https://www.facebook.com/487944754393603/

Harar Daily, Addis Ababa (2026)

03/12/2025

የክልሉ ርዕሰ መስተዳድር አቶ ኦርዲን በድሪ በሀረር ከተማ ውቡን የአባድር ፕላዛ የኮሪደር ልማት ጎበኙ

(ሀረር-ዴይሊ፤ ህዳር 24/ 2018) የሀረሪ ክልል ርዕሰ መስተዳድር አቶ ኦርዲን በድሪ በሀረር ከተማ በመጠናቀቅ ላይ የሚገኘው የአባድር ፕላዛ የኮሪደር ልማት የስራ እንቅስቃሴ ተመልክተዋል።

አባድር ፕላዛ በሀረር የጀጎል አጥር ከዝነኛውና ታሪካዊው አስመዲን በሪ (ሸዋበር) መግቢያ ጀምሮ እስከ ሌላኛው የጀጎል አምስት በሮች አንዱ የሆነው በድሪ በሪ (ቡዳበር) ድረስ የሚዘልቅ የተዋበ የኮሪደር ልማት ስራ ነው።

ይህን ፕሮጀክት አመሻሽ ላይ የጎበኙት የክልሉ ርዕሰ መስተዳድር አቶ ኦርዲን እንዳሉት የአባድር ፕላዛና ሌሎች በከተማው እየተሰሩ የሚገኙ የኮሪደር ልማት ስራዎች የከተማዋን ገፅታ የሚቀይሩ ናቸው።

በተለይም ከተማዋ ለነዋሪዎችና ለጎብኚዎች የበለጠ ምቹ እንድትሆን የሚያስችሉ መሆኑን ጠቁመዋል።

እንደ ክልሉ ኮሚዩኒኬሽን ጉዳዮች ዘገባ ከህዝባችን ጋር በመቀናጀት እየተሰሩ የሚገኙ ስራዎችም ከአሁኑ ትውልድ ባለፈ ለቀጣዩ ትውልድ መሰረት የሚጥሉ ናቸው ሲሉ ርዕሰመስተዳድሩ አመልክተዋል።

ከተማዋ ወደኋላ የቀረችባቸው አመታትን በሚክስ መልኩ እየተሰሩ የሚገኙ ስራዎች ተጠናክረው እንደሚቀጥሉም አቶ ኦርዲን አረጋግጠዋል።

#ሀረር

29/11/2025

ታሪካዊቷ ሀረር "ህያው ሙዚየም" መለያን ያጎናፀፏት መስህቦችን ተመልክተናል" ሚኒስትር ሰላማዊት ካሳ

(ሀረር-ዴይሊ፤ ህዳር 20/2018) በዛሬው የሃረር ቆይታችን በጀጎል ውስጥ የሚገኙትንና ከተማዋን "ህያው ሙዚየም ያስባሏትን" አስደናቂ መስህቦች ጎብኝተናል ሲሉ የኢፌዴሪ የቱሪዝም ሚኒስትር ሰላማዊት ካሳ ገለፁ።

በሚኒስትሯ የተመራ 40 የሚሆኑ አምባሳደሮችና ዲፕሎማቶችን የያዘ ልዑካን ቡድን ትላንት የጀመረው የሀረር ከተማ ጉብተኝት ዛሬም መቀጠሉን ሚኒስትሯ ጠቁመዋል።

በከተማዋ የሀረር ጀጎል ታሪካዊ ቅርስ፣ በርካታ ታሪካዊ ቅርሶች ስብስብ የያዙ ሙዚየሞች፣ የሀረሪ ባህላዊ ቤቶች፣ የጀጎል ውስጥ አስደናቂ መንገድና መንደሮችን ጨምሮ ሌሎች የመስህብ መዳረሻዎችን ጎብኝተዋል።

የቱሪዝም ሚኒስትሯ በማህበራዊ ትስስር ገፃቸው ባጋሩት መልክትም ለዘመናት ተጠብቀው የቆዩና በሙዚየሞች የሚገኙ ጥንታዊና ታሪካዊ ቅርሶች፣ ሃይማኖታዊና ትልቅ ቦታ የሚሰጣቸውን መጽሃፍትና ታሪካዊ ስፍራዎችም በጉብኝቱ ተመልክተናል ብለዋል።

የመስህቦቹን አቀራረብ ይበልጥ በማሻሻል የጎብኚዎችን የቆይታ ጊዜ ለማርዘምም እንደሚቻል በቆይታችን ተመልክተናል ሲሉም ነው የገለፁት።

#ሀረር

28/11/2025

የጀጎል ቅርስ ታሪካዊ ይዘቱን በጠበቀ መልኩ ለጎብኚዎች ምቹ ተደርጓል- ሚኒስትር ሰላማዊት ካሳ

(ሀረር-ዴይሊ፤ ህዳር 19/2018) የጀጎል ቅርስ በአጭር ጊዜ ውስጥ ታሪኩንና ይዘቱን ሳይለቅ ነባር የግንባታ ጭበቡን በጠበቀ መልኩ ለጎብኚዎች ምቹ ተደርጓል ሲሉ የኢፌዴሪ የቱሪዝም ሚኒስትር ሰላማዊት ካሳ ገለፁ።

በሚኒስትሯ የተመራው የአምባሳደሮችና አለም አቀፍ ተቋማት የልዑካን ቡድን በሀረር ከተማ የሚገኙ የተለያዩ የቱሪዝም መዳረሻ ስፍራዎችን ተዘዋውረው ተመልክተዋል።

በዚህ ወቅትም ሚኒስትሯ ሰላማዊት ካሳ እንደገለፁት ሀረር ከተማ ሀገራችን በዩኔስኮ ያስመዘገበቻቸው አለም አቀፋዊ ሀብቶችን የያዘች ከተማ ነች።

የአሁኑ ትውልድ አሻራ ያረፈበት የጀጎል የመልሶ ማልማት ስራውም ከቅርሱ ታሪክና ይዘት ጋር ተጣጥሞ መሰራቱን ጠቁመው ሀገራችን ያላት ሀብትና እሴትን አለም በሚገባ እንዲያውቀው አስፈላጊ ስራዎች በስፋት ይቀጥላሉ ብለዋል።

በጉብኝትቱ የተገኙ አምባሳደሮችና ዲፕሎማቶች በበኩላቸው በሀረር ከተማ በሚገኘው ጥንታዊው የጀጎል አለም አቀፍ ቅርስ ውስጥና ዙሪያ በተሰሩ የመልሶ ማልማት ስራዎች መደነቃቸውን ገልፀዋል።

እንደ ክልሉ ኮሚኒኬሽን ዘገባ ቅርሱን የመጠበቅ ስራው እንደ ሀረር ከተማ ላሉ የቅርስ ከተሞች ምሳሌ የሚሆን ነው ያሉት አምባሳደሮቹ መንግስት ለቱሪዝም ዘርፉ የሰጠው ትኩረት እንደሀገርና ክልል የዘርፉ ተጠቃሚነት የሚያሳድግ ከመሆኑም ባለፈ ለሀገር ገፅታ ግንባታ ያለው ፋይዳ ከፍተኛ መሆኑን ተናግረዋል።

28/11/2025

በድሬዳዋ የኢንዱስትሪና የግብርና ምርቶች ለህብረተሰቡ በተመጣጣኝ ዋጋ ተደራሽ እየተደረጉ ነው

(ሀረር-ዴይሊ፤ ህዳር 19/2018) የኢንዱስትሪና የግብርና ምርቶችን በተመጣጣኝ ዋጋ ለህብረተሰቡ በማቅረብ ገበያን የማረጋጋት ሥራ በቅንጅት እየተሰራ መሆኑን የድሬዳዋ አስተዳደር ምክትል ከንቲባ ሀርቢ ቡህ ገለጹ።

20ኛው የብሔሮች፣ ብሔረሰቦችና ህዝቦች ቀን በዓልን ምክንያት በማድረግ በድሬደዋ አስተዳደር የንግድ ባዛር የድሬዳዋ አስተዳደር ምክር ቤት አፈ ጉባኤ ፈትህያ አደን፣ የአስተዳደሩ ምክትል ከንቲባ ሀርቢ ቡህ እና ሌሎች አመራሮች በተገኙበት ዛሬ ተከፍቷል።

በእዚህ ወቅት የአስተዳደሩ ምክትል ከንቲባ ሀርቢ ቡህ እንደገለጹት፣ አስተዳደሩ ከተለያዩ ተቋማት ጋር በመተባበር የኢንዱስትሪና የግብርና ምርቶችን በተመጣጣኝ ዋጋ ለነዋሪዎች ተደራሽ ለማድረግ ትኩረት ሰጥቶ እየሰራ ነው።

ገበያውን በማረጋገት የማህበረሰቡን ተጠቃሚነት ለማሳደግም የቅዳሜ እና እሁድ ገበያዎችን ከማቋቋም ባለፈ ከአጎራባች ክልሎችና በከተማዋ ካሉ አምራች ኢንዱስትሪዎች ጋር በቅንጅት እየሰራ መሆኑን ገልጸው፤ ይህም ተጠናክሮ ይቀጥላል ብለዋል።

በዛሬው ዕለት 20ኛውን የብሔሮች፣ ብሔረሰቦች እና ህዝቦች ቀን በዓል ምክንያት በማድረግ የተከፈተው የንግድ ባዛር የዚሁ ገበያን የማረጋጋት ሥራ አካል መሆኑንም አመልክተዋል።

ከዛሬ ጀምሮ ለአምስት ቅናት በሚቆየው የንግድ ባዛር ላይ የንግድ ተቋማት እና ኢንተርፕራይዞች የተለያዩ የግብርናና የኢንዱስትሪ ምርቶቻቸውን ይዘው ቀርበዋል።

28/11/2025

በቱሪዝም ሚኒስትር ወይዘሮ ሰላማዊት ካሳ መሪነት አምባሳደሮችና ዲፕሎማቶች በሀረር ከተማ የቱሪዝም መዳረሻዎችን መጎብኘት ጀመሩ

(ሀረር-ዴይሊ፤ህዳር 19/2018) በኢሬዴሪ የቱሪዝም ሚኒስትር ወይዘሮ ሰላማዊት ካሳ የተመራ አምባሳደሮችና ዲፕሎማቶችን ያቀፈ ልዑካን ቡድን በሀረሪ ክልል የቱሪዝም መዳረሻዎችን መጎብኘት ጀምሯል።

ሚኒስትሯ ከ40 በላይ አምባሳደሮችና የአለም አቀፍ ተቋማት መሪዎች ጋር በመሆን በሀረር እና ድሬዳዋ የሚገኙ የቱሪዝም መስህቦች ጉብኝት ጀምረናል ሲሉ በማህበራዊ ትስስር ገፃቸው አስታውቀዋል።

መርሐግብሩ የቱሪዝም ሚኒስቴር ከተባበሩት መንግስታት የትምህርት የሳዬንስና የባህል ተቋም ዩኔስኮ ጋር በመተባበር ያዘጋጀው መሆኑን ጠቅሰዋል።

በጉብኝቱ ተፈጥሯዊ፣ ባህላዊና ታሪካዊ መስህቦች እንደሚቃኙ ገልፀዋል።።

ለዘርፉ እድገት ትልቅ አስተዋፅኦ ያላቸውን አዳዲስ መዳረሻዎችን፣ እሴት የተጨመረባቸው መስህቦችና የኮሪደር ልማትም የጉብኝትም የመርሃ ግብሩ አካል ናቸው ሲሉ ሚኒስትሯ ጠቁመዋል።

28/11/2025

ብዝሐነትን ያከበረ አንድነትና የአብሮነት እሴትን ማጠናከር ለሁለንተናዊ ዕድገት ቁልፍ አስተዋፅኦ አለው ሲሉ የክልሉ ርዕሰ መስተዳድር አቶ ኦርዲን በድሪ ገለፁ።

(ሀረር-ዴይሊ፤ ህዳር 19/2018) ህብረ ብሔራዊ አንድነትና የአብሮነት እሴትን በማስፋት ለሁለንተናዊ ዕድገት ወሳኝ የሆነውን የጋራ ጥረት ለማጠናከር የብሔሮች ብሔረሰቦችና ሕዝቦች ቀን በዓል አስተዋፅኦ ትልቅ መሆኑን የሀረሪ ክልል ርዕሰመስተዳድር አቶ ኦርዲን በድሪ ገልፀዋል።

በሀረሪ ክልል 20ኛው የብሄር፣ብሄረሰቦችና ህዝቦች ቀን በዓል ሲከበር መልዕክት ያስተላለፉት የክልሉ ርዕሰ መስተዳድር አቶ ኦርዲን በድሪ የኢፌዴሪ ሕገመንግስት መፅደቅ ለብሔሮች፣ ብሔረሰቦች እና ህዝቦች እኩልነትና መብት እንዲከበር እውቅና የሰጠ መሆኑን ጠቁመዋል።

በሀገራችን የቋንቋ፣ የባህል እና የእምነት ብዝሐነት ቢኖርም የጋራ እሴት፣ የጋራ ተስፋና የተቆራኘ ዕጣ ፈንታ ያለን የአንድ የሰው ልጅ ዘር ቤተሰቦች መሆናችንን መረዳት ይገባል ብለዋል።

በሀገርና በክልል ደረጃ በተለያዩ መስኮች የተገኙ የልማትና ዕድገት ውጤትና ስኬቶች የጋራ ጥረትና አብሮነት ጥንካሬ ማሳያ እንደሆኑ አመልክተዋል።

20ኛው የኢትዮጵያ ብሔር፣ብሔረሰብ እና ህዝቦች ቀን በዓል እንደ ክልልም ይሁን እንደ ሀገር ሲከበር የህዳሴ ግድብ በተመረቀበት፣ በርካታ የልማት ሥራዎችን በተከናወኑበት፣ በሀገራዊ ምክክር ሂደት ላይ በምንገኝበት እና 7ተኛውን ሀገራዊ ምርጫ የምናከናውንበት ዓመት ላይ በመሆኑ የዘንድሮውን በዓል የተለየ ያደርገዋልም ብለዋል።

በቀጣይም አሉታዊ ትርክቶችን በማስወገድ አሰባሳቢ ትርክቶችን በመገንባት በክልሉ ሰላምን ለማፅናት፣ ልማትን ለማናጠናክርና ሀገራዊ ምክክሩን በተሰካ ሁኔታ ለማጠናቀቅ የክልሉ ህዝብ የበኩሉን ገንቢ ተሳትፎ እና ትብብር እንዲያደርግ ጥሪ አቅርበዋል።

የሀረሪ ክልል ምክር ቤት አፈ-ጉባኤ አቶ ሱልጣን አብዱሰላም በበኩላቸው በዓሉ አገራችንን ወደ ብልፅግና የሚያሸጋግር መሰረት በተጣለበት ወቅት የሚከበር መሆኑም ልዩ እንደሚያደርገው መግለፃቸውን ከክልሉ ኮሙዩኒኬሽን ጉዳይ ቢሮ ያገኘነው መረጃ አመልክቷል።

በክብረ በዓሉ ላይ የክልሉ ከፍተኛ አመራሮችን ጨምሮ የአጎራባች ክልሎችና ከተሞች ምክር ቤት አፈ-ጉባኤዎች የሀገር ሽማግሌዎች እና ጥሪ የተደረገላቸው እንግዶች ተገኝተዋል።

#ሀረር

10/10/2025

"ማህበረሰቡ በወረዳዎች ቀልጣፋ አገልግሎት እንዲያገኝ ልዩ ትኩረት መስጠት ይገባል"... ርዕሰ መስተዳድር ኦርዲን በድሪ

(ሀረር-ዴይሊ፤ መስከረም 30/2018) ማህበረሰቡ በወረዳዎች ቀልጣፋ አገልግሎት እንዲያገኝ ልዩ ትኩረት መስጠት እንደሚገባ የሀረሪ ክልል ርዕሰ መስተዳድር አቶ ኦርዲን በድሪ ገለፁ።

ርዕሰ መስተዳድሩ በክልሉ ወረዳዎች የአገልግሎት አሰጣጥና የልማት ስራዎችን በተመለከተ ከወረዳ አስተዳዳሪዎች ጋር ተወያይተዋል።

በወረዳዎች ማህበረሰቡ የተሻለ የአገልግሎት እንዲያገኝ ፍትሀዊ ፈጣንና ቀልጣፋ የሆነ አሰራርን ለማረጋገጥ መስራት እንደሚገባ ርዕሰ መስተዳድሩ በውይይቱ ወቅት ጠቁመዋል።

ብልሹ አሰራሮችን በመከላከልና በማረም የመልካም አስተዳደርን ያሰፈነ የልማት ስራን ከማፋጠን ጎን ለጎን ለፀጥታና ጥበቃ ስራዎች ትኩረት እንዲሰጥም አሳስበዋል።

ገቢን በአግባቡ በመሰብሰብ በክልሉ በኮሪደር ልማት የተመዘገበውን ውጤት ለማስፋት መስራትም ሌላው ትኩረት ሊደረግበት የሚገባ ስራ እንደሆነ ርዕሰመስተዳድሩ መግለፃቸውን ከሀረሪ ኮሚኒኬሽን ጉዳይ ያገኘነው መረጃ ያመለክታል።

ሀረር ከተማ በፕላን እና ስርዓት እንድትመራ ለማድረግ እየተሰራ መሆኑን ያመለከቱት ርዕሰ መስተዳድሩ በዋና የከተማ መንገዶች ላይ የሚታየውን የኮሪደር ልማት ስራን ከውስጥ ለውስጥ መንገዶች ጋር ለማገናኘትና ለማስፋት እንደሚሰራ ገልፀዋል።

28/06/2025

"Harar – Where Every Brick Tells a Story!
A Maze of Mysteries, Spice-Scented Alleys, and Timeless Adventures."
H.E Ordin Bedri
President of harari people regional state.

28/06/2025

በክልሉ ለ 1 ሺ 214 የግል ድርጅትና ታክስ ከፋዮች የቀን ገቢ ግምትና የደረጃ ሽግሽግ ተደረገ

(ሀረር-ዴይሊ፣ሰኔ 21/2017) ለ 1 ሺ 214 የግል ድርጅትና ታክስ ከፋዮች የቀን ገቢ ግምትና የደረጃ ሽግሽግ መደረጉን የሐረሪ ክልል ገቢዎች ቢሮ ሀላፊ አቶ ያሲን አብዱላሂ አስታወቁ።

የቢሮው ሀላፊ አቶ ያሲን በክልሉ ፍትሀዊ የታክስ ስርዓትን ተግባራዊ በማድረግ ከታክስ ስርዓት ፍትሀዊነት ጋር በተገናኘ ሲነሱ የነበሩ ቅሬታዎችን ለመፍታት በትኩረት እየተሰራ እንዳለ ገልፀዋል።

እያንዳንዱ ግብር ከፋይ በተሰማራበት የሥራ ዘርፍ የንግድ እንቅስቃሴ መረጃ ላይ ተመስርቶ የሚከፍለውን ታክስ ለመወሰን ግብረ ሀይል ተቋቁሞ ሲሰራ መቆየቱንም ጠቁመዋል።

ግብረ ሀይሉ የንግድ ተቋማትን የንግድ ስራ እንቅስቃሴ ይዘትና ስፋት እንዲገመግም በማድረግ የደረጃ ማሻሻያዎች ተደርጓል ብለዋል።

በንግድ ተቋማቱ በተሰራው የሪፎርም ሰራም በክልሉ ለ 1 ሺ 214 የግል ድርጅትና ታክስ ከፋዮች የቀን ገቢ ግምትና የደረጃ ሽግሽግ መደረጉን ሀላፊው ገልፀዋል።

በዚህም መሰረት 186 ድርጅቶች ዓመታዊ ገቢያቸውን መሰረት ባደረገ መልኩ ደረጃቸው ከፍ እንዲል የተደረጉ ሲሆን 24 የንግድ ተቋማት ደረጃቸው ዝቅ መደረጉን ጠቁመዋል።

የቀን ገቢ ግምትና የደረጃ ሽግሽጉ የገቢ ዘርፍ ፍትሃዊነትና የህግ ተገዢነትን ለማሻሻል የተጀመረ የሪፎርም አካል መሆኑንም ገልፀዋል።

የክልሉ ኮሙዩኒኬሽን ጉዳይ ዘገባ እንዳመለከተውም እያንዳንዱ የግብር ከፋይ ከ ሀምሌ 1 /2017 ጀምሮ በአዲሱ የቀን ገቢ ግምት ዓመታዊ ግብሩን እንዲከፍል እንደሚደረግ የቢሮው ሀላፊው አቶ ያሲን አብዱላሂ አስታውቀዋል።

28/06/2025

አረንጓዴ አሻራ አፍሪካዊ ባሕል ይሆናል፡- ጠቅላይ ሚኒስትር ዐቢይ አህመድ (ዶ/ር)

(ሀረር-ዴይሊ፣ ሰኔ 21/2017) ኢትዮጵያ እያከናወነችው ያለው የአረንጓዴ አሻራ መርሐ ግብር ለሌሎች አፍሪካውያን ወንድሞች አርዓያ በመሆን አፍሪካዊ ባሕል ይሆናል ሲሉ ጠቅላይ ሚኒስትር ዐቢይ አህመድ (ዶ/ር) ገልጸዋል፡፡

የዘንድሮው የአረንጓዴ አሻራ ማስጀመሪያ መርሐ ግብር ጠቅላይ ሚኒስትር ዐቢይ አሕመድ(ዶ/ር) የናይጄሪያ ምክትል ፕሬዚዳንት ካሺም ሼቲማ በተገኙበት "በመትከል ማንሰራራት" በሚል መሪ ሀሳብ ተካሂዷል።

ጠቅላይ ሚኒስትር ዐቢይ አሕመድ (ዶ/ር) በዚሁ ወቅት ባደረጉት ንግግር፤ ሁለተኛው ምዕራፍ የአረንጓዴ አሻራ መርሐ ግብር በሚቀጥለው ዓመት ሲጠናቀቅ ኢትዮጵያ የምታገኘውን ውጤት ሌሎች አፍሪካውያን ወንድሞች በአርዓያነት በመከተል አፍሪካ መጋቢ፣ አፍሪካ ሰጪ፣ አፍሪካ ፈር ቀዳጅ አህጉር መሆኗን በማሳየት አፍሪካዊ ባህል ይሆናል ብለዋል፡፡

ጠቅላይ ሚኒስትሩ አክለውም "እንጀምራለን እንጨርሳለን፤ እንጀምራለን እናስተምራለን፤ እንጀምራለን እናንሰራራለን፤ ይህ ኢትዮጵያዊነት ነው" ብለዋል፡፡

ላለፉት ጥቂት አስርት ዓመታት የሚመግበንን፣ የእናት ምትክ የሆነንን ተፈጥሮን አክብረን፣ አብረን መኖር ባለመቻላችን ኢትዮጵያ ከሌሎች ጠባቂ ሆና ቆይታለች ብለዋል፡፡

በተያዘው እቅድ መሰረት የአረንጓዴ አሻራ መርሐ ግብርን ካሳካን በኋላ ኢትዮጵያ በምግብ ሙሉ በሙሉ ራሷን የቻለች ሀገር መሆኗን ለዓለም እናበስራለን ሲሉ ገልጸዋል በማለት የዘገበው ኢቢሲ ነው፡፡

በማስጀመሪያ መርሐ ግብሩ ከፍተኛ የመንግስት የስራ ኃላፊዎች ተገኝተዋል፡፡

Harar Daily

03/12/2025

29/11/2025

28/11/2025

28/11/2025

28/11/2025

28/11/2025

10/10/2025

28/06/2025

28/06/2025

28/06/2025

Address

Website

Alerts

Shortcuts

Share

Category

Listing takedown request