አማሮች

አማሮች struggle for human being freedom ትሰግሉ በድል እስኪደምቅ አመርረን እንታገላለን።

የጦር ግንባር ማስታወሻዬየካቲት 22 ቀን አመሻሽ ላይ እኔና ሌሎች የልዩ ጥበቃ ኮማንዶ ጓደኞቼ አዛዣችንን መከታው ማሞን አጅበን ወደ አጣዬ አቅጣጫ ገሰገስን። ምሽት ላይ ከአጣዬ 10 ኪሎ ሜት...
18/08/2025

የጦር ግንባር ማስታወሻዬ
የካቲት 22 ቀን አመሻሽ ላይ እኔና ሌሎች የልዩ ጥበቃ ኮማንዶ ጓደኞቼ አዛዣችንን መከታው ማሞን አጅበን ወደ አጣዬ አቅጣጫ ገሰገስን። ምሽት ላይ ከአጣዬ 10 ኪሎ ሜትር ርቀት ላይ ወደምትገኘው ይምላዋ ቀበሌ ደረስን። አካባቢው የውጊያ ቀጣና በመሆኑ የመከላከያ ሠራዊት በ3 ኪሎ ሜትር ርቀት ላይ ይገኝ ነበር።

ወደዚህ የመጣነው የ7ለ70 ብርጌድ ዋና አዛዥ አርበኛ ተስፋዬ በጦርነት ላይ እያለ በውስጥ ባንዳዎች በመገደሉ ነበር። በተለይም የ"ኢሳያስ ደመቀ" ቡድን አባላት ከጀርባው ተኩሰውበት ሕይወቱ እንዳለፈ ተነገረን። እንደደረስን ወዲያውኑ በአካባቢው ከሚገኙ ከፍተኛ የፋኖ አመራሮች ጋር ስብሰባ ተቀመጥን። በስብሰባው ላይ ፋኖዎች ከጥር ወር ሁለተኛ ሳምንት ጀምሮ ለአንድ ወር ያህል ያለማቋረጥ ሲዋጉባቸው የነበሩትንና ሙሉ በሙሉ የሚያስተዳድሯቸውን አራት ቀበሌዎች (ማለትም በርግቢ፣ ይምላዋ፣ አላላ እና ፈረዶ ውሃ) ለቀው እንዲወጡና በምትኩ ስልታዊ ቦታዎችን እንዲይዙ አቅጣጫ ተሰጠ። ይህ ከባድ ትዕዛዝም በዚያው ዕለት ተፈጸመ።

ትዕዛዙን ተከትሎ ፋኖዎች አካባቢውን ከለቀቁ ከሦስት እና ከአራት ቀናት በኋላ የመከላከያ ሠራዊት ያለ ምንም ውጊያ ወደ ስፍራው ገባ። በዚህም በርካታ ወንድሞቻችንን ገብረንበት የነበረውን እና መከላከያ በውጊያ ሊቆጣጠረው ያልቻለውን ከአጣዬ እስከ መሀል ሜዳ የሚዘልቀውን የ60 ኪሎ ሜትር አውራ ጎዳና በነፃ አሳልፈን ሰጠነው።

በመጨረሻም የአድዋ ድልን ለማክበር ሌሊቱን ሙሉ ከባድ ጉዞ አድርገን፣ በማግስቱ ጠዋት መንዝ ወገሬ ከተማ ደረስን።

ለአማራ ሕዝብ ክብር ብዬ ሕይወቴን ብሰጥ እንኳ፣ ይህ የእኔ የታሪክ ማስታወሻ ነው።

ዘላለማዊ ክብር ለተሰው ወንድሞቼ፣ ድል ለፋኖ!
አማሮች

የረገጣችሁት ህዝብ በበደሉ እንዳይረሳው ደጋግመን እናስታውሰዋለን። እናንተ የገደላችሁት ህዝብ ብርታት እንዲያገኝ፣ እንዲነቃነቅ፣ እንዲቆጭ እና ወደ ልቦናው ተመልሶ ይህን አረመኔያዊ ተግባራችሁ...
24/07/2025

የረገጣችሁት ህዝብ በበደሉ እንዳይረሳው ደጋግመን እናስታውሰዋለን። እናንተ የገደላችሁት ህዝብ ብርታት እንዲያገኝ፣ እንዲነቃነቅ፣ እንዲቆጭ እና ወደ ልቦናው ተመልሶ ይህን አረመኔያዊ ተግባራችሁን እንዲመክት ደጋግመን እንነግረዋለን።

የውሃ ጠብታ ድንጋይን እንደሚበሳ ሁሉ፣ እናንተ በሴራና በተንኮል ያደነዘዛችሁትን እና በደል ያደረሰባችሁን ህዝብ፣ ከግፉ፣ ከመከራውና ከገባበት የባርነት ሰንሰለት ነጻ እንዲወጣ እናበረታዋለን። ይህንን ሃሳብ ወደፊት እናመጣዋለን።

እንዴት እንደተነሳችሁ እናውቃለን፤ እንዴት እንደምትወድቁም እንረዳለን።

አማሮች

የአፋህድ የጠቅላላ ጉባኤ አባላት እና ከፍተኛ አመራሮች በኢትዮ ቴሌኮም ትግሉን እየመሩ ነወይ የአማራን ህዝብ ነፃ የሚያወጡት? በነገራችን ላይ ገንዘቡም በንግድ ባንክ ነው የሚንቀሳቀሰው። ትግ...
11/07/2025

የአፋህድ የጠቅላላ ጉባኤ አባላት እና ከፍተኛ አመራሮች በኢትዮ ቴሌኮም ትግሉን እየመሩ ነወይ የአማራን ህዝብ ነፃ የሚያወጡት? በነገራችን ላይ ገንዘቡም በንግድ ባንክ ነው የሚንቀሳቀሰው። ትግሉ አፋፍ ግደል ላይ ነው።

"የምድር ጌጥ"መካከለኛው ምስራቅ በዓለም ካርታ ላይ ያላት ቦታ ከጂኦግራፊያዊ ገጽታዋ እጅግ የላቀ ነው። ይህች ምድር በዘመን አቆጣጠር መባቻ ላይ የሰው ልጅ ስልጣኔን ያበቀለች፣ የዓለም ታላላ...
19/06/2025

"የምድር ጌጥ"
መካከለኛው ምስራቅ በዓለም ካርታ ላይ ያላት ቦታ ከጂኦግራፊያዊ ገጽታዋ እጅግ የላቀ ነው። ይህች ምድር በዘመን አቆጣጠር መባቻ ላይ የሰው ልጅ ስልጣኔን ያበቀለች፣ የዓለም ታላላቅ ሃይማኖቶችን በልቧ ያቀፈች እና የተፈጥሮ ሀብት ማከማቻ ሆና ኖራለች። አንዳንዶች "የምድር ጌጥ" ብለው እስከ መጥራት የደረሱባት የልዩነቶችና የብዝሃነት መናኸሪያ ናት። ይሁን እንጂ ይህ ሁሉ ውበትና ጸጋ ሳይቀር፣ ለዘመናት ዘልቆ የቆየውን የጦርነት አዙሪት መግታት አልቻለም። በምድራችን ላይ እንደ መካከለኛው ምስራቅ ረዘም ላለ ጊዜ እና በተከታታይ ግጭት የታየበት ክልል የለም ብሎ መናገር ይቻላል።

የመካከለኛው ምስራቅ ለምነት በጥንት ዘመን የሰው ልጅ ስልጣኔን የፈጠረበት መሠረት ነበር። "ለም ጨረቃ" (Fertile Crescent) በመባል የሚታወቀው የሜሶጶጣሚያ (አሁን ኢራቅ) እና የናይል ሸለቆ (ግብፅ) አካባቢዎች የግብርና አብዮትና የከተማ ምሥረታ ማዕከላት ነበሩ። መጽሐፍ ቅዱስም ይህንን አካባቢ በልዩ ክብር ይገልጸዋል። ምንም እንኳን "የምድር ጌጥ" የሚለው ሐረግ በቀጥታ ባይጠቀስም፣ እስራኤልን (ከመካከለኛው ምስራቅ አንዷ) "አስደሳች ምድር" (ዳንኤል 8:9)፣ "የተመረጠች ምድር" (ሕዝቅኤል 20:6) እና "የምድር ሁሉ ደስታ" (መዝሙር 48:2) በማለት ይገልጻታል። እነዚህ መግለጫዎች የክልሉን ልዩ ውበት፣ ለምነት እና እግዚአብሔራዊ ጠቀሜታ ያመለክታሉ። የአብርሃም፣ የሙሴ፣ የኢየሱስና የሌሎች ነቢያት ታሪክ የተቀረጸው በዚህ ቅዱስ ምድር ላይ ነበር። በዘመናችን ደግሞ የመካከለኛው ምስራቅ ታላቅ የተፈጥሮ ጸጋ የነዳጅ (ዘይት) ክምችት ነው። ክልሉ የዓለምን ትልቁን የነዳጅ እና የተፈጥሮ ጋዝ ክምችት የያዘ ሲሆን፤ ይህም የዓለምን ኢኮኖሚ አንቀሳቃሽ ኃይል እንዲሆን አድርጎታል። ይህ የማይናቅ ሀብት የብዙዎቹ የአካባቢው አገራት የኢኮኖሚ ጥንካሬ መሰረት በመሆን ለሕዝባቸው የብልጽግና ተስፋን አስነስቷል።

መጽሐፍ ቅዱሳዊ ትንቢቶች ስለ መካከለኛው ምስራቅ፣ በተለይም ስለ እስራኤል እና ጎረቤት አገራት በርካታ ትንበያዎችን ይዘዋል። እነዚህ ትንቢቶች የክልሉን ስትራቴጂካዊ ጠቀሜታ፣ የሕዝቦችን እርስ በርስ ግንኙነት እና የወደፊት ክስተቶችን ይዳስሳሉ። ብዙዎቹ ትንቢቶች ስለ ጦርነቶች፣ ስለ መከራዎች እና በመጨረሻም ስለ ፍጻሜ ዘመን ሰላም ወይም ፍርድ ይናገራሉ። እነዚህ ትንቢቶች የክልሉን የዘላለም የትግል አውድማነት ከሚያሳዩ ነገሮች አንዱ ተደርገው ሊወሰዱ ይችላሉ። የክልሉ እጣ ፈንታ በትንቢት መጻሕፍት ውስጥም ጭምር ተገልጿል።

የመካከለኛው ምስራቅ ታሪክ በጦርነት የተሞላ ነው። ከጥንት ስልጣኔዎች ጀምሮ እስከ ዘመናዊው ጊዜ ድረስ፤ ግጭቶች የክልሉ የማያቋርጥ አካል ሆነዋል። ከሌሎች የዓለም ክፍሎች በተለየ፣ መካከለኛው ምስራቅ ለብዙ ዘመናት በተከታታይ እና በተለያዩ ደረጃዎች በጦርነት ውስጥ ቆይቷል። የጥንት ዘመን ጦርነቶች በግብፃውያን፣ በአሦራውያን፣ በባቢሎናውያን፣ በፋርሳውያን፣ በግሪኮች እና በሮማውያን ግዛቶች መካከል ለበላይነት የተካሄዱት ትግሎች ዋነኛ መድረክ ነበር። በመካከለኛው ዘመን ደግሞ የሃይማኖት ጦርነቶች (Crusades) እና የኦቶማን ግዛት መስፋፋት የዚህ አካባቢ የጦርነት መለያዎች ነበሩ። የሃይማኖት ብዝሃነትና የፖለቲካ ፍላጎቶች ተቀላቅለው ክልሉን ለእሳት ዳርገውታል። በ20ኛው ክፍለ ዘመን ደግሞ የነዳጅ ሀብት መገኘት ክልሉን የዓለም ኃያላን አገራት የፍላጎት ማዕከል አደረገው። የአውሮፓ ቅኝ ግዛት ቅርስ፣ የአረብ-እስራኤል ግጭት፣ የኢራቅ-ኢራን ጦርነት፣ የባህረ ሰላጤው ጦርነቶች፣ የአፍጋኒስታን እና የኢራቅ ወረራዎች እንዲሁም የቅርብ ጊዜዎቹ የሶሪያ እና የመን የእርስ በርስ ጦርነቶች ክልሉን በእሳት ነበልባል ውስጥ ዘፍቀውታል።

ይህ የጦርነት አዙሪት በበርካታ ምክንያቶች የተፈጠረ ነው፡- አንደኛ በነዳጅ የበለጸገ መሆኑ የዓለም ኃያላን አገራትን ፍላጎት ስቧል። ይህን ሀብት ለመቆጣጠር የሚደረገው ትግል ለበርካታ ጦርነቶች ዋና ምክንያት ሆኗል። ሁለተኛ የመካከለኛው ምስራቅ በአፍሪካ፣ በእስያ እና በአውሮፓ መካከል የመሬት ድልድይ በመሆኑ፣ የንግድ መስመሮች እና የጦር ኃይሎች እንቅስቃሴ ቁልፍ ማዕከል ነው። ሦስተኛ የበርካታ ሃይማኖቶች (ክርስትና፣ እስልምና፣ አይሁድ) እና የብዙ ብሔረሰቦች (አረቦች፣ ፋርሳውያን፣ ኩርዶች፣ አይሁድ) መኖሪያ በመሆኑ፤ እነዚህ ልዩነቶች ለውጥረቶችና ግጭቶች መሰረት ሆነዋል። አራተኛ፣ የውጭ ኃይሎች (የቀድሞ ቅኝ ገዥዎች እና የዘመናችን ኃያላን) በክልሉ የውስጥ ጉዳይ ጣልቃ መግባታቸው ግጭቶችን አባብሷል እናም አዲስ ውጥረቶችን ፈጥሯል።

በእርግጥም በምድር ላይ እንደ መካከለኛው ምስራቅ በየዘመናቱ፣ በተለያየ ምክንያት እና በከፍተኛ መጠን ጦርነት የተካሄደበት ሌላ አካባቢ የለም። ይህ ክልል በታሪክ፣ በሃይማኖት እና በሀብት የላቀ ቢሆንም የፖለቲካ አለመረጋጋት፣ የሃይማኖት ልዩነቶች እና የውጭ ጣልቃ ገብነት የጦርነት አውድማ አድርገውታል። የ"ምድር ጌጥ" መባሉ የሀብቱ እና የልዩነቱ ማሳያ ቢሆንም፣ የጦርነት አዙሪቱ ደግሞ የእርግማን ምልክት ሆኖበት ይገኛል። መካከለኛው ምስራቅ በውበቱና በሀብቱ የሚደንቅ፣ በታሪኩና በትንቢቱ የሚማርክ ቢሆንም የሰላም ዕጦት ፈተናው እጅግ ጥልቅ ነው።

10/06/2025

ጋሻው "የአማራ ህዝብ ችግር በኩሩቱ ፌስታ ውስጥ ተቋጥሯል፤ ይህ ቋጠሮ ካልተፈታ ችግሩ ይቀጥላል።" እያለነው። ያው ግልፅ እኮ ነው እስክድርን ማለቱ ነው። ይህንን ብሎም ከመከታው ጋር መታየቱ ስጋቱን ይጨምረዋል። እስክድርን በባንዳነት ለመግደል ብዙ አሻጥር እየተሰራ ነው። ይህ ነገር የፈሰሰ ውሃ ነው የሚሆንባችሁ እረፋ ብቻ እና ብቻ ነው ምክሬ። ይህንን የምፅፈው እንዲህ ብዬ ነበር ለማለት አይደለም፤ ምንአልባት ስሚ ካለ ሳይረፍድ እንድታስቡበት ነው። የአማራ ህዝብ ትግል ተጨማሪ የፈተና አዙሪት ውስጥ አንዳትከቱ ነው። ድል ለአማራ! ከመከታው ጋር ያለውን ፎቶ comment section ላይ ተያይዟል።

06/06/2025

የአዲስ አበባ የ"ብልፅግና" ዘመን፤ ህልም ወይስ ፍዳ? ይህንን ገላጭ ቪዲዮ መመልከት አይርሱ!

12/05/2025

የኢትዮጵያ ነጭ አብዮት፤ በቸልተኝነት ለሚናደው ስርዓት የቀረበ የመርዶ ጥሪ ነው። ነጩ ጋውን የከፍተኛ እውቀት፣ የትህትና አገልግሎት እና የሕይወት አድን ተልዕኮ ምልክት ነው። ይህን የተቀደሰ ጋውን ለብሰው፣ የሰውን ልጅ ከሞት መንጋጋ ለመመለስ ቀን ከሌት የሚፋለሙ የኢትዮጵያ የህክምና ባለሙያዎች ዛሬ በገዛ አገራቸው በሥርዓቱ የተጣለባቸውን የኑሮና የክብር ሸክም መሸከም ተስኗቸው ለእምቢታ ተነስተዋል። ይህ በኢትዮጵያ የህክምና ታሪክ ታይቶ የማያውቅ ትልቁ የባለሙያዎች ንቅናቄ ሲሆን፣ ለዓይነ ህሊና ለዘነጋው ሥርዓት የቀረበ "የኢትዮጵያ ነጭ አብዮት" የመርዶ ጥሪ ነው።

የነጭ አብዮቱ ምክንያት ዘርፈ ብዙ ቢሆንም ዋነኛው ግን የባለሙያዎቹን መስዋዕትነትና አገልግሎት ፈጽሞ የማይመጥን አሳፋሪ ክፍያ ነው። አስገራሚውና የሚያንገበግበው እውነታ ደግሞ የሰውን ህይወት የመታደግ ከባድ አደራ የተጣለበት፣ የዓመታት ጥናትና ልምድ ያለው ዶክተር የሚያገኘው ከፍተኛ ክፍያ $50 የአሜሪካን ዶላር አካባቢ ሊሆን መቻሉ ነው። ይህን አሃዝ ስንሰማ ድንቅ ከማለት አልፈን የባለሙያውን ክብር ምን ያህል ዝቅ እንዳደረግነው፣ ሥርዓቱስ ሙያውንና የሙያውን ባለቤቶች ምን ያህል እንደናቀ በግልጽ ያሳያል። ይህ ክፍያ አይደለም የሙያውን ከባድነት፣ ኑሮን ማይደግፍ ቀርቶ የሚያፌዝ፣ አገርን ከባለሙያ የሚያራቁ ምፀታዊ ክፍያ ነው።

ለሰዓታት አድካሚ ቀዶ ጥገና የሚያደርግ፣ ከሞት ጋር ትንቅንቅ የሚገጥም፣ የት ከየት የመጡ የህመም አይነቶችን የሚመረምር ባለሙያ፣ በሚያገኘው ሳንቲም መሰረታዊ የኑሮ ፍላጎቶቹን ማሟላት አቅቶት ለኪራይ ቤቱ፣ ለቤተሰቡ ቀለብ ሲጨነቅ እንዴት ሆኖ ነው ትኩረቱን ታካሚው ላይ አድርጎ ሙያውን ማከናወን የሚችለው? ይህ ዓይነቱ የሥርዓቱ ዓይነ ህሊና የለሽ አካሄድ የህክምና ባለሙያዎቹ ተስፋ እንዲቆርጡ፣ ለሙያቸው ያላቸው ክብር እንዲሸረሸር እና በመጨረሻም አገራቸውን ጥለው ለስደት እንዲዳረጉ ዋና ምክንያት ሆኗል። "የአንጎል ፍልሰት" የምንለው ችግር ዋነኛ ሰለባ የሆኑት የጤና ባለሙያዎች ናቸው። ሥርዓቱ የራሱን የጤና ዘርፍ የገደል አፋፍ እያደረሰው መሆኑን እየተገነዘበም ከተኛበት ለመንቃት ፍቃደኛ አለመሆኑ ያማል።

የኢትዮጵያ ነጭ አብዮት እንግዲህ የዚህ ሁሉ በደል፣ ቸልተኝነት እና ንቀት ውጤት ነው። በሥርዓቱ የተረሱና ለረጅም ጊዜ በዝምታ ሲሰቃዩ የነበሩ ሙያተኞች የሕይወትን ዋጋ በሚያውቁት ሙያዊ ክብራቸው ቆመው "በቃ!" ያሉትበት የታሪክ ምዕራፍ ነው። ትግላቸው ለገንዘብ ብቻ አይደለም፤ ለሙያ ክብር፣ ለሰብአዊ መብት፣ ለተሻለ የስራ ሁኔታ እና ከሁሉም በላይ ደግሞ ዜጎች የተሻለ የጤና አገልግሎት እንዲያገኙ የሚያስችል መሠረት የመጣል አብዮት ነው። የጤና ዘርፍ ምሰሶ የሆኑትን ባለሙያዎች ማድነቅና መክፈል የተሳነው ሥርዓት የአገርን ህልውና እየጎዳ መሆኑን የሚያሳይ አስደንጋጭ እውነታ ነው።

የነጭ አብዮቱ ድምጽ እንደ ማንቂያ ደወል ብቻ ሳይሆን ለገዥው አካል የቀረበ የመርዶ ጥሪም ነው። ይህን የባለሙያዎቹን የክብር ጥያቄ ሰምቶ ተገቢውን ምላሽ መስጠት ካልቻለ፣ የኢትዮጵያ የጤና አገልግሎት ወደማይቀለበስ አደጋ ሊያመራ፣ አገርም ከብቁ ባለሙያ ባዶ ልትሆን ትችላለች። ሥርዓቱ ከእንቅልፉ ነቅቶ የባለሙያዎቹን ጥያቄ በማክበር ለሙያቸው የሚመጥን ክፍያና የሥራ ሁኔታ በመፍጠር የጤናውን ዘርፍ ከዚህ አሳፋሪ ውድቀት ማዳን አለበት። አለበለዚያ፣ የነጭ አብዮቱ እሳት የሥርዓቱን ቸልተኝነት አቃጥሎ የባለሙያዎቹን ክብርና የአገርን ጤና የሚያስከብርበት የራሱን መንገድ ያበጃል።

የማይደፈር ጋሻ፣ የነፃነት አርበኛ! የዘመናችን ኩሩ አርማ!በጨለማው ዘመን ብርሃን የሆነው፣ የአይበገሬነትን ትርጉም በደሙ ያሳየው፣ ልክ እንደ አንበሳ የቆመው ጀግናው ካፒቴን መቶ አለቃ ማስረ...
01/05/2025

የማይደፈር ጋሻ፣ የነፃነት አርበኛ! የዘመናችን ኩሩ አርማ!
በጨለማው ዘመን ብርሃን የሆነው፣ የአይበገሬነትን ትርጉም በደሙ ያሳየው፣ ልክ እንደ አንበሳ የቆመው ጀግናው ካፒቴን መቶ አለቃ ማስረሻ ሰጤ!

ሀገር በችግር ሲናጥ፣ የዐማራው ህዝብ በክህደት ሲቆስል፣ ይህ የማይበገር የጦር አውድማ ፈረስ ከትውልድ መንደሩ ወጣቶችን ሰብስቦ፣ የብረት ክንዱን አንስቶ በጠላት ላይ እንደ እሳት ነበልባል የጋየ ጀግና ነው። በጭካኔው በታወቀው የህወሓት ዘመን፣ ከደብረ ዘይት እስከ ሚኒሊክ ቤተ መንግስት ድረስ የጀግንነቱ ድምጽ ሲያስተጋባ፣ ስለ ዐማራነቱ ብቻ ሲል የግፍ ጽዋን በጽናት የተቀበለ የማይናወጥ ጀግና ነበር።

ማን ነው ይህን የመሰለ የማይበገር የዐመፀኛ መንፈስ ያለው? ማን ነው ይህ በጠላት ፊት የማይዋሽ ጀግና? እሱማ ካፒቴን መቶ አለቃ ማስረሻ ሰጤ ይባላል!

አንድነትን ከአባቱ ከበላይ ዘለቀ የወረሰ፣ የሙሴን ጥንካሬ የተላበሰ፣ የጠባብ ጎጠኝነትን የናቀ፣ የዐማራን አንድነት ከዳር እስከ ዳር ለማጠናከር ሌት ተቀን የሰራ፣ የወዳጅንና የጠላትን ድንበር በግልጽ ያሳየ፣ ትግል የልጆች ጨዋታ እንዳልሆነ በቁርጠኝነት ያስተማረ ጀግና ነው።

ድርጅት መመስረትና መምራት የልጆች ጨዋታ እንዳልሆነ በተግባር ያስመሰከረ፣ ጎጃም፣ ጎንደር፣ ወሎ፣ ሸዋ የቦታ ስም እንጂ የተለያየ የዐማራ ማንነት እንደሌላቸው በህይወቱ ያሳየ፣ የዘመናችን ቴዎድሮስ ነው!

እውነት በስዕል ብትገለጽ፣ ድፍረት ሰው ሆኖ ቢመጣ፣ ቅንነት ቅርጽ ቢኖረው፣ ጀግንነት ቆሞ ቢራመድ ኖሮ... ልክ እንደ ካፒቴን መቶ አለቃ ማስረሻ ሰጤ በሆነ ነበር! በጠባብ አስተሳሰብ የታወሩ ሆይ! ተገንዘቡ! ጀግናችን አንድ ነው! አንድነታችን የዘላለም ነው!

የድል አድማስ በሸዋ!ዛሬ ታሪካዊ በሆነው ሚያዝያ 15 ቀን 2017 ዓ.ም በጀግናው የሸዋ ጠቅላይ ግዛት ምድር፣ በተለይም በመርሀቤቴ አውራጃ፣ የብርሃኑ ጁላ የጥፋት ኃይል በአንበሳ ልጆቹ፣ በራ...
23/04/2025

የድል አድማስ በሸዋ!
ዛሬ ታሪካዊ በሆነው ሚያዝያ 15 ቀን 2017 ዓ.ም በጀግናው የሸዋ ጠቅላይ ግዛት ምድር፣ በተለይም በመርሀቤቴ አውራጃ፣ የብርሃኑ ጁላ የጥፋት ኃይል በአንበሳ ልጆቹ፣ በራንቦ ጀግኖች ከንጋቱ 12:00 ሰዓት ጀምሮ እንደ ቅጠል እየረገፈ ይገኛል!

ጠላቶቻችን ከሁለት አቅጣጫ በመነሳት – ከሚዳ መራኛ እና ከመርሀቤቴ አለም ከተሞች – ወደ ሬማ ከተማ ለመግባት ያደረጉት የከንቱ ሙከራ በጀግናው የአማራ ፋኖ ሸዋ ጠቅላይ ግዛት ዕዝ አፄ አምደ ጽዮን ኮር የራንቦ ክፍለ ጦር ጀግኖች እጅ ወደ ትቢያነት ተለውጧል። በዋሶ በረሃ፣ በደረቅደሬ እና በተጎራ ዙሪያ ከበው እንደ መርዛማ እባብ እየቀጠቀጧቸው ይገኛሉ!

በሬማ ከተማ ላይ በተደጋጋሚ ሽንፈት የደረሰበት ይህ የጥፋት ቡድን ዛሬም ልክ እንደ ትላንቱ፣ በንዴት በሚነደፉት ጀግኖች የሲቃይ ጩኸት ማስተጋባት ጀምሯል!

ውጊያው አሁንም በድል አድራጊነት እየተካሄደ ነው! የጠላት ወራሪ ኃይል በሚዳ እና በሬማ ዙሪያ ባሉት የራንቦ ጀግኖች ማዕበል እየተመታ ከፍተኛ ሽንፈት እየተከናነበ በመሆኑ፣ የሞት ሽረት ትግላቸውን ለማቆየት ከደራ ጉንዶ መስቀል ከተማ ወደ አባጦ በአንድ ኦሮል እና ሁለት ሲኖ ጭነው ተጨማሪ የጥፋት ኃይላቸውን ለማምጣት እየጣሩ ቢሆንም፣ የጀግኖቻችንን አይበገሬነት ሊገታ አይችልም!

ክብር ለጀግኖቹ የሸዋ ጠቅላይ ግዛት ዕዝ ራንቦ ክፍለ ጦር!
ድል ለአማራው ህዝብ!

የአማራ ፋኖ ሸዋ ጠቅላይ ግዛት ዕዝ!

23/04/2025

"ጦርነቱ የተለያዩ ምዕራፎችን አልፎ ጠላትን የመደምሰስ ውጊያ ላይ ደርሷል። ድምሰሳውን እንቀጥላለን!" ሲሉ የአማራ ፋኖ ሸዋ ጠቅላይ ግዛት ዕዝ ም/አዛዥ ኮሎኔል ማንነገረው መለሰ በስፍራው ገልጸዋል።

ይህ መግለጫ የአማራ ፋኖ ሸዋ ኃይሎች በአካባቢው እየተካሄደ ባለው ውጊያ ወሳኝ ምዕራፍ ላይ መድረሳቸውን የሚያመላክት ነው። ኮሎኔል ማንነገረው እንዳሉት ጦርነቱ ቀደም ሲል የተለያዩ ደረጃዎችን ያለፈ ሲሆን በአሁኑ ወቅት ደግሞ ጠላትን በከፍተኛ ደረጃ የማጥፋት ዘመቻ ላይ ያተኮረ ነው።

ሰበር ዜና ሻለቃ አመራሩ ገቢ ሆኗል ፡፡በሸዋ ጠቅላይ ግዛት ዕዝ በልዩ ኦፕሬሽን ከፍተኛ የብልፅግና ወታደራዊ አዛዥ ጫኔ ለገሰ አሊ በቁጥጥር ስር ውሏል። በከፍተኛ ወታደራዊ ኦፕሬሽን ያለምንም...
21/04/2025

ሰበር ዜና
ሻለቃ አመራሩ ገቢ ሆኗል ፡፡

በሸዋ ጠቅላይ ግዛት ዕዝ በልዩ ኦፕሬሽን ከፍተኛ የብልፅግና ወታደራዊ አዛዥ ጫኔ ለገሰ አሊ በቁጥጥር ስር ውሏል።

በከፍተኛ ወታደራዊ ኦፕሬሽን ያለምንም መሰዋትነት ከደብረብርሀን ዙሪያ ቀይት ላይ የመከላከያ ሻለቃ አመራሩ በተዘናጋበት በቁጥጥር ስር ውሏል፡፡

አማራ ፋኖ ሸዋ ጠቅላይ ግዛት ዕዝ ሚያዝያ 13/2017 ዓ.ም

"የነፃነት አምድ" ሻለቃ መንበሩ ጌታየበአንድ ህዝብ የነፃነት ትግል ታሪክ ውስጥ፣ ራስን በሙሉ ልብና ነፍስ ለከበረ ዓላማ የሰጡ ጀግኖች አሻራቸው እንደ ፀሐይ ጨረር ለዘላለም ሲያበራ ይኖራል።...
18/04/2025

"የነፃነት አምድ" ሻለቃ መንበሩ ጌታየ
በአንድ ህዝብ የነፃነት ትግል ታሪክ ውስጥ፣ ራስን በሙሉ ልብና ነፍስ ለከበረ ዓላማ የሰጡ ጀግኖች አሻራቸው እንደ ፀሐይ ጨረር ለዘላለም ሲያበራ ይኖራል። የሻለቃ መንበሩ ጌታየ ህልፈትም የአንድ ታላቅ አርበኛን የጀግንነት መስዋዕትነት ብቻ ሳይሆን፣ ለአማራው ህዝብ ነፃነትና ክብር የተከፈለውን እጅግ ውድ ዋጋ የሚያሳይ የማይናወጥ የነፃነት አምድ ነው።

ፋኖነት፣ ለአንድ ህዝብ ማንነትና ነፃነት ሲባል ራስን በፍጹም ቅድስና ለእሳት ማቅረብ ነው። ይህ የጀግንነት ጎዳና በአማራው የቁርጥ ቀን ልጆች ደምና ላብ እየተፃፈ ያለ ዘላለማዊ ታሪክ ነው። በአገዛዙ ላይ እሳት በዝናብ የነፃነትን ብሩህ ጎህ ለመቀበል በሺዎች የሚቆጠሩ የዚህ ህዝብ ልጆች ሕይወታቸውን በደስታ እየገበሩ ነው። ሻለቃ መንበሩ ጌታየ ከእነዚህ የነፃነት አርበኞች መካከል እንደ ብሩህ ኮከብ፣ የጽናትና የላቀ ጀግንነት ተምሳሌት ሆኖ በትውልዶች ልብ ውስጥ ለዘላለም የሚኖር ስም ጥሎ አልፈዋል።

በመብረቁ ተፈራ ብርጌድ አዛዥነት ዘመኑ ሻለቃ መንበሩ በተለያዩ የጦር ግንባሮች ያሳየው የላቀ የጦር አመራር ብቃትና ተወዳዳሪ የሌለው ጀግንነት እጅግ የሚያስደንቅ ነበር። በሞጣ፣ በደጋዳሞት፣ በጎንጅ ቆለላ፣ በቡቡኝ፣ በሰዴና በደብረ ኤልያስ በተደረጉት እያንዳንዱ እልህ አስጨራሽ ውጊያ የጠላትን ኃይል እንደ ዛፍ ቅጠል በማርገፍ የድልን አርማ በጀግንነት አውለብልቧል። የእሱ ልዩ የጦር አመራር ጥበብ የግዙፉ የተፈራ ዳምጤ ክፍለ ጦር ሰብሳቢነትን በተረከቡበት ወቅት ይበልጥ ጎልቶ ታየ። በዘመቻ አንድነት በሞጣ፣ በጎንጅ ቆለላ፣ በወይንውሐ እና በቢቡኝ ድጎ ጽዮን ላይ ያደረጋቸው ወሳኝ የነፃነት ዘመቻ የጀግንነት ዘላለማዊ ታሪክ ሆነው ከትውልድ ወደ ትውልድ ይተላለፋሉ። በተለይም በቢቡኝ ድጎ ጽዮን በአንድ ቀን ብቻ ከ96 በላይ የጠላት ወታደሮችን ወደ ትቢያነት በመቀየር ያሳየው አስደናቂ የጦር ስልት ብቃቱ እና የጀግንነቱን ጥልቀት በግልጽ ያሳያል።

ይህ የጀግኖች አርበኛ፣ የነፃነት የማይናወጥ ምልክት የሆነው ሻለቃ መንበሩ ጌታየ፣ ዛሬ በምስራቅ ጎጃም "ሰዴ ሙጃ" በተባለው የነፃነት መድረክ የመጨረሻውን የጠላት ኃይል ሙሉ በሙሉ በማጥፋት የመጨረሻውን የድል አክሊል ሊጭን ሲል በጀግንነት ሕይወቱን ለአማራ ህዝብ አበረከተ። በቀረችው አንዲት የጀግንነት ጥይት የነፃነትን ዘላለማዊ መዝገብ በደሙ ቀይ ቀለም ጽፏል። የአባቶቹን የጀግንነት አደራ በሞቱ አስረክቧል። የእሱ ክቡር መስዋዕትነት ለአማራው ህዝብ የነፃነት ትግል አዲስ የብርሃን ምዕራፍ ከፍቷል፣ የትግሉን የማይታጠፍ ነበልባል ይበልጥ አቀጣጥሏል።

በመጨረሻም፣ የሻለቃ መንበሩ ጌታየንና ሌሎች በነፃነት ትግል ሕይወታቸውን በክብር የገበሩ ጀግኖችን የምናስታውሰው በልባችን ውስጥ በታተመ የማይጠፋ ትውስታ ብቻ ሳይሆን በጽናትና በብረት በጠነከረ ቁርጠኝነት ነው። የእነርሱን እጅግ ውድ መስዋዕትነት ከንቱ ላለማድረግ መላው የአማራ ህዝብና የነፃነት ታጋዮች በአንድነት በመቆም የጀመሩትን የነፃነት ትግል አጠናክረው ወደ ፍጻሜው ማድረስ አለባቸው። የሻለቃ መንበሩ የጀግንነት ትውስታ በልባችን ውስጥ ለዘላለም ሲኖር፣ የነፃነትን ብሩህ ጎህ እስክናይ ድረስ ይህ የክብር ትግላችን በጽናት ይቀጥላል።

ነፍስህ በገነት ትኑር፣ ክብር ለጀግኖቻችን፣ ዘላለማዊ ድል ለአማራ ህዝብ! አማሮች

Address

Addis
Addis Ababa

Website

http://freemedia.tv/

Alerts

Be the first to know and let us send you an email when አማሮች posts news and promotions. Your email address will not be used for any other purpose, and you can unsubscribe at any time.

Contact The Business

Send a message to አማሮች:

Shortcuts

Share

Category