፍጠር እርስ በእርስ መደጋገፍ እንችላለን።

​ይህቺ ዓለም አንዳንድ ጊዜ ፈታኝና ከበድ ያለች ብትሆንም፣ በሥራ ማጣትና በኢኮኖሚ ችግር ምክንያት አንድም ወንድማችን ወደኋላ እንዳይሸራተት መደጋገፍና ማበረታት የእኛ ማህበራዊ ኃላፊነት ነው።

በቅርቡ ቡና ሚዲያ አዲስ ነገር ይዞ ይመጣል ። ወደ ስራችሁ እንመልሳልን!!

​መልካም አዲስ ዓመት ይሁንልን!

​ #ማሽቃሮ #የካፋባህል #የባህልአምባሳደሮች #ማንነት #ወጣቶችናልማት #ኢትዮጵያዊነት #ቡናሚዲያ

10/09/2026

ቡና ሚዲያና ኮሚዩኒኬሽን እንኳን ለአዲሱ አመት በሰላም አደረሳችሁ እያለ መልካም ምኞቱን ይገልፃል።
አማኑኤል ሀይሌ(ተጓዡጋዜጠኛ )ዋና ስራ አስፈፃሚ
゚

10/09/2026

የካፋ ብሄር ማሽቃሮ በዓል ዘንድሮ ባህር ማዶም በድምቀት ይከበራል!

​የካፋ ዘመን መለወጫ በዓል የሆነውን የማሽቃሮ እሴትን፣ ታሪካዊ አመጣጥ እና ዓለም አቀፋዊ ድምቀት የሚዳስሰውን አጠር ያለ አጓጊ ዘጋቢ ቅንብር በቡና ሚዲያን ተጓዡ ጋዜጠኛ አማኑኤል ሀይሌ አማካይነት አዘጋጅተንላችኋል።

​ሙሉውን ቪዲዮ በመመልከት የካፋን ብሄር ባህልና ማንነት ለዓለም እናድርሰ፤ ሼር (Share) እና ኮፒ ሊንክ (Copy Link) በማድረግ ለወዳጅ ዘመድዎ ያጋሩ!

​ #ካፋ #ማሽቃሮ #በዓል #ቡናሚዲያ #ኢትዮጵያ #ታሪክናባህል

10/09/2026

አቶ ክርስቲያን ታደለን ጨምሮ 600 እስረኞች ከእስር ተፈተው ቤተሰቦቻቸውን ተቀላቀሉ

አቶ ክርስቲያን ታደለን ጨምሮ 600 እስረኞች ከእስር ተፈተው ወደ ቤተሰቦቻቸው ተቀላቅለዋል፡፡

በመንግሥት ተነሳሽነትና በተቋማት ትብብር የተከናወነው ከእስር የመፍታት ሂደቱ ለፍትህና ለዘላቂ ሰላም ያለውን ቁርጠኝነት የሚያሳይ ርምጃ መሆኑ ተገልጿል።

በኢትዮጵያ ሰብዓዊ መብቶች ኮሚሽን (ኢሰመኮ) ዋና ኮሚሽነር ብርሃኑ አዴሎ በሰጡት መግለጫ፤ ኮሚሽኑ የእስረኞቹ መፈታት ሂደቱ ውጤታማ እንዲሆን ለአምስት ወራት ሲሰራ መቀየቱን አንስተዋል፡፡

እስረኞቹ በተለያዩ የሕግ ሂደቶች በእስር ላይ መቆየታቸውን ጠቅሰው፤ የመፈታት ጥያቄያቸው ለኮሚሽኑ ከቀረበ በኋላ ከመንግሥት ጋር በመነጋገር የመፍትሄ ሂደቱን ለማስፈጸም ሰፊ ስራ ተሰርቷል ነው ያሉት።

መንግሥት በጉዳዩ ላይ ያሳየው ተነሳሽነት ሂደቱ በተግባር ውጤት እንዲያመጣ ያስቻለ ቁልፍ ሚና እንደነበረው አንስተው፤ ይህም የፍትህ ጉዳዮችን በሕጋዊ ሂደት ከማስኬድ ባሻገር ለሰላምና ለሀገራዊ መግባባት ያለውን ቁርጠኝነት ያሳያል ብለዋል።

በዚህ ሂደት ክልሎች የየራሳቸውን ሚና መወጣታቸውን በመጥቀስ ይህም ውጤት ማምጣቱን አስረድተዋል፡፡

የ600 እስረኞች መፈታት በሀገሪቱ የሰላምና የመግባባት ሂደት እየተሻሻለ መምጣቱን የሚያሳይ ተጨባጭ ርምጃ መሆኑን ተናግረዋል ።

ይህ ሂደት በኢትዮጵያ ታሪክ ልዩ ምዕራፍ የሚያስመዘግብ ነው ያሉት ኮሚሽነሩ፤ ሂደቱ የሕግ ሥርዓትን በማክበር፣ የግለሰቦችን መብት በመጠበቅና ዘላቂ ሰላምን በማጠናከር የሚገነባ አቅጣጫን የሚያመላክት መሆኑን አንስተዋል፡፡

ይህም የሀገራዊ ምክክሩ አዲስ ምዕራፍ ላይ እየደረሰ መሆኑን የሚያሳይ ስኬት መሆኑን ገልጸው፤ በተለይም ልዩነቶችን በውይይትና በመግባባት ለመፍታት የሚደረገው ጥረት ከቃል ወደ ተግባር መሸጋገሩን ያመላክታል ብለዋል፡፡

ምክክሩ የሀገሪቱን ልዩነቶች በሰላማዊ መንገድ ለመፍታት የፈጠረው መድረክ እንደዚህ ባሉ ተጨባጭ የመግባባት ውጤቶች እየተጠናከረ መምጣቱን የእስረኞች መፈታት አሳይቷል ነው ያሉት።

እስረኞቹ ዛሬ ከእስር ተፈተው ወደ ቤተሰቦቻቸው መቀላቀላቸው ለቤተሰቦቻቸው የደስታ ዜና ብቻ ሳይሆን፤ ለፍትህ፣ ለሰላምና ለሀገራዊ መግባባት የሚደረገው ጥረት ተጨባጭ ውጤት እያስመዘገበ መሆኑን የሚያሳይ ርምጃ መሆኑን በመግለጫቸው አንስተዋል፡ ፋና ብሮድካስትግ እንደዘገበው

10/09/2026

https://youtu.be/oU2kdBtEQ74?si=jiS7rBggjSFENs60

Enjoy the videos and music that you love, upload original content and share it all with friends, family and the world on YouTube.