Haatuf Media Network

Haatuf Media Network Haatuf Media Network waa muurayad warbaahineed oo aad ka dheehanayso damiir, si xeel dheer u muujinaya xaqiiqada. Ka mid noqo saaxiibada Haatuf Media Network.

Qofkasta wuxuu leeyahay cod xitaa haddii uu aamuso, Haatuf waa turjumaankii codka aamusan.

Mashruuca horumarinta Marrinadda Jigjiga (Corridor Development Project) ayaa maraya heer gebogebo, isagoo qeyb ka ah qor...
21/05/2025

Mashruuca horumarinta Marrinadda Jigjiga (Corridor Development Project) ayaa maraya heer gebogebo, isagoo qeyb ka ah qorshaha ballaaran ee dowladda federaalka Itoobiya ay ku horumarinayso magaalooyinka dalka. Mashruucan ayaa la filayaa inuu wax ka beddelo muuqaalka magaalada Jigjiga, isagoo diiradda saaraya horumarinta kaabayaasha dhaqaalaha, is-dhexgalka bulshada, iyo kor u qaadista fursadaha ganacsi.

Waa maxay Mashruuca Jigjiga Corridor?

Mashruucan, oo ka kooban 30 km, ayaa ujeedkiisu yahay in la dhiso waddooyin casri ah, jidad laamiga ah, iyo meelaha lagu nasto, si loo xoojiyo isku xirka magaalada iyo kor loogu qaado ganacsiga gudaha iyo kan gobolka. Wuxuu qeyb ka yahay barnaamijka qaran ee “Corridor Development Project (CDP)” oo lagu horumarinayo 58 magaalo oo dalka ah, sida ay sheegtay Wasaaradda Horumarinta Magaalooyinka iyo Kaabayaasha Dhaqaalaha ee Itoobiya . 

Heerka Horumarka ee Mashruuca

Bishii January 2025, Ra’iisul Wasaare Abiy Axmed ayaa booqday Jigjiga si uu u kormeero horumarka mashruuca, gaar ahaan qeybta koowaad ee 10 km ah ee hadda la dhisayo .

Mashruuca Jigjiga Corridor Development Project oo hadda maraya meel gabagaba ayaa ah dadaal weyn oo lagu horumarinayo magaalada Jigjiga, iyadoo la filayo in uu kor u qaado dhaqaalaha, ganacsiga, iyo isku xirka bulshada.

21/05/2025

Digniin bulsheed oo ku saabsan khatarta ballaaran ee “Mercury scams” iyo nidaamyada kale ee qiyaanooyinka mala-awaalka ah ee bulshada lagu beegsado iyadoo si gaar ah loogu ladhayo rajo, saboolnimo, iyo dooni dhaqaale.

Sideey u shaqaysa farsamadan.

Rajo lagu beerayo dadka saboolka ah ama shaqo la’aanta la ildaran Ballanqaad lacag malaayiin dollar ah oo aan wax caddayn ah lahayn

Cabsigelin & cadaadis xagga waqtiga ah: “Hadda uun baad heshay fursaddad hodan ku noqon lahayd.

Ka fiirso wax kasta oo lacag lagaaga rabo adoon wax cad aadan arag.

Digniintan waa qaylo-dhaan wacyi leh, oo u jeedkeedu tahay badbaadinta bulshada. Qof walba wuxuu leeyahay door uu kaga hortago khiyaamada fadlan nagala qayb qaado

Xusuusta aan Waqtigu Tirtiri Karin.—————————-Waxaa jira magacyo aan la ilaawin, maadaama aysan kaliya ku kobneen waraaqa...
20/05/2025

Xusuusta aan Waqtigu Tirtiri Karin.
—————————-

Waxaa jira magacyo aan la ilaawin, maadaama aysan kaliya ku kobneen waraaqaha dowladda, se lagu dhex xardhay qalbiyada dadweynaha. Magacyadaas waxaa kamid ah Marxuum Cali Yuusuf Ciise oo ay dad badani u yaqaannaan Cali Dhadac, magac u taagan dhabar-adayg, mabda’ iyo dulqaad

Marxuum Cali ayaa waayihii xukuumaddii millatariga ahayd e, Soomaaliya soo noqday danjiraha Soomaaliya u fadhiya dalka Iiraan. Kaddib burburkii dowladdii dhexe e, Soomaaliya Cali waxa uu dib ugu noqday magaaladiisi Jigjiga oo uu ka noqday duqa caasimadda dowladda deegaanka Soomaalida xilli u wajahay doorasho adag oo uu la galay xisbigi talada hayay isago xubin madax banaana.

Intii uu xilka hayay, Cali Dhadac wuxuu si weyn uga shaqeeyay horumarinta adeegyada dadweynaha, gaar ahaan gaadiidka dadweynaha. Wuxuu hirgeliyay basaskii ugu horreeyay ee xaafadaha magaalada Jigjiga, si bulshada loogu fududeeyo isu socodka, taasoo muujinaysa dadaalkiisa ku aaddan horumarinta nolosha dadweynaha.

Sidoo kale, Cali Dhadac wuxuu door muhiim ah ka qaatay faafinta dacwada diinta Islaamka. Wuxuu bixiyay dhulka dhismaha masaajidka MARGISKA, taasoo muujinaysa sida ay uga go’nayd horumarinta dhinaca diinta iyo bulshada.

Waxaa xusid mudan in xukuumadda deegaanka ay si weyn u maamuustay Cali Dhadac, iyadoo Kuliyadda Caafimaadka e, Jigjiga loogu magac daray, taasoo ah aqoonsi iyo tixgelin la siiyay dadaalkiisii iyo waxqabadkiisii uu u sameeyay bulshada.

Madaxweynaha Dawlad Deegaanka Soomaalida, Mudane Mustafe Muxumed Cumar ayaa si togan u muujiyey sababta loogu magac daray Kuliyadda Caafimaadka e, Jigjiga magaca Cali Dhadac isaga oo tilmaamay laba arrimood oo sal u ah waxayna kala yihiin:

A) Cali Dhadac wuxuu ahaa shaqsi ku suntan Soomaali-nimo xilli ay adkayd in magacaa si fagaare ah loo xuso. hogaamiye aan ka labalabeyn in uu ku faano Soomaalinimadiisa mar ay siyaasiyiin badani doorbidayeen in ay ka gabsaadaan.

B)Waxa kale oo lagu xasuustaa jacaylkiisa diinta Islaamka, taasoo u suurtagelisay inuu si firfircoon ugu lug yeesho horumarinta cibaadada sida dhulka ballaaran e, uu siiyey dhismaha masaajidka markiska.

Allaha u naxariisto Cali Yuusuf Ciise (Cali Dhadac), wuxuu ahaa hogaamiye bulshada u adeegay, dadaal iyo halganna u galay.

War deg deg ah. ( Breaking News)Muqdisho (May 20, 2025) ugu yaraan afar hoobiye ayaa lagu garaacay guddaha xayndaabka X...
20/05/2025

War deg deg ah. ( Breaking News)

Muqdisho (May 20, 2025) ugu yaraan afar hoobiye ayaa lagu garaacay guddaha xayndaabka Xalane e, magaalada Muqdisho sida ay xaqiijiyeen ilo-wareedyo amni.

Weerarka oo dhacay abaare 4:30 ayaa sababay qaylo-dhaan amni iyo dhaq-dhaqaaqyo milatari oo xooggan. Ilaa hadda lama hayo faahfaahin rasmi ah oo ku saabsan khasaaraha ka dhashay, mana jirto cid weli sheegatay mas’uuliyadda weerarka.

Xalane ayaa waxaa degan safaarado shisheeye, hay’ado caalami ah, iyo cutubyo ciidamo ajnabi ah oo qeyb ka ah howlgallada nabad ilaalinta Soomaaliya, taas oo weerarka ka dhigeysa mid liddi ku ah dhaqan sugnaanta amaan e, laga filayey meel ilaa heerka la ilaaliyo.

Ilo ku sugan guddaha xerada ayaa sheegay in hoobiyeyaasha qaar ku dhaceen meel u dhow aagga xarumaha UN-ka, iyadoo jugta qaraxyada laga maqlay meelo fogfog oo magaalada ah.

Afhayeen u hadlay hay’adaha ammaanka ma u sheegin faah faahin.

Haatuf kala soco wixii kasoo kordha.

Qabridaharre waxay maanta ahayd madal sharafeed iyo martiqaad maamusan iyadoo si habsami ah u martigelisay munaasabaddii...
12/05/2025

Qabridaharre waxay maanta ahayd madal sharafeed iyo martiqaad maamusan iyadoo si habsami ah u martigelisay munaasabaddii caleemo-saarka Suldaan Cabdi Maalik Maxamuud Haybe – munaasabad baarka sarre u ah hiddaha iyo dhaqanka DDS kana tarjumeeysa karaamada bulshada Qabridahar.

Caleemasarka Suldaan Cabdi Maalik Suldaan Maxamud Haybe waa astaan suuban oo ka turjumaysa hiddaha soo jireenka & dhaqanka sarre.

Qabridaharre waxay diwaangalisay Manhaj xasuuseed baarka sarre ka gali doona xuduudaha juqraafiyeed.

Waxaa jira khilaafad lamaanaha dhex mara oo aan ahayn burbur, balse ah banaanbax ay nafuhu mujiyaan markay is fahmi waay...
11/05/2025

Waxaa jira khilaafad lamaanaha dhex mara oo aan ahayn burbur, balse ah banaanbax ay nafuhu mujiyaan markay is fahmi waayaan . Khilaafku waa sidii daruur madow oo dul hoganaysa cirka jacaylka

Khilaafku marna maaha nacayb; e, waa codka qalbiga oo rabay in la maqlo, balse aan helin luuqaddii uu isku muujin lahaa. waa sida gabayo ay nafuhu is weydaarsanayaan, marna waxay noqon karaan murti, marna murugo. Laakiin haddii labada naf ay si run ah isugu baahanyihiin, khilaafku wuxuu noqon karaa buundo cusub oo lagu gaadho kalgacayl ka qaan-gaarsan kii h**e.

Jacaylku ma dhinto marka la is khilaafee, wuxuu dhintaa marka laga baqo in la is fahmo.

11/05/2025

Magaalada Qabribayax waxay marqaati u noqotay kulan heer sare ah oo dhidibada loogu taagay jihaynta horumar waara, kaas oo ay kasoo qeyb galeen Wasiirka Horumarinta Magaaloyinka & Dhismaha, Mudane Axmed Shukri Cabdi, masuuliyiin sare oo ka socday gobolka Faafan, iyo qurba-joogta Qabri Bayax.

Kulankan wuxuu xambaarsanaa niyad-wanaag bulsheed iyo aragti siyaasadeed oo sal adag, waxaana si qoto dheer diiradda loo saaray saddex tiir oo laf-dhabar u ah kobaca Qabri Bayax kuwaaso kala ah. baahinta Korontada, Xoojinta Isgaarsiinta, ballaadhinta magaalada & dhismaha Jidadka.

Korantadu waa ilayska nolosha casriga ah ma aha oo kaliya danab birta ku qulqula, balse waa danab fursadeed oo kor u qaada shaqo abuurka, waxbarashada, caafimaadka, iyo ammaanka guud ee bulshada.

Isgaarsiintu waa xiriir bulsho oo lagu dhiso kalsooni ummadded. Isgaarsiin tayo leh waxay abuurtaa isla xisaabtan, maamul-wanaag, iyo amni macno leh. Waa codka casriga oo bulshada isu xira, isla markaana dowladda la xisaabtama.

Jidadku waa muuqaalka muuqda ee dowladnimo. Waddooyin la fidiyay iyo magaalooyin kobcaya waa caddeyn muuqata oo muujinaysa hannaan dawladnimo oo dhab ah, kaas oo si dhab ah u wajahaya baahida sii kordhaysa ee bulshada.

Wasiirka wuxuu hoosta ka xarriiqay kaalinta ay qurba-joogtu ku leeyihiin horumarka, isagoo ku sifeeyay inay yihiin laf-dhabarka diblomaasiyadda bulshada iyo jaranjarada kobaca dhaqaale. Wuxuu ugu baaqay in maskaxda, maalgelinta, iyo murti-wadaagga lagu mideeyo halgan nabadeed iyo horumarineed oo ay dadka deegaanka hoggaan u yihiin.

Horumarku waa axdi siyaasadeed, fulintiisuna waa dhaxal dowladnimo.

Address

Addis Ababa

Website

Alerts

Be the first to know and let us send you an email when Haatuf Media Network posts news and promotions. Your email address will not be used for any other purpose, and you can unsubscribe at any time.

Shortcuts

Share

Category