https://www.facebook.com/224335778168193/

ABDII SABAA, Deder (2025)

30/07/2025

Gadhiifamee_Jira

Qormaatni naannoo jiddugaleeysa Itiyoophiyaa kan kutaa 6ffaa gadhiifamee jira.

Naannoo jiddugala Itiyoophiyaatti qormaatichi yeroo jalqabaaf kan kenname yommuu tahu guyyaa arraa gadhiifamee jira. Barattoota qormaaticha fudhatan keeysaahi 75% qabxii kutaa itti aanutti isaan dabarsu argachuu beeksisan.

Qabxiin darbiinsaa barattoota regulariidhaaf 50 yommuu tahu barattoota qaama miidhamoo tahan 45 ol kan fidan kara kutaa itti aanutti akka darban hogganaan biiroo barnoota naannichaa Obbo Antenah Fiqaaduu dubbatan.

Barattoota 85,547 waliigala mana barnootaa 1,803 tahan qormaaticha fudhachuuf ta'an keeysaa barattoonni 64,125 ( 75% ) qabxii darbiinsaa galmeeysuun gara kutaa 7ffaatti akka darban beeksisan.

Haaluma Mana barnoota 424 ykn 23.5 kan tahan mana barattoota isaanii guutummatti kan dabarsan yommuu tahu manni barumsaa 19 barataa 1kkollee akkan dabarsin ibsame.

Barattootni link 🔗 kanaan seenuun ilaalu danda'u https://ce6.ministry.et/

📡 MIIDIYAA 📡

30/07/2025

Naannoon Somaalee Caaseffama Haarawaan ‘Lafti Fudhatame Hin Jiru’ jedhus Mormiin Jiraattotaa fi Qaamolee Siyaasaa Garuu Itti Fufeera

Manni Maree Naannoo Somaalee walgahiisaa idilee saglaffaa gaggeesseen caaseffama Aanotii haaraa hundeessuu murteessee jira. Murteen kun jiraattota naannoo Oromiyaa, keessumaa kan Godina Booranaa fi dhaabbilee siyaasaa Oromoo biratti mormii kaasee jira.

Sanbata darbe, Aanotni 14 caaseffama haaraan dhaabachuu Obbo Mohaammed Adam; Itti Gaafatamaan Biiroo Koomunikeeshinii Naannoo Somaalee himanii jiran.

Obbo Mohaammed, Aanotii lafa caaseffaman kanattis dabalata, Bulchiinsawwan Godina Afurii fi Kan Magaalaa 25 Kaabiinee Bulchiinsa Naannoo Somaaleetiin hundaa’uusaanii ibsanii jiru.

Caaseffamawwan kun daangaa darbanii kan hundaa’an mitii jedhu Obbo Mohaammed.

Bara 1991 Booda Daangaan Booranaa Sarbamuu Jalqabe

Akka jiraattonnii fi Jaarsi Argaa dhageettii akka himanitti, walitti bu’iinsi naannoo quubsuma Booranaa duraan turus irra caala kan baayyate bara TPLF biyya bulchaa turee fi isa booda jedhan.

Jaarsi Argaa Dhageettii Liiban Jaatanii, TPLF ummata Booranaa lafa kibba Itoophiyaa qubatee ture maqaa ABO deeggartu jedhuun hiraarsuu jalqabe jedhan.

Sana boodas, alaabaa naannoo Somaalee araddaawwan Booranaarra dhaabuun itti fufee laftis nurraa fudhatamuu jalqabes jedhu.

“warrii TPLF Lafa Mooyyalee kana haga waacilleetti, haga Uudaatitti, haga gam tokko irraa kutanitti kutaa shan (naannoo Somaalee) jedhee Alaabaa Kutaa Shan gubbaa dhaabanis jechuun ibsan.

30/07/2025

Barsiisotaafi Hoggansa MB Leenjii Gannaa Argattan Hundaaf
---------
BBO-Adoolessa 23/2017 Barsiisotniifi Hoggansi Manneen Barnootaa Sad. 2ffaa Ganna Bara 2017 Leenjii Fooyya'insa Dandeettii Yunivarsiitiiwwan galtanii Leenji'uuf qophiirra jirtan hundi Adoolessa 27/2017 mooraa Yunivarsiitii ramadamtaniitti akka galtaniifi Adoolessi 28/2017 guyyaa galmee ta'uun ibsameera.

Kanaafuu, Waajjira Barnootaa Godinaalee, Bu. Magaalotaa, Aanaalee/kutaa Magaalotaatti waan ergameef, isaan biraa mirkaneeffachuun gaafa 27/11/2017 mooraa Yunivarsiitii galuu, 28/11/2017 guyyaa galmee yoo ta'u, 29/11/2017 leenjichi kan eegalu waan ta'eef gamanumaa akka itti qophooftan isin beeksifna.

BBO
=====

30/07/2025

ODUU:

Xaanaanesh 2 magaalaa Bureetti simatamte

‎ Bakka ga’umsa isheetti dhiyaachaa kan jirtu Xaanaanesh 2 Godina Goojjaam Lixaa, magaalaa Bureetti simatamte.

Hara Xaanaa ga’uuf imalaa kan jirtu Xaanaanesh 2 har’a wayita Magaalaa Buree geessu simannaa ho’aan taasiifameefira.

SABA GUDDAA WAAN TAANEEF MIIDIYAA GUDDAATU NUUF MALA

30/07/2025

ODUU:

Itiyoophiyaan nyaata barattootaa sadarkaa 1ffaa guutuuman guutuutti milkeessuuf hojjechaa jirti

Itiyoophiyaan waggaa shan booda sagantaa nyaata barattootaa manneen Barnootaa sadarkaa 1ffaa keessatti guutuuman guutuutti milkeessuuf hojjechaa jirti jedhan Ministirri Ministeera Barnootaa Piroofesar Birhaanuu Naggaan.

Piroofesar Birhaanuun Yaa’ii 2ffaa Sirna Nyaataa Mootummoota Gamtoomanii irratti marii invastimantii nyaata barattootaaf taasifamurratti muxaannoo Itiyoophiyaa dhiyeessaniiru.

Dhiyeessi nyaata barattootaan nyaataa madaallawaa daa’immaniif dhiyeessuun galmoota misooma waaraa karoora 2030 Mootummoota Gamtoomaniin milkeessuuf ka’aman keessaa isa tokko jedhaniiru.

Sirna nyaataan wal qabatee biyyoonni garaagaraa hojiilee hojjetaa jiranirratti adeemsa jijjiirama Itiyoophiyaan argasiifte ibsaniiru,

Itiyoophiyaan biyyoota Afrikaa Sochii dhiyeessi nyaataa barattootaf socho’an keessaa ishee tokko ta’uu ibsuun, akkaataa karoora 2030’n galma qabame milkeessuuf hojiilee bu’aa qabeessa hojjechaa jiraachuu himaniiru.

Mootummaan karooricha milkeessuuf dhiyeessi nyaata barattootaa baajata keessa akka galuu taasisuuf hojjechaa jiraachuu ibsuun, naannoleenis kaayyicha hubachuun xiyyeeffannoo akka kennan gaafachuu TOI gabaaseera.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA 📡

29/07/2025

Qabxiin Qormaata Naannoo Kutaa 6ffaa Bara 2017 Guyyoota hafan 3 Keessatti Kan Ibsamu Ta'uun Beekame.
----------------
BBO- Adoolessa 22/2017 Biiroon Barnootaa Oromiyaa Qormaata Naannoo Kutaa 6ffaa bara 2017 barattoota kuma 700 oliif kennee ture qabxii qormaatichaa guyyoota 3 keessatti (hanga Jimaata 25/11/2017)tti kan ibsamu ta'uu, hogganaa I/A Biiroo Barnootaa Oromiyaa Dr. Kaasahun Galaanaa ibsaniiru.

Biiroon Barnootaa Oromiyaa Qormaata Naannoo Kutaa 6ffaafi 8ffaa bara 2017 barattoota miliyoona 1.1 ol ta'aniif ji'a tokko keessatti qormaata keennuu, Sororsuufi Qabxii ibsuun kan danda'e yoo ta'u, qabxii barattoota kutaa 8ffaa (barattoota 488 458) torban lama dura xumuree ibsuun ni yaadatama.

Qabxii barattoota kutaa 6ffaa(barattoota 700 000 ta'an) immoo hanga Adoolessa 25/2017 tti kan ibsamu ta'uu, Dr. Kaasahun himaniiru.

Walumaagalatti, Naannoo Oromiyaatti bara 2017 keessa barattootni Qormaata Naannoo Kutaa 6ffaa, 8ffaafi Qormaata Biyyoolessaa Kutaa 12ffaa fudhatan baay'inni isaanii (miliyoona 1.3 ol ) baay'ina bara kanaa kan caalan ta'uun beekameera.

Kutaa 6ffaafi 8ffaa guyyoota 26/10/ hanga 05/11/2017 kennamee ture;
06-10/11/2017 waraqaan deebii qormaataa Godinaaleefi Bul. Magaalotaa irraa gara jiddu gala qormaatni itti sororfamu Magaalaa Adaamaa Giddu Gala Qorannoofi Leenjii Barnoota Oromiyaatti geejjibamaa ture.
11/11/2017 hanga 25/11/2017 tti qormaata sororsuufi firii qormaataa walduraa duuban beeksisuu gaggeeffamaa jira.

28/07/2025

Oogeeyyiin fayyaa qormaata dandeettii fudhachuuf deemtan, galmeen online akka tahe isin beeksisaa Khamisa, Adoolessa 24/2017 A.L.A irratti ni xumurama.

Galmaa’uuf link kana fayyadamaa👇
http://hple.moh.gov.et/hple

Namoonni qormaata fudhachuuf deemtan iddoo qormaataa barbaaddan filachuuf carraa ni qabaatu — filannoo iddoo garaagaraa jiru keeysaa 1kko filachuu qabdu.

Erga galmee xumurtanii booda, sirna galmee keessatti lakk. tajaajila qormaataa (exam ID) isinii laatamu print godhattanii argamuu akka qabdan himamee jira.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA 📡

27/07/2025

Yuunivarsiitii Admaas barattoota 6,000 ol ta’an dameewwan barnootaa garaagaraan barsiisaa ture guyyaa arraa eebbisiise.

Barattoonni eebbifaman kunneen barnoota isaanii sadarkaa digirii, diplomaa fi sertifikeetiin karaa barnoota regular fi barnoota fagootiin barachaa turaniidha.

Pirisdaantii Yuunivarsiitii Admaas, Dr Molaa Tsaggaay akka jedhanitti, waggaa 26 darban keessa barnoota regular fi barnoota fagoodhaan barattoota hedduu barsiisuun humna nama baratee biyyattii keessatti ida'uu irratti shoora ol'aanaa bahachaa turuu dubbatan.

Yuunivarsiitiin Admaas kan gosoot barnootaa hedduu fi kaampaasota 10 kan qabu yommuu tahu; dabalataanis biyya Somaaliiland fi Puntland keessatti tajaajila barnootaa kennaa jiraachuu Dr Molaan itti dabaluun kaasanii jiru.
Odeeffannoo barnoota qofa bakka tokkotti argachuuf irratti hordofaa!

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA 📡

27/07/2025

🚨 Baayern Luwiis Diyaaz paakeejii €75m Liivarpuul irraa mallatteessisuuf walii galeera 💣🇨🇴

Luwiis hanga bara 2029tti FC Baayernitti waan mallatteessuuf yaadni idilee fudhatamee fi caasaan dabalataa amma guutummaatti waliigalameera.

Lucho, torbee dhufu yaalaaf akka imaluuf hayyamame ✈️

27/07/2025

ODUU:

Daandii Xiyyaaraa Ameerikaa AA3023 balaan kan mudatee yoo ta'u imaltoonni nagaan bu'uun isaanis eerame.

Daandii Xiyyaaraa Ameerikaa AA3023 (Boeing 737 MAX) Denver irraa gara Miami balali'uuf osoo jedhu gommaa isaa irraa aarri fi Ibiddi muldhate.

Imaltoonni 173 fi hojjettoonni xiyyaarichaa 6 hundi karaa ba'iinsa hatattamaa xiyyaaricha keessaa ba'uun isaanii ibsamee jira.

Namoonni shan bakka balaan kun itti dhaqqabetti kan yaalaman yoo ta'u nama tokko ammoo miidhaa salphaan irra gahee gara hospitaalaatti geeffameera.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA 📡

27/07/2025

ODUU:

Yuunivarsiitiin Riift Vaalii Kaampaasii Amboo barattoota kuma 4 fi 168 ol eebbise

Adooleessa 20,2017 Yuunivarsiitiin Riift Vaalii Damee Amboo barattoota kuma 4 fi 168 Sadarkaa Digirii jalqabaa hanga gulataa 4ffaatti kaampaasii isaa Magaalaa Amboo keessatti Muumee adda addaatiin barsiisaa ture eebbisiiseera.

Yuuniversitichi Hojii Baruuf barsuu hojjechaa jiruun Lammiilee hedduu Barnootaan ga'oomsuun eegeree Biyyaaf dhaloota Barnootaan ga'oome Oomishaa jiraachuu ibsameera.

Kantiibaan Magaalaa Amboo obbo Haacaaluu Gammachuu dhaloota Biyyaaf Wabii ta'u bocuun ga'ee hunda keenyaati jechuun himanii itoophiyaa Badhaate dhaloota itti aanu dhaalchisuuf dhaloota Barnootaan ijaaruun murteessaa ta'uu himaniiru.

Diiniin Yuuniversiitii Rifti Vaalii Kaampaasii Amboo obbo Geetahuun Gammachuu yuuniversitichi Marsaa 10ffaaf Barattoota Sadarkaa Digirii fi galantaan kuma 4 fi 168 eebbisee jiraachuu himaniiru.

pirezandaantii itti Aanaa Barnoota Fagoo Yuniversiitii Riftivaalii Dr.Sanbatoo Bushaa gama isaaniin Yuuniversiitichi Lammii Barate Addunyaa Dhaalchisuuf xiyyeeffannoon hojjechaa jiraachuu himanii Cabinsa qulqullina Barnootaa furuuf hojjechaa jirraa jedhan.

SABA GUDDAA WAAN TAANEEF MIIDIYAA GUDDAATU NUUF MALA!

📡 MIIDIYAA 📡

26/07/2025

Ulaagaan Galmee Sad. 2ffaa Ifoome.

BBO- Adoolessa 19/2017 Ulaagaa Simannaa Barattoota Kutaa 9ffaa Manneen Barnoota Bultii Addaafi Addaa Bara 2018 asii gaditti tarreeffameera.

- Qormaata Naannoo Kutaa 8ffaatiin qabxiin giddugaleessaa (Average) dhiiraaf 80%fi ol, Shamarraniif 77%fi ol kan qaban;
- Tiraaniskiriiptii kutaa 7ffaa fi 8ffaa giddugaleessaan dhiiraaf 85%fi ol, Shamarraniif 75%fi ol;
- Tiraaniskiriiptii gosa barnootaa Afaan Ingilizii fi Herregni qofaatti shallagamee kan kutaa 7ffaa fi 8ffaa giddugaleessaan dhiiraaf 75%fi ol, akkasumas Shamarraniif 70% fi isaa ol kanneen qaban.

-
- Qabxii G/Galeessaa Qormaata kutaa 8ffaa Dhi- 77%fi ol, Dub- 74%fi ol
- Tiraaniskiriiptii kutaa 7ffaa fi 8ffaa giddugaleessaan dhiiraaf 85%fi ol, Shamarraniif 75%fi isaa ol;
- Tiraaniskiriiptii gosa barnootaa Afaan Ingilizii fi Herregni qofaatti shallagamee kan kutaa 7ffaa fi 8ffaa giddugaleessaan dhiiraaf 75%fi ol, akkasumas Shamarraniif 70%fi ol kan qaban

-
- Qabxii G/Galeessaa Qormaata kutaa 8ffaa Dhi- 77% fi ol, Dub- 74%fi ol,
- Tiraaniskiriiptii kutaa 7ffaa fi 8ffaa giddugaleessaan dhiiraaf 85%fi ol, Shamarraniif 75%fi isaa ol;
- Tiraaniskiriiptii gosa barnootaa Afaan Ingilizii fi Herregni qofaatti shallagamee kan kutaa 7ffaa fi 8ffaa giddugaleessaan dhiiraaf 75%fi ol, akkasumas Shamarraniif 70% fi ol kan qaban.

waggaa 16 kan hin caalle

Geggeeffamu:
: Adoolessa 21 hanga 30/2017 ta' a
:
- Wajjira Barnoota Aanaaleefi Bul/Magaalotaa Oromiyaa hundaafi
- Waajjira Barnoota Kutaalee Magaalaa Shaggariifi Finfinnee keessatti yemmuu ta’u,
- Qormaanni barreeffamaan jiddugala 24 irratti kan kennamu ta’a.
Godinaaleefi Magaalotaaf keessaan kan beeksisnu ta'a.

- Hagayya 14/2017
- Waraqaa eenyummaa isaan ibsu qabachuun buufata qorma

ABDII SABAA

30/07/2025

30/07/2025

30/07/2025

30/07/2025

30/07/2025

29/07/2025

28/07/2025

27/07/2025

27/07/2025

27/07/2025

27/07/2025

26/07/2025

Address

Website

Alerts

Shortcuts

Share

Category