05/04/2025
!
Gurmaa'insa Gandaa Haaraa Tajaajila Si'aataa fi Qulqulluu kennuuf!
________
Harargee Bahaa Aanaa Baabbileetti Ijaarsi Waajjira Gandaa Ifaa xumuramuun guyyaa har'a Iddoo Hogganssi Olaanoon Naannoo fi Godinichaa Akkasumaas Aanichaa argamanitti Riivaanii Muruun tajaajilaaf banaa ta'eera.Af Yaa'ii Itti Aanaa Caffee Oromiyaa Kabajamoo Eliyaas Ummataa,Bulchaan Godina Harargee Bahaa Aadde Miski Mohammed fi koreen Qindeessaan Aanichaa argamanitti eebbiffamuun tajaajilaaf banaa ta'e jira.Gurmaa'insi gandaa haaraan hawaasni tajaajila si'ataa,haqa qabeessaafi iftoomina qabu dhiyeenyatti akka argatu taasisaa jira.
Mootummaan naannoo Oromiyaa rakkoo kenna tajaajilaafi bulchiinsa gaarii naannichatti mul'ataa jiru bu'urarraa furuuf gurmaa'insa caasaa haaraa sadarkaa gandaatti gadi buuseera.Hawaasnis tajaajila si'ataa,haqa qabeessafi iftoomina qabu qabeenyaafi yeroo osoo hin qisaasessin dhiyeenyatti tajaajila barbaadu argachuu jalqabeera.Yeroo adda addaatti sochiin gurmaa'insa haaraa irra jiru hooggansa sadarkaan jiruun hordoffii fi deeggarsi taasifamaa jirun,bu'aan qabatamaan galma'aa jira.
