አጋልጥ - Expose

አጋልጥ - Expose Contact information, map and directions, contact form, opening hours, services, ratings, photos, videos and announcements from አጋልጥ - Expose, Social Media Agency, Addis Abeba, Addis Ababa.

አጋልጥ - Expose is the first fact-checking page in Ethiopia. አጋልጥ - Expose works it's part to ensure the dissemination of factual information and to limit the influnce of fake news and scammers. አጋልጥ በኢትዮጲያ የመጀመሪያው የእውነታ ማጣሪያ የፌስቡክ ገጽ ነው። ሁሉም ኢትዮጲያዊ እውነተኛ መረጃ የማግኘት መብቱ እንዲረጋገጥ የበኩላቸውን ጥረት በሚያደርጉ በጎ ፈቃደኞች የተመሰረተ ገጽ ነው። ዋና ዓላማው ኢትዮጲያ ላይ አተኩረው የሚሰሩ ዲጂታል ሜዲያወችን በተለይም በማህበራዊ ሜዲያ የሚወጡ ኢትዮጲያን የሚመለከቱ መረጃወችን በመከታተል ሀሰትን ለይቶ የማጋለጥ፣ እውነትን የማጣራትና ለተደራሾቹ የማንቂያ መረጃ መስጠት ነው። በተጨማሪም ስለ ሀሰተኛ መረጃ ስርጭት መንገዶች፣ አሉታዊ ተጽእኖው እና ጉዳቶች የግንዛቤ ማስጨበጫ አገልግሎትም ይሰጣል።

በማህበራዊ ሚዲያዎች ላይ የ12ኛ ክፍል ሀገር አቀፍ ፈተና ውጤት ይፋ እንደተደረገና ትምህርት ሚኒስቴር " 93 በመቶ ተማሪዎች የማለፊ ነጥብ አስመዝግበው እንዳለፉ " ገለጸ እየተባለ የሚሰራ...
21/08/2026



በማህበራዊ ሚዲያዎች ላይ የ12ኛ ክፍል ሀገር አቀፍ ፈተና ውጤት ይፋ እንደተደረገና ትምህርት ሚኒስቴር " 93 በመቶ ተማሪዎች የማለፊ ነጥብ አስመዝግበው እንዳለፉ " ገለጸ እየተባለ የሚሰራጨው መረጃ ሀሰተኛ እና በAI የተሰራ ነው።

እስከሁን ስለፈተናው ውጤትና ይፋ ስለሚደረግበት ቀን በትምህርት ሚኒስቴር የተገለጸ ነገር የለም።

ከ12ኛ ክፍል ፈተና ቀደሞ የተሰጠው የሬሜዲያል ፈተና ውጤትም ይፋ አልሆነም መቼ እንደሚደረገም አልተገለጸም።

በስለት ዝርፊያ ሲፈጽሙ የነበሩትና የሌባ ተቀባይ በቁጥጥር ስር ዋሉ‼ ፖሊስ በቤተል እና አንፎ ሮም ሰፈር አካባቢ ህብረተሰቡን በስለት በማስፈራራት ሞባይል ስልክ ሲቀሙ የነበሩ ሶስት ተጠርጣሪ...
22/07/2026

በስለት ዝርፊያ ሲፈጽሙ የነበሩትና የሌባ ተቀባይ በቁጥጥር ስር ዋሉ‼ ፖሊስ

በቤተል እና አንፎ ሮም ሰፈር አካባቢ ህብረተሰቡን በስለት በማስፈራራት ሞባይል ስልክ ሲቀሙ የነበሩ ሶስት ተጠርጣሪዎችና እና የተሰረቁ ንብረቶችን ሲቀበል የነበረ ግለሰብ በቁጥጥር ስር መዋላቸውን የቤተል አካባቢ ፖሊስ መምሪያ አስታወቀ።

​ፖሊስ ወንጀለኞቹን እጅ ከፍንጅ የያዘ ሲሆን፣ በተደረገ ብርበራ ከተቀሙ ስልኮች በተጨማሪ ማስረጃ ያልቀረበባቸው 3 ላፕቶፖች፣ 2 ታብሌቶች እና 6 ስማርት ስልኮች በሌባ ተቀባዩ ሱቅ ውስጥ ተገኝተዋል።

​📌 መልእክት፦ ንብረት የተሰረቀባችሁ ተጎጂዎች አስፈላጊውን ማስረጃ በመያዝ በቤተል አካባቢ ፖሊስ መምሪያ ቀርባችሁ መረከብ የምትችሉ ሲሆን፣ ህብረተሰቡም መሰል ህገ-ወጦችን በመጠቆም ትብብሩን እንዲቀጥል ፖሊስ ጥሪ አቅርቧል።

ከ33 ሚሊየን ብር በላይ ዋጋ ግምት ያለው የሞተር ዘይት የሰረቁ ግለሰቦች ላይ ክስ ተመሰረተባቸው። ***ናሽናል ኦይል ኢትዮጵያ አክሲዮን ማህበር ወይም ኖክ የዋጋ ግምታቸው 3መቶ ሚሊዮን ብር...
15/06/2026

ከ33 ሚሊየን ብር በላይ ዋጋ ግምት ያለው የሞተር ዘይት የሰረቁ ግለሰቦች ላይ ክስ ተመሰረተባቸው።
***
ናሽናል ኦይል ኢትዮጵያ አክሲዮን ማህበር ወይም ኖክ የዋጋ ግምታቸው 3መቶ ሚሊዮን ብር የሚያወጡ 200 በርሜል የሞተር ዘይት ለዊ ቢዩልድ ኮይሻ ኤሌክትሪክ ኃይል ፕሮጀክት የትራንስፖርት አገልግሎት እንዲሰጡት ከአንድ ግለሰብ ጋር ከስምምነት ላይ ይደርሳል።

በስምምነቱ መሰረት አሽከርካሪው መንጃ ፍቃድ እና ሊብሬ አቅርቦ እንዲሁም የተሽከርካሪውን ሰሌዳ አስመዝግቦ የሞተር ዘይቱ ቢጫንም ጭነቱ ኮይሻ እንዳልደረሰ ኖክ ያረጋግጣል። ጉዳዩንም ለአቃቂ ቃሊቲ ክ/ከተማ ፖሊስ ዋና መምሪያ ሪፖርት ያደርጋል።

ግለሠቡ ያቀረበው ሊብሬ እና መንጃ ፈቃድ ሀሰተኛ እንደሆነ እንዲሁም ጠፍቷል ተብሎ የተመዘገበ የሌላ ተሽከርካሪ ሰሌዳን አሽከርካሪው መጠቀሙን ፖሊስ ባደረገው ምርመራ አረጋግጧል።

የአቃቂ ቃሊቲ ክፍለ ከተማ ፖሊስ ዋና መምሪያ ባደረገው ብርቱ ክትትል አሽከርካሪውን ከኖክ ጋር ያገናኘውን ግለሰብ እና ከወንጀል ድርጊቱ ጋር ተሳትፎ ያላቸውን አብዱልሠላም ወራኪ፣ አብዱራህማን ሀሰን፣ መሀመድ ቢላል፣ ደረጄ በቀለ፣ አብዱልሀፊዝ አብዱልሽኩር፣ ነጃ ካሚል የተባሉት ተጠርጣሪዎችን በቁጥጥር ስር በማዋል ንብረቱን ማስመለስ ችሏል። ኤግዚቢቶቹ በሸገር ከተማ አሸዋ ሜዳ እና በቢሾፍቱ ከተማ እንደተገኙ ዋና ፖሊስ መምሪያው ገልጿል።

ፖሊስ በወንጀሉ ጠርጥሮ በቁጥጥር ስር ካዋላቸው ተጠርጣሪዎች ውስጥ ነጃ ካሚል የተባለው ከዚህ ቀደም በግድያና በዘረፋ ወንጀሎች ተጠርጥሮ በአዲስ አበባ ፖሊስ ዋና ጠቅላይ መምሪያ በወንጀል ምርመራ ምክትል ዋና ጠቅላይ መምሪያ ሲፈለግ እንደነበር ታውቋል።

ግለሰቡ በፖሊስ ላለመያዝ ሲሞክር ያሽከረክር በነበረው የሰሌዳ ቁጥር ኮድ 3 17262 አማ መኪና ለማምለጥ ሲሞክር ጎማው በጥይት ተመቶ ተይዟል። ተጠርጣሪው በወቅቱ መረጃ ለማጥፋት ሲል በእጁ ይዞት የነበረውን ውድ ዋጋ ያለውን ሞባይል ስልክ መስበሩ አደገኛ ወንጀል ፈጻሚ መሆኑን እንደሚያሳይ ፖሊስ አረጋግጧል።

የአቃቂ ቃሊቲ ክ/ከተማ ፖሊስ ዋና መምሪያ ምርመራውን በማጠናቀቅ በአቃቤ ህግ በኩል በወንጀል ፈጻሚዎቹ ላይ ክስ እንዲመሰረት አድርጓል። ዋና ፖሊስ መምሪያው ንብረቱን በህግ አግባብ ለናሽናል ኦይል ኢትዮጵያ አክሲዮን ማህበር አስረክቧል።

በርክክቡ ወቅት የኖክ ስራ አስኪያጅ አቶ በኩሪያ ጌታቸው በሰጡት አስተያየት እንደገለፁት ድርጅታቸው የመጡለትን ሰነዶች በተገቢው ሁኔታ ትክክለኛ ሰነድ መሆናቸውን ማረጋገጥ ሲኖርባቸው ሳያረጋግጡ ንብረቱን ለአሽከርካሪው መስጠቱ ክፍተት መሆኑን በመግለፅ በቀጣይ ስህተቱ እንዳይደገም ጥንቃቄ እንደሚደረግ ተናግረዋል። ፖሊስ ሌት ተቀን ለፍቶ ንብረቱን በማስመለሱ አድናቆታቸውን እና የተሰማቸውን ደስታ ገልፀዋል።
*
ዘገባ፦ ም/ሳጅን ፍፁም በቀለ
AddisAbabaPoliceCommission

በቡድን በመደራጀት በመሰረተ ልማት ላይ ስርቆት የፈፀሙ ተጠርጣሪዎች በቁጥጥር ስር ዋሉአዲስ አበባ — በልደታ ክፍለ ከተማ ወረዳ 6 ልዩ ስሙ «ራሺያ ካምፕ» በተባለ አካባቢ፣ ጨለማን ተገን በ...
14/06/2026

በቡድን በመደራጀት በመሰረተ ልማት ላይ ስርቆት የፈፀሙ ተጠርጣሪዎች በቁጥጥር ስር ዋሉ

አዲስ አበባ — በልደታ ክፍለ ከተማ ወረዳ 6 ልዩ ስሙ «ራሺያ ካምፕ» በተባለ አካባቢ፣ ጨለማን ተገን በማድረግ ከመሬት በታች የተዘረጋ የቴሌኮም ኬብል ሲሰርቁ የነበሩ 5 ተጠርጣሪዎች እጅ ከፍንጅ መያዛቸውን የልደታ ክፍለ ከተማ ፖሊስ ዋና መምሪያ (የመከኒሳ አካባቢ ፖሊስ መምሪያ) አስታወቀ።

የከተማዋን የመሰረተ ልማት አውታሮች የጥቃት ኢላማ ያደረገው ይህ የወንጀል ድርጊት የተፈፀመው ከሌሊቱ 7:00 ሰዓት አካባቢ ሲሆን፣ ተጠርጣሪዎቹ የቴሌኮም አገልግሎት ሰጪ መስመሮችን በተለያዩ መቁረጫ መሣሪያዎች በመቆራረጥ ላይ እያሉ ነው በቁጥጥር ስር የዋሉት። የወንጀል ፈፃሚዎቹን ስምሪት ማክሸፍ የተቻለው በወቅቱ በስራ ላይ በነበሩ የፖሊስ አባላትና የአካባቢው የሕዝብ ጥበቃ ኃይሎች በጋራ ባደረጉት የተቀናጀ ክትትል መሆኑ ተገልጿል።

ተጠርጣሪዎቹ ከነኤግዚቢታቸው የተያዙ ሲሆን፣ በአሁኑ ወቅት በአካባቢው ፖሊስ መምሪያ ስር ጥልቅ ምርመራ እየተደረገባቸው ይገኛል። ፖሊስ በተጠርጣሪዎቹ ላይ የጀመረውን የምርመራ ወሰን በማስፋት፣ መዝገቡ እንደተጠናቀቀ በቀጣይ ቀናት ወደ ፍርድ ቤት በመውሰድ ክስ እንደሚያመሰርት አስታውቋል።

በመሰረተ ልማት አውታሮች ላይ የሚፈፀሙ ማናቸውም የሌብነትና የውድመት ተግባራት በሀገርና በሕዝብ ምጣኔ ሀብት ላይ ከፍተኛ ኪሳራ የሚያስከትሉ በመሆናቸው፣ ማኅበረሰቡ መሰል አጠራጣሪ እንቅስቃሴዎችን ሲመለከት በአቅራቢያው ለሚገኙ የጸጥታ አካላት ፈጣን ጥቆማ በመስጠት የተለመደ አጋርነቱን ሊያጠናክር እንደሚገባ የአዲስ አበባ ፖሊስ ዋና መምሪያ መልዕክቱን አስተላልፏል።

Via አዲስ አበባ ፖሊስ

አስችኳይ ነው #ሼር #ይደርግ እባክችሁ #በምስሉ ላይ የምትመለከቷት እህታችን በላይነሽ ግርማ ትባላለች። የትውልድ ስፍራዋና ቋሚ መኖሪያዋ በደብረ ሊባኖስ ገዳም አካባቢ ነው።በላይነሽ በገጠ...
13/06/2026

አስችኳይ ነው #ሼር #ይደርግ እባክችሁ

#በምስሉ ላይ የምትመለከቷት እህታችን በላይነሽ ግርማ ትባላለች። የትውልድ ስፍራዋና ቋሚ መኖሪያዋ በደብረ ሊባኖስ ገዳም አካባቢ ነው።

በላይነሽ በገጠማት ድንገተኛ የአእምሮ ጤና መታወክ ምክንያት ቤተሰቦቿ ለተሻለ ህክምና ወደ አዲስ አበባ ይዘዋት ይመጣሉ። በአማኑኤል የአእምሮ ህሙማን ሆስፒታል የህክምና ክትትል ስታደርግ ቢቆይም፣ በዚያን ወቅት በአዲስ አበባ አውቶብስ ተራ መናኸሪያ አካባቢ በድንገት ተለይታ ጠፋች።

ከዚያን ቀን ጀምሮ ቤተሰቡ ላለፈው አንድ ሙሉ ዓመት ሌት ከቀን ሲፈልጋት ቢቆይም እስካሁን ሊያገኛት አልቻለም። ቤተሰቡ በከፍተኛ ሃዘንና ጭንቀት ውስጥ ሆነው የሚከተለውን መልዕክት ያስተላልፋሉ፦

«በላይነሽን ለማግኘት ያልሄድንበት ቦታና ያልጠየቅነው አካል የለም። ፍለጋው አዝሎናል። ጭንቀቱም አድክሞናል። ከሁሉም በላይ ደግሞ ያለችበትን ሁኔታና የጤናዋን ጉዳይ አለማወቃችን የሁላችንንም ልብ ሰብሮታል። እህታችን በምን ሁኔታ ላይ እንዳለች ለማወቅም ሆነ ለማግኘት የእናንተ ትብብር በእጅጉ ያስፈልገናል።»

ደግነትና ርህራሄ ለሰው ልጅ ተፈጥሮው ነውና ይህችን እህታችንን ያለችበትን የምታውቁ ወይም ፍንጭ ያላችሁ ወገኖች በሙሉ፣ ከታች በተጠቀሱት ስልክ ቁጥሮች በመደወል የቤተሰቧን እንባ እንድታብሱልን በትህትና እንማጸናለን።

ለጥቆማ፦

📞 0921 23 05 64

📞 0982 62 17 36

📞 0912 13 73 77

ፈላጊ፦ እህቷ ሰርካለም ግርማ እና መላው ቤተሰቧ።

መልካምነት ለራስ ነው! ይህ መልዕክት ለብዙዎች እንዲደርስ ሼር በማድረግ የቁም ስቃይ ላይ ያለውን ቤተሰብ ይርዱ።

゚

እጅ ከፍንጅ ተያዙ‼​ በጉለሌ ክፍለ ከተማ ወረዳ 8 አስተዳደር ውስጥ የግንባታ ፈቃድ ለመስጠት 50 ሺህ ብር መደለያ (ጉቦ) ሲቀበሉ የነበሩ ሁለት ባለሙያዎች በፖሊስ እጅ ከፍንጅ በቁጥጥር ስ...
10/06/2026

እጅ ከፍንጅ ተያዙ‼

​ በጉለሌ ክፍለ ከተማ ወረዳ 8 አስተዳደር ውስጥ የግንባታ ፈቃድ ለመስጠት 50 ሺህ ብር መደለያ (ጉቦ) ሲቀበሉ የነበሩ ሁለት ባለሙያዎች በፖሊስ እጅ ከፍንጅ በቁጥጥር ስር መዋላቸውን የአዲስ አበባ ፖሊስ አስታውቋል።

​ተጠርጣሪዎቹ ዘነበ ንጉሴ እና አድምቀው ውቤ የተባሉ የክፍለ ከተማው የግንባታ እና ህንፃ መጠቀሚያ ፈቃድ ባለሙያዎች ሲሆኑ፣ አንድን የግል ተበዳይ "ጉቦ ካልከፈልክ አገልግሎት አታገኝም" በማለት ለአንድ ወር ሲያጉላሉ መቆየታቸው ተገልጿል። መጀመሪያ 100 ሺህ ብር የጠየቁ ቢሆንም፣ በድርድር 50 ሺህ ብር ለመቀበል ተስማምተዋል።

​የግል ተበዳዩ የደረሰባቸውን በደል ለክፍለ ከተማው ፖሊስ ጥቆማ ማድረሳቸውን ተከትሎ፣ በተደረገ ክትትል ተጠርጣሪው ዘነበ ንጉሴ ገንዘቡን ሲቀበል እጅ ከፍንጅ ተይዟል። ሁለተኛው ተጠርጣሪ አድምቀው ውቤም ተበዳዩን በማግባባት እና በማስገደድ ወንጀሉ ላይ በቀጥታ ተሳትፎ ማድረጉን ፖሊስ አስታውቋል።

​ህብረተሰቡ መብቱን በገንዘብ መግዛት እንደሌለበት ያሳሰበው የአዲስ አበባ ፖሊስ፣ መሰል የሙስና እና የወንጀል ድርጊቶች ሲያጋጥሙ በስልክ ላይ በሚጫነው "የዜጎች ተሳትፎ መተግበሪያ" (Citizen Engagement Application) አማካኝነት ጥቆማ በመስጠት እንዲተባበር ጥሪ አቅርቧል።
መረጃው የአዲስ አበባ ፖሊስ ነው።

#ልዩ የምርመራ ዘገባ የነዳጅ ማደያዎች “ቅሸባ” ወይንስ የተደራጀ ተቋማዊ ዝርፊያ?​ቀደም ሲል በአዲስ አበባ ከተማ ብቻ ጎልቶ ይሰማ የነበረው የነዳጅ ማደያዎች የመለኪያ ማጭበርበር (ቅሸባ)...
09/06/2026

#ልዩ የምርመራ ዘገባ የነዳጅ ማደያዎች “ቅሸባ” ወይንስ የተደራጀ ተቋማዊ ዝርፊያ?

​ቀደም ሲል በአዲስ አበባ ከተማ ብቻ ጎልቶ ይሰማ የነበረው የነዳጅ ማደያዎች የመለኪያ ማጭበርበር (ቅሸባ) ወንጀል፣ በአሁኑ ወቅት መላ ኢትዮጵያን ያዳረሰ ህጋዊ መልክ ያለው ተቋማዊ ዝርፊያ መሆኑ ተጋለጠ።

​አሽከርካሪዎች ኪሳቸው እየተመዘበረ ለሚመለከታቸው የመንግስት አካላት ተደጋጋሚ አቤቱታ ቢያቀርቡም፣ ሚዲያዎችም ችግሩን በተደጋጋሚ ቢዘግቡም፣ ይህ ህገወጥ አሰራር ከመገታት ይልቅ በእጥፍ ተባብሶ ቀጥሏል። ለመሆኑ የዚህ ስር የሰደደ ስርቆት ምስጢር ምንድነው?
​
የማይጣጣመው ስሌት የትርፍ ህዳግ Vs የቦታ ኪራይ
​የጉዳዩ የውስጥ አዋቂዎች እንደሚሞግቱት፣ የዚህ የተደራጀ ስርቆት ዋነኛ መነሻ በመንግስት የተቆረጠው ዝቅተኛ የነዳጅ የትርፍ ህዳግ እና ማደያዎቹ የሚከፍሉት እጅግ ከፍተኛ የቤት/የቦታ ኪራይ አለመጣጣም ነው።

​የማደያዎች ወርሃዊ ኪራይ፦ በአሁኑ ወቅት አብዛኞቹ ማደያዎች በወር ከ400,000 እስከ 600,000 ብር ከፍተኛ ኪራይ ይከፍላሉ።​የመንግስት የትርፍ ህዳግ በማደያዎች የሚገኘው ህጋዊ ትርፍ አሁንም በሳንቲሞች የሚሰላ ነው።
​
​አንድ ማደያ በወር 10 የቦቴ መኪና ነዳጅ ቢያራግፍና ቢሸጥ፣ የሚያገኘው አጠቃላይ ህጋዊ ትርፍ 240,000 ብር ገደማ ብቻ ነው። ይህ ገቢ የማደያውን ወርሃዊ የቦታ ኪራይ ግማሽ እንኳን መሸፈን አይችልም!

​ስለሆነም ማደያዎች በኪሳራ ተዘግተው ከገበያ እንዳይወጡ፣ ዋነኛ የገቢ ምንጫቸው ያደረጉት ህጋዊውን ንግድ ሳይሆን፣ በተበላሸ መለኪያ (ካሊብሬሽን) ከአሽከርካሪዎች ላይ የሚቀነሰውን ነዳጅ መሆኑ ተረጋግጧል። በአጭሩ፤ የዘርፉ የንግድ ሞዴል ሙሉ በሙሉ በተጠቃሚዎች ዝርፊያ ላይ የተገነባ ሆኗል።

​የመንግስት ተቋማት ዝምታ የአቅም ማጣት ወይንስ የጥቅም ትስስር? ​ከሁሉ በላይ ህዝብን እያስቆጣ ያለው ጉዳይ የመቆጣጠር ስልጣን የተሰጣቸው አካላት ዝምታ ነው። በአሁኑ ወቅት መንግስት የነዳጅ ማደያዎችን መቆጣጠር ሙሉ በሙሉ በሚባል ደረጃ አቁሟል።

​የማሽኖቹ የካሊብሬሽን (የመለኪያ ትክክለኛነት) ቁጥጥር የለም!
​ከታሪፍ በላይ የሚደረግ ህገወጥ ሽያጭን ማስቆም አልተቻለም!
​ብዙዎች በቁጭት እንደሚገልጹት፣ ህብረተሰቡ በጠራራ ፀሀይ እየተዘረፈ መንግስት ዝምታን የመረጠው አቅም በማጣቱ ሳይሆን፣ የቁጥጥር ስራ የተሰጣቸው አካላት ከዘራፊዎቹ ጋር በጥቅም ስለተሳሰሩ እና ከሚዘረፈው ገንዘብ ስለሚያጎርሷቸው ነው።
​
​ይህ የነዳጅ ቅሸባ ቀውስ የሚያሳየው የአገሪቱ የቁጥጥር ሥርዓት ሙሉ በሙሉ መፈራረሱን ነው። ነጋዴው የራሱን ኪሳራ ለማካካስ ሲል የዜጎችን ኪስ ያለምንም ከልካይ እየመዘበረ ይገኛል።

ይህ በሙስና ላይ የተገነባ የጥቅም ትስስር እና የተቋማት ዝምታ በአስቸኳይ ካልተሰበረ፣ የነዳጅ ማደያዎች የህዝብ መዝበሪያ ማዕከል ሆነው መቀጠላቸው የማይቀሬ ነው።
​
የእርስዎስ አካባቢ የነዳጅ ማደያዎች ሁኔታ እንዴት ነው? ያጋጠማችሁን በኮሜንት አካፍሉን።



​ #የነዳጅቅሸባ #የተጠቃሚዎችመብት #ሙስና #የነዳጅማደያ

ሿሿ ሲሰሩ የተያዙት ሴቶች‼️የሿሿ ወንጀል የፈጸሙ ተጠርጣሪዎች በቁጥጥር ስር ዋሉ። ተጠርጣሪዎቹ የወንጀል ድርጊቱን የፈጸሙት በአቃቂ ቃሊቲ ክፍለ ከተማ ወረዳ 6 ልዩ ቦታው ሳሪስ አቦ የትራፊ...
09/06/2026

ሿሿ ሲሰሩ የተያዙት ሴቶች‼️
የሿሿ ወንጀል የፈጸሙ ተጠርጣሪዎች በቁጥጥር ስር ዋሉ።
ተጠርጣሪዎቹ የወንጀል ድርጊቱን የፈጸሙት በአቃቂ ቃሊቲ ክፍለ ከተማ ወረዳ 6 ልዩ ቦታው ሳሪስ አቦ የትራፊክ መብራት አካባቢ ነው።

ተጠርጣሪዎቹ የሰሌዳ ቁጥሩ ኮድ 3 A 02122 ኦሮ በሆነ ሚኒባስ ተሽከርካሪ የትራንስፖርት አገልግሎት ሰጪና ተጠቃሚ በመምሰል አዲሱ መኮንንና ኢሳያስ ደገፋ የተባሉ የግል ተበዳዮችን በመጫን ጥቂት እንደተጓዙ ኪሳቸው ውስጥ የነበረውን የሞባይል ስልክ እና ገንዘብ ለመውሰድ ሲሞክሩ የግል ተበዳዮች ወንጀሉን ለመከላከል በሚሞክሩበት ወቅት ገፍትረዋቸው በፍጥነት በመጓዝ ላይ ሳሉ ከሌላ ተሽከርካሪ ጋር በመጋጨት ቆመዋል።

በወቅቱ ድርጊቱን በተመለከተው የአካባቢው ህብረተሰብና በትራፊክ ፖሊስ አማካኝነት በተሽከርካሪው ውስጥ የነበሩ ትዕግስት ጌታቸው፣ ገነት ደሳለኝ፣ ሜላት ጌታቸው፣ እየሩሳሌም ጌታነህና መአዛ ማሞ የተባሉ ተጠርጣሪዎችን ከ6 የተለያዩ ስማርት ሞባይል ስልኮችና 11 ሚሞሪ ካርዶች ጋር ሊያዙ መቻላቸውን በወንጀል ምርመራ ም/ዋና ጠቅላይ መምሪያ የልዩ ልዩ እና የተደራጁ ወንጀሎች ምርመራ መምሪያ የተገኘው መረጃ ያመለክታል።

በተያዙ ተጠርጣሪዎች ላይ ተገቢው ምርመራ የማስፋት ተግባር እየተከናወነ ሲሆን ሌሎች ያልተያዙ ተጠርጣሪዎችን በቁጥጥር ስር ለማዋልም ከፍተኛ ክትትል እየተደረገ መሆኑን ፖሊስ ገልጿል።
ተጠርጣሪዎቹ በተለያዩ ክፍለ ከተሞች እየተንቀሳቀሱ ወንጀሉን የሚፈፅሙ በመሆናቸው በእነዚህ ተጠርጣሪዎች ወንጀል የተፈጸመባቸው አዲስ አበባ ፖሊስ ዋና ጠቅላይ መምሪያ በመቅረብ ስልኮቻቸውን መረከብ እንደሚችሉ ተገልጿል።

ያሳዝናልይህ ወንድማችን ሚኒሊክብርሀኑ ይባላል፣ከቤተሰቡ ከጠፋ 2ዓመት አልፎታል!የተጨነቀች እህቱ "እባካችሁን ወንድሜ ጠፍቶ ቀረብኝ ዛሬ ደግሞ ልደቱ ነበር እናት አባቱም እያለቀሱ ነው አግዙኝ...
07/06/2026

ያሳዝናል

ይህ ወንድማችን ሚኒሊክብርሀኑ ይባላል፣ከቤተሰቡ ከጠፋ 2ዓመት አልፎታል!የተጨነቀች እህቱ "እባካችሁን ወንድሜ ጠፍቶ ቀረብኝ ዛሬ ደግሞ ልደቱ ነበር እናት አባቱም እያለቀሱ ነው አግዙኝ"ብላ በፌስቡክ ለጥፈነው እናንተ ደጋጎችን አስቸግረን ነበር፣

ትላንት አንድ ኮማንደር ነኝ የሚል ሰው በተቀመጠው የእህቱ ስልክ ደውሎ" ትክክለኛ እህቱ ነሽ?እስካሁንስ የት ሄዳችሁ ነው?ልጁ እኮ ጭንቅላቱን በጥይት ተመቶ በአፋር ክልል ወታደራዊ ካምፕ ተኝቶ ነው የሚገኘው፣ፎቶውን እልክልሻለሁ፣ብታይው ታውቂዋለሽ ወይ?ብሎ ጠየቃት!አዎ ወንድሜ አደል አለችው!

በፍጥነት Edit ተደርጎ የታመመ ሰው ፎቶ ልኮላት የተጨነቀች እህት ስታየው እውነትም ወንድሟ ሚኒሊክ መስሏት እንኳን በህይወት ኖረልኝ"ምንድነው ማድረግ ያለብኝ?"ብላ ጠየቀችው፣

አንቺ ተረጋጊ መቀበል ከቻልሽ ሹፌር አመቻችና ወደ ጥቁር አንበሳ ሆስፒታል እልክልሻለሁ፣ብሎ የተባባሪውን የሹፌር ስልክ ላከላት!

ምስኪን እህት ፅዮን ሹፌሩ የተባለው ጋር ደውላ አወሩ፣አይዞሸ እኔም ወንድ ልጅ አይደለሁ፣መውደቂያዬን አላውቅም፣ለራሴ ስል ነው መልካም ማደርገው፣አላት፣የነዳጅ 8000ብር ላከችለት፣ወደ አዲስ አበባ እስኪመጣ ኦክስጅኑ መነቀል ስለማይችል ተመላሽ የሚሆን ማስያዣ 23500 ይፈልጋሉ ብሏት በድጋሚ ላከችለት፣አድራሻዋን ጠየቃት ስደርስ እደውላለው አላት፣

ትላንት ቀኑን ሙሉ በጉጉትና በተስፋ ጠበቀችው፣በየመሀሉ ስትደወልለት እዚህ ደርሻለው እያለ ተስፋ ሰጥቷታል፣ ሲመሽ አሁንስ ወንድሜ የት ደረስክ ስትለው መተሀራ ነኝ ተዘጋጂ ብሏታል!

ቶሎ በመድረሱ ገርሟታል፣ቀኑን ሙሉ እያለቀሰች ለአመታት ድምፁ እንኳ የናፈቃት ወንድሟን ለማየት ጓጉታለች፣ "አይኑ ግን ያያል?ብላ ደጋግማ ጠይቃለች!እስክትዳብሰው ጓጉታለች!!

ሰዓታት ሄዱ ቀኑን ሙሉ ስትደውልለት የነበረው ሹፌር ስልኩ ዝግ ሆነ፣ኮማንደር የተባለው ጋርም ስትደውል "ጥሪ አይቀበልም" አላት፣ ደነገጠች ስታሰላስል እንደተጫወቱባት ተረዳች፣ወደ ፖሊስ አመራች፣ "ሸውደውሻል ሌቦች ናቸው" አመልክቺ አሏት!!

በሰው ህይወት የሚጫወቱ አረ መ ኔዎችን ህጉ እንዴት ይሆን የሚቀጣቸው?ከመስረቃቸው የሚሄዱበት የወንጀሉ ርቀት አስቡት እስኪ😭 በውሸት በተቀነባበረ ፎቶ እንዲህ ሆኖ ሲያዩ ሌላ የሚጎዳ እናት አባት ቤተሰብ አለ እኮ፣ እንዴትስ ነው የሚያስችላችሁ? እባካችሁን ሌሎቻትሁ ተጠንቀቁ‼️

እህቱ ፅዮን "ከኔ ተማሩ ከወንጀለኞች ራሳችሁን ጠብቁ🙏 "ብላችኋለች!እናንተም መረጃው ለብዙዎች እንዲደርስ ሌላ ሰው እንዳይሸወድ #ሼር አድርጉ🙏 ለምታውቁት ሁሉ አሳውቁ‼️
"ለመልካም ስራ ረፍዶ አያውቅም"

Address

Addis Abeba
Addis Ababa
NOTYET

Website

Alerts

Be the first to know and let us send you an email when አጋልጥ - Expose posts news and promotions. Your email address will not be used for any other purpose, and you can unsubscribe at any time.

Contact The Business

Send a message to አጋልጥ - Expose:

Shortcuts

Share

Category