Bulchiinsa M. Dambi Dolloo

01/03/2025

01/03/2025

Istaadiyeemii Magaalaa Dambi Doollootti Dilbata boruu Taphni baniinsa Liigii 1ffaa Oromiyaa Ramaddii A Jahan Sayyoo fi Bishaan Top(B.M.Gaattiraa) gidduutti gaggeeffamuun eegala .

Liigiin 1ffaa Oromiyaa Ramaddiin A Dilbata boruu (23/06/2017) Magaalaa Dambi Doollootti kan eeegalu yoo ta'u , Taphni baniinsaa waaree booda sa'aa 8:00 Kilabii Kubbaa Miilaa Jahan Sayyoo fi Bishaan Top (Gaattiraa) gidduutti taphatamu ni eeegama .

Yeroo jalqabaaf Istaadiyeemii Dambi Doolloo kan wal argan kilaboonni lameen , Jahan Sayyoo Qeellam Wallaggaa bakka bu'uun , Bishaan Top ammoo Godina Jimmaa bakka bu'uun morkiin gaggeessan xiyyeeffannoo argateera .

B.M.Gaattiraa bara 2016 Magaalaa Adaamaatti dorgommii gaggeeffameen Sadarkaa 4ffaa qabaachuun Liigii 1ffaatti yoo guddatu , B.M.Jahan Sayyoo ammoo waggoota lamaan darbanii as Liigii 1ffaa keessatti morkii cimaa argisiisa jira .

17/02/2025

Hojiirra oolmaa murtoowwanii fi kallattiiwwan paartiin Badhaadhinaa yaa'ii isaa 2ffaatiin dabarseef xiyeeffannaa ol'aanaadhaan hojjetamaa akka jiru hogganaan waajjira Paartii Badhaadhinaa Damee Oromiyaa Obbo Kaffaaloo Tafarraa ibsan.

Paartiin Badhaadhinaa raawwatiinsa murtoowwan yaa'ii isaa tokkoffaatiin dsbarse gadi fageenyaan erga gamaaggameen booda, murtoowwan jajjaboo injifannoon roga hundaan galmaa'aa caalmaatti fulla'iinsaan mirkaneessuu danda'u dabarsuu isaa eeruun, raawwatiinsa murtoowwanii fi kallattiiwwan kanaatiin galmoota siyaasaa, dinagdee, hawaasummaa fi hariiroo alaa sagantaa Paartii Badhaadhinaatiin akeekaman dhugoomsuuf kan hojjetamu ta'uu Obbo kaffaaloon ibsa miidiyaaleef kennaniin hubachiisaniiru.

Bu'uura murtoo yaa'ii 2ffaatiin paartii cimaa ijaarsa mootummaa fi biyya cimaaf utubaa ta'e ijaaruuf xiyyeeffatamee kan hojjetamu ta'uu kan ibsan Obbo Kaffaaloon milkaa'iina kanaafis, qulqullinaa fi gahumsa hoggansaa foyyeessuurratti fuulleeffatmee akka hojjetamu ta'uu hubachiisan. Rakkoowwan qulqullina ilaalchaa fi raawwatiinsa hojimaataatiin walqabatee mul'atan bu'uurarraa hiikuufs sirni to'annaa fi inispeekshinii cimaan akka jiraatuuf ni hijjetama jedhan.

Ijaarsa seeneessa waloo fulla'insaan mirkaneessuun biyya maraamartoo waldhabdee keessaa baatee tokkummaan biyyaaleessaa ishii dhugoome ijaaruuf murtoo yaa'iin lammaaffaa Paartii Badhaadhinaa dabarse milkeessuufis ciminaan kan hojjetamu ta'uus ibsaniiru. Dhugoomina murtoo kanaafis, marii hawaasa bala'aa, hayyoota fi hawaasa naannolee ollaa waliin walitti fufiinsaan taasifamuun ijaarsa seeneessa walootiin tokkummaa biyyaa fi ummata keenyaa cimsuurratti walhubannaan uumamaa akka deemu beeksisan.

Nageenya eeyyentaawaa bu'aa qabeessa ta'e mirkaneessuudhaafis, waldhabdee garaagarummaa ejjennoo siyaasaarraa maddu, karaa nagaa fi ilaaf ilaameetiin qofa furuun adeeffatame akka itti fufu taasisuuf kan hojjetamu ta'uu Obbo Kaffaaloon ibsa kennaniin mirkaneessaniiru. Kun akka eegametti ta'ee, Nageen

15/02/2025

Riifoormii baajataa guddina dinagdee biyyaaf!
==
Mootummaan Naannoo Oromiyaa karoora imala badhaadhinaa qabame milkeessuuf riifoormiiwwan adda addaa taasisaa jiruun bu'aawwan abdachisoon qabataamaatti mul'achaa jiru.

Haaluma kanaan Naannoon Oromiyaa maloota qophii baajataa keessaa mala qophii baajata galtee irratti hundaa'e fayyadamaa kan turte yoo ta'u, qophii baajataa kana irrattis riifoormii gochuudhaan guddina hawaas- dinagdeefi fedhii misoomaa bal'aa jiru milkeessuuf mala qophii baajataa sagantaa irratti hunda'eetti ceetee jirti.

Guyyaa har'aas qophiin baajata sagantaa irratti hundaa'e kunis bakka Hooggantoonnifi Daarekteroonni karooraafi baajataa Naannichaa argamanitti sadarkaa Naannoo Oromiyaatti Bulchiinsa magaalaa Bishooftuutti ifatti eegalee jira.

Itti Gaafatamaan Waajjira Pirezidaantii Mootummaa Naannoo Oromiyaa Dr. Abdulaziiz Daawud guddina hawaas-dinagdeefi fedhii misoomaa jiru milkeessuuf riifoormiin sagantaa baajataa irratti geggeeffame kun qooda olaanaa qaba jedhan.

Hoogansi hojmaata baajata sagantaa irratti hundaa'e kana hojiirra oolchuun bu'aa qabatamaa argamsiisuuf hojjechuu akka qaban hubachiisaniiru.

Hoogganaan Biiroo Maallaqaa Oromiyaa Obbo Tolosaa Gaddafaa qophiin baajataa sagantaa irratti hundaa'e hojii bu'aa qabatamaa qofaan madaaluuf kan fayyadu ta'uu himanii, haaluma kanaan dinagdee biyyaa tarkaanfachiisuu keessatti bu'aa olaanaa kan qabuudha jedhan.

Milkaa'ina hojii kanaatiif sektaraaleen sagantaa isaaniifi bu'aa sagantaa isaani sirriitti adda baasuun xiyyeeffannoon irratti hojjechuu akka qaban dhaamaniiru.

24/11/2024

29/07/2024

Sirna sharafa alaa gabaan murtaa’utti ce’uun faayidaa diinagdee argamsiisu:-

• Fooyya’iinisii sharafa alaa taasiifame, lammiilee Itiyoophiyaa dameewwan galii argamsiisaan adda addaarratti bobba’an hedduu ni fayyada

• Galiin Sharafa alaa biyyattii karaa sirriin gara biyya keessaa galuun faayidaa jiraattootaa fi damee oomishaaf ooluu isaa ni mirkaneessa

• Indaastiriiwwan Oomishaalee alaa galan biyya keessatti oomishaman ni jajjabeessa, hojiin oomishaa akka babal’atanii fi qoodni gabaa keessatti qaban akka gudditu gargaara.

• Damee Dhuunfaa guddisuu fi Diinagdee Itiyoophiyaa ammayyeessuu akkasumas diinagdee Itiyoophiyaa abbootii qabeenyaa alaaf banaa taasiisuuf fooyya’iinsa godhame kan tumsuu fi cimsuudha.

• Fooyya’iinsichi, Invastaroota alaa hawwachuun, invastimantii kallattii guddisuu, sirni daldalaa biyyoota ollaa waliin akka walsimatu taasiisuuf gumaacha olaanaa qaba.

• Sosochii diinagdee seeraan alaa fi hojmaata daldalaa idileen alaa diinagdee keessa turan hambisuuf gargaara jedhame.