Godina Baalee Bahaatti Waajjira Barnoota Aanaa Laga-hidhaa

Godina Baalee Bahaatti Waajjira Barnoota Aanaa Laga-hidhaa Contact information, map and directions, contact form, opening hours, services, ratings, photos, videos and announcements from Godina Baalee Bahaatti Waajjira Barnoota Aanaa Laga-hidhaa, Digital creator, Robe, Bale.

Gamaaggamni raawwii Hojii Barnootaa Kurmaana 4ffaa gaggeeffamaa tureen Qaamolee Raawwii hojii gaarii galmeessaniif badh...
08/07/2025

Gamaaggamni raawwii Hojii Barnootaa Kurmaana 4ffaa gaggeeffamaa tureen Qaamolee Raawwii hojii gaarii galmeessaniif badhaasaa fi beekkamtiin kennamuun Xumuramee jira.
Adoolessaa 01/2017
Godina Baalee Bahaa Aanaa Laga hidhaatti hojii gama barnootaatiin jiru milkeessuuf Waajjirri barnootaa Aanaa Laga hidhaa Gamaaggama raawwii hojii Kurmaana 4ffaa Geggeessaa true guyyaa hardhaa Qaamolee Raawwii hojii gaarii galmeessaniif badhaasaa fi beekkamtiin Bakka I/G Waajjira Paartii Badhaadhinaa Damee Aanaa Laga hidhaa Obbo Sulxaan Aliyyii, I/G Ijaarsaa Paartii Badhaadhinaa Damee Aanaa Laga hidhaa Aadde Munawwaraa H/Ibroo Akkasumas I/G Waajjira Barnoota Aanaa Laga hidhaa Obbo Jamaal Abdullaahii, I/A inspector Gizaachoo Isheetuu fi I/G Hayyootaa Paartii Badhaadhinaa Damee Aanichaa Obbo Oljirraa Galataa argamanitti kennamuun Xumuramee jira.
Gamaaggamni raawwii hojiilee Barnoota Kurmaana 4ffaa fi boqonnaa qophii karoora hojii bara 2018 Dura bu'oota Manneen barnootaa fi I/G Hawaasummaa Gandoota hirmaachise gaggeeffamaa ture guyyaa hardhaa goolabamuun Qaamolee Raawwii hojii gaarii galmeessaniif badhaasaa fi beekkamtiin kennameera.

Gamaaggamaa gaggeeffamaa ture kana I/G
Waajjira Paartii Badhaadhinaa Damee Aanaa Laga hidhaa Obbo Sulxaan Aliyyii fi I/G Waajjira Barnoota Aanichaa Obbo Jamaal Abdullaahii kallattii hojii waliigalaa fuula dura Dhimmoota Barnootaa irratti akka jajjabaataniif kallattii milkaa'ina gara fuul duraa kennaniiru.

Haaluma kanaan Raawwii Waliigalaa Manneen barnootaa Aanichaa keessa bu'aa raawwii hojii gaarii galmeessanif badhaasaa fi beekkamtii waraqaa ragaa kennameera.

Haaluma Kanaan Manneen barnootaa keessaa :-
1. M/B Sadarkaa 1ffaa Bahimaa
2. M/B Sadarkaa 1ffaa Nadhii
3. M/B Sadarkaa 1ffaa Aanolee Kurkurruu
Akkasumas Seektaraalee Mootummaa gama barnootaatiin tumsa taasisaa tureefis xalayaan beekkamtii erga kenname booda Hidha haaroomsa guddicha Laga Abbaayiif Hirmaattonni gamaaggamaa fi Hooggansi Aanichaa Akkasumas Qaamoleen gara gara asitti argaman gumaacha ergaa SMS 8100 Ergaa gabaabaa erguun arjoomanii jiru.

08/07/2025

Kutaa 12ffaa Muummee Saayinsii Hawaasaa har'a qormaata fudhatan Caarraa gaarii hawwina.

Guyyaa 30/10/2017M.B sad.1ffaa Gooniitti Ayyaanni cufaa Mana Barnootaa gaggeeffame.****************************Ayyaanni ...
07/07/2025

Guyyaa 30/10/2017
M.B sad.1ffaa Gooniitti Ayyaanni cufaa Mana Barnootaa gaggeeffame.
****************************
Ayyaanni maatii cufaa m.b sababeeffachuun Bakka hooggantoonni Gandaa
1.Obbo Abdusabuur Ahmadoo I/G. Bul.nageenya G.Goonii
2. Obbo Amiin Jamaal I/G.Buraalee misoomaa
3.Maatii barattootaa
4.Koree GMB
5.Koree BBL
6.Barattoota
7.Barsiisotaa fi hirmaattonni biroo jiranitti gaggeeffameera.
Ayyaanni sagantaalee akka Haasaa gabaabaa hooggantoota Gandaa fi Du/bu'aa M.B tiin waa'ee m.b manca'e deebisuun danda'amurratti taasisame
Yaada maatii barattootaa
Eebba barattoota BSTD
Badhaasa barattoota sad.1_3ffaa bahaniif kennamuun gaggeeffameera.

Guyyaa 30/10/2017✍Guyyaa kabaja Ayyaana maatii Barattoota Mana Barumsa sad 1ffaa Bahimaa.*****************************Ma...
07/07/2025

Guyyaa 30/10/2017
✍Guyyaa kabaja Ayyaana maatii Barattoota Mana Barumsa sad 1ffaa Bahimaa.
*****************************
Mana Barumsa sad 1ffaa Bahimatti Ayyaanni maatii Barattootaa bakka bakka bu'aan bulchaa ganda magaalaa guddattuu Bahimaa Obbo Muhaammad Abdallaa fi bakka koree GMB Fi BBLG akkasuma maatii Barattootaa,Barsiisonni Fi barattoonni jiranitti
✔️ Eebba manguddootiin eegaluun
✔️ Gabaasa hojii mana barumsaa Du/Bu mb tiin dhiyaatee
✔️Bakka bu'aan bulchaa haasaa taasisuun
✔️ Walitti qabaan koree GMB haasaa taasisuun
✔️walaloon 3 wal duraa duubaan dhiyaatuun
✔️Sirni Badhaasaa barattoota daree isaanii irraa 1_3 bahaniif kennuun
✔️Sirni Badhaasaa barattoota akka mana barumsatti qbxii ol'aanaa galmeessaniif kennuun
✔️Badhaasni addaa wardiyyaa mana barumsatii erga kennamee booda
❤️sirni daabboo muraa raawwateen booda Ayyaanni maatii Barattootaa akkuma eebbaan eegale eebbaan goolabamee jira.

*******29/10/2017****** Kutaa 12ffaa Muummee Saayinsii Hawaasaa Qormaata Yuunivarsitii Madda Walaabuutti fudhachuuf gan...
06/07/2025

*******29/10/2017******
Kutaa 12ffaa Muummee Saayinsii Hawaasaa Qormaata Yuunivarsitii Madda Walaabuutti fudhachuuf ganama kana imalan Karaa Nagaa fi tasgabbii qabuun Mooraa Yuunivarsitichaa galanii jiru.

teenyaaf Caarraa gaarii hawwina.

Geggeessaan Barattoota qorumsa biyyoolessaa kutaa 12ffaa fudhataniif taasifamee jira. Waxabajjii 29/2017Godina Baalee Ba...
06/07/2025

Geggeessaan Barattoota qorumsa biyyoolessaa kutaa 12ffaa fudhataniif taasifamee jira.
Waxabajjii 29/2017
Godina Baalee Bahaa Aanaa Laga hidhaatti barattoota saayinsii hawaasaa bara 2017 qormaata seensa dhaabbilee barnootaa olaanoo fudhachuuf guyyaa hardhaa gara university Madda Walaabuutti imalaniif Aanichatti Iddoo I /G Waajjira Paartii Badhaadhinaa Damee Aanaa Laga hidhaa Obbo Sulxaan Aliyyii, I/G Hayyootaa Paartii Badhaadhinaa Damee Aanichaa Obbo Oljirraa Galataa I/G Waajjira Barnoota Aanaa Laga hidhaa Obbo Jamaal Abdullaahii Akkasumas hooggansi Aanaa, Qaamoleen Nageenya, maatiin barattootaafi kutaaleen hawaasaa garagaraa argamanitti geggeessaan taasfameefii jira.

Geggeessaa kana irratti I/G Waajjira Paartii Badhaadhinaa Damee Aanaa Laga hidhaa Obbo Sulxaan Aliyyii akka jedhanitti "Guddina kallattii hundaan eegamuuf barnoonni gahee bakka hin buune qaba Addunyaa kana jijjiiruuf meeshaan olaanaan barnoota ta'uu hubachuun barattoonniifi maatiin barnootaa karoora barnootaan qabamee jiru tumsuun biyya keenya gara qaroominaatti ceesisuufi lammii barnootaan badhaadhee guddina dhuunfaa, maatiifi biyyaa mirkaneessu umuun murteessaadha jedhan.

I/G Waajjira Barnoota Aanichaa Obbo Jamaal Abdullaahii gaggeessaa barattootaa kana irratti argamuun ergaa dabarsaniin barattootni keenya yommuu gara kutaa qormaataafi Yuunivarsiitii seentan wantoota dhoorkaa ta'an kamiyyuu osoo hin fayyadamin yeroon keessan kabajuun iddoo qormaataatti argamuudhaan qormaata keessan naamusan fudhachuu qabdu jedhaniiru.

Barattootni qormaataaf imala irra jiran tokko tokko yaada nuuf kennaniin qormaata keenya karaa naamusaafi taasgabbii qabuun fudhachuuf qophiidha jedhan.

*27/10/2017*Torbee Ayyaana Maatii. Barnoota Nadhii.🙏Torbee Ayyaana Maatii Barattootaa🙏 Barnoota Gubbisaa Ayyaana Maat...
05/07/2025

*27/10/2017*Torbee Ayyaana Maatii.
Barnoota Nadhii.
🙏Torbee Ayyaana Maatii Barattootaa🙏
Barnoota Gubbisaa Ayyaana Maatii Barattootaa iddoo Hoggansi Gandaa, Maatiin Barattootaa, fi Koreen GMB fi BBlG argamanitti Sirni Badhaasaa fi beekkamtii Barattoota Sadarkaa 1-3 bahanii fi Qaamota hojii boonsaa Raawwataniif kennuun goolabameera.

*27/10/2017*Torbee Ayyaana Maatii. Maatii Barattoota M/b.Gubbisa.🙏Torbee Ayyaana Maatii Barattootaa🙏 Barnoota Gubbisaa...
04/07/2025

*27/10/2017*Torbee Ayyaana Maatii.
Maatii Barattoota M/b.Gubbisa.
🙏Torbee Ayyaana Maatii Barattootaa🙏
Barnoota Gubbisaa Ayyaana Maatii Barattootaa iddoo Hoggansi Gandaa, Maatiin Barattootaa, fi Koreen GMB fi BBlG argamanitti Sirni Badhaasaa fi beekkamtii Barattoota Sadarkaa 1-3 bahanii fi Qaamota hojii boonsaa Raawwataniif kennuun goolabameera.

*******25/10/2017***** Maatii Barattoota M/b.Caffaa.🙏Torbee Ayyaana Maatii Barattootaa🙏 Barnoota Caffaa Ayyaana Maatii...
04/07/2025

*******25/10/2017*****
Maatii Barattoota M/b.Caffaa.
🙏Torbee Ayyaana Maatii Barattootaa🙏
Barnoota Caffaa Ayyaana Maatii Barattootaa iddoo Hoggansi Gandaa, Maatiin Barattootaa, fi GMB fi BBlG argamanitti Sirni Badhaasaa beekkamtii kennuun goolabameera.

*******26/10/2017******* Kutaa 12ffaa Muummee Saayinsii Uumamaa Qormaata fudhatan Nagaan gara maatii galanii jiru. gal...
03/07/2025

*******26/10/2017*******
Kutaa 12ffaa Muummee Saayinsii Uumamaa Qormaata fudhatan Nagaan gara maatii galanii jiru.

galanitti Simannaan baga nagaan galtanii iddoo hoggansi Aanaa, Qaamolee Nageenyaa, Istaafiin Barnootaa I/G.Waajjiraa dabalatee simannaan taasifamee jira.

Galateeffannaa.
👌Qaamonni Jalqabarraa kaasee galma gahiinsa milkaa'ina Qormaatichaaf Shoora Leencaa bahatan.
Qindeessituu Aanaa Laga hidhaa hunda, Qaamolee Nageenyaa Nageenyummaa barattootaa jalqabarraa kaasee ifaajee guddaa bahachaa turan, Qaama Faaynaansii gargaarsa nuuf taasisan, Dura Bu'oota Manneen Barnoota Sadarkaa 2ffaa, Abbaa Adeemsa Kutaa Qormaataa fi Istaafii Barnootaa hundaa, Abbootii Makiinaa Walumaa galatti Qaamolee galma gahiinsa milkaa'ina Qormaatichaatiif gahee leencaa bahatan Maqaa Waajjira Barnootaatiin galata guddaa isiniif galchuu barbaanna.

YAADACHIISA BBO-Waxabajjii 26/2017 Barattoota Saayinsii Hawaasaa Kutaa 12ffaa 28-29/10/2017 Wal Yaadachiisuu Ta'a.Qo...
03/07/2025

YAADACHIISA


BBO-Waxabajjii 26/2017 Barattoota Saayinsii Hawaasaa Kutaa 12ffaa 28-29/10/2017 Wal Yaadachiisuu Ta'a.

Qormaatnis gaafa 01-08/11/2017 waan kennamuuf turtii isaanii keessatti giddu gala qormaataa keessatti wantoota heyyamamaniifi hin heyyamamne wal yaadachiisuun barbaachisaadha.

Haaluma kanaan:
:
- Warqaa Seensaa Id Card/Admission Card/ qabachuu,
- Warqaa Eenyummaa M/B qabachuu,
- Wanta dubbifamu (dabtarafi kitaaba) qabachuu,
- Uffata barbaachiisu qabachuu,
- Kobbee (Irsaasa), hqaxxuu, qartuu, sarartuu, warqaa adiifi kkf qabchuu,
-Ibsa haala walii galaa (orientation) Sadarka M/Btti kennamuufi kan giddu gala qormaataatti kennamu irratti hirmaachuu,
- Nyaata akka akaayyii, 'daabbo-qoloo' kkf. qabachuu,
- Yoo dhukkubsatan, tajaajila yaala mooraa Yunivarsiitii keessatti argachuu,
- Seeraafi Naamusa Mooraa Yuniivarsiiti kabajuu,
- Qabeenya Yunivarsiitii keessatti itti fayyadaman hundaa (doormitarii, mana nyaataa, mana qulqullina, teessoo, miinjaala, siree, ibsaa, bishaan, kompitara, meeshaalee mana nyaataafi kkf sirnaan itti fayyadamuu barattoota irraa kan eegamuufi kan heyyamamee waan ta'eef akka yaadattan jechaa,

( 'an) immoo,
- Moobaayilii, kaalkuleetarii, Sa'aatii harkaa, kompitara, taabileetii, WIFI, minisxirii mana yaalaatii hin ajajamneefi meeshaalee elektirooniksii kamiiyyuu qabachuun,
-Meeshaalee qara qabaniifi sibiila adda addaa qabatanii argamuun,
- Baala sammuu namaa hodoochaan bifa dhangala'aan, daakuufi goggogsanii qabatanii argamuun,
- Mooraa Yuunivarsiitii keessaattii sagalee jeequumsaa dhageesiisuu sirbuu, dhiichisuu
- Walitti bu'iinsaa gareefi dhuunfaa gochuun,
- Mallattoowwan walitii bu'insaaf ka'umsa ta'uu danda'an (amantaan, siyaasaan, sabaan, mirga dubartii tuquunifi kkf),jechaanis ta'ee gochaan mul'isuun,
-Qormaata walirraa garag

Guyyaa 26/10/2017 Maatii Barattootaa Mana Barnoota Aanolee Kurkurruu./////////////////////////////////Mana Barumsa Aano...
03/07/2025

Guyyaa 26/10/2017
Maatii Barattootaa Mana Barnoota Aanolee Kurkurruu.
/////////////////////////////////
Mana Barumsa Aanolee Kurkurrutti Ayyaanni maatii barattootaa Kabajamee jira

Cabiinsa barnoota bu'uura irraa furuuf Barnoonni Furmaata Isa Jalqabaaati.

Mootummaan Jijjiiramaa Paartii Badhaadhinaatiin hogganamu dhaloota bu'uura boruu irratti xiyyeeffachuun goloota Oromiyaa hunda keessatti manneen barnootaa bakka barnoonni hin dhaqqabiin hundatti banuun barattoota barsiisaa jira.

Waxabajjii 26/2017 Aanaa Laga Hidhaa Magaalaa Beeltutti Manni Barnootaa Sadarkaa 1ffaa Aanolee Kurkurruu Barattoota Idilee fi Barattoota BFA, sagantaan garaa garaa
Walaloo
Faaruu akkasuma Diraamaa garaagaraa
Kalaqa garaa garaa
Akkasuma barattoota sadarkaa 1_3 bakka maatii barataa fi Koree GMB hundi jirutti akkasuma
1 Du/Bu/M/B Sad 1ffaa Aanolee Kurkurruu B/siisaa Dassaalanyi Guutaa
2 bakka Ogeessi waajjiraa Barnootaa Obbo Shibiliyyiin Huseen
3 itti gaafatamaan Waldaa b/siisaa Aanaa Laga Hidhaa Obbo Amaanu'eel Mokkonan
4 Supparvaayzara barnootaa Obbo Ahmed Aman jirutti Ayyaana maatii barattootaa irrati Sirni Badhaasa garaa garaa guyyaa har'aa kana haala miidhagaa ta'een Kennameera

Address

Robe
Bale

Website

Alerts

Be the first to know and let us send you an email when Godina Baalee Bahaatti Waajjira Barnoota Aanaa Laga-hidhaa posts news and promotions. Your email address will not be used for any other purpose, and you can unsubscribe at any time.

Shortcuts

Share

Category