Olika Official

02/02/2026

02/02/2026

“Bara Dargii keessa Naggaadeen Barbaree dhoksite” jedhan. Barbareen gabaarraa badee jennaan, uummanni qaala’iinsa Barbareen hedduu yaadda’e. Sana booda Koloneel Mangistuu Hayila-Maariyaam gurra-hootuuwwan (basaastota) isaa itti gadi dhiisuun akka naggaadeen barbaree dhoksite mirkaneeffate.

Sana booda Mangeen kilaashii fudhatee Markaatootti qajeele. Naggaadeewwan Barbaree Addabaabayiitti baase. Isaan keessaa warra adda duree (qandanyoota) lamaan tokko rasaasa adda keessa buusee xab godhe. Achumaan naggaadeewwan kaan rifattee “Maaloo nun ajjeesiin; Barbaree dhoksine gadi baafnee gurgurra. Jalqabumayyuu namatu nudogoggorse” jechuun kadhatan. Sana booda Barbareen kan durii caala rakase. Nibushaa’e! Akkasitti Mangeen naggaadee hattuu likkii galche!

“Waa malee manni hin aaru” jedha Oromoon. Anis waa malee kana hin jenne. Haasaa Pirezidaantiin Mootummaa Naannoo Oromiyaa, Kabajamoo Obboo Shimelis Abdisa dhimma malaan-maltummaa irratti dubbatan seenaa bara dargii nayaadachiise. Obboo Shimallis akkas jedhan; ““Guubboo saantima tokko nama tokkotti hin kenniinaa. Namni isin rakkisu yoo jiraate hoogganaatti himadhaa; hoogganaan yoo isin dhaga’uu dide nutti himadha. Yoo nuti didne ammoo buunyaa (booksiin)-dhaan dha'aa” jechuun dubbatan.

Haasawaan kun jibbiinsa hannaa (malaammaltummaa) irraa akka madde naaf gala. Namni kamuu gubboo/matta’aa kaffaluu akka hin qabne akeekkachiisuu fi hubachiisuurraa akka ka’e nan hubadha. Garuu, abbaan dhimmaa tokko hooggansa booksiin haleeluuf seera sodaata. Seerri biyya keenyaa ammoo abbaa humna qabuuf, abbaa aangoo qabuuf, abbaa beekamtii qabuuf, abbaa qarshii qabuuf, abbaa poolisii beekuuf, nama abbaa alangaa beekuuf, nama abbaa seeraa beekuuf looga. Kana osoon dubbachuu baadheeyyuu namuu ragaa baha.

Kanaafuu, hattuuwwan waajjiraalee mootummaa, Waajjira Poolisii, Waajjira Abbaa Alangaa, Mana Murtii fi Seektaraalee garaa garaa keessa caasaa tolfatanii uummata saaman mootummaan ofumaaf addabaabayii irratti akka Darguutti rashanuu qaba jedheen amana. Gama biraan ammoo, warra Caayaarratti dhiyaatanii ragaaleen garaa garaa irratti qabamee fi saaxilame osoo aangoorraa hin kaasiin, osoo adabbii isaaniif malu hin kenniin erga bira taramee, booksiin fala fida jedhee hin amanu ani.

Booksiin dhayuun akka nama bofa ajjeesee mataa dagateeti. Jarri kaballaan hin duutu. Biyyoo arraabdee nuhidditi. Kanaafuu, akka Darguu/Mangee sana gimbaarii baxxasaa nu agarsiisaa. Hattuurratti cakkaanyii ta’aa jechumaafi!

28/12/2025

28/12/2025

🅓🅗🅐🅐🅜🅢🅐 🅞🅖🅔🅔🅢🅢🅘🅒🅗🅐🅐
Istiiv Jobsin beektu mitii?
Sooressicha addunyaa kaampaanii "Apple" jedhamu nama hundeesse ture.

Istiiv Jobsi qabeenyaa maallaqaatiin nama Biil Geetiin dorgomu ture. Namni kun umurii isaa waggaa shantamii jahatti dhukkuba tiruutiin du'e.

Istiiv Jobsi tibba du"uf jedhu sanatti siree hospiitaalaa irra ciisee akka jedhe:

"Ani qabeenyaadhaan nama bantii irra jirun ture.
Ija namoota birootti ani biyya lafaa irratti nama milkaa'aafi gamnadaan ture. ...Dhugaa dubbachuuf garuu ani nama hagasmara gammachuu qabu hinturre.

Siree hospiitaala irra ciisee amma jireenyan dabarse wayitan xiinxalu keessa kiyyatu quuqama.

Kabajaa, beekamtiifi qabeenyaan ani walitti hare fuula du'aatti surraan isaanii golgolaa'aadha.

> Namni tokko makiinaa kee akka siif oofu mindeeffachuu nidandeessa....Dhimma faayinaansii kee akka siif hordofuf immoo nama biraa bakka buufachuu nimalta.

> Gama biraatiin garuu namni dhibiin dhukkuba kee siif dhukkubsatee gidiraakee akka siif fudhatu, ittidabales immoo akka siif du'u gochuu tasayyuu hindandeessu.

● Qabeenyaan yoo sijalaa bade deebitee argachuu nidandeessa. Erga dhabamee booda waanti ati deebistee argachuu hindandeenye tokko jira: Innis Lubbuukeeti.

● Sadarkaa jireenyaatiin bakka barbaadde irra tahi. Biyya feetes jiraadhu. Jireenya dhala namaa keessatti guyyaan Golgaan Jireenyaa itti cufamu jira.

Kanaaf, namoota siwajjin jiranitti haada/funyoo hammeenyaa xaxaa hin'ooliin. Hiriyyootakes tahan namoota daandiikeef ifa tahan cufa jaalladhu.

● Saatiin birrii dhibba shaniin bitamus tahe kan birrii kuma shanii yeroodhuma tokkicha lakkaawu.

● Makiinaan birrii miiliiyoonii sadi'is tahe kan birrii miliiyoonii soddomaa daandiidhuma walfakkaataa irra kaatu.
Bakkuma tokkicha gahanii dhaabatus.

● Manni kaaree meetirii dhibba tokkos tahe kan kaaree miitirii kuma tokkoo, du'a kophaa kee duutu irraa sinbaraaran.

Ilaa Qalbifadhu:
Gammachuu dhugaan, waan gaarii dalagdee nama wajjin kolfitufi taphattu qabaachuu kee keessa argama.
Gammachuu dhugaan, namootni ati bu'aa taateef wayita isaan gammadan argitee eebba isaaniitiin dhiqamuu kee keessa argama.

Hunda Caalaatti:

Ijoolleen kee garmalee maallaqa sassaabuu irratti akka xiyyeeffatan hingorsiin. Maallaqa sassaabuu irratti akka xiyyeeffatan barsiifta taanaan, guyyaa kaayyoon isaanii galma gahuu dhabe dhiphina hamaatti seenu. Fayyaan isaaniillee gaaga'amuu mala.

Kanaaf, galmi kee jalqabaa ijoolleen kee jireenya qabanitti gamadoo akka tahan daandii agarsiisuu haatahu.

Ittidabales, ijoolleen kee meeshaa argatan gatii (price) isaatiin utuu hintahin faayidaa inni kennun akka madaalan itti himi.

☆☆▪︎▪︎▪︎
Gorsa kana hiriyyootakeef SHARE gochuu hindagatiin.

☆▪︎▪︎▪︎▪︎

Maddi;

Interesting Quotes

27/12/2025

🄶🄾🅁🅂🄰 🅂🄰🄰🅈🄸🄺🄾🄻🄾🄾🄹🄸🄸

❶Guyyaa tokko isa waa'ee ofii keef hanga ammaatti abdii hin kutatin turtee fi jirtuu ni galateeffatta.
➋Jireenyi yeroo tokko tokko baay'ee sitti ulfaata. Garuu, jireenya dinqii/raajii isa bor jiraattuuf si qara.
➌Gara laafinnii fi inni ati nama duukaa boossu dadhabina kee miti. Cimina keessoodha. Gara jabina hin qabdu.
❹Imimmaan kee caba/ yookiin gadda garaa kee ibsa utuu hin taanee lammata deebitee akka hin boonye ibsa.

30/11/2025

⁉️❌❌❌❌❓



Akkuma hundi keessanuu qubaa qabdan Miina Mul otoo inni sadarkaa tokkoffaa irra jiru daba irratti raawwatanii 2ffaa baasani.
Rakkoon Uumame Akkas ture:-
1, Warra Content biraa irratti hojjetan hundayyuu Vote isaan argataniin bakka hundattuu warruma vote tokkoffaa irra jiru tokkoffaa baasani, kan chilaloo Award garuu otoo Miinaan 1ffaa irra jiruu maaliif 2ffaa baasuun barbaachisee?
2, Miinaan hordoftoota Million 1.2 ol qaba, inni 1ffaa bahe garuu hordoftoota 500k qofa qabu, sanuu videon view guddaa argate kan miinaati, dandeettiidhaanis miinaan baay'eemaa mucaa 1ffaa bahe sana caala.

3, Miinaan Vote 10k oliin mucaa lammaffaa bahe sana caalaa, erga harka nama hamma kanaan dursaa jira ta'ee maaf 2ffaa baasanii? Uummanni isin haa filatu jedhanii erga Uummataaf dhiyeessani maaf harka uummataa Ukkaamsuun barbaachisee?

Miinaamul akkas jedhee dubbate "dhugaa dubbachuuf Dorgommii kana kan injifate ana ture, garuu jara yoo injifachiisuu baatan jarri xiiqii ittiin qabatu, anaan yoo kuffisan garuu ijoolleen keenya xiiqii ittiin hin qabani callisanii irra darbu jedhanii gatii yaadaniif jara ofitti mufachiisuurra anaan kuffisuu filatani" jedhee immimmaan dhangalaasee boohaa ture.
Akkuma argaa jirtan Hanga ammaa Miinaamul jecha tokkoyyuu jedhee post hin goone, ani otoo inni immimmaan dhangalaasee boohuu argeera, baay'ee natti dhagahame, 1ffaa dhugaa isaatu dhokate, 2ffaa dadhabbii isaatu lafatti bade, 3ffaa Uummata isa injifachiisuuf faana dadhabaa turetu sagalee dhabe, so kun hundi baay'ee isatti dahagahameera.

Walumaa gala yoo Akkas goone gaariidha jedheen yaada:-
1, n Waan godhe kana akkamitti akka filate ibsa Uummata bal'aaf haa kennu
2, Miinaamul nama dadhabee sadarkaa 1ffaa irra ture irratti daba raawwateef mucaa keenya dhiifama gaafatee waan isaaf malu haa kennuufi.
3, Hundi keenyu Armaa jedhu irra ❌️ keenyee mormii keenya haa dhsgeesisnu.
4, Nyaatawwan 'n Oomishu kamiyyuu haa

30/11/2025

Baga Gammaddan, Baga injifattan!...Afaan keenyaanis injifachuun ni danda'ama..Eeyyee Ni danada'ama.!

30/11/2025

30/11/2025

Guddaa...

25/05/2025

ODUU:

Vaayirasiin Maariyyee Jaldeessaa Itiyoophiyaatti mul'achuu Ministeerri Fayyaa fi Inistiityuutiin Fayyaa Hawaasaa beeksisan.

Dhibeen kun naannoo Oromiyaa magaalaa Mooyaaleetti mul'achuu ibsameera.

Ministeerri Fayyaa fi Inistiityuutiin Fayyaa Hawaasaa Itiyoophiyaa Vaayirasii Maariyyee Jaldeessaa (Mpox) jedhamu kana ilaalchisuun ibsa kennaniiru.

Daa'ima umrii guyyaa 21 irratti kan mul'ate yoo ta'u, qorannoo gaggeeffameen haati daa'imattis dhibichaan qabamuu mirkanaa'uu eerameera.

Haatii daa'imaa fi daa'imti dhibichi irratti mul'ate bakka tursaa qophaa'etti galuun yaalli godhamaafii kan jiru yoo ta'u, hanga ammaatti lamaanuu haalli cimaan kan isaan hin mudanne ta'uu ibsichi eereera.