17/08/2025
አብ ሃይቲ ዝቅፅል ዘሎ ስቓይን ጭውያን ምስ ትግራይ እንታይ እዮ ዘመሳስሎ
~~~~~~~~~~~~~~~~~~~~~~~~~~
ኣብ ጥቓ ርእሰ ከተማ ሃይቲ ፖርት ኦ ፕሪንስ ዝርከብ መዕቆቢ ዘኽታማት ቅድስቲ ሄለን እተመሓድር ልእኽቲ ወንጌል ጀና ሄራቲ ሓዊሱ ዝሓለፈ ሰንበት ዕለት 3 ነሓሰ ሓደ ወዲ ሰለስተ ዓመት ህጻንን ሸውዓተ ሰራሕተኛታትን ከም እተጨውዩን እቲ መዕቆቢ ዘኽታማት ንልዕሊ 200 ህጻናት ዝከናኸን ኮይኑ፡ እታ ልእክቲ ወንጌል ብሕያዋውነታ ፈቃርነታን ውፉይነታን እትፍለጥ ከም ዝኾነትን፣ እቶም ጨወይቲ ንሓደ ደጋዊ መንደቕ ሰቢሮም ድሕሪኡ ትኽ ኢሎም ናብቲ ኣብቲ ቀጽሪ ዝርከብ ቀንዲ ህንጻ ብምእታው ዝፈጸምዎ ጭውያ ብጥንቃቐ ዝተዳለወ ውጥን ምዃኑ ሓደ ናይቲ ከባብቢ ኣባል ቤት ምሕደራ ይገልፅ።
ሕጊ ኣልቦነትን ዓመጽ ጕጅለታትን ኣብታ ዝደኸየት ሃገረ ሃይቲ ማእለያ ዘይብሉ ስቓይ የስብዕ ኣሎ። ሕቡራት ሃገራት ልዕሊ ሰማንያ ሚእታዊት ርእሰ ከተማ ፖርት ኦ ፕሪንስ ኣብ ትሕቲ ቁጽጽር ናይ ጎደናታት ጕጅለታትን ዝተወደቡ ናይ ገበን ጉጅለታትን ከምዘላ ይገልጽ። ጭውያ ኣብ ሃይቲ መዓልታዊ ዝፍጸም ልሙድ ገበን ብምዃኑ፡ መብዛሕትኡ ግዜ ነጽዋር መዐድጊ ዝኸውን ብዙሕ ገንዘብ ንምርካብ ዝዓለመ እዩ። ሃገራት ብፍላይ ድማ ካብ ካሪብያን ዝመጻ፡ ነቲ ተኣፋፊ ናይ ሃይቲ ሓይልታት ጸጥታ ንምድልዳል፡ ኣባላት ፖሊስ ናብ ሃይቲ ሰዲደን እየን ክሳብ ሕጂ ግን ስርሒት ዓቃቢ ሰላም ንምቛም ምድልዳል ሰራዊት ዘቕረበት ዝኾነት ዓባይ ሃገር የላን፣ ሃይቲ ምርጫ ርእሰ ብሔር ከተካይድ ትደሊ፡ እዚ ግን ኣብዚ እዋን እዚ ብሰንኪ ሰፊሕ ዘይምርግጋእ ዘይከኣል ኮይኑ ይቕጽል ኣሎ።
credit : ቫቲካን ሬዲዮ
