Ogaadenia Media

Ogaadenia Media Kuso dhawaw Wakaalada Wararka ee ogaadenia media' waxaad si maalinle ah' ugala socon dontaan' Wararka [email protected]
(5)

WAR DEG-DEG:Ciidamada Cirka Itoobiya ayaa duqeymo ka gaystay saldhigyo ay ciidamada TPLF ku lahaayeen nawaaxiga magaalad...
10/08/2026

WAR DEG-DEG:
Ciidamada Cirka Itoobiya ayaa duqeymo ka gaystay saldhigyo ay ciidamada TPLF ku lahaayeen nawaaxiga magaalada Merawa, ee gobolka Raya, deegaanka Tigray.

Wararka ayaa sheegaya in diyaaradaha dagaalka Itoobiya ay duqeeyeen fariisin ay ciidamada TPLF ku lahaayeen agagaarka Merawa, balse ilaa hadda lama oga khasaaraha ka dhashay duqeymahaasi.

Xiisadda u dhaxaysa TPLF iyo Dowladda Itoobiya ayaa cirka isku shareertay, iyadoo xaaladdu isu beddeshay gacan-ka-hadal iyo iska horimaadyo hubeysan.

Ogaadenia Media

Khilaaf wayn ayaa ka taagan meqaamka sharci ee Addis Ababa doodaha ayaa laysku mari waayay.Dooda Shirweynaha Wadatashiga...
10/08/2026

Khilaaf wayn ayaa ka taagan meqaamka sharci ee Addis Ababa doodaha ayaa laysku mari waayay.

Dooda Shirweynaha Wadatashiga Qaranka ee Itoobiya ayaa maraya marxaladihii ugu dambeeyay, iyadoo khilaafka maqaamka sharci ee Addis Ababa uu noqday qodobka ugu weyn ee muranka dhaliyay.

Doodda ugu badan waxay ka tagan tahay laba mowqif oo kala ah: in Addis Ababa noqoto magaalo federaal ah, ama in ay noqoto magaalo federaal ah oo sidoo kalena ah caasimadda Oromia.

Inta badan ergada ayaa taageertay in Addis Ababa noqoto magaalo federaal ah, balse muran xooggan ayaa ka dhashay soo-jeedinta ah in iyadoo ah magaalo federaal ah, sidoo kale loo aqoonsado caasimadda Oromia.

Qaar ka mid ah ergada ayaa ku doodaya in tallaabadaasi ay qoomiyad gaar ah siinayso xuquuq ama mudnaan dheeraad ah, taasoo sii kordhisay khilaafka.

Si xal looga gaaro arrintan, waxaa loo saaray guddi ka kooban 30 xubnood, balse guddiga ayaa ku guuldarreystay inuu heshiis ka gaaro qodobkaas, taasoo keentay inaan la soo bandhigin go’aan k**a dambeys ah.

Qaar ka mid ah wakiillada ayaa sidoo kale ku eedeeyay xubno ka tirsan Guddiga Wadatashiga Qaranka inay cadaadis ku saarayaan ergada inay taageeraan in Addis Ababa noqoto caasimadda Oromia.

Arintan ayaa xitaa samaysay xubnaha xisbiga barwaaqo iyago la sheegay inay kala Tageersan yahiin labada Qodob een kor ku sheegay.

Maadaama labada dhinac aysan weli helin xal dhexe oo la isku raacsan yahay, waxaa suuragal ah in arrinta Addis Ababa dib loo dhigo, si loo sii wado loona dhammeystiro ajandayaasha kale ee Shirweynaha Wadatashiga Qaranka.

Ogaadenia Media

:Ciidamada milatariga Itoobiya ayaa ka baxay degmada Buurhakaba ee gobolka Bay, halkaas oo ay ku sugnaayeen sanado bada...
10/08/2026

:
Ciidamada milatariga Itoobiya ayaa ka baxay degmada Buurhakaba ee gobolka Bay, halkaas oo ay ku sugnaayeen sanado badan.

Ciidamada Soomaaliya ayaa la wareegay fariisimihii ay banneeyeen ciidamada Itoobiya.

Ogaadenia Media

Waxaa la soo jeediyay in la sameeyo qaab-dhismeed Maleeshiyaad Qaran oo mideysan dalka oo dhan.Wali waxaa socda doodaha ...
10/08/2026

Waxaa la soo jeediyay in la sameeyo qaab-dhismeed Maleeshiyaad Qaran oo mideysan dalka oo dhan.

Wali waxaa socda doodaha Shirweynaha Wadatashiga Qaran ee Itoobiya, waxaana laga doodayaa arrimo masiiri ah.

Ergooyinka ayaa soo jeediyay in la sameeyo ciidamo Maleeshiyaad Qaran oo mideysan, kuwaas oo ka hawlgalaya guud ahaan dalka.

Sidoo kale, waxaa la soo jeediyay in mushahar bille ah loo sameeyo, inkastoo ergooyinka qaar ay sheegeen in arrintaasi culays ku noqon doonto miisaaniyadda dalka.

Ogaadenia Media

WAR CUSUB:Waxaa la soo jeediyay in la kala diro dhammaan Ciidamada Gaarka ah ee deegaannada dalka.Shirweynaha Wadatashig...
10/08/2026

WAR CUSUB:
Waxaa la soo jeediyay in la kala diro dhammaan Ciidamada Gaarka ah ee deegaannada dalka.

Shirweynaha Wadatashiga Qaran ee Itoobiya ayaa lagu soo jeediyay in gebi ahaanba la kala diro Ciidamada Gaarka ah ee ka jira dhammaan dowlad-deegaannada dalka.

Qaar ka mid ah ergooyinka ayaa sheegay in deegaannada Soomaalida, Canfarta iyo Oromadu aysan wali fulin amarkii dowladda dhexe bixisay ee ahaa in la kala diro Ciidamada Gaarka ah ee deegaannada.

Ergada ayaa ku doodaysa in qaar ka mid ah deegaannadu ay magacii un ka beddeleen Ciidamada, balse ay wali sii hawlgalaan.

Ergadii ka socotay Deegaanka Soomaalida ayaa ku dooday in Ciidamada Gaarka ah ee degaanka loo baahan yahay, iyagoo sheegay inay ka qayb qaataan la dagaallanka kooxda argagixisada ah ee AS.

Wakiillada ka socday Deegaanka Soomaalida ayaa codsaday in si gaar ah Deegaanka Soomaalida loogu daayo Ciidamada Gaarka ah ee Booliska.

Si kastaba ha ahaatee, inta badan ergooyinka ayaa isku raacay soo jeedinta ah in dhammaan la kala diro Ciidamada Gaarka ah ee deegaannadu leeyihiin.

Waxaa sidoo kale la soo jeediyay in deegaannada xaaladaha gaarka ah leh, sida Deegaanka Soomaalida, la geeyo ciidamada dawlada federaalka oo yaqaan luqadda, dhaqanka iyo xaaladaha bulshada ee Deegaanka Soomaalida.

Si kastaba ha ahaatee, arrintan wali waa soo jeedin, waxaana laga sugayaa go’aanka k**a dambaysta ah ee ka soo baxa Shirweynaha Wadatashiga Qaran ee Itoobiya.

Sidee u aragtaa?

Ogaadenia Media

09/08/2026

Magaalada Addis Ababa.

Ra’iisul Wasaaraha Itoobiya, Abiy Axmed, ayaa yiri: “Dhulka Oromia waa khad cas oo aan la hawaysan karin. Cidna ma haway...
09/08/2026

Ra’iisul Wasaaraha Itoobiya, Abiy Axmed, ayaa yiri: “Dhulka Oromia waa khad cas oo aan la hawaysan karin.

Cidna ma hawaysan karto dhinac kasta oo ka mid ah dhulka Oromia ayuu yiri Ra’iisul Wasaare Abiy Ahmed

Sidee u aragtaa?

Ogaadenia Media

Waxaa la soo jeediyay in maalinta Jimcaha lagu daro maalmaha fasaxa ee Ethiopia.Shirweynaha Wadatashiga Qaran ee Itoobiy...
08/08/2026

Waxaa la soo jeediyay in maalinta Jimcaha lagu daro maalmaha fasaxa ee Ethiopia.

Shirweynaha Wadatashiga Qaran ee Itoobiya ayaa weli socda, waxaana laga doodayaa arrimo badan oo masiiri ah.

Qaar ka mid ah ergada ayaa soo jeediyay in maalinta Jimcaha laga dhigo maalin fasax ah.

Inkasta oo ay weli socoto doodu, haddana qaar ka mid ah ergada ayaa codsaday in maalinta Jimcaha lagu daro maalmaha fasaxa ee Itoobiya.

Sidee u aragtaa?

Ogaadenia Media

Safiirka Itoobiya u fadhiya Kenya, Bacha Debele, ayaa sheegay xogo muhiim ah. Wuxuu yiri Masar TPLF ayay nagu mashquulin...
08/08/2026

Safiirka Itoobiya u fadhiya Kenya, Bacha Debele, ayaa sheegay xogo muhiim ah.

Wuxuu yiri Masar TPLF ayay nagu mashquulinaysaa, kadibna waxay doonaysaa in kooxda argagixisada ah ee AS, Ay soo geliso gobolka Ogaaden.

Masar ayaa ka dambaysa waxan oo dhan, TPLF ayay taageeraysaa, waxay doonaysaa in Ethiopia burburto, xuduuduhuna meesha ka baxaan ayuu yiri Bacha Debele.

TPLF waxaa dabada ka riixaya Masar iyo Eritrea, iyagoo doonaya inay Ethiopia dhinac walba ka hareereeyaan, waxayna doonayaan inay gobolka dagaal geliyaan ayuu sii raaciyay.

Isago hadalka sii wata ayuu yiri Bacha Debele, Masar waxay ku soo biirtay ciidamada nabad-ilaalinta ah ee Soomaaliya. Su’aashu waxay tahay: 30 sano oo ay Soomaaliya burbursanayd, xaggee Masar ku maqneyd? Xaggee joogtay xilligaas? Maxay u caawin wayday?.

Masar waxay doonaysaa in ciidamada Ethiopia ay ku mashquuliso gobolka Tigray, kadibna ay kooxda Argagixisada ah ee AS kasoo gasho dhinaca gobolka Ogaaden, iyagaana ka caawinaya, ayuu yiri.

TPLF markaan eegnay, shacabka lama socdaan. Waxa dabada ka riixaya waa xoogag shisheeye oo ay horkacayaan Masar iyo Eritrea.

Safiirka Itoobiya u fadhiya Kenya Bach Debele ayaa sidaas yiri isago la hadlaya BBC Amharic.

Sidee u aragtaa?

Ogaadenia Media

Xarunta Shidaalka Ogaden Oil and gaas ee Dawlad Deegaanka Soomaalida.
08/08/2026

Xarunta Shidaalka Ogaden Oil and gaas ee Dawlad Deegaanka Soomaalida.

Address

Addis Ababa

Telephone

+251915204320

Website

Alerts

Be the first to know and let us send you an email when Ogaadenia Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ogaadenia Media:

Shortcuts

Share

Category