https://www.facebook.com/1895046657460467/

Abjuu Jalalla, Addis Ababa (2025)

24/12/2024

♠️《》walalo jalala soba
💔Sobdee na naqattee
Harka na galfattee
Jaalalaan qabamuu ko
Eega ijaan gartee
Narraan tarkanfattee
Tan biraa qabattee ??

Osoon akka beekee
Waa si'uu hin baruu
Ammammoo miidhamee
Kara tokkon goruu
Akka na goote kana
Numaan eegaa boru.

Yeroon sin wal baru
Ati ni yaadattaa
Si wajjiin jiraadha
Sobdee anaan jattaa
Kanaan onnee seentee
Ana galaafattaa.

Kaayyoo wajjiin qabnu
Ful duraaf qabanne
Wajjiin galma geenya
Jachaa wal mari'annee
Hunduma dagattee
Waada kaayyannee
Hunda diiydee deemtuus
Ani hin irranfannee.

Garaan ko qulqulluu
Keessi ko dhugaadhaa
Onnee tiyyarraahin
An sumaan jaaladhaa
Si malee kan biraa
An yomin filadhaa
Bar waan waliin janne
San hundaan yaadadhaa.

Garaan obsa dhabee
Dirrerra na gattee
Onnee to na fuutee
Lafarra na buttee
Hay'aa numaan eegaa
Yoo sumarraa dhuftee
Cininadheen obsaa
Waan ati na goote.

Nama dhugaa sa'en
Lubbuu to si kannee
Obboleytii dhalaa
Wajjiin hin dhalannee?
Maraturraan jiraa
Ati naan hubannee
Summiin natti nayxe
Garaa keessaan baanee.

Nama nan jaalanneef
Yeroo tantoo qubee
Siin jaaladha jennaan
Sagalee ol qabee
Onnee to na fudhee
Achi buuteen dhabee .

Jaalalaan qabamtuu
Qulqulluu hin argattuu
Soba tahuu hin beeytuu
Dhugaan kan abdattuu
Inni immo si sobaa
Sumaan jabeeyfatuu.

Jacha gaafa duraa
Ati anaan jatte
Lubbuun tiyya sumaa
Jattee na sosobdee
Suutuma suutaan
Qalbii tantoo qabdee
Ibidda jaalalaa onnerra
Na dhaabdee.

Follow Abjuu jalalla

04/06/2024

Sin jaalladha jettee
Jaalalaan namootee
Hardha maaltu dhufnaan
Jaalalakoo gante? !!.................................
Amanee siif kennee
Hunduma qaamakoo
Qarshii dhiiftee deemtuun
Jijjiirte?? onneeko!! ........................................
Eyyen...
Hunda caalaan beeka
Hiyyeessa ta.uukoo
Garuu....
Akka bor naaf ifu
Ni beeka garaanko .................................
Filattee jijjiirtus
Qarshiidhaan Jaalala
Garuu osoo beekte
Jaalalli an siif qabu
Waan Hunda siif caala ......................................
Erga deemte beenu
Haatolu karaankee
Waanin sijaalladhuuf
Ani miidhamaankee
Gonkumaa hin fedhu
dhagahuu hamaakee🌷

09/04/2024

(s.a.w)

Dhufaa, darbaa gitni isaanii
Nama hin uumamne takkaa
Gosa "Qureysh" jedhamurraa
Badhaafamte biyyi makkaa
Abdallaah ilmi Muxxalib
Aaminaa fuudhee ulfeessee
Dhalachuu ilmasaa dura,
Aakirame duuti geessee

Baatii Rabi’ul Awwoli
Bara Arbaa keessa ture
Kan Rabbi ifaa hin dhaamneen
Dukkana addunyaarraa fure.
Hoji-duree, gara barii
Aayyoo Aaminaan miixattee
Ilmashee rahmataan deessee
Barakaadhaan nuuf hiixatte.

Ilminuu ilma qofaaree?
Caalaa hunda dhala-namaa
Irra guddaa anbiyootaa,
Kabajamaa biyya lamaa
Nama; namaa hayawaanni
Rahmatummaadhaan galatu
Badhaasichi banii aadam
Dhalatan anaa dhalatuu...

Dhalatee torbee tokkotti
Abdul-Muxxalib kittaanee
"Muhammad" jedhee moggaase
Maqaa isaaniis ittaanee
Harma harmee isaan deessee
Guyyaa muraasa hodhanii
Erganaa maatiin geessanii
Suweybaa bira godhani.
Booda kanas ni geeffaman
Gara Haliimaa As-saadiyyaa
Ilmaanshee waliin guddatan
Goobantichi abdiin biyyaa.

Haaliimaa bira osoo jiruu
Jibriil gara isaanii dhufee,
Qoma isaanii banee, onnee
Zamzamaan dhiqeefii cufe.
Ammas, yerosuma ture
Umriin ta’anii sabiyyii
Dugdatti kan rukutameef
Chaappaan 'Khaatama An-Nabiyyii'

Eeganaa...
Gochaaf jechisaa tikfamee
Sheexanni isaaf karaa dhabde
Nuura keessaaf alaa ifu
Fagootti baqachuu qabde.
Turtiinsaa haliimaa biraa
Erga waggaa lama geessee
Aaminaa biratti gale
Gara haadha isa deessee
Umriin isaanii 6 geenyaan
Aaminaanis jalaa duutee
Hireen Rasuula guddisuu
Akaakoo isaaniirka buute

Laalaaf yaaddoon yatiimummaa
Isaanillee yoom dhokate?
Umrii isaanii saddeetitti
Abdul Muxxalib boqate.
Hireen jiruu hiraarsitee
Erga akaakoon du’ee booda
Abu Xaalib'tu fudhate
Isaan guddisuudhaaf qooda
Adeerri isaa Abu Xaalib
Harka qalleessa waan ta’eef
Re'ee tiksanii gargaaran
Hanga humni isaanii ga’eef,

San booda;

Nabii keenya amanamaa
Qulqulluu akka bishaanii
Kadijjaa haati qabeenyaa
Dhageessee waa’ee isaanii

Haalaa amala isaa tolaa
Mararfattee gaafa galuuf,
Gara Shaamiitti ergite
Qabeenyasheen haa daldaluuf,

27/02/2024

ARRABA KOO

Yaa arraba keenya
Yaa qaama hammaataa
Waan gaariif waan hamaas
Sumatu dubbataa

Yaa kan lafeen qabne
Yaa isa foon bichaa
Situ gubee fixee
Sammuu fi garaachaa

Summii waraansa kee
Obsuun baay'ee cimaa
Badiin kee hedduu dha
Yoom himamee dhumaa

Yoon ala ga bahu
Galgalaaf ganamaa
Xiqqaa fi guddaanis
Rakkoma teet himaa

Waan addaati kan kee
Yoomiyyuu baasumaa
Kan jiruuf kan dabres
Hamtuu teet gungumaa

Kan ati waraante
Hin dagatu yoomuu
Rakkoon kee baay'ee dha
Himamee hin dhumuu

Kan tasa jiraates
Waggaa kumaatamaa
Halkanii fi guyyaas
Na miiteen si himaa

Waan xiqqaa dha jetteet
Jetteet dubbatta waan hamaa
Xiqqaas ta'ee guddaa
Hin saalfattu namaa

Abbaaf haadha namaa
Obboleessa obboleettii
Akaakoo kan kootiif
Ammas akaakittii
Tokkos hin saalfattu
Tan tee yoom dhamattii

Barsiisas haa ta'uu
Ykn sheeka kiyyaa
Amala kee jibbee
Hunduu yaa'e biyyaa
Taa'i kun sin baasuu
Yaa arraba kiyyaa

Yaa arraba kan koo
Yaa qaama koo yakkaa
Na dhaga'i maaloo
Sin gorsa al takkaa

Hin dubbatin maaloo
Arraba koo badaa
Bor itti rakkattaa
Ofin kaahin haadaa
Ati hoo maal jetta
Ani kanan yaadaa

Kanaaf arraba koo
Yaa qaama koo xiqqaa
Si gorse hamman beeku
Itti hojjadhu baqqaa

Waan gaarii dubbadhu
Barreeffadhu seenaa
Hamtuu hin dubbatin
Bor si taha sheenaa

jalalla

02/12/2023

€
Maaf lafee na nyaachifta
anoo foon hin jibbinee,
Waadaan keenya maaf caba
irbuu waliin irbine,
Mormaa oliin kokkolfaa
anoo sitti hin sirbine,
Irraanfachuun kun fafa
wanta keessa darbine.
€
Utubaan gaafa duraa
dadhabbiif itti hirkanne,
Gaaddisni damee mukaa
haara itti galfanne,
Maal jedha? maal dubbata?
maaddiin waliin cabsanne,
Qarshiidhaan wal gurgurree
maaliif karaa maqfanne?
€
Aannan dhuguu naaf wayya
hin gurguru saawwakoo,
Icciitii bakkee hin baasu
atis cufi qaawwakoo,
Jennee waliif kakannee
mallatteessinee onneetti,
Barruu keessaa harcaasnee
irbuun galte konyeetti.
€
Biqiltuun waliin dhaabne
hobomboleettiin dabus,
Namni gargar nu baasee
si'iin of biraa dhabus,
Atuu keessakoo beekta
jibbakee tokko hin qabu,
Maqaakee balleessuudhaaf
manaa manatti hin labu.
€
Gaaddisaaf haa ta'uudhaaf
muka doobbii hin dhaabani,
Harka rabbii safuudha
tufanii hin arraabani,
Dhadhaa keessaa baasuudhaaf
waawuu dhamni hin raafamu,
Barri jal'annaan malee
kakuun hin sharafamu.
€
Erga deemtee nagaatti
sitti hin cufamiin karri,
Hamaanuu si hin argatiin
siif haa mijatu barri,
Harmaa fi mucha horiitti
kan rarraatu silmiidha,
Dhimmikoof dhimmi kankee
kana booda .
€
Nama namummaa hin qabneen
gorfamtee gargar baane,
Baga Waaqayyo uumaan
akka namaa hin taane,
Gaariin kumni osoo jiruu
har'a cubbuu saammatu,
Isaanis yeroof malee
waan facaasan haammatu.
€
Mar'umaan na kulkuluuf
qorqalbii na jeeqamuuf,
Miidhaa xiinsammuu cabsee
fuularratti beekamuuf,
Onneen wal haa himattu
mana murtii dhugaatti,
Si hin jibbine sin dhabe
koodee ofii nagaatti

03/08/2023

Jaalalli an siif qabu
Jaalala dhugaadha
Kee garuu raawwatee
Jaalala mugaadha
Jiidha tokko hin qabu
Gogaadha akka mukaa
Akka carqii gatamee
Xiraa'aadha ukaa

Fooliidhaaf xiraa kee
Amma egaa jibbeera
Gooliidhaaf dubbiin kee
Sammuu na jeeqeera
Ergan si jaalladhee
Baay'een garafame
Qabeenyan horadhe
Hedduun sharafame

Ati barbareedha
Barbaree daabbusee
Si'iin wal baruun koo
Balaarra na buuse
Onnee koo qulqulluu
Dhoqqee keetiin faalte
Gocha badii sanaan
Na xureessuu yaalte

Ati nama osoo hin taane
Seexana baraati
Kan dhugaaf hin jiraanne
Hooggantuu dharaati!
Sobdee gaarii of gootee
Anaan nan qeeqinii
Sin barbaadu beenu
Sammuu nan jeeqinii..........

Abjuu Jalalla

24/12/2024

04/06/2024

09/04/2024

27/02/2024

02/12/2023

03/08/2023

Address

Telephone

Website

Alerts

Contact The Business

Shortcuts

Share

Category