Oromia Vision - OV

Oromia Vision - OV OROMIA VISION, brings you News, Documentaries and Stories in Afan Oromo, Amharic and English.

Follow us on Facebook and youtube for updates and exclusive content.

Gareen Tsimdoo mootummaa biyya bulchaa jiru kan Dr. Abiy Ahmediin hogganamu aangoorraa buusuuf ibsa waloo baasan. Hoggan...
20/09/2026

Gareen Tsimdoo mootummaa biyya bulchaa jiru kan Dr. Abiy Ahmediin hogganamu aangoorraa buusuuf ibsa waloo baasan. Hogganaan isaanii Zemene Kaaseen TV Tigray irraa ibsa kennee jira. Gareelee mootummaa fonqolchuuf waliif galan keeysaa Waraanni Bilisummaa Oromoo isa tokko.

Gareeleen torban isaan armaan gadii kana.
1) Amhara Fano
2) Oromo Liberation Army
3) Tigray People's Liberation Front
4) Ogaden People's Liberation Front
5) Afar National Unity for Democratic Front
6) Benishangul People's Liberation Movement
7) Gumuz People's Democratic Movement

Tumsa waloo mootummaa fonqolchuudhaaf gareeleen tun godhaa jiran isin akkamitti laaltan?

Mootummaan naannoo oromiyaa qonnaan bultoota iddoowwan daangaa sodaa nageenyaa qaban irra jiraatan meeshaa hidhachuuf de...
16/09/2026

Mootummaan naannoo oromiyaa qonnaan bultoota iddoowwan daangaa sodaa nageenyaa qaban irra jiraatan meeshaa hidhachuuf deema jechuun miidiyaaleen habashaa tokko tokko wacaa jiru. Mootummaan naannoo oromiyaa ammoo dhimma kanarratti ifatti waan ibse hin qabu. Inumaa qondaalli mootummaa obbo Haylu Addunyaa oduu sobaati jechuun mormee jira.

Sababoota garagaraatiin ummanni daangaarra jiraatan qaamota hidhataniin yeroo weeraramanii ajjeechaa fi buqqaatiif saaxilaman irra deddeebiin mullachaa ture, ammallee itti jira. Rakkoon kun duraan godinoota oromiyaa (aanaalee Gammoojjii) muraasa qofa keeysatti mullachaa kan ture yoo tahu amma godinoota oromiyaa guutuu keeysatti babal'atee jira. Dhiheenyatti ammoo gara godinoota Wallaggaa fi Shawaatti irra deddeebiin haleellaan jiraattota irratti raawwatamaa tureera.

Akkuma beekkamu biyya mootummaa qabdu keeysatti nageenya ummataa eeguu fi Meeshaalee waraanaa kan too'atuus mootummaadha. Naannoolee Itoophiyaa tokko tokko kanneen horsiisee bultoota ta'an keeysatti hawaasni meeshaa waraanaa hidhachuun baratamaadha. As dhiheenya ammoo hawaasni naannoolee kanaan dura meeshaa waraanaa hidhatanii hin beeyne meeshaa waraanaa hidhachuun daangaa Oromiyaa cabsanii jiraattotarratti yeroo haleellaa raawwatan irra deddeebiin mullachaa jira.

Akkuma warri habashaa jechaa jiru mootummaan naannoo oromiyaa jiraattota meeshaalee waraanaa yoo hidhachiise, nageenya ummataa fi biyyaatiif miidhaa moo bu'aa qaba jettan?

Mootummaan Saudi Arabiyaa magaalonni biyyattii kanneen akka Khamis, Jidda, Xaa'if fi Makka sodaa waraanaa hamaa keeysa j...
15/09/2026

Mootummaan Saudi Arabiyaa magaalonni biyyattii kanneen akka Khamis, Jidda, Xaa'if fi Makka sodaa waraanaa hamaa keeysa jiraachu beeysise.

Hidhattoonni Huutii Yamanii balbala galaana diimaa erga too'ataniij booda qabeenyi Saudii bobbaaf gala kan hanqate yoo tahu mootiin Saudii Arabiyaa Mohammed Bin Salman dhiibbaa Huutii kanatti fala barbaaduuf gara Cairo imalee President Masrii Abdulfettah Al sisi wajjiin mariyachuu Saudi Gazettes gabaasee jira.

Bifuma wal fakkaatuun guyyuma har'aa qofatti mootummoota akka Israel, Turkey, Pakistan fi Ameerkaa dabalatee fala barbaachaaf hulaa biyyoota hedduu dhadhawaa turee jira. Garuu deebisaan isaanii "teenyaahuu nu dhibde" tan jettu qofa taate.

Muddamni waraana Saudi Arabiyaa fi hidhattoota Huutii yaman jiddutti hammaate.Makka irraahiis Alarm iyyaa jira. Mootumma...
15/09/2026

Muddamni waraana Saudi Arabiyaa fi hidhattoota Huutii yaman jiddutti hammaate.

Makka irraahiis Alarm iyyaa jira. Mootummaan Saudi Arabiyaa guutuu biyyattiitti labsii yeroo muddamaa labsaati jira.

Saudin kophatti baafamtee laboobamaati jirti. Biiyti galii guddaa bobo'aan argachaa turte amma guyyatti suldii takka illee dhabdee gubbaan haleellaa Misaa'ilaa irratti argamti. Wacaafaaleen Misaa'ilaa fi Diroonii Yaman fi Iiraaq irraa wacaafaman akka barbaadanitti iddoo barbaadan haleeluun Masaraa bin Abdulaziiz Muddama guddaa keessa galcheeti jira.

Barcuma masarichaa dhunfachuuf du'a Abbaa isaa qofa eeggachaa kan jiru Mahmad bin Salmaan gargaarsa barbaada gama White House bilbiluus deebisaan D..j Trump "Nuti teenyaahuu ni dhibdee hojiin teeysan isin haa baastu" tan jettu ture.

Gama Tumsa Makkaa kan tibbana Saudi, Turkiyyee fi Pakistaniin hundeeyfamtee bilbile. "Yaa'ii Saudiin dhaqattee barbaadatte isii waliin itti duuluuf osoo hin tahin diina dhufee ofiin Saudi tuqe waliin haleeluu qofaaf walii galle" deebisaa Paakistaan ture. Turkiyyeeniis gareen lachuu tan dabarte dhiisanii "Afawnaa Lillaah" akka waliin ja'an gaafatte.

Muddama guddaa keeysatti dirmachuu kan dhabde Riyaad amma magaalota hedduu keessatti garrii yeroo balaa afuufaa jirti. ( alerm iyyisiisaa jirti.) Amma immoo Makkah al-Mukarramaa keessaa iyyisiisaa jirti.

Tarii Warri mootii biyyattii xiyyeeffannaa idil addunyaa argachuuf ykn walitti bu'insichaan hawaasa Muslimaa argachuuf Makka ofumaaf ni haleelaa?

"Lammaa, Jawar fi Dr. Abiyiis ilaalchi isaanii tokko, kaayyoon isaanii mootummaa Oromummaa nurratti ijaaruudha" je'an le...
07/09/2026

"Lammaa, Jawar fi Dr. Abiyiis ilaalchi isaanii tokko, kaayyoon isaanii mootummaa Oromummaa nurratti ijaaruudha" je'an leelliftoonni garee Tsimdoo.

Jawar Mohammed akkamiin jecha tokkoon tumsa gareen Tsimdoo Abiy fonqolchuuf godhaa jirtu fashaleeyse?

Lidatuu Ayalew "kanaan booda gareen Abiy mormitu Jawarii waliin mariyachuu hin qaban, Jawar deeggaraa Abiyiiti" yaada je'u dhiheeyse.
Jawar ammoo "Kaayyoon teenya sirna kana tiiysuu fi utubuudha" jechuun barreeyse.
Jawar sirna kam baana? Sirna Abiyiiti moo sirna biraati?

Gabaasa guutuu Oromia Vision daawwadhaa 👇👇

Keeniyaan lammiileen biyya alaa achi jiraachuun biizinasii xixiqqaa hojjatan akka cufan ajajje.Pirezidaantiin Keeniyaa W...
03/09/2026

Keeniyaan lammiileen biyya alaa achi jiraachuun biizinasii xixiqqaa hojjatan akka cufan ajajje.

Pirezidaantiin Keeniyaa Wiiliyaam Ruutoo lammiileen biyya alaa Keeniyaa keessatti daldala xixiqqaarratti bobba'an akka cufan ajaja dabarsaniiru.

Sababni isaan dhiyeessan ammoo hojiin daldalaa lammiilee Keeniyaatiin malu lammiilee biyya alaatiin irraa fudhatamaa jira kan je'uudha.

Keeniyaan murtee kana kan dabarsite baqattoonni biyyoota Afrikaa garaa garaa irraa dhufan hirmaannan isaan diinagdee biyyattii keessatti taasisan dabalaa dhufuurraa kan ka'e lammiileen biyyattii falmii yeroo kaasaa jiranitti.

"Torbee dhufurraa kaasee daldaltoonni biyya alaa hundi biizinasii xixiqqaa hojjatan cufuu qabu," je'an Pirezidaant Ruutoon yeroo daldalaatota Keeniyaa waliin marii taasisan.

Keniyaan investimentii biyya alaa simachuuf qophii ta'uu kan himan Pirezidaant Ruutoon, lammiileen biyya alaa hojii biizinasii xixiqqaaa lammiilee Keeniyaa jalaa saamuu hin qaban jechuun dubbatan.

"Biizinasii xixiqqaa banuu kan qabu nama biyya Chaayinaa ykn bakka biraa irraa dhufe ta'uu hin qabu," jechuun seera lammiileen biyya alaa biizinasii xixiqqaa Keeniyaa keessatti akka hin hojjanne dhorku wixineensaa qophaa'uus himan.

Lammiileen biyya alaa Keeniyaa keessa jiraatan meeqa biizinasii xixiqqaarratti akka bobba'an ykn tarkaanfii mootummaan amma fudhate kanaan miidhaman hin beekamu.

Itoophiyaafi Ertiraa dabalatee baqattoonni hedduun Keeniyaa keessa jiraachaa jiru. Hojiiwwan daldalaa irratti kanneen bobba'anis hedduudha.

Ragaan mootummaa Keeniyaa akka agarsiisutti, baqattoota 857,000 ta'antu galmaa'ee Keeniyaa keessa jiraata je'a. Isaan keessaa %14 kan ta'an magaalota biyyattii keessa jiraatu.

Sa'uudi Arabiyaatti Poolisiin naannoo Makkaa, seera nageenya daangaa cabsuu fi yakka nama ajj**eesuutiin kan shakkaman l...
02/09/2026

Sa'uudi Arabiyaatti Poolisiin naannoo Makkaa, seera nageenya daangaa cabsuu fi yakka nama ajj**eesuutiin kan shakkaman lammiilee Itoophiyaa shan to’annoo jala oolchuu beeksiseera.

Shakkamtoonni kunneen bulchiinsa Ranyah/Raniah keessatti lammiileedhuma biyyasaanii (Itiyoophiyaa) tokko osoo gara jabi*naan reeb*aa jiranii viidiyoon agarsisu TikTok fi miidiyaa hawaasaa biroo irratti bal’inaan tamsa’ee ture.

Namni yakkichi irratti raawwate/miidhamaan sunis miidhaa qaamaa cimaa fi suuka*neessaa isa irra ga’een lubbuun isaa darbuun mirkanaa’eera.

Qorannoon jalqabaa dhimmicha/yakkicha irratti taasifame akka mul’isutti, taateen suukaneessaan kun kan raawwatame sababni wal-dhabbii dhuunfaa fi haaloo duraan shakkamtootaa fi miidhamaa gidduu ture irraa ka'uuni.

Yeroo ammaa shakkamtoonni shananuu to’annoo jala oolanii buufata poolisiitti kan argaman yoo ta'u, adeemsi qorannoon erga xumuramee booda dhimmisaanii akkaataa bu'uura seeraan murtoo dhumaafi barbaachisaa ta'e akka argatuuf gara abbaa alangaatti dabarfamuun ibsameera.

🚨 🔷️ Namoonni gandummaa fi gosummaan wal qoodanii biyya namaa keeysatti miidhaa walirraan gayaa turan 100 ol qaqqabaman...
01/09/2026

🚨

🔷️ Namoonni gandummaa fi gosummaan wal qoodanii biyya namaa keeysatti miidhaa walirraan gayaa turan 100 ol qaqqabamanii seeraaf dhiheeyaachuu Imbaasiin Itoophiyaa Saudi Arabia Riyaad jiru beeysise.

🔶️ Jeneraalichi sababa wal dhabdee Ministeeraa Raayyaa Ittisa biyyaa fi isa jiddutti uumamteen aangoo gad dhiisuu hime.

Gabaasa guutuu daawwadhaa 👇

Haasawni Pirezidaantiin Majliisa Itoophiyaa Sheek Haaji Ibraahim Tuufaa "Abiyyi Ahmad Waliyyii fagoo argu" jechuun dubba...
31/08/2026

Haasawni Pirezidaantiin Majliisa Itoophiyaa Sheek Haaji Ibraahim Tuufaa "Abiyyi Ahmad Waliyyii fagoo argu" jechuun dubbate hawaasa Muslimaa birattii komii guddaa kaase.
Dhaabbiileen Amantii gartummaa siyaasaa irraa walaba tahuun wayta himamutti haasawni hoggantoonni dhaabbiilee taasisan falmii kaasaati jira.
Barreessaa fi gaazexeessaa Ahmadiin Jabaliis dhimmichaaf deebisaa kenneeti jira.

Dargaggoonni Dhangaggoo Mana Barumsa Sadarkaa lammaffaa nu barbaachisa jechuun gaafii dhiheeysan. (DHANGAGGOO SECONDARY ...
30/08/2026

Dargaggoonni Dhangaggoo Mana Barumsa Sadarkaa lammaffaa nu barbaachisa jechuun gaafii dhiheeysan.
(DHANGAGGOO SECONDARY SCHOOL)

Dhangagoon, Godina Harargee Bahaa aanaa Haramayaa jalatti kana argamtu hoggaa tahu iddoo murteeysaa daandiin Finfinnee dhufee Hararii fi Dirree Dhawaa addaan itti maquudha.

Naannawni Dhangaggoo baroota dheeraaf hayyoota jajjaboo sadarkaa Itoophiyaatti oomishaa kan turee fi akka aanaa Haramayatti baayyina barattootiin sadarkaa jalqabaarra jirtuudha. Haa tahuu malee sababa mana barumsa Sadarkaa lammaffaa dhabuutiin barattoonni ciccimoon meeqa barumsa isaanii addaan kutanii qe'eetti galanii taa'uuf diqamaa turan.

Barattoonni Dhangaggoo hanga kutaa 8ffaa mana barumsa Dhangaggootti baratanii yeroo xumuran kutaa 9ffaa barachuuf carraan isaan qaban gara magaalota akka Haramayaa, Addeellee, Qarsaa fi Dirree Dhawaatti imaluudha. Manneen barnoota kanneen fageenya kilometera 10-20 irratti waan argamaniif barattoonni dhibbaan lakkaawaman kanneen rakkoolee akka, Geejjiba dhabuun yeroon barnoota irraa gubachuu, Balaa konkolaataatiin miidhamuu fi baasii garmaleetiif saaxilamaa jiraachuu himan.
Kanaaf Ijoolleen Dhangaggoo barnoota sadarkaa 2ffaa argachuuf fagoo deemuu ykn rakkoo adda addaatiif saaxilaamuu hin qaban jechuun dargaggoonni gaafii isaanii gara miidiyaa hawaasaatiin dhiheeysaa jiraachuu Oromia Vision Mediatti himan.

Dhangaggoon ijoollee dandeettii, ifa sammuu fi abdii boruu qaban hedduu kan qabduudha. Kanuma hubachuudhaan hawaasni keenyaas mana barnoota sadarkaa 2ffaa itti ijaaruuf maallaqa walitti qabanii, iddoo ijaarsaaf taatu erga qopheeffatanii booda, maqaa Investmentiitiin iddoon hawaasni qopheeyfate abbootii qabeenyaatiif dabarfamee akka duraa kennamtees dargaggoonni Dhangaggoo Oromia Vision - OV tti himan.

Dur Dhangaggoon bulchiinsa aanaa lama, Aanaa Qarsaa fi Aanaa Haramaayaa jala turte. Amma garuu sirni bulchiinsaa jijjiiramee Maya City taatee waan jirtuuf rakkinoonni duraan turan ni jijjiirama je'anii abdii guddaa akka qabaniis himan.

Barnoonni invastimantii yeroo dheeraa keessatti bu’aa isaa dhaloota hedduuf kennuu waan taheef
Dhangaggoo keessatti mana barnoota sadarkaa 2ffaa ijaaruun boruuf dhaloota ijaaruu akka tahees himan.
Dhimmi kun xiyyeeffannoo argatee, furmaata waaraa akka argatuuf mootummaa fi qaamoleen dhimmi ilaallatu hundi shoora gama isaanii akka bahatan gaafii isaanii cimsanii dhiheeysaa jiru.

Linkii kanaan OROMIA VISION MEDIA hordofaa
https://youtu.be/9nwuCl_poDc

Address

Addis Ababa
0000

Website

Alerts

Be the first to know and let us send you an email when Oromia Vision - OV posts news and promotions. Your email address will not be used for any other purpose, and you can unsubscribe at any time.

Shortcuts

Share

Category