Æbman bæb

26/04/2026

💚💛❤️ እውነትን የሚናገር ዘፋኝ ግፍን ከሚደግፍ ሰባኪ ይበልጣል ይሻላል።

ዘፈን ኃጢአት ነው ” የሚል ሰው ፣ ከዘፈን የከፋውን የሰው ልጅ መከራ ፥ ግፍ እና በደል ” ዝም ብሎ የሚመለከት ወይም ደግሞ የሚደግፍ ከሆነ፣ እሱ ለሆዱ ያደረ ምንደኛ እንጂ በፍጹም እውነተኛ የክርስቶስ አገልጋይ ሊሆን አይደለም ።

አንተ የሕይወት ቃል የሆነውን ወንጌል ይዘህ ምን ሰራህበት ? አጣመህ ጥላቻንና ዘረኝነትን እየሰበክበት ፥ ግፈኞችንና አንባገነኖችን እየደገፍክበት ፣ ቢዝነስ እየሰራህበትና እየነገድክበት አይደል እንዴ ?

የምትንቀው ኃጢአተኛ ነው ፥ ዓለማዊ ነው ፥ የምትለው ይሄ ሰው ግን በዘፈኑ ታሪክን አወሳበት ፥ ፍቅር አንድነትን ሰበከበት ፥ ግፍና በደልን ተቃወመበት ፥ ተረኞችና አንባገነኖችን ታገለበት ፥ ለታፈነ ሕዝብ ድምፅ ሆነበት እንጂ ሌላ ምን ሲሰራበት ተመለከትክ ?

አንተ ክርስቶስን ይዣለሁ ብለህ በወንጌል ያልተቃወምከውን ጭራሽ ጠበቃ የሆንክለትን ግፍና በደል እሱ እውነትን ይዞ በዘፈን ተጋፈጠው ።

አንተ የክርስቶስን አደራ በልተህ ለምድራዊ ገዢዎች እያሸረገድክ ሺ አመት ንገሱ ስትል ፤ ይሄ ሰው ግን ለቆመለት አላማ በመታመኑ የታሰረ ፥ የተንገላታ ፥ ጥቅሙን መብቱን የተነጠቀና ብዙ ዋጋ የከፈለ ሰው አይደለምን ?

አንተ ጳጳስ ሐዋርያ ነብይ መምህር ... ተብለህ ምን ዋጋ ከፈልክ ? ከምትንቀው ኃጢአተኛ ዓለማዊ ከምትለው ከአንድ ዘፋኛ ያነሰ ጽድቅና ምግባር ይዘህ ትመጻደቃለህ ? ግብዝ ፈሪሳዊ !!

ባዶ ስብከት ከሚሰብክ "ሐዋርያ " ይልቅ፣ ለድሆች ድምፅ የሚሆንና ዋጋ የሚከፍል "ዘፋኝ " ለህዝቡ ቅርብ ነው።

አንተ በሙያህ በስብከትህ ፥ በመዝሙርህ ፥ በአገልግሎትህ ያላሳመንከውን ያልነካኸውን ያልደረስክለትን ሕዝብ ፤ እሱ በሙያው ( በዘፈኑ ) ማረከው አሳመነው ልቡን ነካው አስለቀሰው ።

አሁን ላይ ሕዝቡ ከእረኛው ይልቅ ዘፋኙን ለምን ተስፋ አደረገ ? ከአንተ ስብከት ይልቅ ለምን በዘፈን መጽናናትን መረጠ ? ከመዝሙር ይልቅ እንዴት ዘፈን ከፍቶ እየሰማ አለቀሰ ? ወንጌል ስለ ፍቅር ብቻ አይሰብክም ፥ ስለ ፍትህ ይሰብካል ፥ ለሰው ፊት አያደላም ፥ ከተገፉት ከተጨቆኑት ጎን ይቆማል ፥ ለደኃው ይፈርዳል ።

አንተ ግን መርጦ አልቃሽ ነህ ፤ ደሀው ላይ ዘፋኙ ላይ ትበረታለህ እንጂ መስዋዕትነት የሚጠይቀው ዋጋ የሚያስከፍለው የሂሮድስ ግፍና በደል ላይ ግን ዲዳ ነህ ።

ይሄ ሰው ዘፈን አወጣ በተባለ ቁጥር " ዘፈን ኃጢአት ነው " የሚል አጀንዳ ይዘው እዚህ ሰው ላይ የሚዘምቱ ሰዎች እውነት ዘፈንን ጠልተውና ዘፈንን ተጸይፈው ነው ?

እረ በፍጹም ! እነዚህ ሰዎች የዘፈን ኃጢአትነት ገዷቸው እንዳይመስልህ ፤ የሚደግፉትና የጥቅም ተጋሪዎች የሆኑበት ስርዓተ መንግስት አገዛዝ ስለተነካባቸው አንድም ታማኝነታቸውን ለማሳየት አንድም በፍርሃት ነው የሚጮሁት ።

ከጀርባቸው የዘርና የሃይማኖት ጥላቻን የተሸሙ ፥ የፖለቲካ አጀንዳን ያነገቡ ሰዎች ናቸው ።

ዘፈንማ ከዓለማዊ እስቴጅ ላይ ተባራ ጓዟን ጠቅልላ እነሱ ቸርች ከከተመች እኮ ቆየች ። አይደለም እነሱ አምላካቸው ራሱ መቼ ያለ ዘፈን ይንቀሳቀሳል ?

ግፍን የሚደግፉ ፥ በደልን እያዩ ዝም የሚሉ ፥ የአንባገነኖችን ጫማ የሚልሱ ራሳቸውን ለጥቅም የሸጡ ሰዎች በምን ሞራላቸው ነው በዜማ ስለ ሀገር ስለ ፍቅር ስለ አንድነት ወዘተ የሚያዜመውን የነጻነት ታጋይ የሚያወግዙት ?

መጋቢ ሀዲስ እሸቱ

#እውነት #ኢትዮጵያ