WMCC

WMCC AddisWalta - AW
አዲስ ዋልታ
Walta Media and Communication Corporate Who We Are
Walta Media and Communication Corporate S.C.

(WMCC) is a broadcast media company based in Addis Ababa, the political capital of Africa. The company which owns TV and Radio Stations aspires to become a pan African media company currently disseminating information in local and international languages. Walta has built its reputation through covering all aspect of Ethiopia and beyond in its professional news, documentary and programs reporting.

Hard work, commitment to change, sincerity, customer respect, and respect to diversity are the hallmark of our institution. Since the founding of our corporation in 1986, we have been striving to be equipped with state-of-the-art media technology that tailored to the needs of 21 century media landscape. Major Functions
Apart from producing and disseminating professionally crafted news, documentary and programs through our broadcast stations and digital media platforms, our corporation is engaged in top notched research, public relations and event organizing, media training, digital signage, and outdoor advertising. For any inquiry you might have, please do not hesitate to reach out to us through the following contact address. If you wish to visit our head office physically, we are located on Sierra Leone Street/ Debrezeit Road, Behind Commercial Bank of Ethiopia Temenja Yaji Branch. Contacts
Head Office: +251114670303
Fax: +251114670302
Email: [email protected]
Customer Service
Cell: +251944959595
Office: +251114705971
Email: [email protected]
Fax: +251114670302
Documentary
Office: +251114704229
Program
Office: +251114704952
Human Resource
Office: +251114670453
Fax: +251114670302
TV News

Office: +251114707335
Email: [email protected]
Walta FM
Office: +251111552200
Email: [email protected]
Web and Social Media
Office: +251114704139
Walta SMS: 8970
Website: www.waltainfo.com
Facebook Amharic: https://bit.ly/3Ma7QTW
Facebook English: https://www.facebook.com/WMCC-English-108890734710426/
Facebook Arabic: https://bit.ly/3vmjIZR
Twitter Amharic: https://twitter.com/walta_info
Twitter Arabic: https://twitter.com/walta_arabic
YouTube: https://www.youtube.com/c/WaltaTV/featured
Telegram: https://t.me/WALTATVEth

10/08/2026

#ፋና #ኢትዮጵያ ሚኒ...

የሀገር ውስጥ ምርትን በራስ አቅም ማሳደግ የኢኮኖሚ ነጻነታችን እና የሉዓላዊነታችን መሰረት ነው - ጠቅላይ ሚኒስትር ዐቢይ አሕመድ (ዶ/ር)
10/08/2026

የሀገር ውስጥ ምርትን በራስ አቅም ማሳደግ የኢኮኖሚ ነጻነታችን እና የሉዓላዊነታችን መሰረት ነው - ጠቅላይ ሚኒስትር ዐቢይ አሕመድ (ዶ/ር)

ሀገራዊ ራዕይን የሚያሰናክለው ሌብነትአዲስ አበባ፣ ነሐሴ 4፣ 2018 (ኤፍ ኤም ሲ) በሀገራዊ እድገት ጉዞ ውስጥ ሙስናና ሌብነት የተደመሩ አቅሞችን የሚያባክኑ፣ ክፍተቶችን የሚያሰፉና ሀገራዊ...
10/08/2026

ሀገራዊ ራዕይን የሚያሰናክለው ሌብነት

አዲስ አበባ፣ ነሐሴ 4፣ 2018 (ኤፍ ኤም ሲ) በሀገራዊ እድገት ጉዞ ውስጥ ሙስናና ሌብነት የተደመሩ አቅሞችን የሚያባክኑ፣ ክፍተቶችን የሚያሰፉና ሀገራዊ ራዕይን የሚያሰናክሉ አጥፊ ተግባሮች ናቸው፡፡

መልካም አስተዳደር በሕዝብና በመንግሥት መካከል በሚሰፍን እምነት የሚወሰን ሲሆን÷ ሙስናና ሌብነት ግን ይህንን የሕዝብ እምነት ያጠፋል።

ዜጎች በአገልግሎት ሰጪዎች ዘንድ ብልሹ አሰራሮች ተንሰራፍተዋል ብለው ሲያስቡ፣ በመንግሥት ተቋማትና በሕግ የበላይነት ላይ ያላቸው እምነት ይሸረሽራል።

በብልሹ አሰራሮች ሳቢያ የሀገር ሃብት ሳይደክሙና ሳይለፉ በጥቂት ሕገ ወጥ ግለሰቦችና ስልጣንን ለግል ጥቅም በሚያውሉ አካላት እጅ እንዲከማች ይሆናል።

ይህም የዜጎችን ኑሮ በከፍተኛ ደረጃ ይጎዳል፤ ማሕበራዊ ፍትሕን ያዛባል፤ በዜጎች መካከል የቁጣና የቅሬታ ስሜት ይፈጥራል።

የመደመር መንግሥት ሙስናን በዘመቻ ወይም በጊዜያዊ የእሳት ማጥፋት ሥራ ብቻ መከላከል እንደማይቻል በመገንዘብ፣ ችግሩን ከስሩ ነቅሎ መጣል የሚያስችሉ በርካታ መዋቅራዊ፣ ሕጋዊና ቴክኖሎጂያዊ ርምጃዎችን በመውሰድ ላይ ይገኛል፡፡

በማስረጃና በጥናት ላይ ተመስርቶ ከፍተኛ የስልጣን ደረጃ ላይ ያሉ የመንግሥት ኃላፊዎችን ጨምሮ ባለሃብቶችንና ደላሎችን ለህግ የማቅረብ ሥራዎችን አከናውኗል፤ እያከናወነም ይገኛል።

የተገልጋዮችንና የአገልግሎት ሰጪዎች ቀጥተኛ ንክኪ ለሙስና ዋናው በር በመሆኑ፣ መንግሥት የዲጂታል ኢትዮጵያ 2025 እና 2030 ስትራቴጂን በመተግበር በርካታ አገልግሎቶች ወደ ዲጂታል ስርዓት እንዲቀየሩ አድርጓል፡፡

ለአብነት ያክል እንደ የንግድ ፈቃድ ማውጣትና ማደስ፣ የግብር፣ የወደብና የጉምሩክ አሰራሮች፣ የፓስፖርት አገልግሎቶችና የቪዛ አሰጣጥ ክፍያዎችን በዲጂታል ሥርአት እንዲከናወኑ በማድረግ ግልጽነትን ከመጨመሩም በላይ ለብልሹ አሰራር የመጋለጥ እድልን አጥቧል።

የባንክ አሰራርን ዘመናዊ በማድረግ፣ የቴሌብር፣ የሲቢኢ ብርና የሌሎች ዲጂታል ክፍያ አማራጮችን በማስፋፋት የጥቁር ገበያ፣ የህገ ወጥ ገንዘብ ዝውውርና የጉቦ ክፍያዎችን ለመከታተልና ለመቆጣጠር ትልቅ አቅም በመፍጠር ላይ ይገኛል።

የመሬት ይዞታዎችን በዲጂታል የካዳስተር ሥርዓት በመመዝገብ፣ በመሬት አስተዳደር ሥራዎች በሰፊው ይስተዋሉ የነበሩ ሕገ ወጥ አሰራሮችንና ደላላ ተኮር ሌብነቶችን ለመቀነስ ያስቻለ ርምጃ ተወስዷል።

በትምህርት ስርዓቱ፣ በተቋማትና በሕዝባዊ ሁነቶች የታማኝነት፣ የሀገር ፍቅር፣ የሰራተኝነትና የዜግነት ሀላፊነት እሴቶች እንዲጎለብቱ የማስተማር ሥራዎች በማካሄድ ሙስናንና በሕገ ወጥ መንገድ ሀብታም መሆንን የሚያወግዝ፣ በጥረቱና በስራው የሚበለፅግን ዜጋ የሚያከብር ማህበራዊ እሴት የመገንባት ሥራ ላይ ትኩረት ተሰጥቷል።

ሙስና ለረጅም ዘመናት ስር ሰዶ በመቆየቱ፣ በአጭር ጊዜ ውስጥ ከሕብረተሰቡና ከተቋማት አስተሳሰብ ሙሉ በሙሉ ማጽዳት ፈታኝ ቢሆንም የመደመር መንግሥት በአጭር ጊዜ ውስጥ ሰፋፊ ጥረቶችን በማድረግ ተጨባጭ ለውጥ ማምጣት ችሏል።

ሙስናና ሌብነትን ማስወገድ የመንግሥት ብቸኛ የቤት ሥራ አይደለም፤ ይልቁንም የመላው ሕዝብ፣ የኃይማኖት አባቶች፣ የሀገር ሽማግሌዎች፣ የፖለቲካ ፓርቲዎችና የትምህርት ተቋማት የጋራ ሃላፊነት ነው።

እያንዳንዱ ዜጋ የሀገሩ ሀብትና የሕግ የበላይነት ዘበኛ በመሆን፣ ሌብነትን በመጸየፍና በመታገል ለነገዋ ብልጽግናዋ የተረጋገጠች ኢትዮጵያ ግንባታ የበኩሉን አስተዋጽኦ ማበርከት ይኖርበታል።

በመልካም ፈቃዱ

በክልሉ ከበልግ ሰብል ልማት ከ3 ነጥብ 1 ሚሊየን ኩንታል በላይ ምርት ተሰበሰበአዲስ አበባ፣ ነሐሴ 4፣ 2018 (ኤፍ ኤም ሲ) በአማራ ክልል ከዘንድሮ ዓመት የበልግ ሰብል ልማት ከ3 ነጥብ ...
10/08/2026

በክልሉ ከበልግ ሰብል ልማት ከ3 ነጥብ 1 ሚሊየን ኩንታል በላይ ምርት ተሰበሰበ

አዲስ አበባ፣ ነሐሴ 4፣ 2018 (ኤፍ ኤም ሲ) በአማራ ክልል ከዘንድሮ ዓመት የበልግ ሰብል ልማት ከ3 ነጥብ 1 ሚሊየን ኩንታል በላይ ምርት ተሰብስቧል አለ የክልሉ ግብርና ቢሮ፡፡

የቢሮው የሰብል ልማት ባለሙያ ወ/ሮ እንዬ አሰፋ በክልሉ በመኸር፣ በመስኖና በበልግ ልማት የአርሶ አደሩን የምግብ ዋስትና ከማረጋገጥ ባለፈ ለገበያ የሚተርፍ ምርት ለማምረት እየተቻለ ነው ብለዋል።

በበጋው ወቅትም የበልግ አብቃይ በሆኑ ዞኖች 247 ሺህ 367 ሄክታር መሬት በማልማት ከ3 ነጥብ 1 ሚሊየን ኩንታል በላይ ምርት መሰብሰብ መቻሉን ገልጸዋል።

የተገኘው ምርትም የገብስ፣ ስንዴ፣ አኩሪ አተር፣ ቦሎቄ፣ ጤፍ፣ ማሾና ሌሎች ሰብሎች መሆኑን ጠቁመው፤ ከባለፈው ዓመት ተመሳሳይ ወቅት ጋር ሲነጻጸር የሁለት ሚሊየን ኩንታል ብልጫ እንዳለው አመልክተዋል፡፡

አርሶ አደሩ የምግብ ዋስትናውን እያረጋገጠ እንዲመጣ ከማድረግ ባለፈ፤ ለኢንዱስትሪ ግብአትና ለወጪ ንግድ የሚሆን ምርት በማምረት ተጠቃሚ እንዲሆን እያስቻለ ነው ማለታቸውን ኢዜአ ዘግቧል፡፡

"ውድ የኢትዮጵያ ወጣቶች፤ይህ ክረምት በከንቱ እንዲያልፍ ሊፈቀድለት የማይገባ ትልቅ ዕድል ይዞ መጥቷል። የ5 ሚሊየን ኮደርስ ኮርሶች በነጻ የሚገኙ ሲሆን ፥ የሚሰጠው የምስክር ወረቀትም ዓለም...
10/08/2026

"ውድ የኢትዮጵያ ወጣቶች፤

ይህ ክረምት በከንቱ እንዲያልፍ ሊፈቀድለት የማይገባ ትልቅ ዕድል ይዞ መጥቷል። የ5 ሚሊየን ኮደርስ ኮርሶች በነጻ የሚገኙ ሲሆን ፥ የሚሰጠው የምስክር ወረቀትም ዓለም አቀፍ ዕውቅና ያለው ነው።

5 ሚሊየን ኢትዮጵያውያን ቀድመው ወስነዋል፣ አሁን ደግሞ ተራው የእናንተ ነው"

ጠቅላይ ሚኒስትር ዐቢይ አሕመድ (ዶ/ር)

የሀገራዊ ምክክር ኮሚሽን ዋና ኮሚሽነር መስፍን አርአያ (ፕ/ር) የምክክር ጉባዔውን አሁናዊ ሒደት አስመልክተው በሰጡት መግለጫ ያነሷቸው ዋና ዋና ነጥቦች፡-👉 በምክክር ሂደቱ መጀመሪያ ላይ ሀ...
10/08/2026

የሀገራዊ ምክክር ኮሚሽን ዋና ኮሚሽነር መስፍን አርአያ (ፕ/ር) የምክክር ጉባዔውን አሁናዊ ሒደት አስመልክተው በሰጡት መግለጫ ያነሷቸው ዋና ዋና ነጥቦች፡-

👉 በምክክር ሂደቱ መጀመሪያ ላይ ሀሳቦች በሚበታተኑበት ምዕራፍ ጭቅጭቆች እና አለመግባባቶች መፈጠራቸው ተፈጥሮአዊ እና አግባብ ነው።

👉 ተመካካሪዎች ተጨቃጭቀው ወደ መሰባሰብ ምዕራፍ ሲደርሱ የግል ሀሳቦቻቸውን በመተው ሀገርን ያማከሉ የጋራ ሀሳቦችን እያደራጁ ይሄዳሉ።

👉 በጣም ያጨቃጭቃሉ ተብለው ይፈሩ የነበሩ አጀንዳዎችና ጥያቄዎች ተሳታፊዎች የጋራ እና አንድ የሚያደርጉን ናቸው በማለታቸው ወደ መሀል እየመጡ ይገኛሉ።

👉 በምክክሩ ከ60 በላይ የፖለቲካ ፓርቲዎች፣ የሃይማኖት ተቋማት እና በርካታ የማህበረሰብ ተወካዮች በመኖራቸው የየራሳቸው አጀንዳዎች ቀድመው እንዲቀርቡላቸው የሚፈልጉ አካላት አቤቱታዎችን ያቀርባሉ።

👉 ኮሚሽኑ ቅሬታዎችን የሚቀበሉ ከፍተኛ ባለሙያዎች ያሉት ሲሆን፤ ጉዳዮቹን አቀናጅተው ለሊድ ኮሚሽነሮች እና አስፈላጊ ሆኖ ሲገኝ ለኮሚሽኑ ምክር ቤት በማቅረብ ውሳኔ እንዲያገኙ ያደርጋሉ።

👉 ኮሚሽኑ ከፖለቲካ ፓርቲዎች እና ከሃይማኖት መሪዎች ጋር በተናጠል ተገናኝቶ በመወያየቱ አብዛኞቹ ትልቅ ድጋፍ እየሰጡ ይገኛሉ።

👉 ምክክር አዲስ የውይይት ባህል በመሆኑ ከተለመደው የኃይል ወይም "ካልተሰማሁ ጥዬ እወጣለሁ" ከሚል ግትር አካሄድ ወጥቶ ሁለቱንም ወገኖች አሸናፊ ወደሚያደርግ ሀሳብ መምጣት ያስፈልጋል።

👉 የተማሩ አካላትም ሆኑ ከአርሶ አደር እና አርብቶ አደር ማህበረሰብ የመጡ ተወካዮች የእውቀት ባለቤቶች በመሆናቸው ሁሉም እኩል መደመጥ አለባቸው።

👉 እስካሁን ባለው ሂደት ከሀገር ውስጥም ሆነ ከውጭ የመጡ ተሳታፊዎች ሂደቱን በጥሩ ሁኔታ እየተከታተሉ ይገኛሉ።

👉 አንዳንዶቹ አጀንዳዎች ጊዜ የሚፈጁና ወደ ቀጣይ ትውልድም ሊሸጋገሩ የሚችሉ ጥያቄዎች ሊሆኑ ይችላሉ፤ ምክክር ይጀምራል እንጂ በማግስቱ የሚያልቅ አይደለም።

👉 በአሁኑ ወቅት 4 ሺህ ተመካካሪዎች በስምንት ቦታዎች አምስት አምስት መቶ ሆነው እየተመካከሩ ይገኛሉ።

👉 አልፎ አልፎ በሚሰሙ ድምጾች ወይም ሰጣ ገባዎች ውጤቱ አያምርም ብሎ መገመት ተገቢ አይደለም።

👉 በሚቀጥሉት አንድ እና ሁለት ሳምንታት ውስጥ ከ4 ሺህ ተሳታፊዎች ጋር የሚደረጉ ስራዎችን የማጠናቀቅ ተስፋ አለ።

👉 ከዚህ በኋላ የመጡትን ሀሳቦች አጠናቅሮ ለሚተገብረው አካል መላክ እና ትግበራውን እየተከታተሉ ለህዝብ ማሳወቅ የኮሚሽኑ ቀጣይ ትልቅ ስራ ይሆናል።

በዮናስ ጌትነት

ወደ ምክክር ጉባዔ ስንመጣ አቋማችንና አስተሳሰባችንን ከሌሎች የሀገራችን ወንድም እህቶች ጋር ወደ መሐል በማምጣት ሁላችንም አሸናፊ ሆነን ለመውጣት ነው - የሀገራዊ ምክክር ኮሚሽን ዋና ኮሚሽ...
10/08/2026

ወደ ምክክር ጉባዔ ስንመጣ አቋማችንና አስተሳሰባችንን ከሌሎች የሀገራችን ወንድም እህቶች ጋር ወደ መሐል በማምጣት ሁላችንም አሸናፊ ሆነን ለመውጣት ነው - የሀገራዊ ምክክር ኮሚሽን ዋና ኮሚሽነር መስፍን አርዓያ (ፕ/ር)

የኢትዮጵያ የደህንነት ጋሻአዲስ አበባ፣ ነሐሴ 4፣ 2018 (ኤፍ ኤም ሲ) ለአንድ ሀገር የሕዝቦች ሰላምና ደህንነት፤ ሕልውና እና ሉዓላዊነት መሰረቱ አስተማማኝ እና ዘመናዊ የመከላከያ ተቋም ...
10/08/2026

የኢትዮጵያ የደህንነት ጋሻ

አዲስ አበባ፣ ነሐሴ 4፣ 2018 (ኤፍ ኤም ሲ) ለአንድ ሀገር የሕዝቦች ሰላምና ደህንነት፤ ሕልውና እና ሉዓላዊነት መሰረቱ አስተማማኝ እና ዘመናዊ የመከላከያ ተቋም መኖር ነው።

የኢትዮጵያ መከላከያ ሠራዊት በታሪኩ የሀገርን ዳር ድንበር ከማስከበር ባለፈ የሕዝብ አለኝታነቱን በተግባር ያረጋገጠ የሕዝብ ሠራዊት ነው።

በመደመር መንግሥት እሳቤ አቅጣጫ ጠቋሚነት ሠራዊቱ አጠቃላይ አደረጃጀቱን፣ ዝግጁነቱን እና የውጊያ አቅሙን በማዘመን የሀገሪቱን ሰላምና ደህንነት በአስተማማኝ ሁኔታ የሚጠብቅ ጠንካራ የደህንነት ጋሻ ሆኖ ወጥቷል።

ሠራዊቱ ከማንኛውም የፖለቲካ ወገንተኝነት ነፃ ሆኖ ሀገርን እና ሕዝብን ብቻ የሚያገለግል ፕሮፌሽናል ተቋም እንዲሆን እንዲሁም ሙያዊ ብቃቱን ማሳደግ ተችሏል።

የሀገርን የደህንነት ስጋቶች አስቀድሞ ለመከላከል ጊዜውን የዋጁ ዘመናዊ የጦር ቴክኖሎጂ ውጤቶችን የመታጠቅ ስራ ተከናውኗል።

የአየር ኃይሉን በዘመናዊ የውጊያ አውሮፕላኖች፣ ሰው አልባ አውሮፕላኖች ወይም ድሮኖች እና የራዳር ቴክኖሎጂዎች ከማደራጀት ባለፈ የኢትዮጵያ ባሕር ኃይል እንደገና እንዲቋቋም እና እንዲደራጅ ተደርጓል።

የመከላከያ ኢንጅነሪንግ እና የኢንዱስትሪ ኮርፖሬሽንን በማጠናከር ሠራዊቱ የሚያስፈልጉትን ዘመናዊ የጦር መሳሪያዎች፣ የመጓጓዣ እና የቴክኖሎጂ ግብዓቶች በሀገር ውስጥ የማምረት እና የማደስ አቅሙ ጎልብቷል፡፡

በዘመናዊው ዓለም የሚሰነዘሩ የሳይበር እና የቴክኖሎጂ ስጋቶችን ለመመከት የሚያስችል አቅም በመከላከያ ተቋማት ውስጥ በመገንባት የመከላከል አቅሙ የጸና ነው፡፡

ሀገር ከመጠበቅ ባሻገር በሀገራዊ የልማት እንዲሁም በተፈጥሮ እና ሰው ሰራሽ አደጋዎች ወቅት ለሕዝብ ፈጣን እርዳታ በመስጠት ሕዝባዊነት መሰረት መሆኑን እያስመሰከረ ቀጥሏል።

የኢትዮጵያ መከላከያ ሠራዊት የሀገሪቱን የውስጥ እና የውጭ ጠላቶች በመመከት የሉዓላዊነት ዋስትና መሆኑን በተደጋጋሚ አሳይቷል።

በተለይም ሀገርን ለማፍረስ እና ለማዳከም የተቃጡ የተለያዩ የውስጥ እና የውጭ የደህንነት ስጋቶችን በመመከት፣ የሕዝቦችን አብሮነት እና የሀገርን አንድነት አስከብሮ ለማስቀጠል የከፈለውን ዋጋ ሕዝቡ በከፍተኛ አክብሮት ይመለከተዋል።

በተጨማሪም በዓለም አቀፍ ደረጃ በጎረቤት ሀገራት እና በሌሎች የዓለም ክፍሎች በሚካሄዱ የሰላም ማስከበር ተልዕኮዎች ላይ በመሰማራት የኢትዮጵያን መልካም ስም ያገነነ እና የቀጣናውን ሰላም ያስከበረ የሰላም ዘብም ነው።

የኢትዮጵያ ሀገር መከላከያ ሠራዊት በመደመር እይታ በተካሄዱ አጠቃላይ ተቋማዊ እና የቴክኖሎጂ ሪፎርሞች ከቀደመው ጊዜ በላይ ጠንካራ፣ ዘመናዊ እና ዝግጁ የሆነ ተቋም ለመሆን በቅቷል።
ዘመኑን የዋጁ ጦር መሳሪያዎችን የታጠቀው ሠራዊቱ ሊቃጣ የሚችልን ትንኮሳ በሩቁ ከማስቀረት ባለፈ ውጊያን በትንሽ ኪሳራ በአጭር ጊዜ የማጠናቀቅ ቁመና ላይ ይገኛል፡፡

መከላከያ ሠራዊት የሀገርን ሉዓላዊነት፣ የሕዝቦችን ሰላም እና ሕልውና የሚያስክብር አስተማማኝ የኢትዮጵያ ደህንነት ጋሻ ሆኖ ቀጥሏል።

በመልካም ፈቃዱ

የሀገራዊ ምክክር ኮሚሽን ዋና ኮሚሽነር መስፍን አርአያ (ፕ/ር) የምክክር ጉባዔውን አሁናዊ ሒደት አስመልክተው በሰጡት መግለጫ ያነሷቸው ዋና ዋና ነጥቦች፡-👉 በሀገራዊ ምክክር ሒደቱ ከስልታዊ...
10/08/2026

የሀገራዊ ምክክር ኮሚሽን ዋና ኮሚሽነር መስፍን አርአያ (ፕ/ር) የምክክር ጉባዔውን አሁናዊ ሒደት አስመልክተው በሰጡት መግለጫ ያነሷቸው ዋና ዋና ነጥቦች፡-

👉 በሀገራዊ ምክክር ሒደቱ ከስልታዊ ቡድኖች የቀረቡ የአጀንዳ ምክረ ሀሳቦች ተቀናጅተው 500 አባላት ላሏቸው 8 የስራ ቡድኖች መቅረብ ጀምረዋል።

👉 የ250 አባላት ያሏቸው ሁለት ስልታዊ ቡድኖች በአንድ አጀንዳ ላይ የተነጋገሩበትን ሀሳቦች በማጠናቀር እና በመሰነድ ለ500 አባላት ላሏቸው ቡድኖች እያቀረቡ ይገኛሉ።

👉 500 አባላት ያሏቸው ቡድኖች የቀረቡላቸውን ሀሳቦች በማዳመጥ መካተት ያለበትን እና ሊካተት የሚገባውን ሃሳብ በጥልቅ ውይይት እያዳበሩ ነው።

👉 የሥራ ሒደቱን ጨርሰው ለ500 ቡድናቸው ያቀረቡ እንዳሉ ሁሉ፣ ያላጠናቀቁት ደግሞ ስራቸውን አጠናቅቀው ሲጨርሱ ለቀጣዩ ቡድን ያስረክባሉ።

👉 የምክክር ሒደቱ የመጀመሪያ ምዕራፎች በባህሪያቸው ብዙ አለመግባባቶች፣ የስሜት ጫናዎች እና ክርክሮች የሚታዩባቸው ሊሆኑ ይችላሉ፡፡

👉 አለመግባባቶች የሚፈጠሩት የራስን ምክረ ሀሳብ ወደፊት ለማስቀደም ካለው ፍላጎት እና ለዘመናት ሲጠየቁ የነበሩ የአካባቢ ጥያቄዎችን ለማንጸባረቅ ካለ እምነት የተነሳ ነው።

👉 የሰዎችን ሀሳብ መደፍጠጥ፣ ማሸማቀቅ እና ማሳፈር በስብሰባው የሥነ ምግባር ደንብ ጭራሽ የማይፈቀድ እና ተቀባይነት የሌለው ተግባር ነው።

👉 ወሳኝ መርሆች በሆኑት መከባበር፣ መደማመጥ እና ወደ መሀል መምጣት በነጻነት ተነጋግሮ እና ተደማምጦ ወደጋራ ሀሳብ መድረስ ይገባል።

👉 ሀገርን ማዕከል በማድረግ ከየአካባቢው ይዞ የተመጣውን ጥያቄ ብቻ ለመመለስ ሳይሆን ሀገራችን ኢትዮጵያን ማዕከል አድርጎ መንቀሳቀስ ተገቢ ነው፡፡

👉 በምክክር ሒደቱ እስካሁን ድረስ በአንድም አጀንዳ ላይ የተሰጠ ምንም አይነት ውሳኔ የለም፤ ወደፊትም ቢሆን ውሳኔ አይሰጥም።

👉 የጉባዔው ዋና ተግባር ምክረ ሀሳብ ማዘጋጀት ሲሆን፣ ከጉባዔው መጠናቀቅ በኋላ የተዘጋጁት ምክረ ሀሳቦች ለሕግ አውጪው፣ ለህግ አስፈጻሚው፣ ለሕግ ተርጓሚው እና ለሚመለከታቸው አካላት ይተላለፋሉ።

በዮናሰ ጌትነት

ተመካካሪዎች የሚያነሷቸው ሃሳቦች ኢትዮጵያን ማዕከል ያደረጉ ሊሆኑ ይገባል - መስፍን አርዓያ (ፕ/ር)አዲስ አበባ፣ ነሐሴ 4፣ 2018 (ኤፍ ኤም ሲ) ‎የምክክሩ አንደኛው መርሕ መከባበር እና...
10/08/2026

ተመካካሪዎች የሚያነሷቸው ሃሳቦች ኢትዮጵያን ማዕከል ያደረጉ ሊሆኑ ይገባል - መስፍን አርዓያ (ፕ/ር)

አዲስ አበባ፣ ነሐሴ 4፣ 2018 (ኤፍ ኤም ሲ) ‎የምክክሩ አንደኛው መርሕ መከባበር እና በነጻነት ሃሳብን ማንሸራሸር ነው አሉ የሀገራዊ ምክክር ዋና ኮሚሽነር መስፍን አርዓያ (ፕ/ር)፡፡

መስፍን አርዓያ (ፕ/ር) የሀገራዊ ምክክር ጉባዔውን አሁናዊ ሒደት አስመልክተው ለመገናኛ ብዙሃን መግለጫ ሰጥተዋል፡፡

በመግለጫቸውም በምክክር ጉባዔ ሒደቱ ላይ የተለያዩ ሐሳቦች ቀርበው በተቀመጠው መርሕ መሰረት አስፈላጊው ምክክር እየተደረገባቸው እንደሚገኙ አስገንዝበዋል፡፡

በምክክሩ ላይ ሰዎች በሚያነሷቸው ሃሳቦች ላይ ተመርኩዞ የሚፈጠር አለመከባበር እንዳይኖር በትኩረት እየተሰራ መሆኑን ነው የገለጹት፡፡

የምክክሩ የመጀመሪያው መርሕ መከባበር መሆኑን አውስተው÷ ተመካካሪዎችና አመካካሪዎች በምክክር ሒደቱ ላይ መከባበር እንዳለባቸው አጽንኦት ሰጥተዋል፡፡

በተጨማሪም መነጋገር፣ መደማመጥ እና ወደ መሐል መምጣት እንዲሁም በየአካባቢያችን ይዘናቸው የመጣናቸውን ሃሳቦች ሀገራችን ኢትዮጵያን ማዕከል ያደረጉ መሆን አለባቸው ብለዋል፡፡

እስካሁን ምንም አይነት ውሳኔ የተሰጠባቸው አጀንዳዎች የሉም ፤ ወደ ፊትም አይኖሩም ሲሉ አስገንዝበዋል፡፡

ሊኖር የሚችለው ምክረ ሀሳብ ማቅረብ ነው፤ እሱንም ከጉባዔው መጠናቀቅ በኋላ ለሕግ አውጭው፣ ለሕግ አስፈጻሚው እና ለሕግ ተርጓሚው አካል ጨምሮ ለሚመለከታቸው አካላት እናቀርባለን ነው ያሉት ዋና ኮሚሽነር፡፡

በምክክር ጉባዔው ሒደት ላይ የተለያዩ የማይስማሙ ሀሳቦች መነሳታቸው አግባብና ተፈጥሯዊ መሆኑን ጠቅሰው ÷ይህም በቀጣይ ሀሳብን ወደ መሐል ለማምጣት ሒደት ወሳኝ መሰረት እንደሚጥል አስረድተዋል፡፡

በእመቤት ሲሳይ

Address

Addis Ababa

Telephone

+251114670303

Website

, ,

Alerts

Be the first to know and let us send you an email when WMCC posts news and promotions. Your email address will not be used for any other purpose, and you can unsubscribe at any time.

Contact The Business

Send a message to WMCC:

Shortcuts

Share

Category