12/11/2025
Badhaadhina maalif deeggarra?
Sirnichatu keenya. Sirna jaarraa tokkoo oliif ture tattaafatee ka'e. Saba Gadaan bulu akka biyyaatti gadoomuu dadhabetu, gulantaa isaaf maltutti dhufee gadoomee muudame. Abjuutu dhugoome, guddicha Ardii Afrikaatu kallachoome.
Qabsoo, Aarsaa, falmaa barootaa fi wareegama akaakayyuu fi abaabayyuutu ce' e. Qabsoo lubbuu qaalii balleessee wareegama dhiigaa dhangalasee fi lafee caccabsetu injifatee Kiiloo Afur seene. Waan itti taane akka itti fidne waan beeknuf sirnicha tikfanne. Sirnicha jaallanne faarsuun kanaafi.
Inni kan biraa sirnicha faarsinuuf ilma gudeeda saba gabrummaan miidhame irraa dhalatetu aangootti olbahe. Ilma keenya gadoome tumsuu waan qabnuuf cinaa dhaabbanne. Sanuu ilma goota raajii hojjetu tahuu sirriitti hubannee. Ijaa keenya caalaa eeggachuuf dirqamne. Osoo hanqina qabaateyyuu kudhan obsinee, kudhan gorsinee, kudhan dhoksuufii akka qabnu duudhaa keenyarraa baranne hojitti hiiknee tikfachuu fi tumsuu filanne.
Kan biraa yaadama Paartichaa sirritti dubbifnee Ida'amuun fala tokkicha biyya teenyaa ta'uu amanne. Yoo tokkoomne, araaraafi dhiifamaan kaan waliif dhiifnee yoo gamtoomne malee maraammartoo walfiixiinsaa keessaa akka hin baane hubanne. Jalqabbiiwwaan raajii ta'an arginee abdii horanne. Kanaaf of kenninee faarsutti cichine, malee akka abaaree bultoonni jedhan faarsuuf jennee kaffaltii biroo hin fudhanne. Faarsinee osoo hin taane kaleessas har'as dafqa keenyan bulla. Ammas sirnicha yoomiyyuu faarsuu itti fufna...!
Qaroo Saba Qaroo Saba
