10/05/2026
💧"qabxiiwwan ijoo 11 iimaana dabalanii fi jireenya jijjiiruu dandahan .............
🍀• Qabxii 1ffaa: Ikhilaasa
Toliinsi hojii baay’ina isiitiini miti… ikhlaasa niyyaa dalagaa san keessa jiruutu laalama.
وَمَا أُمِرُوا إِلَّا لِيَعْبُدُوا اللَّهَ مُخْلِصِينَ لَهُ الدِّينَ
“Waan biraatti hin ajajamne, Rabbii isaanii qulqulleessanii akka gabbaraniif malee”
🍀• Qabxii 2ffaa: Dhugaa dubbachuu.
Dhugaa dubbachuun… addunyaa fi aakirattis karaa ittiin milkaawaniidha.
يَا أَيُّهَا الَّذِينَ آمَنُوا اتَّقُوا اللَّهَ وَكُونُوا مَعَ الصَّادِقِينَ
“Yaa warra amantan! Rabbii keessan sodaadhaa, warra dhugaa dubbatan waliinis ta’aa”
🍀• Qabxii 3ffaa: Obsa
Obsi danda’uu qofa miti… gammachuu wajjiin qadara Rabbi irraa sitti dhufe fudhachuudha.
إِنَّ اللَّهَ مَعَ الصَّابِرِينَ
“Dhugumatti, Allaahn warra obsan waliin jira”
🍀• Qabxii 4ffaa: Tawakkula (Rabbi Irratti hirkachuu)
Sababa gahuu danda’u hunda godhi… qalbii teetiin immoo Rabbi irratti irkadhu.
وَمَن يَتَوَكَّلْ عَلَى اللَّهِ فَهُوَ حَسْبُهُ ۚ
“Nama Rabbitti hirkate (irratti amanate), Inni isaaf gahaadha”
🍀• Qabxii 5ffaa: Galata Rabbiif galchuu.
Galata Rabbiif galchuun qananii Rabbiiti siif tursiisa… ni dabalaas.
لَئِن شَكَرْتُمْ لَأَزِيدَنَّكُمْ ۖ
“Yoo galateeffattan, Dhugumatti isiniifin dabala”
🍀• Qabxii 6ffaa:Qaanfii qabaachuu (Saalfannaa)
Qaanfiin faaya iimaanaati… madaala amalaati.
لَّا يُحِبُّ اللَّهُ الْجَهْرَ بِالسُّوءِ مِنَ الْقَوْلِ
“Dhugumatti,Rabbiin jecha hamtuu ol kaasuun dubbachuu hin jaallatu.”
🍀• Qabxii 7ffaa: irra namaaf dabruu (Namaaf dhiisuu)
Namaaf dhiisuun jabina malee laafina miti.
وَالْكَاظِمِينَ الْغَيْظَ وَالْعَافِينَ عَنِ النَّاسِ
“Warra aarii isaanii liqimsan fi warra namootaaf dhiifama godhan”
🍀• Qabxii 8ffaa: Gad-of-qabuu (Tawaadu’a)
Hammuma Rabbif jettee gadi of qabdu… Inni namoota biratti si ol kaasa.
وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا
“Gabroonni Rahmaan warra lafa irra suuta (tasgabbii) deemanidha”
🍀• Qabxii 9ffaa: Muraaqabaa (Rabbi ofirratti eeguu)
Haala hunda keessatti Rabbiin si arguun isaa sitti haa dhaga’amu.
﴿ أَلَمْ يَعْلَم بِأَنَّ اللَّهَ يَرَىٰ﴾
“Inni (namni sun) Rabbiin akka argu hin beeknee?”
🍀• Qabxii 10ffaa: Ihsaana ( gaarii hojjachuu)
Akka waan isa argituutti Rabbii kee gabbari… yoo ati Isa arguu baatte, Inni si argaa jiraa beeki.
إِنَّ اللَّهَ يُحِبُّ الْمُحْسِنِينَ
“Dhugumatti, Allaahn warra toltuu hojjatan ni jaallata”
🍀• Qabxii 11ffaa: Rabbitti yaada gaarii qabaachuu
Balaan kamiyyuu yoo sitti jabaate abdii hin kutatin… Rabbiin kee lubbuu tee caalaa rahmata siif godha.
وَرَحْمَتِي وَسِعَتْ كُلَّ شَيْءٍ
“Rahmanni kiyya waan hunda wal ga’e (bal’ate)”
Yaa Allaah! Onnee keenya iimaanaan nuuf faayi,
🤲 Aamiin Allahu Aamiin
/
💚Jaaloowwan keenya Page kanaratti
💧💧💧💧💧💧💧💧💧💧💧💧💧💧
🍀Dhaamsa Gaarii barnoota barbaachisoo
Soora qalbiif Qaamaa
🍀karaa salphaa taheen Qindeessinee Isiniif dhiyeessuuf Jalqabneeti Jirra ....
🫰 Follow tolchaa Asumaan Hordofaa 💚🙏
👇👇👇👇
✍️ Daily Islamic reminders
