Dr. Misha Bonka

Dr. Misha Bonka Doctor
Lecturer
Blogger

16/01/2025

Adunyaarra dhibeen hanga ammaa galmaayeeru meeqa jettanii yaaddu?

11/01/2025

Adunyaarraa biyyi lammiileen ishii hedduun 'ministera haajaa alaa' tahan biyya Itoopiyaa jedhamtu tana.
Ministeeronni haajaa alaa, kan karaa FB fi Tiktok hojjatan, hojiin akkam, dansaadhaa? 🙄

Faayidaan seelii dhiiga diimaa(Red blood cell) inni jalqabaa oksijiinii qaama namaa keessa geejjibuu dha. Tishuu fi Seel...
10/01/2025

Faayidaan seelii dhiiga diimaa(Red blood cell) inni jalqabaa oksijiinii qaama namaa keessa geejjibuu dha. Tishuu fi Seeliin qaama namaa jiraachuuf nyaataa fi oksijiinii argachuu qaban. Geejjiba oksijiiniitiif kan barbaachisu, hemogloobini oomishuuf murteessaa dha. Kana jechuun ayiranii gahaa dhabuun hir'inna dhiigaatiif nama saaxila.
Soorata akka foon diimaa, misira, boloqqee diimaa, xaafii diimaa, loozii fi tiruu loonii fa'a fayyadamuun ayiranii gahaa argachuuf ni gargaara.
Namni hir'inna dhiigaa qabu dabalataan dawaa ayiranii fudhachuun dirqama.

Fayyaa tahaa.

05/01/2025

Dhibeen qaama kee hin tuqinii mee birrii dhibbaa naaf kenni yoo jetteen, aaaaaaamiiiiiiiin jedhee yerooma san siif kenna.

Karaalee ittiin dhibee ofirraa ittisan kanneen armaan gadiitii dubbisi, haayi natti haa hafu😁.

Jiruu seetanii 🙄🤐.

INFEKSHIIN(INFECTION)*************************Biyyoota galii gadi-aanaa qaban keessatti namoota baayyee ajjeesuun sadark...
05/01/2025

INFEKSHIIN(INFECTION)
*************************
Biyyoota galii gadi-aanaa qaban keessatti namoota baayyee ajjeesuun sadarkaa duraarra kan jiru infekshiinii dha. Lubbu qabeeyyiin xixxiqqoon maykiroskooppii malee ija qullaan hin muldhannee, kan dhukkuboota namatti fidan (germ) jedhamu. Dhukkuboonni sababa jarmootaatiin dhufan (Infekshiin) jedhamu.

Jarmoonni kunis baakteeriyaa, pirotoozu'aa, fungasii fi vaayirasii fa'a yoo tahan, karaalee armaan gadiitiin daddarbu :
1. Qilleensaa jarmiin faalame harganuun.
Daranyoon sombaa(TB), nimooni'aan, infekshiiniin gurraa, infekshiiniin toonsilii fi harsasee faatii qilleensa jarmii dhukkuboota kana fidaniin faalame harganuun daddarbu.
2. Bishaanii fi dhugaatiiwwan jarmiin faalaman dhuguun.
Dhukkuboonni akka , 'idii, , fi kkf bishaan faalame dhuguun daddarbu. Dhukkubni bilhaarzi'a( shistosoomi'asis ) jedhamu ammoo bishaan cilaaluun faalame daakuun ykn tuttuquun daddarba.
Jarmoonni bishaaniin daddarban hedduun soorata faalame nyaachuunis ni daddarbu.
3. Wal-qunnamtii saalaatiin;
HIV/AIDS/, HBV(vaayirasii tiruu), HPV(vaayirasii kaansarii fiixxee gadaamessa), copxoo(Gonorrhea), Fanxoo(Syphilis), infekshiinii cidhaanii, infekshiinii gadaamessaa, kkf karaa wal-qunnamtii saalaa daanga maleetiin (unprotected sexual in*******se) daddarbu.
4. Hadharraa gara daa'imaatti (hidda handhuuraatiin, yeroo dahumsaa ykn harma hoosisuun)
Dhukkuboonni wal-qunnamtii saalaatiin daddarban hedduun haadharraa gara daa'imattis darbuu ni danda'u.

5. Dhiiga fudhaachuun(blood transfusion), wantoota qara qaban waliin fayyadamuu fi dhangala'aa qaama nama infekshii qabuu keessaa bahu tuttuquunis infekshiiniin akka vaayirasii tiruu fa'a daddarbuu danda'u. Kana ittisuuf yeroo ammaa dhiigni namaaf osoo hin kennamin dura qorannoo hedduu keessa darba.

INFEKSHIINIIRRAA OF-EEGUUF:
✍🏾 Namoota infekshiinii qilleensaan daddarbu qaban irraa fageenya keenya eegachuu, konkolaataa ummataatin yoo deemnu fooddaa banuu fi maskii uffachuu.
✍🏾 Bishaan danfisuun ykn keemikaala jarmii ajjeesu itti dabaluun fayyadamuu.
Hub: Bishaan boombaa, kan itoophiyaa, yeroo baayyee garmiirraa bilisaa miti.
✍🏾 Qulqulinna soorataa fi nama soorata qopheessuu eeguu.
✍🏾 Wal-qunnamtii saalaa daanga maleerraa of-eeguu.
✍🏾 Qulqulinna dhuunfaa fi naannoo eegachuu.

Infekshiiniin hedduu yaalaa ni qaba. Garuu infekshiiniin vaayirasii hedduu yaalaan fayyisuun hin danda'amne. Baakteeriyaan hedduu qorichoota duraan turan dandamachuu danda'eera( Drug resistance). Kanaafuu infekshiinii yaalurraa ittisuun salphaa dha.

Ofi eegaadhaa, ofi eeggachuun osoo hin kufin duraa.

Dr. Misha B. 2025

31/12/2024

NAMNI MAALIIF GADHOOMA?

Alberti Inistaa'in akka jedhutti, wantoonni lama dhuma hin qaban. Isaanis hawaa fi gadhummaa ilma namaati.
Diinni guddaan ilma namaa wallaalummaa(ignorance) dha.
Wallaalummaan gadhummatti nama geessa. Gadhummaan ammoo wallaalummaan nama hunda bira akka jirtu nama irraanfachiisa.

Dandeettiin yaaduu, gulaaluu, hubachuu ykn yaadachuu sababa maaliif gadi bu'uu danda'a? Gama biraatiin, namoonni maaliif gadhoomu (what are the causes of stupidity)?👇🏿

Dhimmi kun xiqqoo wal xaxaa dha. Sababoonni muraasni kanneen armaan gadiiti.

*Sadarkaa barnootaa gad-aanaa tahe qabaachuu. Sadarkaa barnootaa jechuun Digirii, Mastersii ykn Doktoreetii jechuu miti. Barnoonni sirriin jijjiirama sammuu fi amalaa fiduu qaba. Lammiin barnoota qulqulinna qabu hin arganne yaadaan osoo hin taanee miiraan masakama. Miiraan qofaan masakamuun gowwummatti nama geessa.

*Bartee boodatti hafaa.
Manaa fi maatiin keessatti guddatan akkasumas hawaasni keessa jiraatan; dandeettii yaaduu, hubachuu fi ragaadhaan wal-falmuu(rational debate) namootaarratti dhiibbaa qaba.

*Sadarkaa hawaas-diinagdee (Socio-economic status) gadi-aanaa tahe.
Hiyyummaan barnoota qulqulluu nama dhabsiifti. Dabalataan sammuun nama guddachuuf soorata madaalamaa barbaada. Sammuun sirritti hin dagaagne fi barnoota hin arganne gad-fageessee yaaduu hin danda'u.

*Dhiibbaa gurmuu(peer-influence).
Namoonni hiriyyootaa fi garee ofiitiin jaalatamuuf jecha, gadi-fageessanii yaaduurraa kallattuma gareen isaanii daaqetti faana daaqu. Namni bineensa hawaasummaa(social animal) waan taheef kophaa hafuu sodaata. Duuti biyyaan walii hirriba jechuunis kanuma. Gareen hojjachuu malee gareen yaaduun rakkoo fiduu danda'a.

*Kaka'umsa dhabuu(Lack of motivation), Muukuu(Depression) fi Araada garagaraatiin qabamuun dandeettii gadi fageessanii yaaduu namootaarratti dhiibbaa qaba.

*Dibeewwaan sammuu kan akka 'Stroke, dementia, Alzheimer, Parkison' fa'a dandeettii yaaduu, hubachuu fi yaadachuu namootaa gadi buusuu danda'u.

*Odeefannoo dogongoraa sassaabuu.
Jaarraa kun kan odeeffannooti. Maddoonni odeefannoo yoo baayyatan carraan odeefannoo sirrii argachuu akkuma dabalu, carraa odeefannoo dogongoraa (misinformation)-llee akkasumatti dabala. Odeefannoon dogongora ammoo nama gowwoomsa.

*Sanyummaan(genetically) dandeettiin yaaduu namootaa gadi-aanaa tahuu danda'a!

GUDUUNFAA
Namoonni kan gadhooman barbaadanii osoo hin taane; barnoota gahaa fi qulqulinna qabu dhabuun, dhiibbaa ijoolummaarraa kaasee manaa fi hawaasa keessaa jiruun, dagaaginna sammuu sababa garagaraatiin dhabuun, dhiibbaa gurmuutiin(peer-pressure), odeefannoo dogongoraa irra deddeebiin argachuu fi faayidaaf jecha goowwoomuu danda'u.

Dandeettiin yaaduu gad-aanaan adunyaa guutuurra jira. Ummata akka biyya Itoophiyaa, kan hawaas-diinagdee gad-aanaa keessa jiraatu, biratti akka baayyatu ni eegama.

Furmaanni maali? Isinumaaf dhiise.
Nagayaan oolaa❤

28/12/2024

Ummata Adunyaa biliyeena 8.1 ol keessaa bara 2024 kana qofa namoonni miliyeena 61.9 ol ta'an sababa garagaraan du'aan adunyaarraa deemaniiru. Kana jechuun guyyaa tokkotti nama kuma 170 ol, sa'aatii tokkotti nama kuma torbaa ol, daqiiqaa tokkotti nama 100 oltu du'a jechuu dha. Sekandii takkatti yoo xiqqaatte namni tokko adunyaarraa ni deema.
Ummata Itoophiyaa miiliyeena 130 olitti tilmaamu keessaa ammoo guyyaa guyyaan nama kuma lamaa(2000) oltu du'a jedhamee tilmaamama.
Ati ammayyuu lubbuun jirta. Uumaa kee galateefadhu, fayyaa kees eeggadhu❤.

fi waabefadhe.

Haala amma namoonni tokko tokko itti jiran irraa ka'uun 'namni maaliif gadhooma?' kan jedhu qo'achaa jirra. Bu'aa qorani...
26/12/2024

Haala amma namoonni tokko tokko itti jiran irraa ka'uun 'namni maaliif gadhooma?' kan jedhu qo'achaa jirra. Bu'aa qoranichaaf nu eegaa

"GUBATTEE HIN ARGINEEF DAA'IMNI IBIDATTI GAMTI."Erga medicine baradheen booda dhukkuboota hedduu soodaachuu eegale. Namo...
20/12/2024

"GUBATTEE HIN ARGINEEF DAA'IMNI IBIDATTI GAMTI."

Erga medicine baradheen booda dhukkuboota hedduu soodaachuu eegale. Namoota TB dhukkubsatanii sombi isaanii nyaatamee dhume, kan sombi isaanii godaanissa qofa ta'ee umrii isaanii guutu oksijiinii malee socho'uu hin dandeenye yoon argu kan kitaabootarraa dubbise caalaatti TB sodaachuu jalqabe. TBn qilleensaan karaa sirna hargansuutiin daddarba. Kana ittisuuf fknf konkolaataa ummataatiin yoo deemnu qilleensi gahaan akka jiraatuuf fooddaa banuu qabna. Namootni konkolaataa keessaa garuu yeroo baayyee fooddaa bani yoo jetteen qorri nu dhaha, mataan nu dhukkuba jechuun faayidaa yeroo xiqqootiif, dhibee yeroo dheeraatiif saaxilamu.
Namoota HIV dhukkubsatan kan guyyaa guyyaan osoo qoricha isaanii fudhatan qaamni isaanii gadi dhumu; sammuu, sombaa, garaa fi gogaanillee osoo hin hafin nyaatamee, bifa namummaa fixatanii du'an yoon argu HIVn baayyee na sodaachisa.
Duraan dhukkuboota kanaafi kan biroo hedduu hin sodaadhu. HIVn dawaa lubbuu dheerressu ni qaba yoo qabamanis yaalamuun ni danda'ama waan taheef hammana hunda waan nama sodaachisu natti hin fakkaatu.
Namoota tamboo xuuxaniin; tamboo dhiisaa kaansarii fidaa, dhibee onnee fi dhiibbaa dhiigaa fidaa yoo jetteen ammatti araada isaanii bahuu malee waa'een kaansarii dhugaa itti hin fakkaatu, baayyee isaan hin yaaddessu. Namoota araada dhugaatii alkoolii qabaniinis miidhaalee alkooliin fidu kan akka dhibee tiruu, dhuganii machaa'uun wal-qunnamtii daanga-maleetiin HIVn qabamuu akka danda'an yoo itti himtes kana dura dhukkubichaan qabamanii waan hin beekneef haga isaan irra gahutti dhugaa itti hin fakkaatu.

Rakkoo beekutu sodaa namatti uuma natti fakkaata. Ta'ullee walaallummaan yeroo xiqqoof gammaduurra beekanii sodaattuu ta'aniu of-eeggachuu wayya.
Waa'een rakkoo biyyi keenya itti deemaa jirtus namuma beekumsa waa'ee siyaasaa fi diinagdee qabu yaaddessa malee isa angoo malee beekumsa hin qabnetti tapha fakkaachuu danda'a. Warroonni dhimmi kun isin ilaallatu akkuma araadaa tamboo fi alkoolii san ykn akkuma qorra yeroo xiqqoo sodaaf dhukkuboota hamaaf saaxilamnu san faayidaa xiqqoof jennee dhibeerraa hin fayyine keessa akka seenaarru hubadhaa.

Of-eeggachuun osoo hin kufin dura.
Naga nu haa taasisu.

11/12/2024

Adunyaan ammaa tun jiraachuuf(for survival) yoo xiqqaate beekumsa bu'uuraa gama fayyaa, dinaagdee fi koompitaraa qabaachuu si gaafatti.

Dubbisi-hojjadhu-dubbisi!

11/12/2024

Satisfaction is expectation minus result.
It is upto you to lower your expectations or work hard to increase your result.

Intellectualism vs anti-intellectualism-----------------------------------------Beekumsa fedhuu fi Beekumsa jibbuuIntele...
28/11/2024

Intellectualism vs anti-intellectualism
-----------------------------------------
Beekumsa fedhuu fi Beekumsa jibbuu

Intelekshu'alizimiin faalaasama beekumsa fedhuuti. Waan hunda gad fageenyaan gulaaluu fi gad fageesanii yaadutti amanuu dha. Beekaa fi beekumsaaf iddoo guddaa kennuu dha. Waan hojjatan hundaaf sababa gahaa qabaachuu dha.
Intelekshu'alizimiin gaaffii gaafadhaa jedha. Sababa irratti hunda'anii wal mormuu(rational debate) fi wal qeequu(criticism) ni deeggara. Ilaalcha ummata keessa jiru hunda qo'annoo fi qorannoo irratti hundaa'uun dhugummaa isaa mirkaneessuuf yaala.
Akka biyyatti hojiin hojjatamuu fi tarsiimoon bahu, fedhii fi hawwii qofaan osoo hin taanee xiinxala gad fagoo fi bu'aa qorannoo irratti hundaa'uu qaba jedha.

'Anti-intelekshualizimiin' ammoo faalla kanaati! Beekaa fi beekumsa yeroo hundaa ijaa shakkiin ilaalu(skepticism).
Fedhii fi hawwiin beekumsa caalaa faayidaa qaba jedhu. Wal mormii gadi fagoo hin barbaadan. Isaan qeequu fi mormuun hin tahu. Yaada qo'annoo fi qorannoorratti hundaa'een osoo hin taane 'common sense' jaalatu. Yaada walxaxaa fi saayinsawaa fudhachuurra du'a filatu. (Dismissal of complex ideas)

Ilaalchi beekumsa jibbuu biyya keenya qofa osoo hin taane, addunyaa guutuu fi hawaasa hunda keessa jira! May be biyyoota dinagdeen duuban hafan kan akka biyya teenyaa tanatti waan heddumaatu fakkata!

Guddinna biyya tokkoof ilaalcha kam wayya jettu?
An gama kootiin Intellekshu'aliizimii du'een deeggara. Biyyi marii gad-fagoo dhugaarratti hundaa'een ijaaramuu qabdi!
Halkan gaarii❤

Address

Asella

Telephone

+251964441187

Website

Alerts

Be the first to know and let us send you an email when Dr. Misha Bonka posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dr. Misha Bonka:

Shortcuts

Share

Category