06/10/2026
የሊዮኔል ሜሲ የመጨረሻ የብሔራዊ ቡድን ጨዋታ
አዲስ አበባ፣ መስከረም 26፣ 2019 (ኤፍ ኤም ሲ) የዓለም ኮከቡ አርጀንቲናዊው ሊዮኔል ሜሲ እስካሁን ድረስ ለሀገሩ 207 ሰባት ጨዋታዎችን አድርጓል።
በዚህ አስተዋጽኦው የብሔራዊ ቡድኑ የምንም ጊዜም ከፍተኛ ግብ አስቆጣሪ ክብረ ወሰንን ይዟል።
በአርጀንቲና ርዕሰ መዲና ቦነስ አይረስ በሚገኘው ሞኑመንታል ስታዲየም ከቤኒን ጋር በሚደረገው የወዳጅነት ጨዋታ ለሀገሩ 208ኛ ጊዜ በመሰለፍ የስንብት ጨዋታውን ያደርጋል።
ሜሲ በአርጀንቲና ታሪክ ከምንጊዜም ታላላቅ ተጫዋቾች ቀዳሚው ነው። በ23ኛው የዓለም ዋንጫ ከስፔን ጋር ለፍጻሜ የተጫወተችው አርጀንቲና ሽንፈትን ካስተናገደች ከሳምንታት በኋላ ‘ከእንግዲህ የምሰጠው ምንም ነገር የለኝም’ በማለት ከብሔራዊ ቡድን ራሱን እንደሚያገል አስታውቆ ነበር።
ሜሲ ይህንን ውሳኔውን ይፋ ቢያደርግም አሰልጣኝ ሊዮኔል ስካሎኒ በብሔራዊ ቡድኑ ሜሲ የመቀጠል ፍላጎት ካለው በሩ ክፍት መሆኑን አስታውቀዋል።
ከብሔራዊ ቡድኑ ዛሬ በሚያደርገው ጨዋታ የሚሰናበተው ሜሲ የክለብ ስራውን በመቀጠል ከኢንተር ማያሚ ጋር ባለው በየዓመቱ የሚታደስ ውል መሰረት እስከ 2028 የውድድር ዘመን መጨረሻ ድረስ ይቆያል።
ሜሲ ወደፊት የሚጠብቀው ነገር አሁንም ግልጽ እየሆነ ነው። እግር ኳስን ሳይለቅ ይቀጥላል፣ ምክንያቱም ያለ እግር ኳስ መኖር ለእሱ አስቸጋሪ ይሆናል። ነገር ግን ሌሎች የንግድ ስራዎቹ ከእግር ኳስ ዓለም በጣም የራቁ ናቸው።
ኒውዌልስ ኦልድ ቦይስ ከሜሲ ጋር ቅርብ ሆኖ ይቆያል። ክለቡ በዚህ ዓመት በሚደረገው የሜሲ ካፕ ከሚሳተፉ 16 አካዳሚዎች አንዱ ነው።
ክለቦችን መያዝ አንዱ ፍቅሩ ከሆነ፣ የወጣቶች እግር ኳስ ሌላኛው ነው። በልጁ ጨዋታዎች ላይ በመደበኛነት መገኘቱና በሜሲ ካፕ ላይ የሚያሳየው ተሳትፎ ይህንን ያሳያል።
ሜሲ ከ16 ዓመት በታች ለሆኑ የአካዳሚ ቡድኖች የሚዘጋጀውን ውድድር በገንዘቡም በጊዜውም ይደግፋል።
ከሜዳ ውጭ ሜሲ ትልቅ የንግድ ስራ አውታር ገንብቷል። ይህም ፎርብስ በሰኔ ወር የሀብቱ መጠን ወደ 1 ነጥብ 1 ቢሊየን ዶላር እንደሚገመት እንዲገልጽ አድርጎታል። ባለፈው ዓመትም ከእግር ኳስና ከንግድ ስራ የተገኘ ገቢው ወደ 140 ሚሊየን ዶላር ነበር።
የሜሲ ታዋቂ የማስታወቂያ ስምምነት ከአዲዳስ ጋር የፈረመው የዕድሜ ልክ የስፖንሰርሺፕ ስምምነት ነው።
በንግድ ስራው ደግሞ ኤምአይኤም ሆቴልስ (MiM Hotels) ትልቁ ቢዝነሱ ነው።
በአቤል ነዋይ
