04/11/2025
Caagid Yoo Wagtah Iyya Num Kawissaay Abba Hee Kalah Tatrewaay!!!
Qafarak Awak Nableh Nan Inkittinaane Kee Meqe Caalat Intik Baxah Innal Dacrisnay!!! Baarisnay!!! Daabisnay!!!
---------------------------------------------------------------
Inkih Akah naaxigeh Nan Innah Qafar Ayyunti Taturteh Tan Udduurat Kacnoyta Ceela Naqboyti 3 Baaxooxat Kuraabiyak Mala Akak Angale Kaleenim Dibuk Hinnay Naqboytit Intit Siita Yableenimih Caxxoh Baaheenih Sugeenimiiy Tamixxigeh Tan Tiya kinni.
Qafar Asaaku Afrikah Gaysal Isi Hinnay Raqteh Tan Agattiina Xiinissaamih Dudday Taallem Xiqak Sugte Taallem Hinnay Isim Falma Maleh Tamlikem Duude Akah Wayteemik Naharsitto Toh kinnim Tamixxige. 3 Baaxol Tan Qafarak Ixxima Siitah Fanah Gacissa Hayna Wak 5 Millionuk Tatre waytaamih Akkal Yan.
Laakin Tet Guubuk Maddur Raceynaani Inkih Intifiqqima Inteh Tet Gaddi Dibuk Tet Tu xiqil Asak Sugaamal Asaaku Dadalteeh African Gaysal Ossoobba Leeh Yayse Doori Digram Diqah Yan Agattiinah Sugak Tenem Dibuk Hinnay Qafar Numtinkaamol Mekla (Baaxo^baxiini Ufya) Geyak Sugak Tenem Marak Qellittam Hinna.
Takkay Immay Qafar 3 Amol Kuraabiyya Heenih Fanal Waaso ^ Gasoosa Akak Heenih Sugeenim Dibuk Hinnay Inki Baaxot Raaqah Yan Ayyunta Akak Kedoodal Kuraabiyak Itta Amine Kalla Heenih Mala Akak Baxiseenih Sugen Mara Kinni.
Tohuk Ugutak Asaaku Qafar Lem Amlike Kallaay Leemit Tantifiqqimem Hinnay Gabat Luk Temeeteeh Luk Sugteh Tan Saqi Gadda Akak Bayissa Heenih Madduuruuy, Ittallih Aalliyya Kee Siyaasah Caddol inkih Afrikah Gaysal Tanih Tan Agat Kee Agattinaanek Inkih Ellacaboh Caddol Raqtah Tan Agattiina Kinnimiy Tamixxigeh.
Takkay Immay Awayih Uddur Naqboytak Inkim Iyyaanamih Caddol Ayballuk Geytimtah Tan Inkittinaane Kee Meqe Caalat Kulli Qafar Numuh Meqe Qaago Yakkem Diqah Yan Afkan Kinni.
Tama Caalatay Awak Amballayuk Geytimah Iyya Akah Diggoowaah Baarima innah Dacrisaanaah Hanaawisaanam Dibuk Hinnay Kalah Tan Luddittel Baarisak Siyaasalaay, Madduruluy, Ittallih Aalliyya Kee Baxaabaxsa Le Luxxittel inkih Qafar Inkim Maxxocci Akah Taalle innah Abaanaah Afkan Yabbixsiiseenim Taama Abaanam Kulliimik Taakume Taama Nek Takkem Faxximta.
Toh Takkuh Tutaaxagooy , Miraaciinuuy, Qunxaaneyta Kee Kasle Inkih Walalakaay Malisakaay Numtikaamoh Fayxi Kee Tuxiq Wagittam Akak Cabakaay Dibuk Qafar Kee Qafar Baaxoh Sarrimaane Tu xiq Wagittaamal Afkan Yabbixsiiseenim Faxximtaah.
Toh Diggoowak Gexxuh Masquuliyat Leh Yan Mara Dibuk Hinnay Qafarah Yaakubeeh Qafar Caagidih Dananah Yan Num inkhi Isi Buxak Qembisak Isih Duudda Haam Akak Abam Faxximta.
3 Gaysal Tanih Tan Qafar Inkih Inkim Ixxicca intekiiy Qafar Afrikah Gaysal Isim Tamlikem Dibuk Hinnay Siyaasaay Maddur kee Ittallih Alliyyi Caagiida Udduruuk Uddur Abtah Tan Milaagut Yayse Gurral Gaba Haysitaanaah Yayse Doori Digraanam Kee Awak Qafarat Tanih Tan Baxaabaxsaleeh Baar leh Tan Taqabitte Sissikuk Milaagimele iyyaanamih Tu Mabul Liyooh.
Woh Dibuk Hinnay Afrikah Gaysal Tengele Qafar Ummuunoh Doolatay Afrikah Gaysal Qafar Doolat Diqsittaah Qafar Dibuk Isih Cagaltaah 2 Baddi Afa leh iyya Yableenim Kaadu Kaxxa Taqabi Nel Mabahta Iyyaanamih Tu Mabul liyooh.
Tumabul Dibuk hinnay Tamah Axacat Gactuh Udduruuy, Maalu Kee Nabsi Inkih Exxe Haak Duudda Haam Inkih Abuh Dagana Culah isinii Hay Qafar Qunxaaneytaw???
Mohammed Hakena
