02/05/2025
Mee har'a gadi fageenyaanan onnee koo irraa dubbachuu barbaade. Waadaa Yadata Juneeydii "Ani sitti qabadheen jira siin yaala" jedhu yeroon dhagahu imimmaan Qabachuun dadhabe. Hafuurri qabsoo jaarraa hedduuf ummata keenya akka itti fufan taasisees kanaa dha! Kun hundee gumaa (ittigaafatamummaa waloo) dhiiga keenya keessa yaa'uudha!
Yaadataa Juneydii Oromoo ta'uun maal jechuu akka ta'e hunda keenya nu yaadachiifteetta. Dubbiin kee waadaa qofa miti dhaadannoo qulqulluu kakuu abbootii keenyaa kan dhageessisudha. Nuti Duraanuu Tokkoon keenya yommuu gufatu harki kumni tokko isa ol kaasuuf harka isaa diriirsaaf. Karaan keenya kanuma. Kun Waan Nu boonsaati.
Garuu saba keenya, of Waan Kana of gaafachuu qabna:
Ifa Aadaa keenyaatiif gahee Guddaa kanneen taphatan keessaa tokko kan ta’e Artist Kadir Martuu Akkamitti sa'aatii dukkanaa'aa isaa kana keessatti gargaarsa kadhachuu irra geenye? Firiin tokkummaa keenyaa eessa jira?
Kana kanan jedhu qaaniidhaaf osoo hin taane, akka dammaqnuufi!
Dallaan hospitaalaa har'a Kadiir daangessu kun dallaa borus yoo arra callifne kabaja waloo keenya daangessudha. Qaamni isaa kan amma laafaa jiru ulfaatina yaadannoo aadaa keenyaa kan baatu dha sirbi inni sirbe hundis jechu, walaloon inni qara'u hundi, waltajjiin inni elektirikiif godhe hundi xalayaa jaalalaa Oromummaa qofaaf ture.
Kanaaf amma akka kadhatatti osoo hin taane akka akeekkachiisaattiin isin waama;
Qeerroon: Isa Harka ol kaasu ta'i
Jaarsoliin: Ogummaadhaan kadhaadhaan isaannan nama qajeelchu ta'aa
Artistoonni: Sagalee nama guddisu ta'aa wal kakaasaa
Abbootiin qabeenyaa: Waan qabdaniin akka bira dhaabbattan ta’aa
Hatattamaan haa gurmeessinu:
1. Deeggarsa Kadiir (ogeeyyii fayyaa, jaarsolii, artistoota) Mana Maree Gadaa ijaaraa .
2. Fandii balaa tasaa iftoomina qabu kan guyyaa guyyaan odeeffannoo haaraa qabu banaa
3. Miidiyaan Oromoo hundi -Finfinnee irraa kaasee hanga Minnesota sochoo'uu qabu.
