16/08/2026
Waajjirri Lafaa Magaalaa Ciroo, Waajjira Kantiibaa Bulchinsa Magaalaa Ciroo Waliin tahuun waltajjii duula sosochii faalama naannoo ittisuu marsaa 3ffaa gaggeesse.
Waajjirri Lafaa Magaalaa Ciroo, Waajjira Kantiibaa Bulchinsa Magaalaa Ciroo Waliin tahuun
waltajji marii sosochii ummataa finiinsuun faalama naannoo haa Ittifnu jedhuun Nageenya gandootaa, Abbbootii zoonii Gaachana sirnaa I/A Bulchaa Gandaa, Gargaaramtoota seeftineetii, Abbootii Qabeenyaa, Abbootii Amantii Qindeessitoota Dhimma Magariisuu magaalaatiifi Kunuunsa Naannoo Magaalaa hirmaachisuun gaggeeffamee jira.
Magaalichatti duullii sosochii Faalama Naannoo ittisuu kun kan gaggeeffamaa ture yoo tahu, hojii kanaanis bu’aawwan jajjabeessaan kan argamaa jiru ta'u himameera.
Barreeffamni marii kanaaf tahuus, obbo Nasraddiin Usmaa'il Dursaa Garee Qulqullinaafi Magariisuu Magaalaatin dhiyaatee irrattis mari’atamee jira.
Waltajjicha kanarraitti aragamuun kallattii hojii ittaanuu kan kennan I/G waajjira Kantiibaa Bulchinsa Magaalaa Ciroo obbo Jemal Gosaye, akka jedhamnitti, haalli akka mootummatti yeroo ammaa faalama naannoo hir’isuuf hojjetamaa jiru yeroo irraa gara yerootti fooyya’insa baayyeetu mul’achaa jira jedhan.
Mootumman kan hojjattu naannoo qulqulluu, biyya magariisa taate, akkasumas biyya jiruufi jireenya hawaasaaf mijjattu uumuu akka ta'ee ni beekamaa.
Bu'uuruma kanaan akka Magaalaa keenyattis yoo kan ilaallu tahe bara baraan duula sosochii faalama naannoo haa ittifnu jechuun sosochii hawaasa uumuun hojjechaa kan turan ta'uu kaasanii, qixa hubannoo hawaasa uumaa turreen bu’aan magaalaa keenyatti mul’achaa ture salphaa akka hin taanes kaasaanii jiru.
Hojiin kun lafa akka qabatu labsii, danbiifi to’annoo faalama naannoo balfa gogaafi dhangala’aa bahee jiru walqixa hojiirra oolchuu biratti garaagarummaa guddaatu jira jedhan obbo Jamaal, kanaaf naannoo keenya qulqulluu yoo gochuu banne biyya fayyaaleettiifi hawaasa fayyaaleessa uumuu hin dandeenyu jedhaniiru.
Kanumaafuu jedhan, hojii kana milkeessuu kan dandeenyu lammiilee hundi dhaabbileen mootummaafi miti mootummaa, dhaabbileen amantaa marti qoodarraa eegamu hunda qixaan yoo banne qofa rakkinicha keessa bahu dandeenyas jedhanii jiru.
Ittigaafatamaan Waajjira Lafaa Magaalaa Ciroo Eenginer Beyan Aliyi gama isaaniitiin, akka jedhanitti qabatama akka magaalaa keenyaa yoo kan ilaallu tahe jijjiiramani jiraachuu kaasanii,
jijjiiramichi galma qabannee turre bira gahuu dhabuun jidduutti qaawni jiraachuu himaniiru. inni bira hawaasa balfa balaaleeffatu fi jibbuu uumuu yoo hin dandeenye bu’aan galmaayu itti fufiinsa hin qabaatu jedhaniiru.
Eng. itti dabaluun akka jedhanitti waltajjiin sosochii faalama naannoo marsaa kanaa kun irra caalaa hubannoo ummataa uumuu irraa kan eegalu yoo tahu, kana bira darbee immoo labsii to’annoo faalama naannoo akka biyyaatti bahee jiru hojiirra oolchuun dirqama tahuu qabas jedhaniiru.
Hirmaattoonni marii kanarratti argamaniis akkaataan nuti balfa gogaafi dhangal’aa magaalaa keenyatti hogganaa turre qaawa mataasaa kan of keessaa qabuudha jechuun kaasaniiru.
Dhimmicha ulfeessinee laaluu dhabuu, hojii yaroo tokko qofa gochuu fi qixaan hogganuu dhabuun nu biratti mul’ata jachuun kan kaasan yoo tahu,qindoomina qooda fudhattootaa waliin jiru cimsuun rakkinicha kana keessaa bahuu akka qaban yaada isaanii kaasaniiru.
Dhumarrattis dhaabbileen mootummaa, waldaalee imx, abbootii qabeenyaafi qaamolee garaagaraafi namoonni dhuunfaa hojii qulqullina naannoo isaanii eeguu keessatti hojii gaarii hojjachuu akka qaban dhaamamuun waltajjiin xumurameera.
