10/08/2026
Abbaa 🥺💔😭😭
Guyyaa har'aa eebba pirijectii Magaalaa Dambi Dolloo naannoo marfatarratti geggeeffamaa jira.Nuti hiriyyoonni waliin ‘Green area’ mul’atu kana keessa ta’aa turre.Gidduu kanaan Abbaan kun bakka kana keessa dhufanii ta’an.Haala isaanii yemmuu ilaallu beela’anii waan nyaatan barbaacha waan dhufan fakkaatu.Waraqaa barreeffama qabu mormatti rarraafatanii jiru.Dhufanii callisanii taa’an malee hin himatan 🥺
Gidduu kanaan mucaan Kaaffee sana keessaa hojjetu kan ani beeku Galataa jedhamu tokko nyaata qabatee dhufee kenneef.Nutis buna akkuma dhugaa jirtutti imimmaan ija keessaa nu guute nu keessaa kan danda'u obsee;kan obsuu dadhabe ammoo imimmaan fuulasaarra gadi lolaase.Erga nyaatanii booda kan hafe peestalatti godhatanii ka’an.Anis mucaa tokko kanuma kaaffee sana keessaa hojjetu gaafannaan,”yeroo mara asuma dhufu nutis nyaata kenninaaf nyaata irraa hafe kana ammoo mucaa dhukkubsattuu tokko manaa qabu isheedhaaf fuudhanii galu” naan jedhe!
Gidduu kanaan yaadi tokko naa dhufe.Abbee kana suuraa kaafnee maaf hin hojjennuuf jedhee hiriyoota kootti dubbannaan,hunduu yaada gaariidha jedhanii itti walii galan.Ammuma waan kiisii keessaa qabnu walitti bubufnee kennineefii jennaan imimmaan isaanii fuularra gadi roobsaa nu eebbisan! Jaarsi kun ofii isaaniillee dhukkuba waan qabaniif ka’anii suuta deemaa deeman.
Kottaa jaarsa kana gargaartee,rakkina itti hammaattee boquu isaanii gadi cabsite kana wal taanee irraa kaafna 🥺
Maddi ✍️. Obsichoo & lalisaa
