07/10/2025
Oduu Gammachiisaa!❤️
Guyyaa har'aa Abbaan Qabeenyaa Oromoo Sooreeysa Yadeta Juneydi baranaas akka biyyaatti gibira hanga isarraa eeggamuu ol kafaluun sadarkaa 1ffaa qabachuun Aantummaa fi jaalala biyya isaaf qabu agarsiisuun badhaasa 2 Platinum fi Special Top Award je'u Muummicha Ministeera Itoophiyaa Dr.Abiyyii Ahamad harkaa fudhatee jira. Waan nama gammachiisu Badhaasa baranaa isa bara dabreerraa wanti adda godhu Sooreeysi keenya Yaadataan Abbootii qabeenyaa gibira kafalan keeysaa Badhaasa Addaa (Special Award) jedhu addaatti namni muummee ministeeraa harkaa fudhate isa qofa tahuu isaati.
Obbo Yaadataa Juneeydii Dureeysi lammii isaa gargaaruun beekkamuu qabeenya horatee Dhaabbilee gurguddaa biyyi kun qabdu kuma 36 keeysaa National Cemento caalaa gibira kaffaluun Abbootii qabeenyaa biyya kanaa keeysaa sadarkaa 1ffaan akka biyyaatti Gibira kafaluun badhaafamuu caalaa wanti nama gammachiisaa hin jiru. Namni kun nama qabeenya isaan saba isaa gargaaruun "Abbaa hiyyeessaa" jechuun beekkamuudha. Dhiheenya kana Ummata keenya garee shiftaa Faannootiin qe'eerraa buqqaafamanii beelaan rakkoo hamtuu keessa jiraniif qarshii miiliyoona kudhan deeggarsa taasisuun isaa ni yaadatama.
Abbootiin qabeenyaa utubaa biyyaati. Gibira isaan kafalaniin biyyi jiraatti, hegereen lammiilee taraaramti. Akkasuma warri gibira dhoksan jiru. Kanaaf Abbootii qabeenyaa gibira isaan irraa eeggamu seeraan kafalan galateeffachuun Aadaadhaasi, sirnaasi. Abbootiin qabeenyaa biraatiis fakkeenya kana fudhachuun gibira isaan irraa eeggamu seeraan akka kafalan dhaamna. Saba kanaafiis tahee biyya tanaaf abbootii qabeenyaa akka Yadeta Juneydi kumaa fi kitilaatu barbaachisa. Umrii nuuf haa dheeratu jenna.
Gamanumaanuu baga gammadde nuuf jedhaan!❤️
