Luwa Media

Luwa Media ብዝሃነት ለኢትዮጵያ አንድነት፤ ልዩነታችንን በእኩልነት የምታስተናግድ ህብረ ብሔራዊት ኢትዮጵያን እውን ለማድረግ የራሳችንን ጡብ እናስቀምጣለን። ኢትዮጵያ!
(7)

የሲዳማ ክልል አዲስ መንግሥት የመሥራች ጉባኤ ጥሪ ተደረገሀዋሳ፣ መስከረም 13/2019 ዓ.ም. — በሰባተኛው ሀገራዊ ምርጫ የተመረጡ የሲዳማ ክልል ምክር ቤት አባላት የመሥራች ጉባኤ እንዲሳተ...
23/09/2026

የሲዳማ ክልል አዲስ መንግሥት የመሥራች ጉባኤ ጥሪ ተደረገ

ሀዋሳ፣ መስከረም 13/2019 ዓ.ም. — በሰባተኛው ሀገራዊ ምርጫ የተመረጡ የሲዳማ ክልል ምክር ቤት አባላት የመሥራች ጉባኤ እንዲሳተፉ ጥሪ ተደረገ።

የመሥራች ጉባኤው ከመስከረም 20 እስከ 22 ቀን 2019 ዓ.ም. እንደሚካሄድ በክልሉ ፕሬዚዳንት አቶ ደስታ ለዳሞ ፊርማ በወጣው የጥሪ ደብዳቤ ተገልጿል።

በክልሉ ምክር ቤት የአባላትና የአሠራር ሥነ-ምግባር ደንብ አንቀጽ 7(1) መሠረት፣ የምክር ቤቱን መሥራች ጉባኤ የክልሉ ፕሬዚዳንት እንደሚጠራ ተደንግጓል።

በዚህ መሠረት የተላለፈው ጥሪ፣ በሰባተኛው ሀገራዊ ምርጫ የተመረጡ የምክር ቤቱ አባላት መስከረም 19 ቀን 2019 ዓ.ም. በምክር ቤቱ ተገኝተው ሪፖርት እንዲያደርጉ ያሳስባል።

ከዚያም መስከረም 20 ቀን የሚጀምረው መሥራች ጉባኤ ለሦስት ቀናት እስከ መስከረም 22 ቀን ድረስ እንደሚቀጥል ተገልጿል።

የመሥራች ጉባኤው ከምርጫው በኋላ የክልሉ ምክር ቤት አዲስ የሥራ ዘመን እንዲጀምር እና በምርጫ ውጤቱ መሠረት የሚቋቋመው አዲሱ የክልሉ መንግሥት ሕጋዊ ሂደት እንዲቀጥል የሚያስችል የምሥረታ ሂደት አካል መሆኑ ተመልክቷል።

ሉዋ ሚዲያ

#መረጃ: በሀዋሳ ከተማ የዳቶ ቀበሌ ፈጣን የቤት ፈረሳ ስጋት ደቅኖብናል— ነዋሪዎች የሀዋሳ ከተማ አስተዳደር በዳቶ ቀበሌ ድንገተኛ የቤት ፈረሳ ሊያካሂድ መዘጋጀቱን ተከትሎ ነዋሪዎች በከፍተ...
23/09/2026

#መረጃ: በሀዋሳ ከተማ የዳቶ ቀበሌ ፈጣን የቤት ፈረሳ ስጋት ደቅኖብናል— ነዋሪዎች

የሀዋሳ ከተማ አስተዳደር በዳቶ ቀበሌ ድንገተኛ የቤት ፈረሳ ሊያካሂድ መዘጋጀቱን ተከትሎ ነዋሪዎች በከፍተኛ ስጋትና ጭንቀት ውስጥ መግባታቸውን ገለጹ።

ነዋሪዎቹ እንደገለጹት፣ ከከተማ አስተዳደሩ የተላኩ አንዳንድ ግለሰቦች ከጸጥታ ሃይሎች ጋር በመሆን ቤቶቻቸውን በአጭር ጊዜ ውስጥ እንዲያፈርሱና በፍጥነት ቦታውን እንዲለቁ ጫና እያደረጉባቸው ነው። ማንዲሶቹ ቀይ ምልክት ካደረጉበት በሦስት ቀናት ውስጥ ቤቶቻችሁን አፍርሳችሁ ቦታውን ነፃ ካላደረጋችሁ በሚቀጥለው ቀን በዶዘር እናፈርሳለን የሚል ማስጠንቀቂያ ተሰጥቷቸዋል።

ይህም ነዋሪዎቹን በድንገተኛ ውሳኔ ቤታቸውን እንዲያፈርሱ እና በአጭር ጊዜ ውስጥ መኖሪያቸውን እንዲለቁ የሚያስገድድ ሁኔታ መፍጠሩን ተገልጸዋል። “ቤታችንን ካፈረስን በኋላ ወዴት እንሄዳለን?” የሚለው ጥያቄ ከነዋሪዎቹ የሚሰማ ዋነኛ ስጋት ሆኗል።

በተለይም ያላቸውን ንብረት ለማንቀሳቀስና ሌላ መኖሪያ ለማፈላለግ በቂ ጊዜ እንዳልተሰጣቸው ነዋሪዎቹ ተናግረዋል። በአካባቢው ሱቆች ያላቸው ነጋዴዎችም በአጭር ጊዜ ውስጥ ቦታውን ለቀው እንዲሄዱ መጠየቃቸው ተጨማሪ ችግር መፍጠሩን ገልጸዋል። በሌላ በኩል ሱቃችንን በዚህ ፍጥነት አፍርሰን ያለንን ሸቀጥ ወዴት እንውሰድ? ሌላ ሱቅ ሳናገኝ ንግዳችንን ለማቆም እና ለኪሳራ ለመዳረግ ከጫፍ ደርሰናል” ሲሉ ነጋዴዎቹ ገልጸዋል።

ነዋሪዎቹ ቤቶቹ እንዲፈርሱ የሚወሰን ከሆነም እንኳን ለንብረታቸው ማንቀሳቀሻ፣ ለሌላ መኖሪያ ወይም የንግድ ቦታ ፍለጋ በቂ ጊዜ እንዲሰጣቸው ጠይቀዋል። በተለይም የቤት ፈረሳው ድንገተኛና በጥድፊያ መፈጸሙ የማይቀር ከሆነ፣ ነዋሪዎቹ ያለምንም ዝግጅት ከመኖሪያቸው እንዲፈናቀሉ የሚያደርግ ሁኔታ እንደሚፈጥር ገልጸው፣ ከተማ አስተዳደሩ ጉዳዩን በማጤን ለነዋሪዎቹ ተገቢውን ጊዜና መረጃ እንዲሰጥ ጠይቀዋል።

ሉዋ ሚዲያ

#ሰበር: በሀዋሳ ከተማ በግድያ ወንጀል የተጠረጠሩ ሦስት ግለሰቦች ተያዙበሀዋሳ ከተማ አንድን ነዋሪ በስለት በመውጋት ለሞት በማዳረስ የተጠረጠሩ ሦስት ግለሰቦች በፖሊስ ቁጥጥር ስር መዋላቸው...
20/09/2026

#ሰበር: በሀዋሳ ከተማ በግድያ ወንጀል የተጠረጠሩ ሦስት ግለሰቦች ተያዙ

በሀዋሳ ከተማ አንድን ነዋሪ በስለት በመውጋት ለሞት በማዳረስ የተጠረጠሩ ሦስት ግለሰቦች በፖሊስ ቁጥጥር ስር መዋላቸውን የሀዋሳ ከተማ ፖሊስ አስታወቀ።

ፖሊስ ዛሬ ረፋድ በሰጠው ማብራሪያ እንደገለፀው፣ የሀዋሳ ከተማ ነዋሪ የነበሩት አቶ ግርማ ዋሸ መስከረም 9 ቀን 2019 ዓ.ም. ከምሽቱ 5፡40 ገደማ ከባለቤታቸው ጋር በመሆን ከሀዋሳ ሪፈራል ሆስፒታል ሕመምተኛ ጠይቀው ወደ ቤታቸው ሲመለሱ በቱላ ክፍለ ከተማ፣ ቱሎ ቀበሌ፣ አማ ፓርክ አካባቢ ማንነታቸው ባልታወቁ ግለሰቦች በስለት ተወግተው ህይወታቸው ሊያፍ ችሏል።

የሀዋሳ ከተማ አስተዳደር ፖሊስ መምሪያ እና የቱላ ክፍለ ከተማ ፖሊስ ባካሄዱት ክትትልና አሰሳ፣ ወንጀሉን እንደፈጸሙ የተጠረጠሩ ሦስት ግለሰቦች በህብረተሰቡ ተሳትፎና በፖሊስ ክትትል ከተደበቁበት ተገኝተው በአጭር ጊዜ ቁጥጥር ስር መዋላቸውን ተገልጿል።

የሀዋሳ ከተማ ፖሊስ መምሪያ ምክትል መምሪያ አዛዥና የወንጀልና የትራፊክ አደጋ ምርመራ ኃላፊ ኢንስፔክተር ደሳለኝ ደንጊሶ እንደገለጹት፣ በቁጥጥር ስር በዋሉት ተጠርጣሪዎች ላይ ምርመራ እየተካሄደ ነው። የምርመራው ሂደት እንደተጠናቀቀ ውጤቱ ለህዝብ ይፋ እንደሚደረግ ኢንስፔክተር ደሳለኝ ገልጸዋል።

ኢንስፔክተር ደሳለኝ አክለውም፣ በሀዋሳ ከተማ ማንኛውም ህገወጥ ድርጊት ከሕግ አምልጦ ሊቀር እንደማይችል ገልጸው፣ ፖሊስ የከተማዋን ሰላምና የነዋሪዎቿን ደህንነት ለማስጠበቅ በቁርጠኝነት እንደሚሰራ ጠቁመዋል።

በተጨማሪም ህብረተሰቡ ለአካባቢው ሰላምና ደህንነት ለማስከበር ከፖሊስ ጋር ያለውን ትብብር አጠናክሮ እንዲቀጥል ጥሪ ቀርቧል።

የሀዋሳ ከተማ ፖሊስ መምሪያ በአቶ ግርማ ዋሸ ሞት የተሰማውን ጥልቅ ሀዘን ገልጾ፣ ለቤተሰቦቻቸው፣ ለዘመዶቻቸውና ለወዳጆቻቸው መጽናናትን ተመኝቷል።

ሉዋ ሚዲያ

#መረጃ: በሀዋሳ አቶ ግርማ ዋሸ በስለት ተወግተው ሕይወታቸውን አጡበሀዋሳ ከተማ አቶ ግርማ ዋሸ በስለት ተወግተው ሕይወታቸውን ማጣታቸው ከቤተሰቦቻቸው የቀረቡ ምንጮች ገለጹ።አቶ ግርማ ዋሸ ...
20/09/2026

#መረጃ: በሀዋሳ አቶ ግርማ ዋሸ በስለት ተወግተው ሕይወታቸውን አጡ

በሀዋሳ ከተማ አቶ ግርማ ዋሸ በስለት ተወግተው ሕይወታቸውን ማጣታቸው ከቤተሰቦቻቸው የቀረቡ ምንጮች ገለጹ።

አቶ ግርማ ዋሸ 09/01/2019 ዓ.ም. ማታ ግዜ ከባለቤታቸው ጋር በሀዋሳ ሪፈራል ሆስፒታል የታመመ ሰው ጠይቀው ከወጡ በኋላ፣ በአካባቢው ባልታወቁ ግለሰቦች በስለት መወጋታቸው ተገልጿል።

በጥቃቱ ወቅት ባለቤታቸው ክስተቱን በቅርብ መመልከታቸውንና በደረሰባቸው ከባድ ስነልቦና ጫናና ድንጋጤ ምክንያት ራሳቸውን ስተው በአሁኑ ወቅት ጽኑ ህሙማን ሕክምና እያገኙ መሆኑን ምንጮቹ አስታውቀዋል።

ቅርብ ወዳጆቹ እንደሚገልጹት፣ ሟቹ ለጥላቻ የራቁ፣ በሰዎች መካከል በደስታ የሚኖሩና ብዙዎች ጋር የተቀራረቡ ሰው ነበሩ። በመሆኑም ጥቃቱ የተፈጸመበት ምክንያትና ተጠርጣሪዎቹ ማንነት በፍጥነት እንዲጣራ ጠይቀዋል።

ቤተሰቡ እና ቅርብ ወዳጆቹ የፍትሕ አካላት ጉዳዩን በአስቸኳይ በመመርመር በጥቃቱ የተሳተፉ ግለሰቦችን ለሕግ እንዲያቀርቡ ጠይቀዋል። በተጨማሪም በከተማዋ የሚኖሩ ነዋሪዎች ደህንነት እንዲጠበቅ ጥሪ አቅርበዋል።

የአቶ ግርማ ዋሸ ቤተሰቦች፣ ወዳጆችና የሥራ ባልደረቦች በደረሰባቸው ሀዘን መጽናናትን ገልጸው፣ ጉዳዩ በፍጥነት ተጣርቶ ፍትሕ እንዲሰፍን ጠይቀዋል።

ሉዋ ሚዲያ

“በኢትዮጵያ ፖለቲካ አደረጃጀት የዜግነት ፖለቲካ በብሔር ፖለቲካ ተሸንፏል” በኢትዮጵያ የዜግነት ፖለቲካን መሠረት አድርገው ለዓመታት ሲታገሉ የቆዩት አቶ ልደቱ አያለው፣ የዜግነት ፖለቲካ በብ...
18/09/2026

“በኢትዮጵያ ፖለቲካ አደረጃጀት የዜግነት ፖለቲካ በብሔር ፖለቲካ ተሸንፏል”

በኢትዮጵያ የዜግነት ፖለቲካን መሠረት አድርገው ለዓመታት ሲታገሉ የቆዩት አቶ ልደቱ አያለው፣ የዜግነት ፖለቲካ በብሔር መሠረት በሚደራጅ ፖለቲካ መሸነፉን ገለጹ።

አቶ ልደቱ እንደገለጹት፣ በኢትዮጵያ የፖለቲካ አሰላለፍ ውስጥ የኢትዮጵያንስት ወይም የዜግነት ፖለቲካን የሚያራምዱ ኃይሎች በንዑስ ብሔር ብሔርተኝነት ላይ በተመሠረተ የፖለቲካ አደረጃጀት ተሸንፈዋል።

ፖለቲከኛው፣ ለበርካታ አስርት ዓመታት በጽናት ሲያራምዱት የቆዩት የፖለቲካ አደረጃጀት አቋም በተቃራኒው የፖለቲካ ጎራ መሸነፉን በይፋ ማመናቸውን ተናግረዋል።

በአቶ ልደቱ አተያይ፣ የዜግነት ፖለቲካ በጋራ ዜግነት ላይ ተመሥርቶ የተለያዩ ማንነቶችን በአንድ የፖለቲካ መድረክ ለማሰባሰብ የሚሞክር ሲሆን፣ ብሔር መሠረት ያደረገው ፖለቲካ ደግሞ በብሔርና በማንነት ዙሪያ ሕዝብን ማደራጀትን ዋና መሠረት አድርጎ ቆይቷል።

እሳቸው እንደሚሉት፣ በአሁኑ የኢትዮጵያ ፖለቲካ አደረጃጀት ውስጥ የብሔር ፖለቲካ ከዜግነት ፖለቲካ የበለጠ የሕዝብ ተቀባይነት እና የማደራጀት አቅም ማግኘቱ ታይቷል።

ይህም አቶ ልደቱ ለረጅም ጊዜ ሲያራምዱት የቆዩት የዜግነት ፖለቲካ አቋም በኢትዮጵያ ፖለቲካ ውስጥ ያለውን የተግባር ውጤት እንደገና ለመገምገም ያስገደዳቸው ሲሆን፣ የብሔር ፖለቲካ በፖለቲካዊ አደረጃጀት ውስጥ ጠንካራ ተፎካካሪ ሆኖ መቆየቱንም ያመለክታል።

ሉዋ ሚዲያ

የወላይታ ብሔር የጊፋታ በዓል በሀዋሳ ተከበረሀዋሳ፦ የወላይታ ብሔር የዘመን መለወጫ የሆነው የጊፋታ በዓል በሀዋሳ ከተማ በባህላዊ ዝግጅቶች ታጅቦ ተከበረ።በበዓሉ አከባበር ላይ የወላይታ ዞንና...
17/09/2026

የወላይታ ብሔር የጊፋታ በዓል በሀዋሳ ተከበረ

ሀዋሳ፦ የወላይታ ብሔር የዘመን መለወጫ የሆነው የጊፋታ በዓል በሀዋሳ ከተማ በባህላዊ ዝግጅቶች ታጅቦ ተከበረ።

በበዓሉ አከባበር ላይ የወላይታ ዞንና የሀዋሳ ከተማ ከፍተኛ አመራሮች፣ የሲዳማና ወላይታ ብሔር የሀገር ሽማግሌዎች፣ ወጣቶችና የብሔሩ ተወላጆች ተሳትፈዋል።

የወላይታ ዞን ዋና አስተዳዳሪ አቶ ሳሙኤል ተሰማ፣ ጊፋታ ያለፈውን ዘመን ቂምና አለመግባባት በዕርቅ በመዝጋት አዲስ ዘመንን በፍቅርና በአብሮነት ለመቀበል የሚያነሳሳ ባህላዊ እሴት መሆኑን ገልጸዋል።

በዓሉ በሀዋሳ መከበሩ በሲዳማና ወላይታ ሕዝቦች መካከል ያለውን የቆየ ማህበራዊና ባህላዊ ትስስር ለማጠናከር ዕድል እንደሚፈጥር የሀዋሳ ከተማ አስተዳደር ከንቲባ አቶ ጥራቱ በየነ ገልጿል። የሁለቱ ሕዝቦች ባህላዊ በዓላትም የሰላም፣ የፍቅር፣ የዕርቅና የአብሮነት እሴቶችን በማጠናከር ለማህበራዊ ትስስር እና ለባህል ቱሪዝም ያላቸው አስተዋጽኦ ተጠቅሷል።

የጊፋታ በዓል አከባበሩ በሽማግሌዎች ምርቃት፣ በወጣቶች ባህላዊ ጨዋታዎችና ትዕይንቶች ታጅቦ ተጠናቋል።

ዮዮ ጊፋታ!

ሉዋ ሚዲያ

“አምና 82 ሺህ ሥራ ዕድል ተፈጥሯል፣ ዘንድሮ 83 ሽህ ሥራ እድል ለመፍጠር አቅደናል” የሲዳማ ክልል ሥራ ዕድል ፈጠራ ሪፖርት ተቃራኒ መረጃ ጥያቄ አስነሳየሲዳማ ክልል ክህሎትና ሥራ ዕድል ...
14/09/2026

“አምና 82 ሺህ ሥራ ዕድል ተፈጥሯል፣ ዘንድሮ 83 ሽህ ሥራ እድል ለመፍጠር አቅደናል” የሲዳማ ክልል ሥራ ዕድል ፈጠራ ሪፖርት ተቃራኒ መረጃ ጥያቄ አስነሳ

የሲዳማ ክልል ክህሎትና ሥራ ዕድል ፈጠራ ዘርፍ በ2019 ዓ.ም. የበጀት ዓመት 83 ሺህ ዜጎች የሥራ ዕድል ለመፍጠር ዕቅድ መያዙን ለኢትዮጵያ ፕሬስ ድርጅት ቢገልጽም፣ በባለፈው ዓመት ስለተከናወነው ሥራ የቀረቡ ሪፖርቶች እርስ በርሳቸው የሚጋጩ መረጃዎችን መያዛቸው ጥያቄ አስነስቷል።

በአሁኑ ሪፖርት 83 ሺህ ዜጎች የሥራ ዕድል ለመፍጠር ዕቅድ መያዙ ተገልጿል። ይህ ሪፖርት ግን በባለፈው የበጀት ዓመት 60 ሺህ ዜጎች ሥልጠና እንደወሰዱና ለ72 ሺህ ዜጎች የሥራ ዕድል ለመፍጠር ታቅዶ ክንውኑ ከዕቅዱ በላይ መፈጸሙን ይገልጻል። ለማስታወስ ያክል ከሁለት ወራት ገደማ በቀረበ ሌላ ሪፖርት ደግሞ ከ82 ሺህ የሚበልጡ ዜጎች የሥራ ዕድል መፈጠሩ ተገልጾ ነበር።

በመሆኑም በአንድ በኩል 60 ሺህ ዜጎች ሥልጠና ወስደው ለ72 ሺህ በላይ ዜጎች የሥራ ዕድል መፍጠር መቻሉን፣ እንዲሁም ከ84 ሺህ በላይ የሥራ ዕድል መፈጠሩን የሚገልጽ መረጃ ካለ፣ በሌላ በኩል ከእነዚሁ ሥልጠና ከወሰዱ ዜጎች መካከል ሙሉ በሙሉ ሥራ ማስያዝ ያልተቻለው በብድር እጥረት ምክንያት ነው መባሉ ግልጽ ያልሆነ ጥያቄ ያስነሳል።

ከ60 ሺህ ሰልጣኞች መካከል ስራ ያላገኙት የትኞቹ ናቸው? ሪፖርቱ በቁጥሮቹ መካከል ያለውን ዝምድና በግልጽ ካላስቀመጠ የሥራ ዕድል ፈጠራውን ተጨባጭነት ለመመዘን አዳጋች ይሆናል። እዚህ ላይ ዋና ጥያቄ፣ 60 ሺህ ዜጎች ሥልጠና ወስደው 72 ሺህ በላይ ሰዎች የሥራ ዕድል ተፈጥሯል ከተባለ፣ በብድር እጥረት ምክንያት ሥልጠና ከወሰዱት ውስጥ ሙሉ በሙሉ ሥራ ማስያዝ ያልተቻለው ማን ነው? የሚለው ነው።

የተፈጠረው የሥራ ዕድል ሥልጠና ከወሰዱት 60 ሺህ ሰዎች በላይ 12 ሽህ ስልጠና ያልወሰዱ ጭምር ስራ እንደያዙ ሪፖርቱ ያሳያል። ስለዚህ ስራ ሳያገኙ የቀሩት ምንጭና አሠራሩ እንዴት ይታያል? ስራ ያላገኙት ከ60 ሺህ ሰልጣኞች ውስጥ ከሆነ ደግሞ፣ በብድር ችግር ሥራ ማስጀመር ያልተቻላቸው ሰዎች ቁጥር ስንት ነው? የሚለው መረጃ በግልጽ መቀመጥ አለበት።

የዘርፉ ባለሙያዎቹ እንደሚሉት፣ “ሥራ ዕድል ተፈጠረ” የሚለውን፣ ከሥራ ፈላጊዎች በትክክል ሥራ አገኝተዋል ከሚለው መለየት ይገባል። ሥልጠና መስጠት፣ ለሥራ መመዝገብ፣ የሥራ ዕድል ለመፍጠር ዕቅድ መያዝና በተግባር ዘላቂ ሥራ መፍጠር አንድ አይደሉምና።

እጅግ አሳዛኙ ነገር የዚህ ቢሮ በየዓመቱ የሥራ ዕድል ፈጠራ ሪፖርቶች ከፍተኛ ቁጥሮችን የሚያሳዩ መሆናቸው ነው፣ በመሬት ላይ የሚታየው የወጣቶች ሥራ አጥነት ግን እነዚህ ቁጥሮች ከእውነታው ጋር ምን ያህል እንደሚጣጣሙ የሚጠይቅ ነው። የዚህ ተቋም እውነተኛ ክንውን እና የሪፖርቱ ተዓማኒነት የሚፈታተነውም እዚህ ላይ ነው።

በተለይ ባለፉት አምስት ዓመታት በተመሳሳይ የስኬት ሪፖርቶች በተደጋጋሚ የቀረቡ ቢሆንም፣ የሚታይና ዘላቂ የሥራ ዕድል ፈጠራ ችግሩን እስካሁን መፍታት አልቻለም፣ ስለሆነም ሪፖርቶቹ የሚያሳዩት ቁጥር እና የወጣቶች ተጨባጭ ሕይወት ለውጥ መካከል ያለው ልዩነት በጥልቀት ሊመረመር ይገባል።

በገሃዱ አለም ዛሬም ከዩኒቨርሲቲዎች እና ከተለያዩ ኮሌጆች በፕሮፌሽናል ሙያ ተመርቀው ሥራ ሳያገኙ በቤተሰቦቻቸው ላይ ጥገኛ ሆነው የሚገኙ በመቶ ሺዎች የሚቆጠሩ ወጣቶች መኖራቸው እሙን ነው። በመሆኑም የተቋሙ የሥራ ዕድል ፈጠራ ፖሊሲው ውጤታማነት ላይ ትልቅ ጥያቄ ያነሳል።

ስለዚህ የተቋሙ ችግር ሪፖርቶቻቸው ውሸት ነው ብሎ በመፈረጅ ብቻ የሚያበቃ አይደለም፤ የሪፖርቱ አሃዞች ከየት መጡ? ምንን ይለካሉ? እርስ በርሳቸውስ ለምን ይጋጫሉ? የሚሉት ጥያቄዎች መመለስ አለባቸው።

በሀሰተኛ ሪፖርት ሕዝብን ለማሳመን ቁጥር መጥቀስ ቀላል ልሆን ይችላል፤ ነገር ግን ቁጥሩን በተጨባጭ ሥራ፣ በዘላቂ ገቢና በወጣቶች ሕይወት ለውጥ ላይ ማሳየት ያስፈልጋል። መንግስት ከህዞብ ጋር የገባውን መቃቃርን ለመቀነስ በተጠያቅነት መርህ መስራት ይገበዋል። የሥራ ዕድል ፈጠራ ሪፖርትም ከራሱ ጋር መጋጨት ተላቀው መሬት ላይ ካለው እውነታ ጋር መጣጣም ይኖርበታል።

ሉዋ ሚዲያ

#ውጤት! ሲዳማ ቡና በካፍ ሻምፒየንስ ሊግ ቅድመ ማጣሪያ ወደ ቀጣዩ ዙር አለፈበካፍ ሻምፒየንስ ሊግ ማጣሪያ ኢትዮጵያን የወከለው ሲዳማ ቡና የቻዱን ክለብ ኤግሎንስ በድምር ውጤት በማሸነፍ ወ...
13/09/2026

#ውጤት! ሲዳማ ቡና በካፍ ሻምፒየንስ ሊግ ቅድመ ማጣሪያ ወደ ቀጣዩ ዙር አለፈ

በካፍ ሻምፒየንስ ሊግ ማጣሪያ ኢትዮጵያን የወከለው ሲዳማ ቡና የቻዱን ክለብ ኤግሎንስ በድምር ውጤት በማሸነፍ ወደ ቀጣዩ ዙር ማለፉን አረጋግጧል፡፡

ሲዳማ ቡና በዛሬው ዕለት በድሬዳዋ ስታዲየም ባደረገው የቅድመ ማጣሪያ የመልስ ጨዋታ ኤግሎንስን 3 ለ 0 አሸንፏል፡፡

የሲዳማ ቡናን ግቦች አቤል ያለው (2) እንዲሁም ደስታ ደሙ አስቆጥረዋል፡፡

ውጤቱን ተከትሎ በመጀመሪያው ጨዋታ ያለግብ አቻ የተለያዩት ሲዳማ ቡናዎች በድምር ውጤት 3 ለ 0 በማሸነፍ ወደ ሁለተኛው ዙር የቅድመ ማጣሪያ ማለፋቸውን አረጋግጠዋል።

በሁለተኛ ዙር ማጣሪያ ከሱዳኑ አልሂላል ኦምዱርማን ጋር የሚጫወት ይሆናል።

ሉዋ ሚዲያ

3ኛ ጎል! 🔥🔥🔥66' አቤል ያለው ሲዳማ ቡና 3-0 ኤግሎን
13/09/2026

3ኛ ጎል! 🔥🔥🔥

66' አቤል ያለው

ሲዳማ ቡና 3-0 ኤግሎን

ሁለተኛው አጋማሽ ተጀምሯል !46'ሲዳማ ቡና 2-0 ኤግሎን04' አቤል ያለው13' ደስታ ደሙድምር ውጤት ( 2-0 )
13/09/2026

ሁለተኛው አጋማሽ ተጀምሯል !

46'

ሲዳማ ቡና 2-0 ኤግሎን

04' አቤል ያለው
13' ደስታ ደሙ

ድምር ውጤት ( 2-0 )

Address

Awassa

Website

Alerts

Be the first to know and let us send you an email when Luwa Media posts news and promotions. Your email address will not be used for any other purpose, and you can unsubscribe at any time.

Shortcuts

Share

Category