31/05/2026
Harargee (baha oromiyaa)
Daandii Finfinnee fi baha wal qunamsiisu irratti ummata maaltu mudataa jira?
Umanni mirga sochii bilisaa heera biyyoolessaatiin kennameef maaliif dhaba?
Mootummaan dirqama nagaya lammiillee biyyaa tiksuuf qabu, rakkoo karaa biyya qaxxamuru irratti lubbuu fi qabeenya ummataa balleessaa jiru kanaaf furmaata maal godhaa jira?
fi qabeenya ummataatiin taphachuun kun yoom hafa?
Yakka lubbuu fi qabeenya ummataa irratti raawwatamaa jiru kanaaf eenyu itti gaafatama?
Qaamni kan rawwataa jiru hoo akeekni isaa maali?
Daandii guddaa Itiyoophiyaa fi Jibuutii walqunnamsiisu, kan guddina biyyattii keessatti shoora guddaa tabachaa jirurratti gadheen guyyaa saafaa lubbuu lammiilee galaafachaa jirti, osoo kana arginuus callisuun fafa seenaa fi dhalootaati.
Daldalli habaabsamee ykn ugguramee namni konkolaataa fe'umsaa, Daddeebisa ummataa, Mootummaa, dhunfaa fi Ambulaansiin deemu karatti qabamee gariin ajjeefamaa gariin achi buuteen dhabamaa jira, kan hafees maallaqa guddaa gaafatamanii kaffalaniis ajjeefamaa jiru.
Rakkooleen gama baha biyyattiitti uumamaa jiru kun irra daddeebi'amee itti yaadamee, garee shiftootaan, karoorfamee namoota caasaa cimaa qabaniin kan adeemsifamu fakkaata. Eenyu faa akka tahe tilmaamuun hin ulfaatu. Lubbuu qulqulloota meeqaa achitti bade. Qabeenyi ummata meeqaa achitti saamamee kaanis gubate.
namoonni hedduun makinaa keessaa buufamanii naannawa machaaraa fi adaamaa jidduu achi buuteen akka dhabame himamaa jira.
Ummata nagayaan boba'u irratti tarkaafii akkasii yennaa fudhatamu egereen ummata kanaa maal ta'a laata?
Warra lubbuun darbe rabbiin jannata haa kennuuf
Maatii fi firoottan isaaniif jajjabina hawwina!
!
mootummaan nagayaa fi tasgabbii lammiilee fi biyyaatti eeguuf aangoo fi dirqama heerri mootummaa itti kenne qaba. mootummaan Naannoo Oromiyaa fi qaamni dhimmi kun ilaalu marti dhimma kanaaf deebisaa Hatattamaa kennuu qabu.
Nagayaan kan lammiilee hundaafi biyya haa ta'u!!!
No more killing innocent people!!
