TV Sagalee Dhugaa

06/06/2026

Leenjii fi Mariin Waldaa Duuka Bu’ootaa Wiirtuulee Shawaa Bahaa waliin Magaalaa Adaamaa Mana Kiristaanaa Qulqulleetti Maariyaamii Adaamaatti gaggeeffama jira.
Leenjiin kun Wiirtuun muummee leenjii hubannoo uummuu wiirtuulee sadarkaa godinaatti jiraniif kennama turerraa kan itti fufe dha. Sagantichi guyyoota lamaaf kan itti fufu ta’a.
TV Sagalee Dhugaa Wiirtuu, Magaala Adaamaatii.

05/06/2026

Sinoodisii dhaabaataaan abboota kiristaanota Godiina Arsii Bahaatti miidhaan irra ga'ee gadda keessatti kufan bakka sanaa deemuun akka jajjabeessaniif abboota phaaphaasotaa garas deeman ramade.

TV Sagalee Dhugaa, Caamsaa 28/2018(WDB)

Miseensonni Sinoodosii dhaabbii guyyaa har'aa Godiina Arsii Bahaa aanolee Asakoo, Shirkaa fi Honqolloo Waabeetti ajjechaa suukanneessaa kiristaanota Ortodoksiirra qaqqabe hordofuun guyyaa har'aa walgahii idilee gaggaeesseen sababa rakkoo kanaan lammiilee buqqa'aniif deegarsi akka taasifamuufiif jiilli mana kiristaanaa abboota phaaphaasotaan hogganamu bakka rakkoon kun uumametti imaluun miidhamtoota akka jajjabessaniif akkasumas deggarsi yeroo akka taasifamuufiif murteesseera.

Sinoodosiin dhaabbii kun qindeessummaa koree karaa mana lubummaa walii galaa hundaa'uun koreen rakkoo uumame kanaan mana kiristaanaa qul/Gabri'eelii Xalataa gubate deebisee akka ijaaramu, lammilee qe'eesaaniirraa buqqa'an dhaabbiin gara qe'eesaanitti akka deebi'an akasumas rakkoon kana fakkaatu biyya lallabichaa keessatti lammata akka hin uumamane taasisu waraqaa qorannoo yaada furmaataa waliin qoratee dhiheesu atattamaan hundaa'ee gara hojiitti akka seenus murteeseera.

05/06/2026

'Miidhaa uumametti hedduu gaddineerra, gama mootummaatiin atattamaan gareen dhimmicha qoratu hundaa'ee bakka sanatti ergameera, gaabaasa gareen dhimma kana qulqulleessu dhiheessu irratti hundoofnee tarkaanfii barbaachisaa ni fudhanna.'

Obbo Mahaammad Indiris
Ministira Ministeera Nagaa

'Rakkoo naannichatti uumame to'achuu fi miidhaa dabalataa qaqqabuuf ture ittisuu kan dandeessisu qabsoo ol aanaa gochuun, yeroo ammaa kana garee dhimmicha qoratu garasitti erguusaa fi bu'aa qorannoo gareen kun dhiheessurratti hundaa'uun hojiin qaamolee gocha kana keessatti hirmaatan seeratti dhiheessuu jabaatee itti fufa.'

Hoggantoota ol aanoo Bulchiinsa Mootummaa Naannoo Oromiyaa

Jiilli abboota mana kiristaanaa keenyaa hoji gaggeessaa mana lubummaa walii galaa Eebbifamoo Abbaa Saawiroosii fi barreessaa qul/Sinoodosii Eebbifamoo Abbaa Diyoosqooroosiin hogganamu ministeera Nagaa fi hoji gaggeessoo ol aanoo bulchiinsa mootummaa naannoo Oromiyaa waliin mari'atan.

TV Sagalee Dhugaa, Caamsaa 28/2018(WDB)

Manni kiristaanaa Ortodoksii Tawaahidoo Itiyoophiyaa, kutaa biyya lallaba Arsii Bahaa aanolee tokko tokko keessatti miidhaa qaamoleen hidhatan raawwataniin, Lubbuun darbuu kiristaanota Ortodoksii fi gubachuu manneen kiristaanaan gadda guddaa itti dhagaa'ame karaa paatiriyaarkii mana kiristaanaa keenyaa Eebbifamoo fi qulqullummaasaanii Abbaa Maatiyaasiin erga ibsattee booda, Sinoodosiin dhaabbii dhimmicharratti marii jabaa taasisuun murtoo dabarsan hordofanii, Eebbifamoo Abbaa Saawiroos hoji gaggeessaa mana lubummaa walii galaa akkasumas hangafa phaaphasii kutaa biyya lallabaa M/Shaggarii fi Shawaaa Kibba Lixaa akkasumas Eebbifamoo Abbaa Diyoosqooroos barreessaa Ol aaanaa qul/Sinoodosii fi hanga phaaphaasii kutaa biyya lallabaa Raayyaan kan hogganame jiilli Ol aanaa abboota mana kiristaanaa keenyaa Ministira Ministeera Nagaa Obbo Mahaammad Indirisii fi Ministir Deetaa Ministeera Nagaa Heeraddiin Tazarraa(Dr.) akkasumas aanga'oota Ol aanoo mana hojii Ministeerichaa waliin mari'ataniiru.

Wayituma kana Eebbifamoo Abbaa Saawiroos fi Eebbifamoo Abbaa Diyoosqooroos Godiina Arsii Bahaa aanolee Asakoo, Shirkaa fi Honqolloo Waabeetti miidhaa lubbuu kiristaanota Ortodoksiirra ga'ee fi gubaatii mana kiristaanaa seena qabeessa ta'erra ga'eef gaddi guddaan kan itti dhagaa'ame ta'uu ibsanii, mootummaan madda rakkoo kanaa qulqulleessuun furmaata waaraa akka barbaadu akkasumas naannoo sanatti nageenyi amansiisaan akka uumamu jala muranii gaafataniiru.

Achumaanis lammillee yeroo ammaa sababa rakkoo kanaan buqqa'an gara qe'eesaaniitti akka deebi'an akkasumas hojiin lammilee kana dandamachiisuu akka hojjatamu yakka kana kan raawwatanis seeratti dhihaachuun adabbii akka argatan gaafataniiru.

Maricharratti kan argaman hangafi phaaphaasii kutaa biyya lallaba Arsii Bahaa fi Jijjigaa Eebbifamoo Abbaa Elsaa'i, rakkoo biyya lallabasaaniitti uumame ilaalchisuun gabaasa ragaa lakkoofsaan deeggarame dhiheessaniiru.

Ministirri Ministeera Nageenyaa Obbo Mhaammad Indirisis, rakkoo uumamaetti hedduu gadduun, gama mootummaatiin atattamaan gareen dhimmicha qoratu hundaa'ee bakka sanatti ergameera erga jedhanii booda gaabaasa gareen dhimma kana qulqulleessu dhiheessu irratti hundoofnee tarkaanfii barbaachisaa ni fudhanna jedhaniiru.

Dhimmuma kanaan wal qabatee Eebbifamoonni abbootii phaaphaasotaa, Waajjira Pirezidaantii Bulchiinsa Naannoo Oromiyaatti hoggantoota Ol aanoo fi hoggantoota waajjira paartii badhaadhinaa waliin mari'ataniiru.

Maricharratti hoggantoonni ol aanoo naannichaa akka ibsanitti mootummaan rakkoo naannichatti uumame to'achuu fi miidhaa dabalataa qaqqabuuf ture ittisuu kan dandeessisu qabsoo ol aanaa gochuun, yeroo ammaa kana garee dhimmicha qoratu garasitti erguusaa fi bu'aa qorannoo gareen kun dhiheessurratti hundaa'uun hojiin qaamolee gocha kana keessatti hirmaatan seeratti dhiheessuu jabaatee akka itti fufu eeruun, manni kiristaanaa amantoota gaddan jajjabeessuu fi deggarsa taasisuuf yaalii gootu hundumaaf mootummaan naannichaa deeggarsa barbaachisaa ta'e akka taasisuuf ibsaniiru.

05/06/2026

Sagantaa Idilee Torbanii karaa Toora Tiiktookii TV sagalee Dhugaa.
29/09/2018 BA.
Galgala 2:00-5:00.
Share godhaa irratti hirmaadhaa.
TV Sagalee Dhugaa

03/06/2026

'Nageenya lammilee eeguuf imaanaan kan isinitti kenname qaamoleen nageenyaa fi hoggantoonni caasaaleerra sadarkaa sadarkaan jirtan, hundaa olitti seenaan kan isin gaafatu bara aangoo keessaniitti nageenya lammilee mirkaneessuuf gatii kaffaltaniin waan ta'eef, caancala miidha kana dhaabsistanii l, yakkamtoota seeratti dhiheeasuun itti gaafatamuummaa seenaa jalaa akka baraaramtaniif maqaa mana kiristaanaan cimsinee isin hubachiisna'

Eebbifamoo fi qulqullaa'oo Abbaa Maatiyaas, Paatiriyaarkii mana kiristaanaa Ortodoksii Tawaahidoo Itoophiyaa.

TV Sagalee Dhugaa, Caamsaa 26,2018(WDB)

Ajjechaa suukanneessa kiristaanota Arsii Bahaa aanolee garaa garaa keessatti raawwatamaa jiru ilaalchisuun ergaa Paatiriyaakiin mana kiristaanaa keenyaa dabarsan.

Maqaa Abbaa kan Ilmaa kan Afuura Qulqulluu Waaqa tokkoon ameen.

'Reeffa tajaajiltoota keetii simbirroowwan samiif nyaata taasisani' (Faaru 78:2)

Kutaa biyya lallaba Arsii aanolee Asakoo, Shirkaa, Honqolloo, Waabee fi Muneessaatti ijoolleewwan afuuraa keenyaa fi qulqulleettii mana kiristaanaarra miidha ga'e kan dhageenye laphee cabeeni.

Bilisummaan amantii sarbamee, manni kiristaanaa qul/Gabri'eelii Xalataa umurii waggaa 100 olii lakkoofsise gubatee akkasumas manni kiristaanaa Fayyisaa Addunyaa Kara Kufteenaa kan itti Saamame guyyaa hamaa kanatti kiristaanonni hedduun gara jabeenyaan wareegamuu fi hedduun isaanii ammoo qe'ee fi qabeenyasaaniirra buqqa'uun taatee mana kiristaanaa keenyaa hedduu gaddisiiseedha.

Galmee nageenyaa, jaalalaa fi seenaa kan taate manni kiristaanaa, kiristaanota yeroo ammaa gidiraa biyya lafaa keessa jiran wayita jajjabessitutti ofiif qormaata keessa taa'uun rakkachuusheen olitti, miidhaa fi gidiraan dachee Arsiirratti irra deddeebiin mul'atu laphee hunda keenyaa keessatti gaaffii xiiqii 'hanga yoomitti?', jedhu uumeera.

Ta'us gidiraan kun dhaabbachuurra babal'achaa waan deemeef, nageenya lammilee eeguuf imaanaan kan isinitti kenname qaamoleen nageenyaa fi hoggantoonni caasaaleerra sadarkaa sadarkaan jirtan, hundaa olitti seenaan kan isin gaafatu bara aangoo keessaniitti nageenya lammilee mirkaneessuuf gatii kaffaltaniin waan ta'eef, caancala miidhaa kana dhaabsistanii yakkamtoota seeratti dhiheeasuun itti gaafatamuummaa seenaa jalaa akka baraaramtaniif maqaa mana kiristaanaan cimsinee isin hubachiisna.

Amantoonni naannoo sanatti argamatanii fi Lammileen Itoophiyaa hundi afuura obbolummaan walgargaartanii lammilee buqqa'an gargaaruu fi kadhannaan mana kiristaanaa cina akka taataniif waamicha keenya isinii dhiheessina.

Dhumarrattis manni kiristaanaa keenya, nageenyaaf, dhiifamaa fi kabaja dhala namaa hundaaf yeroo hunda kan dhaabbattu ta'uu ibsaa, Waaqayyo arjummaasaan yeroo gaddaa kana nurra haa dabarsu , warra boqotanis lubbuusaanii mootummaasaatti haa simatu, warra miidhamanis arjummaasaan nuuf haa jajjabeeasu jechuun ergaa gaddaa abbummaa keenya maqaa Waaqayyoon dabarsanna.

02/06/2026

https://youtu.be/p4kr-RrdB8g

Barumsa WDB Wiirtuu Buraayyuu

02/06/2026

Ibsa Gaddaa Biyya Lallabaa Arsii Bahaa irra

IBSA GADDAA

Waa'ee Keetif Yeroo Hunda Duuna, Akka Hoolota qalamaniis Taane. Far 43:22

እሰመ በእንትአከ ይቀትሉነ ኩሎ አሚረ::
ወኮነ ከመ አባግዕ ዘይጠብሑ መዝ 43:22

"ስለ አንተ ሁልጊዜም ተገድለናል እንደሚታረዱም በጎች ሆነናል። መዝ 43:22

IBSA GADDAA
Eebbifamoo Abuna Eelsa'i Hangafa Phaaphaasii Biyyoota Lallabaa Arsii Fi Naannoo Sumaalee Jijjigaa Miseensa Qulqulluu Sinoodosii

Caamsaa 23 Bara 2018 irraa eegalee Biyya Lallaba Arsii Aanaa Asakoo, Aanaa Shirkaa fi Aanaa Honqooloo Waabetti Kiristaanonni 13 yoo Ajjeefaman Manni Kiristaanaa Qulqulluu Gabri'eelii Aanaa Asakoo Ganda Xalataa Caffaa Umurii Dheeraa Waggaa 101 lakkoofsise Guutumatti Gubate.

Mana Kiristaanaa Fayyisaa Addunyaa Kaarraa Kufiteenaa irrattis Saamichi kan taasifame yommuu ta'u Amantoonni Taabota qabatanii baqataniiru. Manni Jireenyaa fi qabeenyi Kiristaanotaas gubateera.

Namoonni Ajjeefamanis
1. Obbo Dammiroo Abarraa Umuriin 70
2. Kaffaalanyi Likkeelawu Umuriin 56
3. Hayiluu Nugusee Umuriin 70
4. Isheetuu Daammanaa Umuriin 42
5. Ababaayyoo Daanyee Umuriin 42
6. Sammuu Abbaayinee Umuriin 70
7. Milishaa 1
8. Obbo Amaraa Balaayinee Umuriin 80
9. Taree Dassee Umuriin 25 kan

10. Obbo Nugusuu Maandafroo Aanaa Honqooloo Waabee
11. Obbo Baqqalaa H/Mikaa'eel Aanaa Honqooloo Waabee
12. Gannanaa Xilaahun Aanaa Shirkaa
13. Murteessaa Xilaahun Aanaa Shirkaa


ta'an yoo ta'u walumaa galatti Namoonni 13 ajjeefamaniiru. Aanaa Asakootti Namoonni 280 ol immoo qa'ee isaanirraa buqqaafamanii baqataniiru.

Sababa rakkoo nageenyaa hamaa kanaafis Uummanni bakka itti dhalatee guddate, Dhalchee ijoollee fi maatii horate qe'ee godhatee qabeenya horaterraa dirqamaan buqqaafamaa jiraachuun ibsamaa jira. Rakkoon ajjeechaa fi buqqaafamuu kunis kan irra gahaa jiru sababa Amantaa fi eenyummaa isaanitiif qofadha. Kanaanis Waajjirri Biyya Lallaba Arsii Gadda Guddaa nutti dhagahame ibsachaa kanneen Boqataniif Lubbuu isaanii Waaqayyoon nuuf haa maaru, Mootummaa isaatti nuuf haa yaadatu, kanneen Gaddanis Gadda isaanirraa Waaqayyoon nuuf haa jajjabeessu.

Eebbifamoo Abuna Eelsa'i Hangafa Phaaphaasii Biyyoota Lallabaa Arsii Fi Naannoo Sumaalee Jijjigaa Miseensa Qulqulluu Sinoodosii

© Arsi Diocese Public Relations Department
© Biyya Lallaba Arsiitti Kutaa Sab-Qunnamtii
© የአርሲ ሀገረ ስብከት ህዝብ ግንኙነት ክፍል

© የአርሲ ሀገረ ስብከት ሚድያ Miidiyaa Biyya Lallaba Arsii ...✍️

👉 Liinkii Gadii Kana Hordofuudhan Gara Chaanaaliiwwan Miidiyaa Keenyatti Dabalamaa
👉 ከታች ያሉትን ሊንክ በመጫን ወደ ቻናሎቻችን ተቀላቀሉ

👉 FACEBOOK👇👇👇👇👇ፌስቡክ
https://www.facebook.com/share/1bp49TDKhZ/

👉 TIKTOK👇👇👇👇👇ቲክቶት
tiktok.com/.ku.la.arsii

WhatsApp 👇👇👇👇👇ዋትሳፕ
https://whatsapp.com/channel/0029Vb6ZyoHId7nSWz2Uq73X

Inistagram👇👇👇👇👇ኢንስታግራም
https://www.instagram.com/miidiyaablarsii?igsh=MXRsaDgyeXJwdDdkdQ==

Telegram Chanal 👇👇👇👇👇ቴሌግራም
https://t.me/Arsi21

Telegram Group👇👇👇የግሩፕ ቴሌግራም
https://t.me/+do8_6-C5_ek4MjFk

Telegram Cominicate


IMO👇👇👇👇👇ኢሞ
https://call.imo.im/BiyyaLallabaArsii

02/06/2026

“Waa’ee keetiif yeroo hundumaa nu ajjeesu; akka hoolota qalamaniis taanee jirra.”
(Roomee 8:36)

Ibsa gaddaa Waldaa Dukaa Bu’ootaa irraa kenname.

Ajjeechaa suukanneessaa Kiristaanota Godina Arsii Bahaa aanaalee garaa garaa keessatti irra deddeebiin Kiristaanota Ortodoksii irratti raawwatamaa jiruun gadda ulfaataa nutti dhagaahame ibsachaa, mirgi lubbuun jiraachuu kiristaanota Ortodoksii akka kabajamu ni gaafanna.

Iyyiifi boo’ichi Kiristaanota Godina Arsii Bahaa irraa deddeebiin dhaagahamu birmannaa dhabuu isaa irraan kan ka’e ajjeechaa suukanneessaan qaamolee hidhataniin Kiristaanota irratti raawwatamu itti fufee jira.

Gabaasni Miidiyaa biyya lallaba Arsii Bahaa irraa arganne akka mul’isutti Caamsaa 23/2018 BA irraa eegalee biyya lallabaa Arsii Bahaa aanaa Asakoo, aanaa Shirkaafi aanaa Honqooloo Waabee jedhamanitti ajjechaa suukanneessaan qaamolee hidhataniin Kiristaanota Ortodoksii 13 irratti raawwatamee jira.

Qaamoleen hidhatan kun lubbuu Kiristaanota kanaa baasuu qofa osoo hin taane Mana Kiristaanaa qulqulluu Gabri’eelii Xalataa Caffaa umrii waggaa 101 lakkoofsise barbadeessanii jiru.

Haaluma wal fakkaatuun Mana Kiristaanaa Fayyisaa Addunyaa karra Kufteenaa irrattis saamichi kan raawwatame yommuu ta’u qabeenyi Mana Kiristaanichaas barbadeessanii jiru. Kiristaanota naannoo sanaas godaansaaf saaxilanii jiru.

Kiristaanota Ortodoksii Godina Arsii Bahaa aanolee garaa garaatti sababa amataasaaniif duuti isaan irratti labsamee yeroo garaa garaatti xoofoo du’aa dhandhamaa jiran kana caasaan bulchiinsa Mana Kiristaanaa keenyaa Sinoodosii irraa hanga kutaa biyya lallabichaatti jiru xiyyeeffannoo addaa itti kennuun caasaa qaamolee mootummaa nageenya lammilee akka eeganiif biyyattiin imaanaa itti laatte waliin mari’achuun Kiristaanota Godina Arsii Bahaa gaaddidduu du’aa jala jiran kanneen akka baraaran ni gaafanna.

Miseensonni Waldaa Duukaa Bu'ootaa akkasumas hawaasni Kiristaanaa biyya keessaafi biyya alaa obboloota keenya sababa Amantaa isaaniif wareegamaa jiraniif sagalee ta'uun isaan waliin akka dhaabbannus waamicha obbolummaa isiniif ni dhiyeessina.

Waaqayyo lubbuu Obboloota keenyaa sababa Amantaa Ortodoksii hordofaniif qofa wareegamummaan nu biraa darban kanneenii Mootummaa Isaa bara baraatti nuuf haa simatu; maatii isaanii gadda ulfaataarra jiran kanaas Afuura Isaan nuuf haa jajjabeessu.

Waldaa Duukaa Bu’ootaa
Caamsaa 24/2018, Finfinnee

01/06/2026

Kabaja Hundeeffama Waldaa Duuka Bu'ootaa Waggaa 14ffaa sababeeffachuun Waldaan Duuka Bu'ootaa Wiirtuu Bishooftuuf Naanawa ishee yaa'ii Afuurawaa Guyyaa sadiif ture akka fedhaaf jaalala Waaqayyootti gaggeeffame bifa milkaa'aan golobamee jira.
Sagantaa Afuurawaa guyyaa sadaffaa kana irrattis abbootiin amantaa hedduun kan argamaniifi eebbaaf barumsa Wangeelaa itti kennanidha. Saganta kana irrattis
✍️Hojii gaggeessaan mana Lubummaa Bishooftuuf naannawa Ishee Malaaka Bisraat Luba Sisaay,
✍️Ergamaa Dhiifamaa Qoomoos Aabbaa Shinoodaa Urgaa'aa,
✍️Ergamaa Dhiifamaa Qoomoos Aabbaa Mikaa'eel(Dr.),
✍️Luba Injiinar Fiqaaduu Walitti qabaa WDB Wiirtuu Muummee
✍️Ambaassadara nageenyaa Abbaa Gadaa Bayyanaa Sanbatoof abbootiin biroof keessummoonni hedduun argamanii jiru.
✍️ Gaggeessitoonni WDB Wiirtuu Shawaa Bahaa(Adaamaa) fi Dameewwan Waldaa keenyaa Damee Abbuu Seeraa, Damee Duukam, Galaan, Mojoo saganticha irratti hirmaataniiru.
Tasfaa Istuudiyoonis saganticha irratti argamuu akkuma yeroo hundaa sagantaalee waldaa duuka bu'oota uwwisa kennu argamuun sagantichi yaadannoo addaa qabaatu taasise jira.
Dhuma irrattis Waldaan Duuka Bu'oota Magaala Bishooftuu keessummoota kabajaa bakka gara garaa argamanii fi milkaa'ina sagantaa afuuraa guddaa gahee isaanii bahaniif galateeffataniiru.

Maddi Kutaa Midiyaa fi Odeeffannoo WDB Wiirtuu Magaala Bishooftuu.

01/06/2026

Kabaja Ayyaana Hundeeffama Waggaa 14ffaa WDB Wiirtuu Muummeefi Waggaa 4ffaa WDB Wiirtuu Buraayyuu irratti karaa Koree Walii galaa Wiirtuu Muummee irraa argamanii ergaa dabarsaniiru.
TV Sagalee Dhugaa
WDB Wiirtuu Burraayyuu