Gezachew B. Shibabaw

Gezachew B. Shibabaw ለስራ እድል መረጃ 0924273126
ቴሌግራም:

......የሚታየውን ብቻ እያየህ ከሆነ ነገን ላታይ ትችላለህ፣ ግልፅ የሆነውን ብቻ ከተመለከትክ ተስፋ ላይኖርህ ይችላል፣ የአለምን አረንቋ፣ የአለምን ፍጪት፣ ጫጫታዋን፣ የሰውን ስቃይ፣ የሰ...
05/08/2025

......

የሚታየውን ብቻ እያየህ ከሆነ ነገን ላታይ ትችላለህ፣ ግልፅ የሆነውን ብቻ ከተመለከትክ ተስፋ ላይኖርህ ይችላል፣ የአለምን አረንቋ፣ የአለምን ፍጪት፣ ጫጫታዋን፣ የሰውን ስቃይ፣ የሰውን ጥፋት፣ የሰውን እልቂት በቻ ካየህ ህይወት ሁሌም ባዶ ገጿ ብቻ ይገለጥልሃል። ከጤናህ በላይ ገንዘብ ማጣትህን ከተመለከትክ ለምሬት እጅህን ትሰጣለህ፤ ከምታውቀው በላይ የማታውቀው ላይ ካተኮርክ ተደነቃቅፈህ ትቀራለህ፤ ከሞከርከው በላይ ባልሞከርከው፣ ካገኘሀው በላይ ባላገኘሀው ከተቆጨህ የህይወት ጉጉትህን ትነፈጋለህ፣ የመኖር ጠዓምን ትገታዋለህ።
ከሚታየው ጀርባ፣ ከሚሰማው ባሻገር ማየት፣ መስማት ጀምር። ከምታየው አስከፊ ሁኔታ፣ ካለህበት ከባድ ችግር፣ ከሚወራው ክፉ ወሬ ተሻግረህ ለመመልከት፣ ለመስማት ሞክር። ማረፍ ከፈለክ ፋታ ውሰድ፣ ከሚታው ጀርባ፣ ከሚሰማው ባሻገር ማየት መስማት ጀምር እጅህ ላይ ባለው አቅም፣ ውስጥህ ባለው ወኔ፣ በማያባራው ፍላጎትህ ተበራታ።

!አሁን የት ናችሁ? እናንተ ጋር ያለው እውነት ምንድነው? ቆም ብላችሁ በጥልቀት ስታስቡ ምን ጎልቶ ይታያችኋል? በአስተሳሰብ እስራት አትታሰሩ፣ በሰዎች አመለካከት አትገደቡ፣ ፍረሃት መረማመ...
04/08/2025

!
አሁን የት ናችሁ? እናንተ ጋር ያለው እውነት ምንድነው? ቆም ብላችሁ በጥልቀት ስታስቡ ምን ጎልቶ ይታያችኋል? በአስተሳሰብ እስራት አትታሰሩ፣ በሰዎች አመለካከት አትገደቡ፣ ፍረሃት መረማመጃ እንዲያሳጣችሁ አትፍቀዱ። ለማንም የማይታየው፣ ማንም ሊረዳው የማይችለው እውነት እናንተ ጋር አለ። እውነታውም ወደፊት መሔድ ነው፤ እውነታው ዝም ብሎ መጓዝ ነው፤ እውነታው ትርጉም ባለው መንገድ ህይወትን መኖር ነው። ወደፊት ሂዱ፣ ተንቀሳቀሱ፣ ሁሌም ራሳችሁን ለተሻለ ነገር ለማብቃት ትጉ። ያሰሯችሁ ብዙ ነገሮች ይኑሩ፣ በብዙ ነገር ተያዙ፣ ማንም ምንም ይበላችሁ እናንተ ግን ጉዟችሁ ላይ ብቻ አተኩሩ፣ እናንተ ግን ስለ አሁኑና ስለቀጣይ እርምጃችሁ ብቻ አስቡ። ሁሌም ቢሆን አንድ የተለየ መንገድ እንዳለ አትርሱ።

!እኔ አሸናፊ ነኝ፤ የመጣውትን ርቀት አውቃለሁ፣ የከፈልኩት ዋጋ በሚገባ ይገባኛል፣ ለማሸነፍ ምን እንዳጣው፣ ምን መሱዓት እንዳደረኩ በሚገባ አውቃለሁ። ስጀምር አሸናፊነት የመጨረሻው ግቤ ነ...
03/08/2025

!
እኔ አሸናፊ ነኝ፤ የመጣውትን ርቀት አውቃለሁ፣ የከፈልኩት ዋጋ በሚገባ ይገባኛል፣ ለማሸነፍ ምን እንዳጣው፣ ምን መሱዓት እንዳደረኩ በሚገባ አውቃለሁ። ስጀምር አሸናፊነት የመጨረሻው ግቤ ነበር፤ የህይወት አላማዬ በአሸናፊነት ሰማይ ላይ መብረር፣ እያንዳንዱን ቀኔን በድልና በአሸናፊነት ማገባደድ ነው። በትንሹ መጀመሬ አያስጨንቀኝም፤ ከምንም መነሳት አያሳስበኝም። እንደጀመርኩ ስረዳ ማቆሚያዬ አሸናፊነት እንደሆነ አውቃለሁ። ምንም እንኳን ደጋግሜ ብወድቅ፣ ደጋግሞ ስሜ ቢጠፋ፣ ደጋግሜ ማለቂያ የሌለው የሚመስል አጣብቂኝ ውስጥ ብገባም እንደማሸንፍ ግን ልቤ ያውቀዋል፤ ማሸነፌን ሳስብ፣ ለድል መብቃቴን ስረዳ ስቃዬ ጉልበቴና ሃይሌ እንደሆነ ይገባኛል። አሸናፊነት በአንድ ጀምበር እንደማይፈጠር አውቃለሁና ጠንክሬ መስራቴን አላቆምም፤ ሁሌም መሻሻሌን አላቆምም፤ ዘወትር እራሴን በሚያሳድገኝ አጣብቂኝ ውስጥ መግተቴን እቀጥላለሁ፣ ዘወትር እራሴን ምቾት መንሳቴን እቀጥላለሁ። በእያንዳንዱ የህይወት ጉዞዬ ውስጥ ምንያክል የግል ትግሎቼን እንዳሸነፍኩ አውቃለሁ፤ ምኔን እንዳሻሻልኩ፣ ለምን እንደምለፋ በሚገባ ገብቶኛል። አዎ እኔ አሸናፊ ነኝ ማሸነፌን እቀጥላለሁ።🏅🏅

ተስፋ ይቁረጡብህ ምንም አይደለም፣ ፊታቸውን ያዙሩብህ ምንም አይደለም፣ አይስሙህ፣ ይግፉህ፣ አለመቻልህን ይንገሩህ፣ ስህተትህን ያጉሉት፣ ጥረትህን ዋጋቢስ ያድርጉት ምንም አይደለም። ቢረማመ...
02/08/2025


ተስፋ ይቁረጡብህ ምንም አይደለም፣ ፊታቸውን ያዙሩብህ ምንም አይደለም፣ አይስሙህ፣ ይግፉህ፣ አለመቻልህን ይንገሩህ፣ ስህተትህን ያጉሉት፣ ጥረትህን ዋጋቢስ ያድርጉት ምንም አይደለም። ቢረማመዱብህ እንኳን አቀርቅረህ ስራ፣ ችላ ቢሉህም ወደአንተ እንዲመጡ አትለምናቸው። በራስህ ተስፋ አትቁረጥ፣ አይንህን ከራስህ ላይ አትንቀል፣ ራስህን ለመውደድ አንዳች መስፈርት እንዳታወጣ። አንዳንዶች ወዳጅ መስለው የጠላትነት መርዛቸውን ይረጩብሃል፣ አንዳንዶች የሚረዱህ መስለው የሚፈልጉትን ወስደው ይሔዳሉ፣ አንዳንዶችም የልብህ ሰው መስለው ተጫውተውብህ ይጠፋሉ። ምንም ይሁንብህ ነገር ግን በሰው መጥፎ ተግባር ምክንያት አንገትህን ደፍተህ አትቅር፣ በጠላቶችህ እኩይ ስራ ምክንያት ህይወትህን አታጨልመው። የራስህን የግል ውሳኔ ወስን፣ አቋምህን በተግባር አሳይ፣ ውዳቂ እንዳልሆንክ ጥለውህ ለሔዱት አሳይ፣ ተስፋቢስ እንዳልሆንክ ተስፋህን ለቀሙህ አሳይ። ንቁና ዝግጁ ለመሆን መቼም አትድከም።

!በህይወታችሁ በአጋጣሚም ሆነ በምክንያት ብዙ ነገር ልታጡ ትችላላችሁ። ያላችሁን ሁሉ ከማጣትም በላይ የሆነ ጊዜ ባዶ እጃችሁን ልትቀሩ ትችላላችሁ። የእኔ የምትላቸውን ሰዎች ታጣላችሁ፣ ለዓመ...
01/08/2025

!
በህይወታችሁ በአጋጣሚም ሆነ በምክንያት ብዙ ነገር ልታጡ ትችላላችሁ። ያላችሁን ሁሉ ከማጣትም በላይ የሆነ ጊዜ ባዶ እጃችሁን ልትቀሩ ትችላላችሁ። የእኔ የምትላቸውን ሰዎች ታጣላችሁ፣ ለዓመታት የደከማችሁበትን ሀብትና ንብረት ታጣላችሁ፣ ለረጅም ጊዜ የገነባችሁትን ስም በማይረባ ምክንያት ታጣላችሁ፣ ከራሳችሁ ጋር ሰጣገባ ውስጥ ገብታችሁ ራሳችሁን ታጣላችሁ። ነገር ግን ምንም እንኳን ማጣት አብዝቶ ቢጎበኛችሁ፣ ባዶነት ደጋግሞ ቢፈትናችሁ እናንተ ግን በባዶነትም ሆነ በማጣት ውስጥ መኖር እንደምትችሉ ራሳችሁን ማሳመን ይኖርባችኋል። የገነባችሁት ትልቅ ህንፃ ቢፈርስ እንኳን ዳግም ከዜሮ ተነስታችሁ ልትገነቡት እንደምትችሉ ከልባችሁ እመኑ። ምንም ነገር የሚሆነው በምክንያት ነው። ምክንያቱንም ለበጎ ወይም ለመጥፎ ማዋሉ የእናንተ ድርሻ ነው። "ከዛሬ ነገ ልወድቅ ነው፣ ያፈራውትን ንብረት አጣለው፣ የቀረበኝ ሰው ይርቀኛል፣ ሰው አጣለሁ፣ ብቻዬን ቀራለሁ" ብላችሁ ማድረግ ያለባችሁን ነገር ሳታደርጉ እንዳትቀሩ። በዓለም ልታሸንፉ የምትችሉት ከማጣት ቦሃላ ዳግም ቀና ማለት ስትችሉ፣ ከወድቀት ቦሃላም ዳግም ራሳችሁን መገንባት ስትችሉ ብቻ ነው።

!ስለሆነው ስለሚሆነው ስለማይሆነው፣ ስላጣናቸው ስላገኘናቸው ፈልገንም ስላላገኘናቸው ስለተሰጠን ስለሚሰጠን፣ ስለማይሰጠን፣ ስላልተሳካልን ስለተሳካልን፣ ስለከሰርነው ስላተረፍነው ነገር በሙሉ ...
31/07/2025

!
ስለሆነው ስለሚሆነው ስለማይሆነው፣ ስላጣናቸው ስላገኘናቸው ፈልገንም ስላላገኘናቸው ስለተሰጠን ስለሚሰጠን፣ ስለማይሰጠን፣ ስላልተሳካልን ስለተሳካልን፣ ስለከሰርነው ስላተረፍነው ነገር በሙሉ ፈጣሪ ይመስገን። ስለሔደው በማልቀስ፣ ስለሚመጣውም በመጨነቅ ጊዜ ማጥፋት አያስፈልግም። ሁሉ ለበጎ ሁሉ ለመልካም እንደሚደረግ ማመን ከሁሉ ነገር ነፃ ያወጣል። በህይወታችን የሚከሰቱ እያንዳንዱ ነገሮች በምክንያት የሚፈጠሩ ናቸው። ወደዳችሁም ጠላችሁም ከትናንት ጥፋታችሁና ከዛሬ ተግባራችሁ ጀርባ በቂ ምክንያት ነበረ፣ አለም።
ስለሁሉም ምስጋና ይገባልና ምስጋናን አትሰስት፣ ነገሮች ሁሉ ለበጎ እንደሆኑ ለማሰብ ብዙ አትቸገር። ምንም ክፉ ነገር ቢከሰትብን፣ ምንም ለጊዜው የሚያሸማቅቅና አንገት የሚያስደፋ ሁነት ውስጥ ብንገኘ ሁኔታው ነገ ምን ይዞ እንደሚመጣ አናውቅምና ለበጎ እንደሆነ ማሰቡ ብዙ በረከትን ይዞልን ይመጣል። በማጣት ውስጥ መረጋጋት፣ በማግኘት ውስጥ መረጋጋት። በችግር መሃል ማመስገኛ ምክንያት መፈለግ፣ በደስታ መሃልም እንዲሁ ምስጋናን ማስቀደም ተገቢ ነው።

!ፈጣሪ ስላንተ ሁሉንም ነገር ቢያውቅም ከዚህ በላይ አይገባህም ብሎ ግን አልወሰነም። የመረጥከውን ህይወት እንድትኖር ነፃነቱን ሰቶሃል። ሙሉ ዘመንህን በመካከለኛነት /average/ ደረጃ ማ...
30/07/2025

!
ፈጣሪ ስላንተ ሁሉንም ነገር ቢያውቅም ከዚህ በላይ አይገባህም ብሎ ግን አልወሰነም። የመረጥከውን ህይወት እንድትኖር ነፃነቱን ሰቶሃል። ሙሉ ዘመንህን በመካከለኛነት /average/ ደረጃ ማሳለፍ ወይም ለትንሽ ጊዜ ዝቅ ብለህ ቀሪው ዘመንህን በከፍታው ማሳለፍ ያንተ ምንጫ ነው። በጣርከውና በለፋሀው ልክ ታገኛለህ፤ የሚገባህም ይሰጥሃል። ምናልባት ከዚህ በፊት እንደ ልፋትህ አልተከፈለህ ይሆናል፤ አንተ ደክመህ ሌላው ተጠቅሞ ይሆናል፤ አንተ ታግለህ ሌላው አሸንፎ ይሆናል። ነገር ግን ሁሌም እንደዛ አይሆንም፤ በፅናትህ ልክ የተሻለ ጊዜ ይመጣል፤ እንደ ትዕግስትህም ያሰብከውን ታገኛለህ።
ቀጣዩን ምዕራፍ እመነው! ምክንያቱም ደራሲው አንተ ነህና። ለቀደመው ምዕራፍ መበላሸት ሙሉ በሙሉ ተጠያቂው አንተ ላትሆን ትችላለህ፤ ለእራስህ ህይወት ድርሰት ግን ተጠያቂነት ሊሰማህ ይገባል። ደራሲና ዋና ተዋናይ በሆንክበት የእራስህ ድርሰት የጉዳዩ ወሳኝና ባለቤት አንተ ነህ፤ ጭብጡን የምታስተካክለው፤ መቼቱን የምትመርጠው፤ ረዳት ተዋናይን የምትመድበው አንተ ነህ። ስለዚህ ባንተ ምክንያት ለሚከሰተው እያንዳዱ ነገር ሃላፊነት ውሰድ፤ ስህተትህን ተቀበል፤ በቀጣይ ምዕራፍ ለማስተካከል ተዘጋጅ።

!በአውሎ ንፋስ ውስጥ ብትሆን፣ ዶፍ ዝናብ ቢወርድብህ፣ ዋጋህ ያነሰበት፣ መኖርህ የማይቆጠርበት፣ አበርክቶትህ የማይታይበት፣ ስራህ የማያፈራበት፣ ማንነትህ የማይመረጥበት ስፍራ ብትኖር እንኳን...
29/07/2025

!
በአውሎ ንፋስ ውስጥ ብትሆን፣ ዶፍ ዝናብ ቢወርድብህ፣ ዋጋህ ያነሰበት፣ መኖርህ የማይቆጠርበት፣ አበርክቶትህ የማይታይበት፣ ስራህ የማያፈራበት፣ ማንነትህ የማይመረጥበት ስፍራ ብትኖር እንኳን እግዚአብሔር አብሮህ ካለ ሁሌም የተሻለ ከፍ ያለ ነገር አለህ። ምንም እንኳን እምነታችን ቢጎድል፣ ክፋታችን ቢበዛ፣ ሃሳባችን ቢያንስ፣ ምግባራችን የወረደ፣ ስራችንም አሳዛኝ ቢሆንም ፈጣሪ ግን ጥሎ አይጥለንም።፣ ትቶ አይተወንም ሁሌም ይመለከተናልና መቼም እንዴትም ችላ አይለንም።
ከዛሬው የላቀ፣ ከትናንት የገዘፈ፣ ከአሁንህ ያየለና ከፍ ያለ ስፍራ ይኖርሃል። የማይቀየሩ የሚመስሉ ከባድ ሁኔታዎች ይቀየራሉ፤ ይወርዱ የማይመስሉ ሸክሞች፣ ይፈቱ ያልመሰሉ ችግሮች፣ ይስተካከሉ ያልመሰሉ ውጥንቅጦች ይወርዳሉ፣ ይፈታሉ፣ ይስተካከሉ። እምነትህ ቢፈተን ግራ አትጋባ ይልቅ ለተሻለ ክብር እንደታጨህ አስተውል፤ በፈተናህ ብዛት አትደናገር ይልቅ የድልህ ቀን ቅርብ እንደሆነ አስተውል።

?የህይወትን አቀበት ቁልቁለት ስትወጣ ስትወርድ፣ የእራስህን የቤት ስራ ለመስራት ስትሯሯጥ፣ እራስህን በመሆን ጎልተህ ለመታየት ስትጥር፣ የመረጥከውን ህልም፣ የወደድከውን አላማ ለማሳካት ስት...
28/07/2025

?

የህይወትን አቀበት ቁልቁለት ስትወጣ ስትወርድ፣ የእራስህን የቤት ስራ ለመስራት ስትሯሯጥ፣ እራስህን በመሆን ጎልተህ ለመታየት ስትጥር፣ የመረጥከውን ህልም፣ የወደድከውን አላማ ለማሳካት ስትፋጠን የቃላት ጋጋታ፣ የመሰናክሎች ብዛት፣ የእንቅፋቶች ጥርቅም በመንገድህ ሁሉ ይጠብቅሃል፣ እምነትህንም ይፈታተነዋል፣ ውስጥህን በጥርጣሬ ይመርዘዋል፣ በእራስመተማመንህን ይሸረሽረዋል፣ ካንተ ምርጫ በላይ በተባልከው ነገር ትሰበራለህ፣ በተደረገብህ ድርጊት ከመንገድህ ትቀራለህ።
#ማንን ታምናለህ? ህልምህን ወይስ ፍላጎታቸውን? ጥረትህን ወይስ ቃላቸውን? ጥንካሬህን ወይስ መሰናክላቸውን? ብርታትህን ወይስ ስንፍናቸውን? እስከዛሬ በመጣህባቸው የህይወት መንገዶች ማንን እያመንክ እንደነበር ደጋግመህ አስብ። እራስህን ወይስ ውጫዊውን ንፋስ፣ የውጩን ጫጫታ? የሚባለውን፣ የሚነገረውን ወይስ እምቅ ችሎታህን? መልሱን በተግባርህ መልሰው።

!በምንም ውስጥ እለፍ ማለፍህን በጉልህ ተመልከት፣ ምንም ይድረስብህ ከደረሰብህ ነገር የተማርከውን በሚገባ አስታውስ፣ የፈለከውን ነገር ተቀማ ነገር ግን በመቀማትህ ስለተሰበርከው ሳይሆን ዳግ...
27/07/2025

!
በምንም ውስጥ እለፍ ማለፍህን በጉልህ ተመልከት፣ ምንም ይድረስብህ ከደረሰብህ ነገር የተማርከውን በሚገባ አስታውስ፣ የፈለከውን ነገር ተቀማ ነገር ግን በመቀማትህ ስለተሰበርከው ሳይሆን ዳግም እርሱን ለማግኘት የጣርከውን ጥረት አድንቅ። ህመምህን መጠቀም ከቻልክ እርሱ ወሳኙ የለውጥህ ግበዓት ነው፤ ፍላጎትህን መጠቀም ከቻልክ እርሱ ወሳኙ የእድገትህ መንገድ ጠቋሚ ነው። በመጣህባቸው እያንዳንዱ መንገዶች ኩራ፣ እራስህ ላይ ባወጣሃቸው እያንዳንዶቹ ወጪዎች ደስ ይበልህ፣ ባለፍካቸው የተለያዩ መሰናክሎች፣ በተወጣሃቸው እያንዳንዱ ህመሞች ደስ ይበልህ፣ በተማርካቸው እያንዳንዱ የህይወት ትምህርቶች ኩራት ይሰማህ። መጓዝ የነበረብህን ርቀት ተጉዘሃል፣ መሔድ የነበረብህ ስፍራ ሔደሃል፣ ለእራስህም ለቤተሰብህም መክፈል የሚገባህን ዋጋ ከፍለሃል። ያለማቋረጥ እየጣርክ ከሆነ በፍፁም ባዶነት አይሰማህ፣ በጭራሽ ምንም እያደረክ እንዳሆነ አይሰማህ። ብሩህ ተስፋህን በጥልቀት ተመልከት። እራስህን በመሆንህ ኩራ፣ በውስጣዊ ማንነትህ፣ በውጫዊ ገፅታህ፣ በባህሪህና በአንተነትህ ሙላት ይሰማህ።

#ተዘጋጅ! / !ህልመኛ እንደሆንክ ይሰማሃል? ባለራዕይ ነኝ ብለህ ታስባለህ? የእራስህን የግል ስራ መስራት ትፈልጋለህ? ዋጋህን በእጥፍ ለመጨመር ትጥራለህ? እራስህን ለማብቃት ትሞክራለህ? ...
25/07/2025

#ተዘጋጅ! / !

ህልመኛ እንደሆንክ ይሰማሃል? ባለራዕይ ነኝ ብለህ ታስባለህ? የእራስህን የግል ስራ መስራት ትፈልጋለህ? ዋጋህን በእጥፍ ለመጨመር ትጥራለህ? እራስህን ለማብቃት ትሞክራለህ? እንዳቅምህ የእራስህን አሻራ አሳርፈህ ማለፍን ታስባለህ? እንግዲያውስ ለፈታኙ የህይወት ጉዞህ ተዘጋጅ። የምታልመውን ህልም በምናብህ ብቻ ደጋግመህ ስላሰብከው አታሳካውም፤ የተማመንከውን የተለየ ሃሳብ ስላወራሀው ብቻ እውን አታደርገውም፤ መሆን የምትፈልገውን ሰው በሰዎች ግፊት ብቻ ልትሆነው አትችልም። የትኛውም የከፍታ ጉዞ የሚመጥነው ስቃይ አለው፣ የትኛውም ህልምን የመኖር ህይወት የእራሱ ውጣውረድ አለው። በትልቁ ባሰብክ ልክ በትልቁ ለመሰቃየት መዘጋጀት ይኖርብሃል፤ ለውጥን በተመኘህ መጠን እራስህ ለይ ለመጨከን መወሰን ይኖርብሃል #ተዘጋጅ!

ያለፈን እድል እያሰቡ መቆዘም እድሉን አይመልስም። አባባሉ እንደሚለው "በድሮ በሬ ያረሰ የለም።" ማረስ ከፈለክ አዲስ በሬ ጠምደህ እረስ፣ የምርም ወደፊት መጓዝ ከፈለክ ትናንትህን ሽረህ ዛ...
03/02/2025



ያለፈን እድል እያሰቡ መቆዘም እድሉን አይመልስም። አባባሉ እንደሚለው "በድሮ በሬ ያረሰ የለም።" ማረስ ከፈለክ አዲስ በሬ ጠምደህ እረስ፣ የምርም ወደፊት መጓዝ ከፈለክ ትናንትህን ሽረህ ዛሬህ ላይ ተደገፍ። ታሪክህ በብዙ አስከፊ ነገሮች ተበላሽቶ ይሆናል አዲስ የተለየ ታሪክ የመፃፍ አድልህ ግን በእጅህ ነው። ነገሮችን በራስህ ላይ ማዳፈን አቁም፣ የነካሀው ሁሉ እንደሚሰበር፣ ያሰብከው ሁሉ እንደማይሳካ ማመን አቁም። በትናንት ማንነትህ ራስህን ወቀስክ አልወቀስክ፣ ጥፋትህን አጎላህ አላጎላህ፣ በራስህ ተበሳጨህ አልተበሳችሁ ካንተና ከፈጣሪ በቀር ማንም ስላንተ ሃሳብና ጭንቀት ግድ እንደሌለው አስታውስ።

Address

Bahir Dar

Telephone

+251924273126

Website

Alerts

Be the first to know and let us send you an email when Gezachew B. Shibabaw posts news and promotions. Your email address will not be used for any other purpose, and you can unsubscribe at any time.

Shortcuts

Share

Category