Mahir Al-Wahab

Mahir Al-Wahab Contact information, map and directions, contact form, opening hours, services, ratings, photos, videos and announcements from Mahir Al-Wahab, Digital creator, Addis Ababa.

01/09/2026


********************

Simbirroo bareedduu fi baallee danuu qabdu tokkotu bosona keessa jiraataa ture guyyaa tokko qonnaan bulaa callaa midhaanii qalqalaan baatee deemutti dhuftee garam deemtu ? jettee Q/bulaa kana gaafatte

inniis callaa midhaanii kana baallee simbiraatiin geeddaruun deema jedheen achumaan maarree Anisoo callaa kana sirriittan barbaadaa oliif gadi jooree jawwaaree, dhama'ee, dafqee barbaaduu mannaa maaliif anuma faana wal hin jijjiirruree? Jettee gaafannaan namichis Tole jedheen

sana booda bu'uura jireenya ishee kan ta'e qaama ittiin sochootee bakka yaadde ittiin geessu buqqiftee callaa midhaaniitiin geeddaruu eegalte kanaan booda Q/bulaan kun guyyaa guyyaadhaan callaa kenneefi baallee ishee tokko tokko fudhatee galuu eegale

yeroo muraasa booda bu'uura jireenya ishee simboon uumamaa ishee kan ture baalleen ishee mucus jedhee irraa dhume.

kanaan booda madaallii ishee eegdee dhaabbachuus ta'ee sochotee nyaata barbaaddachuu dadhabdeet lubbuun ishees beela hamaadhaa darbite.

Eeyyeen karaan karaa qaxxaamuraatiin dhiyoo fakkaatu kan hallayyaa gadi fagootti nama geessu ta''uu mala.

simbirroon kunis nyaata yeroof jetteet qaama bu'uura jireenya ishee ta'e sana dhabde har'as namoonni dhugaa sammuun isaanii beeku dhoksanii fayidaa battalaatiin jijjiirrachaa jiran simbirroo kanaan wal fakkaatu.

Har'a waantonni salphaa fakkaatanii nutti mul'atan dhumni isaanii fokkisaa ta'uu mala. Milkaayinni dhugaan kan argamu lafaa dhugaan jirutti malee karaa qaxxaamuratunii nuti hubaadhuu

21/08/2026

"Tisiisni Uumama Ishee Utuu Hin Taane Oolmaa Iaheetu Ishee Tuffachiise" jedhama mitiiree.

Ana qofa ta'ee hin beeku,tarii turee naaf galaa jiraa ta'ees hin beeku, akka amma jirru kanatti taa'uu keenya kun bariodha jettanii? Oolmaan keenya kun sirriidha jettanii? Oolteefi bulteen keenya waan sirraa'uu qabu isinitti hin fakkaatuu?

Mirga namni namaaf hin kennu. Mirguma isaa abbaatu deemee fudhata male namni manatti namaaf fidu hin jiru. Qe'ee ofiis abbaatu kabajchiifata. Dhiirri qe'ee ofii hin eegganne dayyuusiidha. Isayyuu yeroo kana namni mirgi kee siif kennuu dhiisi biddeena afaan keetiiyyuu dandeenyaan micciiree si keessaa fuudha.

Silaallee waan baay'ee dubbannaa,garuu dubbachuurra tarkaanfii tokkos taatu tarkaanfatanii as ga'eera kanaa achihoo jechuutu woyya. Lafti sun keenya,Manni sun keenya jechuu akkuma nu barsiiftan fagoo dhaabbannee utuu hin taane wolakkaa isaa cinaachaan ciisnee akka keenyaa dhugumaa onnee irraa jennutti ammas hulaa nuuf banaa. Furtuu isin harka jiraa fannoodhaa buusaa.

21/08/2026

Abbaa Shimbirroo tokkotu ilma isaa gorsa. "Yaa Ilma koo uumama nama jedhamu gara jabeessa tokkotu jira. Yoo si'ii nyaata kee funaannataa jiruu akka tasaa gadi jedhee argite dafii barrisii badi, Si ajjeesuuf dhagaa fudhachaa jiraa" jedhee gorse.

Erga dhaggeeffatee booda "Yaa Abbaa Koo, yoo utuu gadi hin jedhin kiisii isaa keessaa baafatehoo" jedhee gaafate. Argitee ilma koo "Ani rakkoo yeroo keenya tureefan furmaata isaa sitti hime,atimmoo yeroo keessa jirtu yaadii of eeggannoofi xiyyeeffannoo kee jabeessi" jedheen.
✍✍✍✍✍

Furmaanni kaleessaa tokkoon tokkoon rakkoo keenya hardhaa furuu hin danda'u. Yeroo barri jijjiiramu rakkoonis baldhoonis duuka jijjiirama. Yeroo keessa jirruun kan wal gitu yaadota haaraa,of eeggannoo jabaa akkasumas xiyyeeffannoo qabaachuun dirqama.

12/08/2026

Mee ka’eetan callisa

Erga barri jallatee
Jireenyis taatee faallaa.
Maal ha baasuuf dubbanna
Mee callisnee ilaallaa

Erga dhagahuun dhibee
Hunduu dubbataa ta'ee.
Animmoo dubbii dhiiseen
dhaggeefadha mee ka'ee..

Erga dubbachuu malee
Kan dhaga'u dhabamee
Bara qalamni dhugaa
Kijibaan katabamee

Dubbin gorora miti
Kan akka arge tufanii...
Kanaaf yoo caqasan hoo
Afaan ofii cufanii?

Jedheetan taa'ee yaadee
Afaan kiyya qadaadee...
Gaaf tokko Nan dubbadha
Anis waanan barbaadee..

Gaafa barri qajeelee
Luugamni koo hiikamee.
Gaafa Sanan dubbadha
Waanan arra midhamee

Furmaata biraa hin qabu
Kana qofa Fallisaa..
Hanga barri dabartuu
Mee ka'eetan callisaa

11/08/2026

_Qabne"👇
Wal dhabdee abbaa mana ishee waliin uumameen jireenyi itti dukkanaa'e. Jireenyi itti bushoofnaan gara nama hayyuu tokkoo deemte mala barbaacha.

Hayyuun kunis "Dawaa qaba" ittiin jedhan. Deemiitii Leenca eegee isaa irraa rifeensa sadii buqqisii fidii jedhan. Intalli kunis guyyaa guyyaan foon baattee bosona keessa Jooruu hojii godhatte. Leenca argattee suuta suuta itti dhiyaachuu eegalte. Hanga inni ishee amanee hiriyaa godhatu tokko itti dhiyaatte. Guyyaa tokko isheedhaaf milkaa'ee Leenca bira teessee haxaawaa waan hayyuun sun barbaadu fiddee dhufte.

Eegee Leencaa irraa rifeensa qajjisa sadii fiddee dhuftee itti kennite. Hayyuun kunis harkaa fuudhee ibidda keessa buuse,isheenis naasuudhaan iyyitee malaiif? jette.

Intala koo dursitee dawaa argattee jirta. Bineensa baddaa kan ta'e,sanuu Leenca Obsa keetiin,Jaalala keetiin erga ofitti dhiyeessitee hiriyaa godhachuu dandeessee,jaalala kana,obsa kana abbaa worraa keetiif utuu kennitee onneen isaa hin laafu amma? Deemi dawaan ati argatte guddaan abdii kutuu dhabuu keetii jedhan.
:::::::::::::

Jireenyi kun al tokko tokko akkuma leencaa sodaachisaafi dukkana ta'uu mala. Abdii kutuu tokkoon maletti,Obsaan qoramaata nu mudatu hunda yoo itti qabsoofne jireenyi hin sirroofne hin jiru. Hodhannoo keessan kan obsaafi Abdii kutuu dhabuu jabeeffadha jajjabee koo.

"Obsaaf Murannoodhaan Gaarri Hin Ba'amne Hin Jiru"

Address

Addis Ababa

Website

Alerts

Be the first to know and let us send you an email when Mahir Al-Wahab posts news and promotions. Your email address will not be used for any other purpose, and you can unsubscribe at any time.

Shortcuts

Share

Category